Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
బీజాపూరగదేక్షుకార్ముకరుజా చక్రాబ్జపాశోత్పల-
-వ్రీహ్యగ్రస్వవిషాణరత్నకలశప్రోద్యత్కరాంభోరుహః |
ధ్యేయో వల్లభయా సపద్మకరయాశ్లిష్టోజ్జ్వలద్భూషయా
విశ్వోత్పత్తివిపత్తిసంస్థితికరో విఘ్నేశ ఇష్టార్థదః || ౧ ||
నమస్తే సిద్ధిలక్ష్మీశ గణాధిప మహాప్రభో |
విఘ్నేశ్వర జగన్నాథ గౌరీపుత్ర జగత్ప్రభో || ౨ ||
జయ విఘ్నేశ్వర విభో వినాయక మహేశ్వర |
లంబోదర మహాబాహో సర్వదా త్వం ప్రసీద మే || ౩ ||
మహాదేవ జగత్స్వామిన్ మూషికారూఢ శంకర |
విశాలాక్ష మహాకాయ మాం త్రాహి పరమేశ్వర || ౪ ||
కుంజరాస్య సురాధీశ మహేశ కరుణానిధే |
మాతులుంగధర స్వామిన్ గదాచక్రసమన్విత || ౫ ||
దశబాహో మహారాజ గజవక్త్ర చతుర్భుజ |
శూర్పకర్ణ మహాకర్ణ గణనాథ ప్రసీద మే || ౬ ||
శంఖశూలసమాయుక్త బీజాపూరసమన్విత |
ఇక్షుకార్ముకసంయుక్త పద్మహస్త ప్రసీద మే || ౭ ||
నానాభరణసంయుక్త రత్నకుంభకర ప్రభో |
సర్గస్థితిలయాధీశ పరమాత్మన్ జయ ప్రభో || ౮ ||
అనాథనాథ విశ్వేశ విఘ్నసంఘవినాశన |
త్రయీమూర్తే సురపతే బ్రహ్మవిష్ణుశివాత్మక || ౯ ||
త్రయీగుణ మహాదేవ పాహి మాం సర్వపాలక |
అణిమాదిగుణాధార లక్ష్మీశ్రీవిష్ణుపూజిత || ౧౦ ||
గౌరీశంకరసంపూజ్య జయ త్వం గణనాయక |
రతిమన్మథసంసేవ్య మహీభూదారసంస్తుత || ౧౧ ||
ఋద్ధ్యామోదాదిసంసేవ్య మహాగణపతే జయ |
శంఖపద్మాదిసంసేవ్య నిరాలంబ నిరీశ్వర || ౧౨ ||
నిష్కలంక నిరాధార పాహి మాం నిత్యమవ్యయ |
అనాద్య జగతామాద్య పితామహసుపూజిత || ౧౩ ||
ధూమకేతో గణాధ్యక్ష మహామూషకవాహన |
అనంతపరమానంద జయ విఘ్నేశ్వరేశ్వర || ౧౪ ||
రత్నసింహాసనాసీన కిరీటేన సుశోభిత |
పరాత్పర పరేశాన పరపూరుష పాహి మామ్ || ౧౫ ||
నిర్ద్వంద్వ నిర్గుణాభాస జపాపుష్పసమప్రభ |
సర్వప్రమథసంస్తుత్య త్రాహి మాం విఘ్ననాయక || ౧౬ ||
కుమారస్య గురో దేవ సర్వైశ్వర్యప్రదాయక |
సర్వాభీష్టప్రద స్వామిన్ సర్వప్రత్యూహనాశక || ౧౭ ||
శరణ్య సర్వలోకానాం శరణాగతవత్సల |
మహాగణపతే నిత్యం మాం పాలయ కృపానిధే || ౧౮ ||
ఏవం శ్రీగణనాథస్య స్తవరాజమనుత్తమమ్ |
యః పఠేచ్ఛృణుయాన్నిత్యం ప్రత్యూహైః స విముచ్యతే || ౧౯ ||
అశ్వమేధసమం పుణ్యఫలం ప్రాప్నోత్యనుత్తమమ్ |
వశీకరోతి త్రైలోక్యం ప్రాప్య సౌభాగ్యముత్తమమ్ || ౨౦ ||
సర్వాభీష్టమవాప్నోతి శీఘ్రమేవ సుదుర్లభమ్ |
మహాగణేశసాన్నిధ్యం ప్రాప్నోత్యేవ న సంశయః || ౨౧ ||
ఇతి శ్రీరుద్రయామలే శ్రీవినాయకస్తవరాజః సంపూర్ణమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
పైరసీ ప్రకటన : నాగేంద్రాస్ న్యూ గొల్లపూడి వీరాస్వామి సన్ మరియు శ్రీఆదిపూడి వెంకటశివసాయిరామ్ గారు కలిసి మా రెండు పుస్తకాలను ("శ్రీ వారాహీ స్తోత్రనిధి" మరియు "శ్రీ శ్యామలా స్తోత్రనిధి") ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
