Read in తెలుగు / ಕನ್ನಡ / தமிழ் / देवनागरी / English (IAST)
ಕೈಲಾಸಾಚಲಮಧ್ಯಗಂ ಪುರಹರಂ ಶಾಂತಂ ತ್ರಿನೇತ್ರಂ ಶಿವಂ
ವಾಮಸ್ಥಾ ಗಿರಿಜಾ ಪ್ರಣಮ್ಯ ಕವಚಂ ಭೂತಿಪ್ರದಂ ಪೃಚ್ಛತಿ |
ದೇವೀ ಶ್ರೀಬಗಳಾಮುಖೀ ರಿಪುಕುಲಾರಣ್ಯಾಗ್ನಿರೂಪಾ ಚ ಯಾ
ತಸ್ಯಾಃ ಶಾಪವಿಮುಕ್ತ ಮಂತ್ರಸಹಿತಂ ಪ್ರೀತ್ಯಾಽಧುನಾ ಬ್ರೂಹಿ ಮಾಮ್ || ೧ ||
ಶ್ರೀಶಂಕರ ಉವಾಚ |
ದೇವೀ ಶ್ರೀಭವವಲ್ಲಭೇ ಶೃಣು ಮಹಾಮಂತ್ರಂ ವಿಭೂತಿಪ್ರದಂ
ದೇವ್ಯಾ ವರ್ಮಯುತಂ ಸಮಸ್ತಸುಖದಂ ಸಾಮ್ರಾಜ್ಯದಂ ಮುಕ್ತಿದಮ್ |
ತಾರಂ ರುದ್ರವಧೂ ವಿರಿಂಚಿಮಹಿಲಾ ವಿಷ್ಣುಪ್ರಿಯಾ ಕಾಮಯುಕ್
ಕಾಂತೇ ಶ್ರೀಬಗಳಾನನೇ ಮಮ ರಿಪೂನ್ ನಾಶಾಯ ಯುಗ್ಮಂ ತ್ವಿತಿ || ೨ ||
ಐಶ್ವರ್ಯಾಣಿ ಪದಂ ಚ ದೇಹಿ ಯುಗಳಂ ಶೀಘ್ರಂ ಮನೋವಾಂಛಿತಂ
ಕಾರ್ಯಂ ಸಾಧಯ ಯುಗ್ಮಯುಕ್ಛಿವವಧೂ ವಹ್ನಿಪ್ರಿಯಾಂತೋ ಮನುಃ |
ಕಂಸಾರೇಸ್ತನಯಂ ಚ ಬೀಜಮಪರಾ ಶಕ್ತಿಶ್ಚ ವಾಣೀ ತಥಾ
ಕೀಲಂ ಶ್ರೀಮಿತಿ ಭೈರವರ್ಷಿಸಹಿತಂ ಛಂದೋ ವಿರಾಟ್ ಸಂಯುತಮ್ || ೩ ||
ಸ್ವೇಷ್ಟಾರ್ಥಸ್ಯ ಪರಸ್ಯ ವೇತ್ತಿ ನಿತರಾಂ ಕಾರ್ಯಸ್ಯ ಸಂಪ್ರಾಪ್ತಯೇ
ನಾನಾಽಸಾಧ್ಯಮಹಾಗದಸ್ಯ ನಿಯತಂ ನಾಶಾಯ ವೀರ್ಯಾಪ್ತಯೇ |
ಧ್ಯಾತ್ವಾ ಶ್ರೀಬಗಳಾನನಾಂ ಮನುವರಂ ಜಪ್ತ್ವಾ ಸಹಸ್ರಾಖ್ಯಕಂ
ದೀರ್ಘೈಃ ಷಟ್ಕಯುತೈಶ್ಚ ರುದ್ರಮಹಿಲಾಬೀಜೈರ್ವಿನ್ಯಸ್ಯಾಂಗಕೇ || ೪ ||
ಧ್ಯಾನಂ –
ಸೌವರ್ಣಾಸನಸಂಸ್ಥಿತಾಂ ತ್ರಿನಯನಾಂ ಪೀತಾಂಶುಕೋಲಾಸಿನೀಂ
ಹೇಮಾಭಾಂಗರುಚಿಂ ಶಶಾಂಕಮುಕುಟಾಂ ಸ್ರಕ್ಚಂಪಕಸ್ರಗ್ಯುತಾಮ್ |
ಹಸ್ತೈರ್ಮುದ್ಗರಪಾಶಬದ್ಧರಸನಾಂ ಸಂಬಿಭ್ರತೀಂ ಭೂಷಣೈ-
-ರ್ವ್ಯಾಪ್ತಾಂಗೀಂ ಬಗಳಾಮುಖೀಂ ತ್ರಿಜಗತಾಂ ಸಂಸ್ತಂಭಿನೀಂ ಚಿಂತಯೇತ್ || ೫ ||
ವಿನಿಯೋಗಃ –
ಅಸ್ಯ ಶ್ರೀಬಗಳಾಮುಖೀ ಬ್ರಹ್ಮಾಸ್ತ್ರಮಂತ್ರ ಕವಚಸ್ಯ ಭೈರವ ಋಷಿಃ ವಿರಾಟ್ ಛಂದಃ ಶ್ರೀಬಗಳಾಮುಖೀ ದೇವತಾ ಕ್ಲೀಂ ಬೀಜಂ ಐಂ ಶಕ್ತಿಃ ಶ್ರೀಂ ಕೀಲಕಂ ಮಮ ಪರಸ್ಯ ಚ ಮನೋಭಿಲಷಿತೇಷ್ಟಕಾರ್ಯಸಿದ್ಧಯೇ ವಿನಿಯೋಗಃ |
ಋಷ್ಯಾದಿನ್ಯಾಸಃ –
ಭೈರವ ಋಷಯೇ ನಮಃ ಶಿರಸಿ |
ವಿರಾಟ್ ಛಂದಸೇ ನಮಃ ಮುಖೇ |
ಶ್ರೀಬಗಳಾಮುಖೀ ದೇವತಾಯೈ ನಮಃ ಹೃದಿ |
ಕ್ಲೀಂ ಬೀಜಾಯ ನಮಃ ಗುಹ್ಯೇ |
ಐಂ ಶಕ್ತಯೇ ನಮಃ ಪಾದಯೋಃ |
ಶ್ರೀಂ ಕೀಲಕಾಯ ನಮಃ ಸರ್ವಾಂಗೇ |
ಕರನ್ಯಾಸಃ –
ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ |
ಓಂ ಹ್ರೀಂ ತರ್ಜನೀಭ್ಯಾಂ ನಮಃ |
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ |
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ –
ಓಂ ಹ್ರಾಂ ಹೃದಯಾಯ ನಮಃ |
ಓಂ ಹ್ರೀಂ ಶಿರಸೇ ಸ್ವಾಹಾ |
ಓಂ ಹ್ರೂಂ ಶಿಖಾಯೈ ವಷಟ್ |
ಓಂ ಹ್ರೈಂ ಕವಚಾಯ ಹುಮ್ |
ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ |
ಓಂ ಹ್ರಃ ಅಸ್ತ್ರಾಯ ಫಟ್ |
ಮಂತ್ರೋದ್ಧಾರಃ –
ಓಂ ಹ್ರೀಂ ಐಂ ಶ್ರೀಂ ಕ್ಲೀಂ ಶ್ರೀಬಗಳಾನನೇ ಮಮ ರಿಪೂನ್ ನಾಶಯ ನಾಶಯ ಮಮೈಶ್ವರ್ಯಾಣಿ ದೇಹಿ ದೇಹಿ ಶೀಘ್ರಂ ಮನೋವಾಂಛಿತಕಾರ್ಯಂ ಸಾಧಯ ಸಾಧಯ ಹ್ರೀಂ ಸ್ವಾಹಾ |
ಕವಚಮ್ –
ಶಿರೋ ಮೇ ಪಾತು ಓಂ ಹ್ರೀಂ ಐಂ ಶ್ರೀಂ ಕ್ಲೀಂ ಪಾತು ಲಲಾಟಕಮ್ |
ಸಂಬೋಧನಪದಂ ಪಾತು ನೇತ್ರೇ ಶ್ರೀಬಗಳಾನನೇ || ೧ ||
ಶ್ರುತೌ ಮಮ ರಿಪೂನ್ ಪಾತು ನಾಸಿಕಾಂ ನಾಶಯದ್ವಯಮ್ |
ಪಾತು ಗಂಡೌ ಸದಾ ಮಾಮೈಶ್ವರ್ಯಾಣ್ಯಂತಂ ತು ಮಸ್ತಕಮ್ || ೨ ||
ದೇಹಿ ದ್ವಂದ್ವಂ ಸದಾ ಜಿಹ್ವಾಂ ಪಾತು ಶೀಘ್ರಂ ವಚೋ ಮಮ |
ಕಂಠದೇಶಂ ಮನಃ ಪಾತು ವಾಂಛಿತಂ ಬಾಹುಮೂಲಕಮ್ || ೩ ||
ಕಾರ್ಯಂ ಸಾಧಯದ್ವಂದ್ವಂ ತು ಕರೌ ಪಾತು ಸದಾ ಮಮ |
ಮಾಯಾಯುಕ್ತಾ ತಥಾ ಸ್ವಾಹಾ ಹೃದಯಂ ಪಾತು ಸರ್ವದಾ || ೪ ||
ಅಷ್ಟಾಧಿಕಚತ್ವಾರಿಂಶದ್ವರ್ಣಾಢ್ಯಾ ಬಗಳಾಮುಖೀ |
ರಕ್ಷಾಂ ಕರೋತು ಸರ್ವತ್ರ ಗೃಹೇಽರಣ್ಯೇ ಸದಾ ಮಮ || ೫ ||
ಬ್ರಹ್ಮಾಸ್ತ್ರಾಖ್ಯೋ ಮನುಃ ಪಾತು ಸರ್ವಾಂಗೇ ಸರ್ವಸಂಧಿಷು |
ಮಂತ್ರರಾಜಃ ಸದಾ ರಕ್ಷಾಂ ಕರೋತು ಮಮ ಸರ್ವದಾ || ೬ ||
ಓಂ ಹ್ರೀಂ ಪಾತು ನಾಭಿದೇಶಂ ಕಟಿಂ ಮೇ ಬಗಳಾಽವತು | [ಹ್ಲೀಂ]
ಮುಖಿವರ್ಣದ್ವಯಂ ಪಾತು ಲಿಂಗಂ ಮೇ ಮುಷ್ಕಯುಗ್ಮಕಮ್ || ೭ ||
ಜಾನುನೀ ಸರ್ವದುಷ್ಟಾನಾಂ ಪಾತು ಮೇ ವರ್ಣಪಂಚಕಮ್ |
ವಾಚಂ ಮುಖಂ ತಥಾ ಪದಂ ಷಡ್ವರ್ಣಾಃ ಪರಮೇಶ್ವರೀ || ೮ ||
ಜಂಘಾಯುಗ್ಮೇ ಸದಾ ಪಾತು ಬಗಳಾ ರಿಪುಮೋಹಿನೀ |
ಸ್ತಂಭಯೇತಿ ಪದಂ ಪೃಷ್ಠಂ ಪಾತು ವರ್ಣತ್ರಯಂ ಮಮ || ೯ ||
ಜಿಹ್ವಾಂ ವರ್ಣದ್ವಯಂ ಪಾತು ಗುಲ್ಫೌ ಮೇ ಕೀಲಯೇತಿ ಚ |
ಪಾದೋರ್ಧ್ವಂ ಸರ್ವದಾ ಪಾತು ಬುದ್ಧಿಂ ಪಾದತಲೇ ಮಮ || ೧೦ ||
ವಿನಾಶಯಪದಂ ಪಾತು ಪಾದಾಂಗುಲ್ಯೋರ್ನಖಾನಿ ಮೇ |
ಹ್ರೀಂ ಬೀಜಂ ಸರ್ವದಾ ಪಾತು ಬುದ್ಧೀಂದ್ರಿಯವಚಾಂಸಿ ಮೇ || ೧೧ ||
ಸರ್ವಾಂಗಂ ಪ್ರಣವಃ ಪಾತು ಸ್ವಾಹಾ ರೋಮಾಣಿ ಮೇಽವತು |
ಬ್ರಾಹ್ಮೀ ಪೂರ್ವದಲೇ ಪಾತು ಚಾಗ್ನೇಯಾಂ ವಿಷ್ಣುವಲ್ಲಭಾ || ೧೨ ||
ಮಾಹೇಶೀ ದಕ್ಷಿಣೇ ಪಾತು ಚಾಮುಂಡಾ ರಾಕ್ಷಸೇಽವತು |
ಕೌಮಾರೀ ಪಶ್ಚಿಮೇ ಪಾತು ವಾಯವ್ಯೇ ಚಾಪರಾಜಿತಾ || ೧೩ ||
ವಾರಾಹೀ ಚೋತ್ತರೇ ಪಾತು ನಾರಸಿಂಹೀ ಶಿವೇಽವತು |
ಊರ್ಧ್ವಂ ಪಾತು ಮಹಾಲಕ್ಷ್ಮೀಃ ಪಾತಾಲೇ ಶಾರದಾಽವತು || ೧೪ ||
ಇತ್ಯಷ್ಟೌ ಶಕ್ತಯಃ ಪಾಂತು ಸಾಯುಧಾಶ್ಚ ಸವಾಹನಾಃ |
ರಾಜದ್ವಾರೇ ಮಹಾದುರ್ಗೇ ಪಾತು ಮಾಂ ಗಣನಾಯಕಃ || ೧೫ ||
ಶ್ಮಶಾನೇ ಜಲಮಧ್ಯೇ ಚ ಭೈರವಶ್ಚ ಸದಾಽವತು |
ದ್ವಿಭುಜಾ ರಕ್ತವಸನಾಃ ಸರ್ವಾಭರಣಭೂಷಿತಾಃ |
ಯೋಗಿನ್ಯಃ ಸರ್ವದಾ ಪಾಂತು ಮಹಾರಣ್ಯೇ ಸದಾ ಮಮ || ೧೬ ||
ಇತಿ ತೇ ಕಥಿತಂ ದೇವಿ ಕವಚಂ ಪರಮಾದ್ಭುತಮ್ |
ಶ್ರೀವಿಶ್ವವಿಜಯಂ ನಾಮ ಕೀರ್ತಿಶ್ರೀವಿಜಯಪ್ರದಮ್ || ೧೭ ||
ಅಪುತ್ರೋ ಲಭತೇ ಪುತ್ರಂ ಧೀರಂ ಶೂರಂ ಶತಾಯುಷಮ್ |
ನಿರ್ಧನೋ ಧನಮಾಪ್ನೋತಿ ಕವಚಸ್ಯಾಸ್ಯ ಪಾಠತಃ || ೧೮ ||
ಜಪಿತ್ವಾ ಮಂತ್ರರಾಜಂ ತು ಧ್ಯಾತ್ವಾ ಶ್ರೀಬಗಳಾಮುಖೀಮ್ |
ಪಠೇದಿದಂ ಹಿ ಕವಚಂ ನಿಶಾಯಾಂ ನಿಯಮಾತ್ ತು ಯಃ || ೧೯ ||
ಯದ್ಯತ್ಕಾಮಯತೇ ಕಾಮಂ ಸಾಧ್ಯಾಸಾಧ್ಯೇ ಮಹೀತಲೇ |
ತತ್ತತ್ಕಾಮಮವಾಪ್ನೋತಿ ಸಪ್ತರಾತ್ರೇಣ ಶಂಕರೀ || ೨೦ ||
ಗುರುಂ ಧ್ಯಾತ್ವಾ ಸುರಾಂ ಪೀತ್ವಾ ರಾತ್ರೌ ಶಕ್ತಿಸಮನ್ವಿತಃ |
ಕವಚಂ ಯಃ ಪಠೇದ್ದೇವಿ ತಸ್ಯಾಽಸಾಧ್ಯಂ ನ ಕಿಂಚನ || ೨೧ ||
ಯಂ ಧ್ಯಾತ್ವಾ ಪ್ರಜಪೇನ್ಮಂತ್ರಂ ಸಹಸ್ರಂ ಕವಚಂ ಪಠೇತ್ |
ತ್ರಿರಾತ್ರೇಣ ವಶಂ ಯಾತಿ ಮೃತ್ಯುಂ ತಂ ನಾತ್ರ ಸಂಶಯಃ || ೨೨ ||
ಲಿಖಿತ್ವಾ ಪ್ರತಿಮಾಂ ಶತ್ರೋಃ ಸತಾಲೇನ ಹರಿದ್ರಯಾ |
ಲಿಖಿತ್ವಾ ಹ್ಯದಿ ತಂ ನಾಮ ತಂ ಧ್ಯಾತ್ವಾ ಪ್ರಜಪೇನ್ಮನುಮ್ || ೨೩ ||
ಏಕವಿಂಶದ್ದಿನಂ ಯಾವತ್ ಪ್ರತ್ಯಹಂ ಚ ಸಹಸ್ರಕಮ್ |
ಜಪ್ತ್ವಾ ಪಠೇತ್ ತು ಕವಚಂ ಚತುರ್ವಿಂಶತಿವಾರಕಮ್ || ೨೪ ||
ಸಂಸ್ತಂಭಂ ಜಾಯತೇ ಶತ್ರೋರ್ನಾತ್ರ ಕಾರ್ಯಾ ವಿಚಾರಣಾ |
ವಿವಾದೇ ವಿಜಯಂ ತಸ್ಯ ಸಂಗ್ರಾಮೇ ಜಯಮಾಪ್ನುಯಾತ್ || ೨೫ ||
ಶ್ಮಶಾನೇ ಚ ಭಯಂ ನಾಸ್ತಿ ಕವಚಸ್ಯ ಪ್ರಭಾವತಃ |
ನವನೀತಂ ಚಾಭಿಮಂತ್ರ್ಯ ಸ್ತ್ರೀಣಾಂ ದದ್ಯಾನ್ಮಹೇಶ್ವರಿ || ೨೬ ||
ವಂಧ್ಯಾಯಾಂ ಜಾಯತೇ ಪುತ್ರೋ ವಿದ್ಯಾಬಲಸಮನ್ವಿತಃ |
ಶ್ಮಶಾನಾಂಗಾರಮಾದಾಯ ಭೌಮೇ ರಾತ್ರೌ ಶನಾವಥ || ೨೭ ||
ಪಾದೋದಕೇನ ಸ್ಪೃಷ್ಟ್ವಾ ಚ ಲಿಖೇಲ್ಲೋಹಶಲಾಕಯಾ |
ಭೂಮೌ ಶತ್ರೋಃ ಸ್ವರೂಪಂ ಚ ಹೃದಿ ನಾಮ ಸಮಾಲಿಖೇತ್ || ೨೮ ||
ಹಸ್ತಂ ತದ್ಧೃದಯೇ ದತ್ವಾ ಕವಚಂ ತಿಥಿವಾರಕಮ್ |
ಧ್ಯಾತ್ವಾ ಜಪೇನ್ಮಂತ್ರರಾಜಂ ನವರಾತ್ರಂ ಪ್ರಯತ್ನತಃ || ೨೯ ||
ಮ್ರಿಯತೇ ಜ್ವರದಾಹೇನ ದಶಮೇಽಹ್ನಿ ನ ಸಂಶಯಃ |
ಭೂರ್ಜಪತ್ರೇಷ್ವಿದಂ ಸ್ತೋತ್ರಮಷ್ಟಗಂಧೇನ ಸಂಲಿಖೇತ್ || ೩೦ ||
ಧಾರಯೇದ್ದಕ್ಷಿಣೇ ಬಾಹೌ ನಾರೀ ವಾಮಭುಜೇ ತಥಾ |
ಸಂಗ್ರಾಮೇ ಜಯಮಾಪ್ನೋತಿ ನಾರೀ ಪುತ್ರವತೀ ಭವೇತ್ || ೩೧ ||
ಬ್ರಹ್ಮಾಸ್ತ್ರಾದೀನಿ ಶಸ್ತ್ರಾಣಿ ನೈವ ಕೃಂತತಿ ತಂ ಜನಮ್ |
ಸಂಪೂಜ್ಯ ಕವಚಂ ನಿತ್ಯಂ ಪೂಜಾಯಾಃ ಫಲಮಾಲಭೇತ್ || ೩೨ ||
ಬೃಹಸ್ಪತಿಸಮೋ ವಾಪಿ ವಿಭವೇ ಧನದೋಪಮಃ |
ಕಾಮತುಲ್ಯಶ್ಚ ನಾರೀಣಾಂ ಶತ್ರೂಣಾಂ ಚ ಯಮೋಪಮಃ || ೩೩ ||
ಕವಿತಾಲಹರೀ ತಸ್ಯ ಭವೇದ್ಗಂಗಾಪ್ರವಾಹವತ್ |
ಗದ್ಯಪದ್ಯಮಯೀ ವಾಣೀ ಭವೇದ್ದೇವೀಪ್ರಸಾದತಃ || ೩೪ ||
ಏಕಾದಶಶತಂ ಯಾವತ್ ಪುರಶ್ಚರಣಮುಚ್ಯತೇ |
ಪುರಶ್ಚರ್ಯಾವಿಹೀನಂ ತು ನ ಚೇದಂ ಫಲದಾಯಕಮ್ || ೩೫ ||
ನ ದೇಯಂ ಪರಶಿಷ್ಯೇಭ್ಯೋ ದುಷ್ಟೇಭ್ಯಶ್ಚ ವಿಶೇಷತಃ |
ದೇಯಂ ಶಿಷ್ಯಾಯ ಭಕ್ತಾಯ ಪಂಚತ್ವಂ ಚಾನ್ಯಥಾಪ್ನುಯಾತ್ || ೩೬ ||
ಇದಂ ಕವಚಮಜ್ಞಾತ್ವಾ ಭಜೇದ್ಯೋ ಬಗಳಾಮುಖೀಮ್ |
ಶತಕೋಟಿಂ ಜಪಿತ್ವಾ ತು ತಸ್ಯ ಸಿದ್ಧಿರ್ನ ಜಾಯತೇ || ೩೭ ||
ದಾರಾಢ್ಯೋ ಮನುಜೋಽಸ್ಯ ಲಕ್ಷಜಪತಃ ಪ್ರಾಪ್ನೋತಿ ಸಿದ್ಧಿಂ ಪರಾಂ
ವಿದ್ಯಾಂ ಶ್ರೀವಿಜಯಂ ತಥಾ ಸುನಿಯತಂ ಧೀರಂ ಚ ವೀರಂ ವರಮ್ |
ಬ್ರಹ್ಮಾಸ್ತ್ರಾಖ್ಯಮನುಂ ವಿಲಿಖ್ಯ ನಿತರಾಂ ಭೂರ್ಜೇಽಷ್ಟಗಂಧೇನ ವೈ
ಧೃತ್ವಾ ರಾಜಪುರಂ ವ್ರಜಂತಿ ಖಲು ಯೇ ದಾಸೋಽಸ್ತಿ ತೇಷಾಂ ನೃಪಃ || ೩೮ ||
ಇತಿ ವಿಶ್ವಸಾರೋದ್ಧಾರತಂತ್ರೇ ಪಾರ್ವತೀಶ್ವರಸಂವಾದೇ ವಿಶ್ವವಿಜಯಂ ನಾಮ ಶ್ರೀ ಬಗಳಾಮುಖೀ ಕವಚಮ್ ||
ಇನ್ನಷ್ಟು ಶ್ರೀ ಬಗಳಾಮುಖೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
