Read in తెలుగు / ಕನ್ನಡ / தமிழ் / देवनागरी / English (IAST)
ಪಾರ್ವತ್ಯುವಾಚ |
ಕೈಲಾಸ ವಾಸಿನ್ ಭಗವನ್ ಭಕ್ತಾನುಗ್ರಹಕಾರಕ |
ರಾಧಿಕಾ ಕವಚಂ ಪುಣ್ಯಂ ಕಥಯಸ್ವ ಮಮ ಪ್ರಭೋ || ೧ ||
ಯದ್ಯಸ್ತಿ ಕರುಣಾ ನಾಥ ತ್ರಾಹಿ ಮಾಂ ದುಃಖತೋ ಭಯಾತ್ |
ತ್ವಮೇವ ಶರಣಂ ನಾಥ ಶೂಲಪಾಣೇ ಪಿನಾಕಧೃತ್ || ೨ ||
ಶಿವ ಉವಾಚ |
ಶೃಣುಷ್ವ ಗಿರಿಜೇ ತುಭ್ಯಂ ಕವಚಂ ಪೂರ್ವಸೂಚಿತಮ್ |
ಸರ್ವರಕ್ಷಾಕರಂ ಪುಣ್ಯಂ ಸರ್ವಹತ್ಯಾಹರಂ ಪರಮ್ || ೩ ||
ಹರಿಭಕ್ತಿಪ್ರದಂ ಸಾಕ್ಷಾದ್ಭುಕ್ತಿಮುಕ್ತಿಪ್ರಸಾಧನಮ್ |
ತ್ರೈಲೋಕ್ಯಾಕರ್ಷಣಂ ದೇವಿ ಹರಿಸಾನ್ನಿಧ್ಯಕಾರಕಮ್ || ೪ ||
ಸರ್ವತ್ರ ಜಯದಂ ದೇವಿ ಸರ್ವಶತ್ರುಭಯಾವಹಮ್ |
ಸರ್ವೇಷಾಂ ಚೈವ ಭೂತಾನಾಂ ಮನೋವೃತ್ತಿಹರಂ ಪರಮ್ || ೫ ||
ಚತುರ್ಧಾ ಮುಕ್ತಿಜನಕಂ ಸದಾನಂದಕರಂ ಪರಮ್ |
ರಾಜಸೂಯಾಶ್ವಮೇಧಾನಾಂ ಯಜ್ಞಾನಾಂ ಫಲದಾಯಕಮ್ || ೬ ||
ಇದಂ ಕವಚಮಜ್ಞಾತ್ವಾ ರಾಧಾಮಂತ್ರಂ ಚ ಯೋ ಜಪೇತ್ |
ಸ ನಾಪ್ನೋತಿ ಫಲಂ ತಸ್ಯ ವಿಘ್ನಾಸ್ತಸ್ಯ ಪದೇ ಪದೇ || ೭ ||
ಋಷಿರಸ್ಯ ಮಹಾದೇವೋಽನುಷ್ಟುಪ್ ಛಂದಶ್ಚ ಕೀರ್ತಿತಮ್ |
ರಾಧಾಽಸ್ಯ ದೇವತಾ ಪ್ರೋಕ್ತಾ ರಾಂ ಬೀಜಂ ಕೀಲಕಂ ಸ್ಮೃತಮ್ || ೮ ||
ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ |
ಶ್ರೀರಾಧಾ ಮೇ ಶಿರಃ ಪಾತು ಲಲಾಟಂ ರಾಧಿಕಾ ತಥಾ || ೯ ||
ಶ್ರೀಮತೀ ನೇತ್ರಯುಗಳಂ ಕರ್ಣೌ ಗೋಪೇಂದ್ರನಂದಿನೀ |
ಹರಿಪ್ರಿಯಾ ನಾಸಿಕಾಂ ಚ ಭ್ರೂಯುಗಂ ಶಶಿಶೋಭನಾ || ೧೦ ||
ಓಷ್ಠಂ ಪಾತು ಕೃಪಾದೇವೀ ಅಧರಂ ಗೋಪಿಕಾ ತಥಾ |
ವೃಷಭಾನುಸುತಾ ದಂತಾಂಶ್ಚಿಬುಕಂ ಗೋಪನಂದಿನೀ || ೧೧ ||
ಚಂದ್ರಾವಲೀ ಪಾತು ಗಂಡಂ ಜಿಹ್ವಾಂ ಕೃಷ್ಣಪ್ರಿಯಾ ತಥಾ |
ಕಂಠಂ ಪಾತು ಹರಿಪ್ರಾಣಾ ಹೃದಯಂ ವಿಜಯಾ ತಥಾ || ೧೨ ||
ಬಾಹೂ ದ್ವೌ ಚಂದ್ರವದನಾ ಉದರಂ ಸುಬಲಸ್ವಸಾ |
ಕೋಟಿಯೋಗಾನ್ವಿತಾ ಪಾತು ಪಾದೌ ಸೌಭದ್ರಿಕಾ ತಥಾ || ೧೩ ||
ನಖಾಂಶ್ಚಂದ್ರಮುಖೀ ಪಾತು ಗುಲ್ಫೌ ಗೋಪಾಲವಲ್ಲಭಾ |
ನಖಾನ್ ವಿಧುಮುಖೀ ದೇವೀ ಗೋಪೀ ಪಾದತಲಂ ತಥಾ || ೧೪ ||
ಶುಭಪ್ರದಾ ಪಾತು ಪೃಷ್ಠಂ ಕುಕ್ಷೌ ಶ್ರೀಕಾಂತವಲ್ಲಭಾ |
ಜಾನುದೇಶಂ ಜಯಾ ಪಾತು ಹರಿಣೀ ಪಾತು ಸರ್ವತಃ || ೧೫ ||
ವಾಕ್ಯಂ ವಾಣೀ ಸದಾ ಪಾತು ಧನಾಗಾರಂ ಧನೇಶ್ವರೀ |
ಪೂರ್ವಾಂ ದಿಶಂ ಕೃಷ್ಣರತಾ ಕೃಷ್ಣಪ್ರಾಣಾ ಚ ಪಶ್ಚಿಮಾಮ್ || ೧೬ ||
ಉತ್ತರಾಂ ಹರಿತಾ ಪಾತು ದಕ್ಷಿಣಾಂ ವೃಷಭಾನುಜಾ |
ಚಂದ್ರಾವಲೀ ನೈಶಮೇವ ದಿವಾ ಕ್ಷ್ವೇಡಿತಮೇಖಲಾ || ೧೭ ||
ಸೌಭಾಗ್ಯದಾ ಮಧ್ಯದಿನೇ ಸಾಯಾಹ್ನೇ ಕಾಮರೂಪಿಣೀ |
ರೌದ್ರೀ ಪ್ರಾತಃ ಪಾತು ಮಾಂ ಹಿ ಗೋಪಿನೀ ರಜನೀಕ್ಷಯೇ || ೧೮ ||
ಹೇತುದಾ ಸಂಗವೇ ಪಾತು ಕೇತುಮಾಲಾ ದಿವಾರ್ಧಕೇ |
ಶೇಷಾಽಪರಾಹ್ಣಸಮವೇ ಶಮಿತಾ ಸರ್ವಸಂಧಿಷು || ೧೯ ||
ಯೋಗಿನೀ ಭೋಗಸಮಯೇ ರತೌ ರತಿಪ್ರದಾ ಸದಾ |
ಕಾಮೇಶೀ ಕೌತುಕೇ ನಿತ್ಯಂ ಯೋಗೇ ರತ್ನಾವಲೀ ಮಮ || ೨೦ ||
ಸರ್ವದಾ ಸರ್ವಕಾರ್ಯೇಷು ರಾಧಿಕಾ ಕೃಷ್ಣಮಾನಸಾ |
ಇತ್ಯೇತತ್ಕಥಿತಂ ದೇವಿ ಕವಚಂ ಪರಮಾದ್ಭುತಮ್ || ೨೧ ||
ಸರ್ವರಕ್ಷಾಕರಂ ನಾಮ ಮಹಾರಕ್ಷಾಕರಂ ಪರಮ್ |
ಪ್ರಾತರ್ಮಧ್ಯಾಹ್ನಸಮಯೇ ಸಾಯಾಹ್ನೇ ಪ್ರಪಠೇದ್ಯದಿ || ೨೨ ||
ಸರ್ವಾರ್ಥಸಿದ್ಧಿಸ್ತಸ್ಯ ಸ್ಯಾದ್ಯನ್ಮನಸಿ ವರ್ತತೇ |
ರಾಜದ್ವಾರೇ ಸಭಾಯಾಂ ಚ ಸಂಗ್ರಾಮೇ ಶತ್ರುಸಂಕಟೇ || ೨೩ ||
ಪ್ರಾಣಾರ್ಥನಾಶಸಮಯೇ ಯಃ ಪಠೇತ್ಪ್ರಯತೋ ನರಃ |
ತಸ್ಯ ಸಿದ್ಧಿರ್ಭವೇದ್ದೇವಿ ನ ಭಯಂ ವಿದ್ಯತೇ ಕ್ವಚಿತ್ || ೨೪ ||
ಆರಾಧಿತಾ ರಾಧಿಕಾ ಚ ತೇನ ಸತ್ಯಂ ನ ಸಂಶಯಃ |
ಗಂಗಾಸ್ನಾನಾದ್ಧರೇರ್ನಾಮಗ್ರಹಣಾದ್ಯತ್ಫಲಂ ಲಭೇತ್ || ೨೫ ||
ತತ್ಫಲಂ ತಸ್ಯ ಭವತಿ ಯಃ ಪಠೇತ್ಪ್ರಯತಃ ಶುಚಿಃ |
ಹರಿದ್ರಾರೋಚನಾಚಂದ್ರಮಂಡಿತಂ ಹರಿಚಂದನಮ್ || ೨೬ ||
ಕೃತ್ವಾ ಲಿಖಿತ್ವಾ ಭೂರ್ಜೇ ಚ ಧಾರಯೇನ್ಮಸ್ತಕೇ ಭುಜೇ |
ಕಂಠೇ ವಾ ದೇವದೇವೇಶಿ ಸ ಹರಿರ್ನಾತ್ರ ಸಂಶಯಃ || ೨೭ ||
ಕವಚಸ್ಯ ಪ್ರಸಾದೇನ ಬ್ರಹ್ಮಾ ಸೃಷ್ಟಿಂ ಸ್ಥಿತಿಂ ಹರಿಃ |
ಸಂಹಾರಂ ಚಾಽಹಂ ನಿಯತಂ ಕರೋಮಿ ಕುರುತೇ ತಥಾ || ೨೮ ||
ವೈಷ್ಣವಾಯ ವಿಶುದ್ಧಾಯ ವಿರಾಗಗುಣಶಾಲಿನೇ |
ದದ್ಯಾತ್ಕವಚಮವ್ಯಗ್ರಮನ್ಯಥಾ ನಾಶಮಾಪ್ನುಯಾತ್ || ೨೯ ||
ಇತಿ ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ರಾಧಾ ಕವಚಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
