Read in తెలుగు / ಕನ್ನಡ / தமிழ் / देवनागरी / English (IAST)
ಗೋಪನಾರೀ ಮುಖಾಂಭೋಜಭಾಸ್ಕರಂ ವೇಣುವಾದ್ಯಕಮ್ |
ರಾಧಿಕಾರಸಭೋಕ್ತಾರಂ ಗೋವರ್ಧನಧರಂ ಭಜೇ || ೧ ||
ಆಭೀರನಗರೀಪ್ರಾಣಪ್ರಿಯಂ ಸತ್ಯಪರಾಕ್ರಮಮ್ |
ಸ್ವಭೃತ್ಯಭಯಭೇತ್ತಾರಂ ಗೋವರ್ಧನಧರಂ ಭಜೇ || ೨ ||
ವ್ರಜಸ್ತ್ರೀ ವಿಪ್ರಯೋಗಾಗ್ನಿ ನಿವಾರಕಮಹರ್ನಿಶಮ್ |
ಮಹಾಮರಕತಶ್ಯಾಮಂ ಗೋವರ್ಧನಧರಂ ಭಜೇ || ೩ ||
ನವಕಂಜನಿಭಾಕ್ಷಂ ಚ ಗೋಪೀಜನಮನೋಹರಮ್ |
ವನಮಾಲಾಧರಂ ಶಶ್ವದ್ಗೋವರ್ಧನಧರಂ ಭಜೇ || ೪ ||
ಭಕ್ತವಾಂಛಾಕಲ್ಪವೃಕ್ಷಂ ನವನೀತಪಯೋಮುಖಮ್ |
ಯಶೋದಾಮಾತೃಸಾನಂದಂ ಗೋವರ್ಧನಧರಂ ಭಜೇ || ೫ ||
ಅನನ್ಯಕೃತಹೃದ್ಭಾವಪೂರಕಂ ಪೀತವಾಸಸಮ್ |
ರಾಸಮಂಡಲಮಧ್ಯಸ್ಥಂ ಗೋವರ್ಧನಧರಂ ಭಜೇ || ೬ ||
ಧ್ವಜವಜ್ರಾದಿಸಚ್ಚಿಹ್ನ ರಾಜಚ್ಚರಣಪಂಕಜಮ್ |
ಶೃಂಗಾರರಸಮರ್ಮಜ್ಞಂ ಗೋವರ್ಧನಧರಂ ಭಜೇ || ೭ ||
ಪುರುಹೂತಮಹಾವೃಷ್ಟೀರ್ನಾಶಕಂ ಗೋಗಣಾವೃತಮ್ |
ಭಕ್ತನೇತ್ರಚಕೋರೇಂದುಂ ಗೋವರ್ಧನಧರಂ ಭಜೇ || ೮ ||
ಗೋವರ್ಧನಧರಾಷ್ಟಕಮಿದಂ ಯಃ ಪ್ರಪಠೇತ್ ಸುಧೀಃ |
ಸರ್ವದಾಽನನ್ಯಭಾವೇನ ಸ ಕೃಷ್ಣೋ ರತಿಮಾಪ್ನುಯಾತ್ || ೯ ||
ರಚಿತಂ ಭಕ್ತಿಲಾಭಾಯ ಧಾರಕಾನಾಂ ಸನಾತನಮ್ |
ಮುಕ್ತಿದಂ ಸರ್ವಜಂತೂನಾಂ ಗೋವರ್ಧನಧರಾಷ್ಟಕಮ್ || ೧೦ ||
ಇತಿ ಶ್ರೀಗೋಕುಲಚಂದ್ರ ಕೃತಂ ಗೋವರ್ಧನಧರಾಷ್ಟಕಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
