Read in తెలుగు / ಕನ್ನಡ / தமிழ் / देवनागरी / English (IAST)
ನಮೋಽಸ್ತು ತೇ ಮಹಾದೇವಿ ಶಿವೇ ಕಲ್ಯಾಣಿ ಶಾಂಭವಿ |
ಪ್ರಸೀದ ವೇದವಿನುತೇ ಜಗದಂಬ ನಮೋಽಸ್ತು ತೇ || ೧ ||
ಜಗತಾಮಾದಿಭೂತಾ ತ್ವಂ ಜಗತ್ತ್ವಂ ಜಗದಾಶ್ರಯಾ |
ಏಕಾಽಪ್ಯನೇಕರೂಪಾಸಿ ಜಗದಂಬ ನಮೋಽಸ್ತು ತೇ || ೨ ||
ಸೃಷ್ಟಿಸ್ಥಿತಿವಿನಾಶಾನಾಂ ಹೇತುಭೂತೇ ಮುನಿಸ್ತುತೇ |
ಪ್ರಸೀದ ದೇವವಿನುತೇ ಜಗದಂಬ ನಮೋಽಸ್ತು ತೇ || ೩ ||
ಸರ್ವೇಶ್ವರಿ ನಮಸ್ತುಭ್ಯಂ ಸರ್ವಸೌಭಾಗ್ಯದಾಯಿನಿ |
ಸರ್ವಶಕ್ತಿಯುತೇಽನಂತೇ ಜಗದಂಬ ನಮೋಽಸ್ತು ತೇ || ೪ ||
ವಿವಿಧಾರಿಷ್ಟಶಮನಿ ತ್ರಿವಿಧೋತ್ಪಾತನಾಶಿನಿ |
ಪ್ರಸೀದ ದೇವಿ ಲಲಿತೇ ಜಗದಂಬ ನಮೋಽಸ್ತು ತೇ || ೫ ||
ಪ್ರಸೀದ ಕರುಣಾಸಿಂಧೋ ತ್ವತ್ತಃ ಕಾರುಣಿಕಾ ಪರಾ |
ಯತೋ ನಾಸ್ತಿ ಮಹಾದೇವಿ ಜಗದಂಬ ನಮೋಽಸ್ತು ತೇ || ೬ ||
ಶತ್ರೂನ್ ಜಹಿ ಜಯಂ ದೇಹಿ ಸರ್ವಾನ್ಕಾಮಾಂಶ್ಚ ದೇಹಿ ಮೇ |
ಭಯಂ ನಾಶಯ ರೋಗಾಂಶ್ಚ ಜಗದಂಬ ನಮೋಽಸ್ತು ತೇ || ೭ ||
ಜಗದಂಬ ನಮೋಽಸ್ತು ತೇ ಹಿತೇ
ಜಯ ಶಂಭೋರ್ದಯಿತೇ ಮಹಾಮತೇ |
ಕುಲದೇವಿ ನಮೋಽಸ್ತು ತೇ ಸದಾ
ಹೃದಿ ಮೇ ತಿಷ್ಠ ಯತೋಽಸಿ ಸರ್ವದಾ || ೮ ||
ತುಲಜಾಪುರವಾಸಿನ್ಯಾ ದೇವ್ಯಾಃ ಸ್ತೋತ್ರಮಿದಂ ಪರಮ್ |
ಯಃ ಪಠೇತ್ಪ್ರಯತೋ ಭಕ್ತ್ಯಾ ಸರ್ವಾನ್ಕಾಮಾನ್ಸ ಆಪ್ನುಯಾತ್ || ೯ ||
ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀತುಲಜಾಪುರವಾಸಿನ್ಯಾ ದೇವ್ಯಾಃ ಸ್ತೋತ್ರಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ದುರ್ಗಾ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
