Yogaprada Ganesha Stotram – யோக³ப்ரத³ க³ணேஶ ஸ்தோத்ரம் (முத்³க³ள புராணே)

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → யோக³ப்ரத³ க³ணேஶ ஸ்தோத்ரம் (முத்³க³ள புராணே)

கபில உவாச ।
நமஸ்தே விக்⁴னராஜாய ப⁴க்தானாம் விக்⁴னஹாரிணே ।
அப⁴க்தானாம் விஶேஷேண விக்⁴னகர்த்ரே நமோ நம꞉ ॥ 1 ॥

ஆகாஶாய ச பூ⁴தானாம் மனஸே சாமரேஷு தே ।
பு³த்³த்⁴யைரிந்த்³ரியவர்கே³ஷு த்ரிவிதா⁴ய நமோ நம꞉ ॥ 2 ॥

தே³ஹானாம் பி³ந்து³ரூபாய மோஹரூபாய தே³ஹினாம் ।
தயோரபே⁴த³பா⁴வேஷு போ³தா⁴ய தே நமோ நம꞉ ॥ 3 ॥

ஸாங்க்²யாய வை விதே³ஹானாம் ஸம்யோகா³னாம் நிஜாத்மனே ।
சதுர்ணாம் பஞ்ச மாயைவ ஸர்வத்ர தே நமோ நம꞉ ॥ 4 ॥

நாமரூபாத்மகானாம் வை ஶக்திரூபாய தே நம꞉ ।
ஆத்மனாம் ரவயே துப்⁴யம் ஹேரம்பா³ய நமோ நம꞉ ॥ 5 ॥

ஆனந்தா³னாம் மஹாவிஷ்ணுரூபாய நேதி தா⁴ரிணாம் ।
ஶங்கராய ச ஸர்வேஷாம் ஸம்யோகே³ க³ணபாய தே ॥ 6 ॥

கர்மணாம் கர்மயோகா³ய ஜ்ஞானயோகா³ய ஜானதாம் ।
ஸமேஷு ஸமரூபாய லம்போ³த³ர நமோ(அ)ஸ்து தே ॥ 7 ॥

ஸ்வாதீ⁴னானாம் க³ணாத்⁴யக்ஷ ஸஹஜாய நமோ நம꞉ ।
தேஷாமபே⁴த³பா⁴வேஷு ஸ்வானந்தா³ய ச தே நம꞉ ॥ 8 ॥

நிர்மாயிகஸ்வரூபாணாமயோகா³ய நமோ நம꞉ ।
யோகா³னாம் யோக³ரூபாய க³ணேஶாய நமோ நம꞉ ॥ 9 ॥

ஶாந்தியோக³ப்ரதா³த்ரே தே ஶாந்தியோக³மயாய ச ।
கிம் ஸ்தௌமி தத்ர தே³வேஶ அதஸ்த்வாம் ப்ரணமாம்யஹம் ॥ 10 ॥

ததஸ்தம் க³ணநாதோ² வை ஜகா³த³ ப⁴க்தமுத்தமம் ।
ஹர்ஷேண மஹதா யுக்தோ ஹர்ஷயன்முநிஸத்தம ॥ 11 ॥

ஶ்ரீக³ணேஶ உவாச ।
த்வயா க்ருதம் மதீ³யம் யத் ஸ்தோத்ரம் யோக³ப்ரத³ம் ப⁴வேத் ।
த⁴ர்மார்த²காமமோக்ஷாணாம் தா³யகம் ப்ரப⁴விஷ்யதி ॥ 12 ॥

இதி ஶ்ரீமுத்³க³ளபுராணே யோக³ப்ரத³ க³ணேஶ ஸ்தோத்ரம் ஸமாப்தம் ।

---

மேலும் ஶ்ரீ கணேஶ ஸ்தோத்திரங்கள் பார்க்க.

---