Sri Vinayaka Stavaraja – ஶ்ரீ விநாயக ஸ்தவராஜ꞉


பீ³ஜாபூரக³தே³க்ஷுகார்முகருஜா சக்ராப்³ஜபாஶோத்பல-
-வ்ரீஹ்யக்³ரஸ்வவிஷாணரத்நகலஶப்ரோத்³யத்கராம்போ⁴ருஹ꞉ ।
த்⁴யேயோ வல்லப⁴யா ஸபத்³மகரயாஶ்லிஷ்டோஜ்ஜ்வலத்³பூ⁴ஷயா
விஶ்வோத்பத்திவிபத்திஸம்ஸ்தி²திகரோ விக்⁴நேஶ இஷ்டார்த²த³꞉ ॥ 1 ॥

நமஸ்தே ஸித்³தி⁴ளக்ஷ்மீஶ க³ணாதி⁴ப மஹாப்ரபோ⁴ ।
விக்⁴நேஶ்வர ஜக³ந்நாத² கௌ³ரீபுத்ர ஜக³த்ப்ரபோ⁴ ॥ 2 ॥

ஜய விக்⁴நேஶ்வர விபோ⁴ விநாயக மஹேஶ்வர ।
லம்போ³த³ர மஹாபா³ஹோ ஸர்வதா³ த்வம் ப்ரஸீத³ மே ॥ 3 ॥

மஹாதே³வ ஜக³த்ஸ்வாமிந் மூஷிகாரூட⁴ ஶங்கர ।
விஶாலாக்ஷ மஹாகாய மாம் த்ராஹி பரமேஶ்வர ॥ 4 ॥

குஞ்ஜராஸ்ய ஸுராதீ⁴ஶ மஹேஶ கருணாநிதே⁴ ।
மாதுலுங்க³த⁴ர ஸ்வாமிந் க³தா³சக்ரஸமந்வித ॥ 5 ॥

த³ஶபா³ஹோ மஹாராஜ க³ஜவக்த்ர சதுர்பு⁴ஜ ।
ஶூர்பகர்ண மஹாகர்ண க³ணநாத² ப்ரஸீத³ மே ॥ 6 ॥

ஶங்க²ஶூலஸமாயுக்த பீ³ஜாபூரஸமந்வித ।
இக்ஷுகார்முகஸம்யுக்த பத்³மஹஸ்த ப்ரஸீத³ மே ॥ 7 ॥

நாநாப⁴ரணஸம்யுக்த ரத்நகும்ப⁴கர ப்ரபோ⁴ ।
ஸர்க³ஸ்தி²திலயாதீ⁴ஶ பரமாத்மந் ஜய ப்ரபோ⁴ ॥ 8 ॥

அநாத²நாத² விஶ்வேஶ விக்⁴நஸங்க⁴விநாஶந ।
த்ரயீமூர்தே ஸுரபதே ப்³ரஹ்மவிஷ்ணுஶிவாத்மக ॥ 9 ॥

த்ரயீகு³ண மஹாதே³வ பாஹி மாம் ஸர்வபாலக ।
அணிமாதி³கு³ணாதா⁴ர லக்ஷ்மீஶ்ரீவிஷ்ணுபூஜித ॥ 10 ॥

கௌ³ரீஶங்கரஸம்பூஜ்ய ஜய த்வம் க³ணநாயக ।
ரதிமந்மத²ஸம்ஸேவ்ய மஹீபூ⁴தா³ரஸம்ஸ்துத ॥ 11 ॥

ருத்³த்⁴யாமோதா³தி³ஸம்ஸேவ்ய மஹாக³ணபதே ஜய ।
ஶங்க²பத்³மாதி³ஸம்ஸேவ்ய நிராளம்ப³ நிரீஶ்வர ॥ 12 ॥

நிஷ்களங்க நிராதா⁴ர பாஹி மாம் நித்யமவ்யய ।
அநாத்³ய ஜக³தாமாத்³ய பிதாமஹஸுபூஜித ॥ 13 ॥

தூ⁴மகேதோ க³ணாத்⁴யக்ஷ மஹாமூஷகவாஹந ।
அநந்தபரமாநந்த³ ஜய விக்⁴நேஶ்வரேஶ்வர ॥ 14 ॥

ரத்நஸிம்ஹாஸநாஸீந கிரீடேந ஸுஶோபி⁴த ।
பராத்பர பரேஶாந பரபூருஷ பாஹி மாம் ॥ 15 ॥

நிர்த்³வந்த்³வ நிர்கு³ணாபா⁴ஸ ஜபாபுஷ்பஸமப்ரப⁴ ।
ஸர்வப்ரமத²ஸம்ஸ்துத்ய த்ராஹி மாம் விக்⁴நநாயக ॥ 16 ॥

குமாரஸ்ய கு³ரோ தே³வ ஸர்வைஶ்வர்யப்ரதா³யக ।
ஸர்வாபீ⁴ஷ்டப்ரத³ ஸ்வாமிந் ஸர்வப்ரத்யூஹநாஶக ॥ 17 ॥

ஶரண்ய ஸர்வலோகாநாம் ஶரணாக³தவத்ஸல ।
மஹாக³ணபதே நித்யம் மாம் பாலய க்ருபாநிதே⁴ ॥ 18 ॥

ஏவம் ஶ்ரீக³ணநாத²ஸ்ய ஸ்தவராஜமநுத்தமம் ।
ய꞉ படே²ச்ச்²ருணுயாந்நித்யம் ப்ரத்யூஹை꞉ ஸ விமுச்யதே ॥ 19 ॥

அஶ்வமேத⁴ஸமம் புண்யப²லம் ப்ராப்நோத்யநுத்தமம் ।
வஶீகரோதி த்ரைலோக்யம் ப்ராப்ய ஸௌபா⁴க்³யமுத்தமம் ॥ 20 ॥

ஸர்வாபீ⁴ஷ்டமவாப்நோதி ஶீக்⁴ரமேவ ஸுது³ர்லப⁴ம் ।
மஹாக³ணேஶஸாந்நித்⁴யம் ப்ராப்நோத்யேவ ந ஸம்ஶய꞉ ॥ 21 ॥

இதி ஶ்ரீருத்³ரயாமளே ஶ்ரீவிநாயகஸ்தவராஜ꞉ ஸம்பூர்ணம் ।

Report mistakes and corrections in Stotranidhi content.

Facebook Comments
error: Not allowed
%d bloggers like this: