Read in తెలుగు / ಕನ್ನಡ / தமிழ் / देवनागरी / English (IAST)
bījāpūragadēkṣukārmukarujā cakrābjapāśōtpala-
-vrīhyagrasvaviṣāṇaratnakalaśaprōdyatkarāmbhōruhaḥ |
dhyēyō vallabhayā sapadmakarayāśliṣṭōjjvaladbhūṣayā
viśvōtpattivipattisaṁsthitikarō vighnēśa iṣṭārthadaḥ || 1 ||
namastē siddhilakṣmīśa gaṇādhipa mahāprabhō |
vighnēśvara jagannātha gaurīputra jagatprabhō || 2 ||
jaya vighnēśvara vibhō vināyaka mahēśvara |
lambōdara mahābāhō sarvadā tvaṁ prasīda mē || 3 ||
mahādēva jagatsvāmin mūṣikārūḍha śaṅkara |
viśālākṣa mahākāya māṁ trāhi paramēśvara || 4 ||
kuñjarāsya surādhīśa mahēśa karuṇānidhē |
mātuluṅgadhara svāmin gadācakrasamanvita || 5 ||
daśabāhō mahārāja gajavaktra caturbhuja |
śūrpakarṇa mahākarṇa gaṇanātha prasīda mē || 6 ||
śaṅkhaśūlasamāyukta bījāpūrasamanvita |
ikṣukārmukasamyukta padmahasta prasīda mē || 7 ||
nānābharaṇasamyukta ratnakumbhakara prabhō |
sargasthitilayādhīśa paramātman jaya prabhō || 8 ||
anāthanātha viśvēśa vighnasaṅghavināśana |
trayīmūrtē surapatē brahmaviṣṇuśivātmaka || 9 ||
trayīguṇa mahādēva pāhi māṁ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṁ gaṇanāyaka |
ratimanmathasaṁsēvya mahībhūdārasaṁstuta || 11 ||
r̥ddhyāmōdādisaṁsēvya mahāgaṇapatē jaya |
śaṅkhapadmādisaṁsēvya nirālamba nirīśvara || 12 ||
niṣkalaṅka nirādhāra pāhi māṁ nityamavyaya |
anādya jagatāmādya pitāmahasupūjita || 13 ||
dhūmakētō gaṇādhyakṣa mahāmūṣakavāhana |
anantaparamānanda jaya vighnēśvarēśvara || 14 ||
ratnasiṁhāsanāsīna kirīṭēna suśōbhita |
parātpara parēśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṁstutya trāhi māṁ vighnanāyaka || 16 ||
kumārasya gurō dēva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalōkānāṁ śaraṇāgatavatsala |
mahāgaṇapatē nityaṁ māṁ pālaya kr̥pānidhē || 18 ||
ēvaṁ śrīgaṇanāthasya stavarājamanuttamam |
yaḥ paṭhēcchr̥ṇuyānnityaṁ pratyūhaiḥ sa vimucyatē || 19 ||
aśvamēdhasamaṁ puṇyaphalaṁ prāpnōtyanuttamam |
vaśīkarōti trailōkyaṁ prāpya saubhāgyamuttamam || 20 ||
sarvābhīṣṭamavāpnōti śīghramēva sudurlabham |
mahāgaṇēśasānnidhyaṁ prāpnōtyēva na saṁśayaḥ || 21 ||
iti śrīrudrayāmalē śrīvināyakastavarājaḥ sampūrṇam |
See more śrī gaṇēśa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
