Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಶಾತ್ಮಭೂಮುಖ್ಯಸುರಾರ್ಚಿತಾಂಘ್ರಿಂ
ಶ್ರೀಕಂಠಶರ್ವಾದಿಪದಾಭಿಧೇಯಮ್ |
ಶ್ರೀಶಂಕರಾಚಾರ್ಯಹೃದಬ್ಜವಾಸಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೧
ಚಂಡಾಂಶುಶೀತಾಂಶುಕೃಶಾನುನೇತ್ರಂ
ಚಂಡೀಶಮುಖ್ಯಪ್ರಮಥೇಡ್ಯಪಾದಮ್ |
ಷಡಾಸ್ಯನಾಗಾಸ್ಯಸುಶೋಭಿಪಾರ್ಶ್ವಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೨
ದ್ರವ್ಯಾದಿಸೃಷ್ಟಿಸ್ಥಿತಿನಾಶಹೇತುಂ
ರವ್ಯಾದಿತೇಜಾಂಸ್ಯಪಿ ಭಾಸಯಂತಮ್ |
ಪವ್ಯಾಯುಧಾದಿಸ್ತುತವೈಭವಂ ತಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೩
ಮೌಲಿಸ್ಫುರಜ್ಜಹ್ನುಸುತಾಸಿತಾಂಶುಂ
ವ್ಯಾಲೇಶಸಂವೇಷ್ಟಿತಪಾಣಿಪಾದಮ್ |
ಶೂಲಾದಿನಾನಾಯುಧಶೋಭಮಾನಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೪
ಲೀಲಾವಿನಿರ್ಧೂತಕೃತಾಂತದರ್ಪಂ
ಶೈಲಾತ್ಮಜಾಸಂಶ್ರಿತವಾಮಭಾಗಮ್ |
ಶೂಲಾಗ್ರನಿರ್ಭಿನ್ನಸುರಾರಿಸಂಘಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೫
ಶತೈಃ ಶ್ರುತೀನಾಂ ಪರಿಗೀಯಮಾನಂ
ಯತೈರ್ಮುನೀಂದ್ರೈಃ ಪರಿಸೇವ್ಯಮಾನಮ್ |
ನತೈಃ ಸುರೇಂದ್ರೈರಭಿಪೂಜ್ಯಮಾನಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೬
ಮತ್ತೇಭಕೃತ್ಯಾ ಪರಿಶೋಭಿತಾಂಗಂ
ಚಿತ್ತೇ ಯತೀನಾಂ ಸತತಂ ವಸಂತಮ್ |
ವಿತ್ತೇಶಮುಖ್ಯೈಃ ಪರಿವೇಷ್ಟಿತಂ ತಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೭
ಹಂಸೋತ್ತಮೈಶ್ಚೇತಸಿ ಚಿಂತ್ಯಮಾನಂ
ಸಂಸಾರಪಾಥೋನಿಧಿಕರ್ಣಧಾರಮ್ |
ತಂ ಸಾಮಗಾನಪ್ರಿಯಮಷ್ಟಮೂರ್ತಿಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೮
ನತಾಘಹಂ ನಿತ್ಯಚಿದೇಕರೂಪಂ
ಸತಾಂ ಗತಿಂ ಸತ್ಯಸುಖಸ್ವರೂಪಮ್ |
ಹತಾಂಧಕಂ ಹೃದ್ಯಪರಾಕ್ರಮಂ ತಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೯
ಮಾಯಾತಿಗಂ ವೀತಭಯಂ ವಿನಿದ್ರಂ
ಮೋಹಾಂತಕಂ ಮೃತ್ಯುಹರಂ ಮಹೇಶಮ್ |
ಫಾಲಾನಲಂ ನೀಲಗಲಂ ಕೃಪಾಲುಂ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೧೦
ಮಿತ್ರಂ ಹಿ ಯಸ್ಯಾಖಿಲಶೇವಧೀಶಃ
ಪುತ್ರಶ್ಚ ವಿಘ್ನೌಘವಿಭೇದದಕ್ಷಃ |
ಪಾತ್ರಂ ಕೃಪಾಯಾಶ್ಚ ಸಮಸ್ತಲೋಕಃ
ಶ್ರೀಚಂದ್ರಮೌಲೀಶಮಹಂ ನಮಾಮಿ || ೧೧
ಇತಿ ಶ್ರೀ ಚಂದ್ರಮೌಳೀಶ್ವರ ವರ್ಣಮಾಲಾ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
