Read in తెలుగు / ಕನ್ನಡ / தமிழ் / देवनागरी / English (IAST)
ಗುಣಾತೀತಂ ಪರಂಬ್ರಹ್ಮ ವ್ಯಾಪಕಂ ಭೂಧರೇಶ್ವರಮ್ |
ಗೋಕುಲಾನಂದದಾತಾರಂ ವಂದೇ ಗೋವರ್ಧನಂ ಗಿರಿಮ್ || ೧ ||
ಗೋಲೋಕಾಧಿಪತಿಂ ಕೃಷ್ಣವಿಗ್ರಹಂ ಪರಮೇಶ್ವರಮ್ |
ಚತುಷ್ಪದಾರ್ಥದಂ ನಿತ್ಯಂ ವಂದೇ ಗೋವರ್ಧನಂ ಗಿರಿಮ್ || ೨ ||
ನಾನಾಜನ್ಮಕೃತಂ ಪಾಪಂ ದಹೇತ್ ತೂಲಂ ಹುತಾಶನಃ |
ಕೃಷ್ಣಭಕ್ತಿಪ್ರದಂ ಶಶ್ವದ್ವಂದೇ ಗೋವರ್ಧನಂ ಗಿರಿಮ್ || ೩ ||
ಸದಾನಂದಂ ಸದಾವಂದ್ಯಂ ಸದಾ ಸರ್ವಾರ್ಥಸಾಧನಮ್ |
ಸಾಕ್ಷಿಣಂ ಸಕಲಾಧಾರಂ ವಂದೇ ಗೋವರ್ಧನಂ ಗಿರಿಮ್ || ೪ ||
ಸುರೂಪಂ ಸ್ವಸ್ತಿಕಾಸೀನಂ ಸುನಾಸಾಗ್ರಂ ಕೃತೇಕ್ಷಣಮ್ |
ಧ್ಯಾಯಂತಂ ಕೃಷ್ಣ ಕೃಷ್ಣೇತಿ ವಂದೇ ಗೋವರ್ಧನಂ ಗಿರಿಮ್ || ೫ ||
ವಿಶ್ವರೂಪಂ ಪ್ರಜಾಧೀಶಂ ವಲ್ಲವೀವಲ್ಲಭಪ್ರಿಯಮ್ |
ವಿಹ್ವಲಪ್ರಿಯಮಾತ್ಮಾನಂ ವಂದೇ ಗೋವರ್ಧನಂ ಗಿರಿಮ್ || ೬ ||
ಆನಂದಕೃತ್ಸುರಾಶೀಶಕೃತಸಂಭಾರಭೋಜನಮ್ |
ಮಹೇಂದ್ರಮದಹಂತಾರಂ ವಂದೇ ಗೋವರ್ಧನಂ ಗಿರಿಮ್ || ೭ ||
ಕೃಷ್ಣಲೀಲಾರಸಾವಿಷ್ಟಂ ಕೃಷ್ಣಾತ್ಮಾನಂ ಕೃಪಾಕರಮ್ |
ಕೃಷ್ಣಾನಂದಪ್ರದಂ ಸಾಕ್ಷಾದ್ ವಂದೇ ಗೋವರ್ಧನಂ ಗಿರಿಮ್ || ೮ ||
ಗೋವರ್ಧನಾಷ್ಟಕಮಿದಂ ಯಃ ಪಠೇದ್ಭಕ್ತಿಸಂಯುತಃ |
ತನ್ನೇತ್ರಗೋಚರೋ ಯಾತಿ ಕೃಷ್ಣೋ ಗೋವರ್ಧನೇಶ್ವರಃ || ೯ ||
ಇದಂ ಶ್ರೀಮದ್ಘನಶ್ಯಾಮನಂದನಸ್ಯ ಮಹಾತ್ಮನಃ |
ಜ್ಞಾನಿನೋ ಜ್ಞಾನಿರಾಮಸ್ಯ ಕೃತಿರ್ವಿಜಯತೇತರಾಮ್ || ೧೦ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
