Narada Kruta Ganapati Stotram – ஶ்ரீ க³ணபதி ஸ்தோத்ரம் (நாரத³ க்ருதம்)


நாரத³ உவாச ।
போ⁴ க³ணேஶ ஸுரஶ்ரேஷ்ட² லம்போ³த³ர பராத்பர ।
ஹேரம்ப³ மங்க³ளாரம்ப⁴ க³ஜவக்த்ர த்ரிலோசன ॥ 1 ॥

முக்தித³ ஶுப⁴த³ ஶ்ரீத³ ஶ்ரீத⁴ரஸ்மரணே ரத ।
பரமானந்த³ பரம பார்வதீநந்த³ன ஸ்வயம் ॥ 2 ॥

ஸர்வத்ர பூஜ்ய ஸர்வேஶ ஜக³த்பூஜ்ய மஹாமதே ।
ஜக³த்³கு³ரோ ஜக³ந்நாத² ஜக³தீ³ஶ நமோ(அ)ஸ்து தே ॥ 3 ॥

யத்பூஜா ஸர்வபுரதோ ய꞉ ஸ்துத꞉ ஸர்வயோகி³பி⁴꞉ ।
ய꞉ பூஜித꞉ ஸுரேந்த்³ரைஶ்ச முனீந்த்³ரைஸ்தம் நமாம்யஹம் ॥ 4 ॥

பரமாராத⁴னேனைவ க்ருஷ்ணஸ்ய பரமாத்மன꞉ ।
புண்யகேன வ்ரதேனைவ யம் ப்ராப பார்வதீ ஸதீ ॥ 5 ॥

தம் நமாமி ஸுரஶ்ரேஷ்ட²ம் ஸர்வஶ்ரேஷ்ட²ம் க³ரீஷ்ட²க ।
ஜ்ஞாநிஶ்ரேஷ்ட²ம் வரிஷ்ட²ம் ச தம் நமாமி க³ணேஶ்வரம் ॥ 6 ॥

இத்யேவமுக்த்வா தே³வர்ஷிஸ்தத்ரைவாந்தர்த³தே⁴ விபு⁴꞉ ।
நாரத³꞉ ப்ரயயௌ ஶீக்⁴ரமீஶ்வராப்⁴யந்தரம் முதா³ ॥ 7 ॥

இத³ம் லம்போ³த³ரஸ்தோத்ரம் நாரதே³ன க்ருதம் புரா ।
பூஜாகாலே படே²ந்நித்யம் ஜயம் தஸ்ய பதே³ பதே³ ॥ 8 ॥

ஸங்கல்பிதம் படே²த்³யோ ஹி வர்ஷமேகம் ஸுஸம்யத꞉ ।
விஶிஷ்டபுத்ரம் லப⁴தே பரம் க்ருஷ்ணபராயணம் ॥ 9 ॥

யஶஸ்வினம் ச வித்³வாம்ஸம் த⁴னினம் சிரஜீவினம் ।
விக்⁴னநாஶோ ப⁴வேத்தஸ்ய மஹைஶ்வர்யம் யஶோ(அ)மலம் ।
இஹைவ ச ஸுக²ம் ப⁴க்த்யா அந்தே யாதி ஹரே꞉ பத³ம் ॥ 10 ॥

இதி ஶ்ரீநாரத³பஞ்சராத்ரே ஜ்ஞானாம்ருதஸாரே ப்ரத²மைகராத்ரே க³ணபதிஸ்தோத்ரம் நாம ஸப்தமோ(அ)த்⁴யாய꞉ ।


மேலும் ஶ்ரீ கணேஶ ஸ்தோத்திரங்கள் காண்க.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed