Read in తెలుగు / ಕನ್ನಡ / தமிழ் / देवनागरी / English (IAST)
śrīśātmabhūmukhyasurārcitāṅghriṁ
śrīkaṇṭhaśarvādipadābhidhēyam |
śrīśaṅkarācāryahr̥dabjavāsaṁ
śrīcandramaulīśamahaṁ namāmi || 1
caṇḍāṁśuśītāṁśukr̥śānunētraṁ
caṇḍīśamukhyapramathēḍyapādam |
ṣaḍāsyanāgāsyasuśōbhipārśvaṁ
śrīcandramaulīśamahaṁ namāmi || 2
dravyādisr̥ṣṭisthitināśahētuṁ
ravyāditējāṁsyapi bhāsayantam |
pavyāyudhādistutavaibhavaṁ taṁ
śrīcandramaulīśamahaṁ namāmi || 3
maulisphurajjahnusutāsitāṁśuṁ
vyālēśasaṁvēṣṭitapāṇipādam |
śūlādinānāyudhaśōbhamānaṁ
śrīcandramaulīśamahaṁ namāmi || 4
līlāvinirdhūtakr̥tāntadarpaṁ
śailātmajāsaṁśritavāmabhāgam |
śūlāgranirbhinnasurārisaṅghaṁ
śrīcandramaulīśamahaṁ namāmi || 5
śataiḥ śrutīnāṁ parigīyamānaṁ
yatairmunīndraiḥ parisēvyamānam |
nataiḥ surēndrairabhipūjyamānaṁ
śrīcandramaulīśamahaṁ namāmi || 6
mattēbhakr̥tyā pariśōbhitāṅgaṁ
cittē yatīnāṁ satataṁ vasantam |
vittēśamukhyaiḥ parivēṣṭitaṁ taṁ
śrīcandramaulīśamahaṁ namāmi || 7
haṁsōttamaiścētasi cintyamānaṁ
saṁsārapāthōnidhikarṇadhāram |
taṁ sāmagānapriyamaṣṭamūrtiṁ
śrīcandramaulīśamahaṁ namāmi || 8
natāghahaṁ nityacidēkarūpaṁ
satāṁ gatiṁ satyasukhasvarūpam |
hatāndhakaṁ hr̥dyaparākramaṁ taṁ
śrīcandramaulīśamahaṁ namāmi || 9
māyātigaṁ vītabhayaṁ vinidraṁ
mōhāntakaṁ mr̥tyuharaṁ mahēśam |
phālānalaṁ nīlagalaṁ kr̥pāluṁ
śrīcandramaulīśamahaṁ namāmi || 10
mitraṁ hi yasyākhilaśēvadhīśaḥ
putraśca vighnaughavibhēdadakṣaḥ |
pātraṁ kr̥pāyāśca samastalōkaḥ
śrīcandramaulīśamahaṁ namāmi || 11
iti śrī candramaulīśvara varṇamālā stōtram ||
See more śrī śiva stotras for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
