Read in తెలుగు / ಕನ್ನಡ / தமிழ் / देवनागरी / English (IAST)
ನಾರದ ಉವಾಚ |
ಭೋ ಗಣೇಶ ಸುರಶ್ರೇಷ್ಠ ಲಂಬೋದರ ಪರಾತ್ಪರ |
ಹೇರಂಬ ಮಂಗಳಾರಂಭ ಗಜವಕ್ತ್ರ ತ್ರಿಲೋಚನ || ೧ ||
ಮುಕ್ತಿದ ಶುಭದ ಶ್ರೀದ ಶ್ರೀಧರಸ್ಮರಣೇ ರತ |
ಪರಮಾನಂದ ಪರಮ ಪಾರ್ವತೀನಂದನ ಸ್ವಯಮ್ || ೨ ||
ಸರ್ವತ್ರ ಪೂಜ್ಯ ಸರ್ವೇಶ ಜಗತ್ಪೂಜ್ಯ ಮಹಾಮತೇ |
ಜಗದ್ಗುರೋ ಜಗನ್ನಾಥ ಜಗದೀಶ ನಮೋಽಸ್ತು ತೇ || ೩ ||
ಯತ್ಪೂಜಾ ಸರ್ವಪುರತೋ ಯಃ ಸ್ತುತಃ ಸರ್ವಯೋಗಿಭಿಃ |
ಯಃ ಪೂಜಿತಃ ಸುರೇಂದ್ರೈಶ್ಚ ಮುನೀಂದ್ರೈಸ್ತಂ ನಮಾಮ್ಯಹಮ್ || ೪ ||
ಪರಮಾರಾಧನೇನೈವ ಕೃಷ್ಣಸ್ಯ ಪರಮಾತ್ಮನಃ |
ಪುಣ್ಯಕೇನ ವ್ರತೇನೈವ ಯಂ ಪ್ರಾಪ ಪಾರ್ವತೀ ಸತೀ || ೫ ||
ತಂ ನಮಾಮಿ ಸುರಶ್ರೇಷ್ಠಂ ಸರ್ವಶ್ರೇಷ್ಠಂ ಗರೀಷ್ಠಕ |
ಜ್ಞಾನಿಶ್ರೇಷ್ಠಂ ವರಿಷ್ಠಂ ಚ ತಂ ನಮಾಮಿ ಗಣೇಶ್ವರಮ್ || ೬ ||
ಇತ್ಯೇವಮುಕ್ತ್ವಾ ದೇವರ್ಷಿಸ್ತತ್ರೈವಾಂತರ್ದಧೇ ವಿಭುಃ |
ನಾರದಃ ಪ್ರಯಯೌ ಶೀಘ್ರಮೀಶ್ವರಾಭ್ಯಂತರಂ ಮುದಾ || ೭ ||
ಇದಂ ಲಂಬೋದರಸ್ತೋತ್ರಂ ನಾರದೇನ ಕೃತಂ ಪುರಾ |
ಪೂಜಾಕಾಲೇ ಪಠೇನ್ನಿತ್ಯಂ ಜಯಂ ತಸ್ಯ ಪದೇ ಪದೇ || ೮ ||
ಸಂಕಲ್ಪಿತಂ ಪಠೇದ್ಯೋ ಹಿ ವರ್ಷಮೇಕಂ ಸುಸಂಯತಃ |
ವಿಶಿಷ್ಟಪುತ್ರಂ ಲಭತೇ ಪರಂ ಕೃಷ್ಣಪರಾಯಣಮ್ || ೯ ||
ಯಶಸ್ವಿನಂ ಚ ವಿದ್ವಾಂಸಂ ಧನಿನಂ ಚಿರಜೀವಿನಮ್ |
ವಿಘ್ನನಾಶೋ ಭವೇತ್ತಸ್ಯ ಮಹೈಶ್ವರ್ಯಂ ಯಶೋಽಮಲಮ್ |
ಇಹೈವ ಚ ಸುಖಂ ಭಕ್ತ್ಯಾ ಅಂತೇ ಯಾತಿ ಹರೇಃ ಪದಮ್ || ೧೦ ||
ಇತಿ ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ಪ್ರಥಮೈಕರಾತ್ರೇ ಗಣಪತಿಸ್ತೋತ್ರಂ ನಾಮ ಸಪ್ತಮೋಽಧ್ಯಾಯಃ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
