Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀದೇವ್ಯುವಾಚ |
ಪುರಾ ಪ್ರತಿಶ್ರುತಂ ದೇವ ಕ್ರೀಡಾಸಕ್ತೋ ಯದಾ ಭವಾನ್ |
ನಾಮ್ನಾಂ ಶತಂ ಮಹಾಕಾಳ್ಯಾಃ ಕಥಯಸ್ವ ಮಯಿ ಪ್ರಭೋ || ೧ ||
ಶ್ರೀಭೈರವ ಉವಾಚ |
ಸಾಧು ಪೃಷ್ಟಂ ಮಹಾದೇವಿ ಅಕಥ್ಯಂ ಕಥಯಾಮಿ ತೇ |
ನ ಪ್ರಕಾಶ್ಯಂ ವರಾರೋಹೇ ಸ್ವಯೋನಿರಿವ ಸುಂದರಿ || ೨ ||
ಪ್ರಾಣಾಧಿಕಪ್ರಿಯತರಾ ಭವತೀ ಮಮ ಮೋಹಿನೀ |
ಕ್ಷಣಮಾತ್ರಂ ನ ಜೀವಾಮಿ ತ್ವಾಂ ವಿನಾ ಪರಮೇಶ್ವರಿ || ೩ ||
ಯಥಾದರ್ಶೇಽಮಲೇ ಬಿಂಬಂ ಘೃತಂ ದಧ್ಯಾದಿಸಂಯುತಮ್ |
ತಥಾಹಂ ಜಗತಾಮಾದ್ಯೇ ತ್ವಯಿ ಸರ್ವತ್ರ ಗೋಚರಃ || ೪ ||
ಶೃಣು ದೇವಿ ಪ್ರವಕ್ಷ್ಯಾಮಿ ಜಪಾತ್ ಸಾರ್ವಜ್ಞದಾಯಕಮ್ |
ಸದಾಶಿವ ಋಷಿಃ ಪ್ರೋಕ್ತೋಽನುಷ್ಟುಪ್ ಛಂದಶ್ಚ ಈರಿತಃ || ೫ ||
ದೇವತಾ ಭೈರವೋ ದೇವಿ ಪುರುಷಾರ್ಥಚತುಷ್ಟಯೇ |
ವಿನಿಯೋಗಃ ಪ್ರಯೋಕ್ತವ್ಯಃ ಸರ್ವಕರ್ಮಫಲಪ್ರದಃ || ೬ ||
ಅಥ ಸ್ತೋತ್ರಮ್ |
ಮಹಾಕಾಳೀ ಜಗದ್ಧಾತ್ರೀ ಜಗನ್ಮಾತಾ ಜಗನ್ಮಯೀ |
ಜಗದಂಬಾ ಜಗತ್ಸಾರಾ ಜಗದಾನಂದಕಾರಿಣೀ || ೭ ||
ಜಗದ್ವಿಧ್ವಂಸಿನೀ ಗೌರೀ ದುಃಖದಾರಿದ್ರ್ಯನಾಶಿನೀ |
ಭೈರವಭಾವಿನೀ ಭಾವಾನಂತಾ ಸಾರಸ್ವತಪ್ರದಾ || ೮ ||
ಚತುರ್ವರ್ಗಪ್ರದಾ ಸಾಧ್ವೀ ಸರ್ವಮಂಗಳಮಂಗಳಾ |
ಭದ್ರಕಾಳೀ ವಿಶಾಲಾಕ್ಷೀ ಕಾಮದಾತ್ರೀ ಕಳಾತ್ಮಿಕಾ || ೯ ||
ನೀಲವಾಣೀ ಮಹಾಗೌರಸರ್ವಾಂಗಾ ಸುಂದರೀ ಪರಾ |
ಸರ್ವಸಂಪತ್ಪ್ರದಾ ಭೀಮನಾದಿನೀ ವರವರ್ಣಿನೀ || ೧೦ ||
ವರಾರೋಹಾ ಶಿವಾರೋಹಾ ಮಹಿಷಾಸುರಘಾತಿನೀ |
ಶಿವಪೂಜ್ಯಾ ಶಿವಪ್ರೀತಾ ದಾನವೇಂದ್ರಪ್ರಪೂಜಿತಾ || ೧೧ ||
ಸರ್ವವಿದ್ಯಾಮಯೀ ಶರ್ವಸರ್ವಾಭೀಷ್ಟಫಲಪ್ರದಾ |
ಕೋಮಲಾಂಗೀ ವಿಧಾತ್ರೀ ಚ ವಿಧಾತೃವರದಾಯಿನೀ || ೧೨ ||
ಪೂರ್ಣೇಂದುವದನಾ ನೀಲಮೇಘವರ್ಣಾ ಕಪಾಲಿನೀ |
ಕುರುಕುಲ್ಲಾ ವಿಪ್ರಚಿತ್ತಾ ಕಾಂತಚಿತ್ತಾ ಮದೋನ್ಮದಾ || ೧೩ ||
ಮತ್ತಾಂಗೀ ಮದನಪ್ರೀತಾ ಮದಾಘೂರ್ಣಿತಲೋಚನಾ |
ಮದೋತ್ತೀರ್ಣಾ ಖರ್ಪರಾಽಸಿನರಮುಂಡವಿಲಾಸಿನೀ || ೧೪ ||
ನರಮುಂಡಸ್ರಜಾ ದೇವೀ ಖಡ್ಗಹಸ್ತಾ ಭಯಾನಕಾ |
ಅಟ್ಟಹಾಸಯುತಾ ಪದ್ಮಾ ಪದ್ಮರಾಗೋಪಶೋಭಿತಾ || ೧೫ ||
ವರಾಽಭಯಪ್ರದಾ ಕಾಳೀ ಕಾಲರಾತ್ರಿಸ್ವರೂಪಿಣೀ |
ಸ್ವಧಾ ಸ್ವಾಹಾ ವಷಟ್ಕಾರಾ ಶರದಿಂದುಸಮಪ್ರಭಾ || ೧೬ ||
ಶರತ್ಜ್ಯೋತ್ಸ್ನಾ ಚ ಸಂಹ್ಲಾದಾ ವಿಪರೀತರತಾತುರಾ |
ಮುಕ್ತಕೇಶೀ ಛಿನ್ನಜಟಾ ಜಟಾಜೂಟವಿಲಾಸಿನೀ || ೧೭ ||
ಸರ್ಪರಾಜಯುತಾ ಭೀಮಾ ಸರ್ಪರಾಜೋಪರಿಸ್ಥಿತಾ |
ಶ್ಮಶಾನಸ್ಥಾ ಮಹಾನಂದಿಸ್ತುತಾ ಸಂದೀಪ್ತಲೋಚನಾ || ೧೮ ||
ಶವಾಸನರತಾ ನಂದಾ ಸಿದ್ಧಚಾರಣಸೇವಿತಾ |
ಬಲಿದಾನಪ್ರಿಯಾ ಗರ್ಭಾ ಭೂರ್ಭುವಃಸ್ವಃಸ್ವರೂಪಿಣೀ || ೧೯ ||
ಗಾಯತ್ರೀ ಚೈವ ಸಾವಿತ್ರೀ ಮಹಾನೀಲಸರಸ್ವತೀ |
ಲಕ್ಷ್ಮೀರ್ಲಕ್ಷಣಸಂಯುಕ್ತಾ ಸರ್ವಲಕ್ಷಣಲಕ್ಷಿತಾ || ೨೦ ||
ವ್ಯಾಘ್ರಚರ್ಮಾವೃತಾ ಮೇಧ್ಯಾ ತ್ರಿವಲೀವಲಯಾಂಚಿತಾ |
ಗಂಧರ್ವೈಃ ಸಂಸ್ತುತಾ ಸಾ ಹಿ ತಥಾ ಚೇಂದಾ ಮಹಾಪರಾ || ೨೧ ||
ಪವಿತ್ರಾ ಪರಮಾ ಮಾಯಾ ಮಹಾಮಾಯಾ ಮಹೋದಯಾ |
ಇತಿ ತೇ ಕಥಿತಂ ದಿವ್ಯಂ ಶತಂ ನಾಮ್ನಾಂ ಮಹೇಶ್ವರಿ || ೨೨ ||
ಯಃ ಪಠೇತ್ ಪ್ರಾತರುತ್ಥಾಯ ಸ ತು ವಿದ್ಯಾನಿಧಿರ್ಭವೇತ್ |
ಇಹ ಲೋಕೇ ಸುಖಂ ಭುಕ್ತ್ವಾ ದೇವೀಸಾಯುಜ್ಯಮಾಪ್ನುಯಾತ್ || ೨೩ ||
ತಸ್ಯ ವಶ್ಯಾ ಭವಂತ್ಯೇತೇ ಸಿದ್ಧೌಘಾಃ ಸಚರಾಚರಾಃ |
ಖೇಚರಾ ಭೂಚರಾಶ್ಚೈವ ತಥಾ ಸ್ವರ್ಗಚರಾಶ್ಚ ಯೇ || ೨೪ ||
ತೇ ಸರ್ವೇ ವಶಮಾಯಾಂತಿ ಸಾಧಕಸ್ಯ ಹಿ ನಾನ್ಯಥಾ |
ನಾಮ್ನಾಂ ವರಂ ಮಹೇಶಾನಿ ಪರಿತ್ಯಜ್ಯ ಸಹಸ್ರಕಮ್ || ೨೫ ||
ಪಠಿತವ್ಯಂ ಶತಂ ದೇವಿ ಚತುರ್ವರ್ಗಫಲಪ್ರದಮ್ |
ಅಜ್ಞಾತ್ವಾ ಪರಮೇಶಾನಿ ನಾಮ್ನಾಂ ಶತಂ ಮಹೇಶ್ವರಿ || ೨೬ ||
ಭಜತೇ ಯೋ ಮಹಕಾಳೀಂ ಸಿದ್ಧಿರ್ನಾಸ್ತಿ ಕಲೌ ಯುಗೇ |
ಪ್ರಪಠೇತ್ ಪ್ರಯತೋ ಭಕ್ತ್ಯಾ ತಸ್ಯ ಪುಣ್ಯಫಲಂ ಶೃಣು || ೨೭ ||
ಲಕ್ಷವರ್ಷಸಹಸ್ರಸ್ಯ ಕಾಳೀಪೂಜಾಫಲಂ ಭವೇತ್ |
ಬಹುನಾ ಕಿಮಿಹೋಕ್ತೇನ ವಾಂಛಿತಾರ್ಥೀ ಭವಿಷ್ಯತಿ || ೨೮ ||
ಇತಿ ಶ್ರೀಬೃಹನ್ನೀಲತಂತ್ರೇ ತ್ರಯೋವಿಂಶಃ ಪಟಲೇ ಭೈರವಪಾರ್ವತೀಸಂವಾದೇ ಶ್ರೀ ಮಹಾಕಾಳೀ ಶತನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
