Read in తెలుగు / ಕನ್ನಡ / தமிழ் / देवनागरी / English (IAST)
ಮಹಾಯೋಗಿಪೀಠಸ್ಥಲೇ ತುಂಗಭದ್ರಾ-
-ತಟೇ ಸೂಕ್ಷ್ಮಕಾಶ್ಯಾಂ ಸದಾಸಂವಸಂತೀಮ್ |
ಮಹಾಯೋಗಿಬ್ರಹ್ಮೇಶವಾಮಾಂಕಸಂಸ್ಥಾಂ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೧ ||
ಜ್ವಲದ್ರತ್ನವೈಡೂರ್ಯಮುಕ್ತಾಪ್ರವಾಲ
ಪ್ರವೀಣ್ಯಸ್ಥಗಾಂಗೇಯಕೋಟೀರಶೋಭಾಮ್ |
ಸುಕಾಶ್ಮೀರರೇಖಾಪ್ರಭಾಖ್ಯಾಂ ಸ್ವಫಾಲೇ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೨ ||
ಸ್ವಸೌಂದರ್ಯಮಂದಸ್ಮಿತಾಂ ಬಿಂದುವಕ್ತ್ರಾಂ
ರಸತ್ಕಜ್ಜಲಾಲಿಪ್ತ ಪದ್ಮಾಭನೇತ್ರಾಮ್ |
ಪರಾಂ ಪಾರ್ವತೀಂ ವಿದ್ಯುದಾಭಾಸಗಾತ್ರೀಂ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೩ ||
ಘನಶ್ಯಾಮಲಾಪಾದಸಂಲೋಕ ವೇಣೀಂ
ಮನಃ ಶಂಕರಾರಾಮಪೀಯೂಷವಾಣೀಮ್ |
ಶುಕಾಶ್ಲಿಷ್ಟಸುಶ್ಲಾಘ್ಯಪದ್ಮಾಭಪಾಣೀಂ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೪ ||
ಸುಧಾಪೂರ್ಣ ಗಾಂಗೇಯಕುಂಭಸ್ತನಾಢ್ಯಾಂ
ಲಸತ್ಪೀತಕೌಶೇಯವಸ್ತ್ರಾಂ ಸ್ವಕಟ್ಯಾಮ್ |
ಗಲೇರತ್ನಮುಕ್ತಾವಲೀಪುಷ್ಪಹಾರಾಂ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೫ ||
ಶಿವಾಂ ಶಾಂಕರೀಂ ಸರ್ವಕಲ್ಯಾಣಶೀಲಾಂ
ಭವಾನೀಂ ಭವಾಂಭೋನಿಧೇರ್ದಿವ್ಯನೌಕಾಮ್ |
ಕುಮಾರೀಂ ಕುಲೋತ್ತಾರಣೀಮಾದಿವಿದ್ಯಾಂ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೬ ||
ಚಲತ್ಕಿಂಕಿಣೀಂ ನೂಪುರಾಪಾದಪದ್ಮಾಂ
ಸುರೇಂದ್ರೈರ್ಮೃಗೇಂದ್ರೈರ್ಮಹಾಯೋಗಿಬೃಂದೈಃ |
ಸದಾ ಸಂಸ್ತುವಂತೀಂ ಪರಂ ವೇದವಿದ್ಭಿಃ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೭ ||
ಹರೇಃ ಸೋದರೀಂ ಹವ್ಯವಾಹಸ್ವರೂಪಾಂ
ಪ್ರಸನ್ನಾಂ ಪ್ರಪನ್ನಾರ್ತಿಹಂತ್ರೀಂ ಪ್ರಸಿದ್ಧಾಮ್ |
ಮಹಾಸಿದ್ಧಿಬುದ್ಧ್ಯಾದಿವಂದ್ಯಾಂ ಪರೇಶೀಂ
ಶರಚ್ಚಂದ್ರಬಿಂಬಾಂ ಭಜೇ ಜೋಗುಲಾಂಬಾಮ್ || ೮ ||
ಇದಂ ಜೋಗುಲಾಂಬಾಷ್ಟಕಂ ಯಃ ಪಠೇದ್ವಾ
ಪ್ರಭಾತೇ ನಿಶಾರ್ಧೇಽಥವಾ ಚಿತ್ತಶುದ್ಧಿಃ |
ಪೃಥಿವ್ಯಾಂ ಪರಂ ಸರ್ವಭೋಗಾಂಶ್ಚ ಭುಕ್ತ್ವಾ
ಶ್ರಿಯಂ ಮುಕ್ತಿಮಾಪ್ನೋತಿ ದಿವ್ಯಾಂ ಪ್ರಸಿದ್ಧಃ || ೯ ||
ಇತಿ ಶ್ರೀ ಜೋಗುಲಾಂಬಾಷ್ಟಕಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
