Read in తెలుగు / ಕನ್ನಡ / தமிழ் / देवनागरी / English (IAST)
ಕಲಿತಕನಕಚೇಲಂ ಖಂಡಿತಾಪತ್ಕುಚೇಲಂ
ಗಳಧೃತವನಮಾಲಂ ಗರ್ವಿತಾರಾತಿಕಾಲಮ್ |
ಕಲಿಮಲಹರಶೀಲಂ ಕಾಂತಿಧೂತೇಂದ್ರನೀಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೧ ||
ವ್ರಜಯುವತಿವಿಲೋಲಂ ವಂದನಾನಂದಲೋಲಂ
ಕರಧೃತಗುರುಶೈಲಂ ಕಂಜಗರ್ಭಾದಿಪಾಲಮ್ |
ಅಭಿಮತಫಲದಾನಂ ಶ್ರೀಜಿತಾಮರ್ತ್ಯಸಾಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೨ ||
ಘನತರಕರುಣಾಶ್ರೀಕಲ್ಪವಲ್ಲ್ಯಾಲವಾಲಂ
ಕಲಶಜಲಧಿಕನ್ಯಾಮೋದಕಶ್ರೀಕಪೋಲಮ್ |
ಪ್ಲುಷಿತವಿನತಲೋಕಾನಂತದುಷ್ಕರ್ಮತೂಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೩ ||
ಶುಭದಸುಗುಣಜಾಲಂ ಸೂರಿಲೋಕಾನುಕೂಲಂ
ದಿತಿಜತತಿಕರಾಲಂ ದಿವ್ಯದಾರಾಯಿತೇಲಮ್ |
ಮೃದುಮಧುರವಚಃಶ್ರೀ ದೂರಿತಶ್ರೀರಸಾಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೪ ||
ಮೃಗಮದತಿಲಕಶ್ರೀಮೇದುರಸ್ವೀಯಫಾಲಂ
ಜಗದುದಯಲಯಸ್ಥಿತ್ಯಾತ್ಮಕಾತ್ಮೀಯಖೇಲಮ್ |
ಸಕಲಮುನಿಜನಾಳೀಮಾನಸಾಂತರ್ಮರಾಳಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೫ ||
ಅಸುರಹರಣಖೇಲನಂ ನಂದಕೋತ್ಕ್ಷೇಪಲೀಲಂ
ವಿಲಸಿತಶರಕಾಲಂ ವಿಶ್ವಪೂರ್ಣಾಂತರಾಳಮ್ |
ಶುಚಿರುಚಿರಯಶಃ ಶ್ರೀಧಿಕ್ಕೃತ ಶ್ರೀಮೃಣಾಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೬ ||
ಸ್ವಪರಿಚರಣಲಬ್ಧ ಶ್ರೀಧರಾಶಾಧಿಪಾಲಂ
ಸ್ವಮಹಿಮಲವಲೀಲಾಜಾತವಿಧ್ಯಂಡಗೋಳಮ್ |
ಗುರುತರಭವದುಃಖಾನೀಕ ವಾಃಪೂರಕೂಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೭ ||
ಚರಣಕಮಲಶೋಭಾಪಾಲಿತ ಶ್ರೀಪ್ರವಾಳಂ
ಸಕಲಸುಕೃತಿರಕ್ಷಾದಕ್ಷಕಾರುಣ್ಯ ಹೇಲಮ್ |
ರುಚಿವಿಜಿತತಮಾಲಂ ರುಕ್ಮಿಣೀಪುಣ್ಯಮೂಲಂ
ವಿನಮದವನಶೀಲಂ ವೇಣುಗೋಪಾಲಮೀಡೇ || ೮ ||
ಶ್ರೀವೇಣುಗೋಪಾಲ ಕೃಪಾಲವಾಲಾಂ
ಶ್ರೀರುಕ್ಮಿಣೀಲೋಲಸುವರ್ಣಚೇಲಾಮ್ |
ಕೃತಿಂ ಮಮ ತ್ವಂ ಕೃಪಯಾ ಗೃಹೀತ್ವಾ
ಸ್ರಜಂ ಯಥಾ ಮಾಂ ಕುರು ದುಃಖದೂರಮ್ || ೯ ||
ಇತಿ ಶ್ರೀ ವೇಣುಗೋಪಾಲಾಷ್ಟಕಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
