Read in తెలుగు / ಕನ್ನಡ / தமிழ் / देवनागरी / English (IAST)
(ಋ।ವೇ।ಖಿ।೪।೫)
ಯಾಂ ಕ॒ಲ್ಪಯ᳚ನ್ತಿ॒ ನೋಽರ॑ಯಃ ಕ್ರೂ॒ರಾಂ ಕೃ॒ತ್ಯಾಂ ವ॒ಧೂಮಿ॑ವ ।
ತಾಂ ಬ್ರ॑ಹ್ಮ॒ಣಾಪ॑ ನಿರ‍್ಣು॒ದ್ಮಃ ಪ್ರತ್ಯ॑ಕ್ಕ॒ರ‍್ತಾರ॑ಮೃಚ್ಛತು ॥ ೧ ॥
ಶೀ॒ರ‍್ಷ॒ಣ್ವ॒ತೀಂ ಕ॑ರ‍್ಣವ॒ತೀಂ ವಿಷು॑ರೂಪಾಂ ಭಯಂಕ॒ರೀಮ್ ।
ಯಃ ಪ್ರಾಹಿ॑ಣೋದಿ॒ಹಾದ್ಯ॒ ತ್ವಾಂ ವಿ ತಂ ತ್ವಂ ಯೋ᳚ಜಯಾ॒ಸುಭಿ॑: ॥ ೨ ॥
ಯೇನ॒ ದಿಷ್ಟೇ॒ಹ ವ॑ಹಸಿ॒ ಪ್ರತಿ॑ಕೂಲಮ॒ಘಾಯಿ॑ನಿ ।
ತಮೇ॒ವೇತೋ॒ ನಿವ॑ರ‍್ತಸ್ವ॒ ಮಾಸ್ಮಾನ್ ಮೃ॑ಚ್ಛೋ॒ ಅನಾ᳚ಗಸಃ ॥ ೩ ॥
ಅಭಿ॒ವರ‍್ತ॑ಸ್ವ ಕ॒ರ‍್ತಾರಂ॒ ನಿರ॑ಸ್ತಾ॒ಸ್ಮಾಭಿ॒ರೋಜ॑ಸಾ ।
ಆಯು॑ರಸ್ಯ॒ ನಿಕೃ॑ನ್ತಸ್ವ ಪ್ರ॒ಜಾಂ ಚ॑ ಪುರು॒ಷಾದಿ॑ನಿ ॥ ೪ ॥
ಯಸ್ತ್ವಾ᳚ ಕೃ॒ತ್ಯೇ ಚ॒ಕಾರೇ᳚ಹ॒ ತಂ ತ್ವಂ ಗ॑ಚ್ಛ॒ ಪುನ॒ರ‍್ನವೇ᳚ ।
ಅರಾ᳚ತೀಃ ಕೃತ್ಯೇ ನಾಶಯ॒ ಸರ‍್ವಾ᳚ಶ್ಚ ಯಾತುಧಾ॒ನ್ಯ॑: ॥ ೫ ॥
ಕ್ಷಿಪ್ರಂ᳚ ಕೃತ್ಯೇ॒ ನಿವ॑ರ‍್ತಸ್ವ॒ ಕರ‍್ತು॑ರೇ॒ವ ಗೃ॒ಹಾನ್ ಪ್ರ॑ತಿ ।
ಪಶೂಂ᳚ಶ್ಚೈ॒ವಾಸ್ಯ॑ ನಾಶಯ ವೀ॒ರಾಂಶ್ಚಾ᳚ಸ್ಯ॒ ನಿ ಬ॑ರ‍್ಹಯ ॥ ೬ ॥
ಯಸ್ತ್ವಾ᳚ ಕೃ॒ತ್ಯೇ ಪ್ರಜಿ॑ಘಾಯ ವಿ॒ದ್ವಾನ್ ಅವಿ॑ದುಷೋ॒ ಗೃಹಾನ್॑ ।
ತಸ್ತ್ಯೈ॒ವೇತ॒: ಪರೇ᳚ತ್ಯಾ॒ಶು ತ॒ನುಂ ಕೃ॑ಧಿ॒ ಪರು॑ಷ್ಪರುಃ ॥ ೭ ॥
ಪ್ರ॒ತೀಚೀಂ᳚ ತ್ವಾ॒ಪಸೇ᳚ಧತು॒ ಬ್ರಹ್ಮ॑ ರೋಚಿಷ್ಣ್ವಮಿತ್ರ॒ಹಾ ।
ಅ॒ಗ್ನಿಶ್ಚ॒ ಕೃತ್ಯೇ᳚ ರಕ್ಷೋ॒ಹಾ ರಿ॑ಪ್ರ॒ಹಾ ಚಾಜ॑ ಏಕ॒ಪಾತ್ ॥ ೮ ॥
ಯಥಾ॒ ತ್ವಾಙ್ಗಿ॑ರಸ॒: ಪೂರ‍್ವೇ॒ ಭೃಗ॑ವ॒ಶ್ಚಾಪ॑ ಸೇಧಿ॒ರೇ ।
ಅತ್ರ॑ಯಶ್ಚ ವ॒ಸಿಷ್ಠಾ᳚ಶ್ಚ॒ ತಥೈ॒ವ ತ್ವಾಪ॑ ಸೇಧಿಮ ॥ ೯ ॥
ಯಸ್ತೇ॒ ಪ॑ರೂಂಷಿ॒ ಸಂದ॑ಧೌ॒ ರಥ॑ಸ್ಯೇವ ವಿ॒ಭುರ‍್ಧಿ॒ಯಾ ।
ತಂ ಗ॑ಚ್ಛ॒ ತತ್ರ॒ ತೇಽಯ॑ನಮ॒ಜ್ಞಾತ॑ಸ್ತೇ ಅ॒ಯಂ ಜನ॑: ॥ ೧೦ ॥
ಯೋ ನ॑: ಕಶ್ಚಿದ್ರ॒ಣಸ್ಥೋ᳚ ವಾ॒ ಕಶ್ಚಿ॑ದ್ವಾ॒ನ್ಯೋಽಭಿ॒ ಹಿಂಸ॑ತಿ ।
ತಸ್ಯ॒ ತ್ವಂ ದ್ರೋರಿ॑ವೇದ್ಧೋ॒ಽಗ್ನಿಸ್ತ॒ನೂಮೃ॑ಚ್ಛಸ್ವ ಹೇಳಿ॒ತಾ ॥ ೧೧ ॥
ಭವಾ᳚ ಶ॒ರ‍್ವಾ ದೇ॒ವಹೇ᳚ಳಿಮ॒ಸ್ಯತ॑ ಪಾಪ॒ಕೃತ್ವ॑ನೇ ।
ಹರ॑ಸ್ವತೀ॒ ತ್ವಂ ಚ॑ ಕೃತ್ಯೇ॒ ಮೋಚ್ಛಿ॑ಷ॒ಸ್ತಸ್ಯ॑ ಕಿಂಚ॒ನ ॥ ೧೨ ॥
ಯೋ ನ॒: ಕಶ್ಚಿ॒ದ್ರುಹಾ᳚ರಾ॒ತಿರ‍್ಮನ॑ಸಾ॒ ಪ್ರತಿಭೂಷ॑ತಿ ।
ದೂರ॑ಸ್ಥೋ॒ ವಾನ್ತಿ॑ಕಸ್ಥೋ ವಾ ತಸ್ಯ॑ ಹೃದ್ಯ॒ಮಸೃ॑ಕ್ ಪಿಬ ॥ ೧೩ ॥
ಯೇನಾ᳚ಸಿ॒ ಕೃತ್ಯೇ॒ ಪ್ರಹಿ॑ತಾ ದೂ॒ಢ್ಯೇ᳚ನಾ॒ಸ್ಮಜ್ಜಿ॒ಘಾಂಸ॑ಯಾ ।
ತಸ್ಯ॑ ವ್ಯಾ॒ನಚ್ಚಾ᳚ವ್ಯಾನಚ್ಚ ಹಿ॒ನಸ್ತು॒ ಹರ॑ಸಾ॒ಶನಿ॑: ॥ ೧೪ ॥
ಯೇ ನ॑: ಶಿ॒ವಾಸ॒: ಪನ್ಥಾ᳚ನಃ ಪರಾ॒ಯನ್ತಿ॑ ಪರಾ॒ವತ᳚ಮ್ ।
ತೈರ‍್ದೇ᳚ವಿ॒ ರಾತ್ರ‍್ಯಾ᳚: ಕೃತ್ಯಾ॒ ನೋ ಗ॒ಮಯ॑ಸ್ವಾನು॒ಕೃತ್ತ॑ಯೇ ॥ ೧೫ ॥
ಯದಿ॒ ವೈಷಿ॑ ದ್ವಿ॒ಪದ್ಯ॒ಸ್ಮಾನ್ ಯದಿ॑ ವೈಷಿ॒ ಚತು॑ಷ್ಪದೀ ।
ನಿರ॑ಸ್ತೇ॒ತೋ ವ್ರ॑ಜಾಸ್ಮಾ॒ಭಿಃ ಕರ‍್ತು॑ರ॒ಷ್ಟಾಪ॑ದೀ ಗೃ॒ಹಾನ್ ॥ ೧೬ ॥
ಯೋ ನ॒: ಶಪಾ॒ದಶ॑ಪತೋ॒ ಯಶ್ಚ॑ ನ॒: ಶಪ॑ತ॒: ಶಪಾ᳚ತ್ ।
ವೃ॒ಕ್ಷಮಿ॑ವ ವಿ॒ದ್ಯುದಾಶು॒ ತಮಾಮೂ᳚ಲಾ॒ದನು॑ಶೋಷಯ ॥ ೧೭ ॥
ಯಂ ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟ್ಯಘಾ॒ಯುರ‍್ಯಶ್ಚ॑ ನ॒: ಶಪಾ᳚ತ್ ।
ಶು॒ನೇ ಪಿ॒ಷ್ಟಮಿ॑ವ॒ ಕ್ಷಾಮಂ॒ ತಂ ಪ್ರತ್ಯ॑ಸ್ಯ॒ ಸ್ವಮೃ॒ತ್ಯವೇ᳚ ॥ ೧೮ ॥
ಯಶ್ಚ॑ ಸಾಪತ್ನಃ ಶ॒ಪಥೋ॒ ಯಶ್ಚ॒ ಯಾಮೀ᳚ ಶ॒ಪಾತಿ॑ ನಃ ।
ಬ್ರಹ್ಮಾ᳚ ಚ॒ ಯತ್ಕ್ರು॒ದ್ಧಃ ಶ॑ಪಾ॒ತ್ಸರ‍್ವಂ॒ ತತ್ಕೃ॑ಧ್ಯಧಸ್ಪ॒ದಮ್ ॥ ೧೯ ॥
ಸಬ᳚ನ್ಧು॒ಶ್ಚಾಪ್ಯ॑ಬನ್ಧು॒ಶ್ಚ ಯೋ ಅ॒ಸ್ಮಾನ್ ಅಭಿ॒ದಾಸ॑ತಿ ।
ತಸ್ಯ॒ ತ್ವಂ ಭಿನ್ದ್ಯ॑ಧಿ॒ಷ್ಠಾಯ॑ ಪ॒ದಾ ವಿಸ್ಫೂ᳚ರ‍್ಯ॒ ತಚ್ಛಿ॑ರಃ ॥ ೨೦ ॥
ಅ॒ಭಿ ಪ್ರೇಹಿ॑ ಸಹಸ್ರಾ॒ಕ್ಷಂ ಯು॒ಕ್ತ್ವಾ ತು॒ ಶಪ॑ಥಂ॒ ರಥೇ᳚ ।
ಶತ್ರೂ॒ನನ್ವಿ॑ಚ್ಛತೀ॒ ಕೃತ್ಯೇ᳚ ವೃ॒ಕೀವಾ᳚ವಿಮ॒ತೋ ಗೃ॒ಹಾನ್ ॥ ೨೧ ॥
ಪರಿ॑ ಣೋ ವೃಙ್ಧಿ ಶ॒ಪಥಾ॒ನ್ ದಹ॑ನ್ನ॒ಗ್ನಿರಿ॑ವ ಹ್ರ॒ದಮ್ ।
ಶತ್ರೂ॒ನೇವಾ᳚ಭಿ॒ತೋ ಜ॑ಹಿ ದಿ॒ವ್ಯಾ ವೃ॒ಕ್ಷಮಿ॑ವಾ॒ಶನಿ॑: ॥ ೨೨ ॥
ಶ॒ತ್ರೂನ್ ಮೇ᳚ ಪ್ರೋಥ ಶ॒ಪಥಾ᳚ತ್ ಕೃ॒ತ್ಯಾಶ್ಚ॒ ಸುಹೃ॑ದೋ॒ಽಸುಹೃ॑ತ್ ।
ಜಿ॒ಹ್ಮಾಃ ಶ್ಲ॒ಕ್ಷ್ಣಾಶ್ಚ॑ ದು॒ರ‍್ಹೃದ॒: ಸಮಿ॑ದ್ಧಂ ಜಾ॒ತವೇ᳚ದಸಮ್ ॥ ೨೩ ॥
ಅ॒ಸ॒ಪ॒ತ್ನಂ ಪು॒ರಸ್ತಾ᳚ನ್ನಃ ಶಿ॒ವಂ ದ॑ಕ್ಷಿಣ॒ತಃ ಕೃ॑ಧಿ ।
ಅಭ॑ಯಂ॒ ಸತ॑ತಂ ಪ॒ಶ್ಚಾದ್ಭ॒ದ್ರಮು॑ತ್ತರ॒ತೋ ಗೃ॒ಹೇ ॥ ೨೪ ॥
ಪರೇ᳚ಹಿ॒ ಕೃತ್ಯೇ॒ ಮಾ ತಿ॑ಷ್ಠ ವಿ॒ದ್ಧಸ್ಯೇ᳚ವ ಪ॒ದಂ ನ॑ಯ ।
ಮೃಗ॑ಸ್ಯ॒ ಹಿ ಮೃ॑ಗಾರಿ॒ಪೋ ನ ತ್ವಾ॒ ನಿಕ॑ರ‍್ತುಮರ‍್ಹತಿ ॥ ೨೫ ॥
ಅ॒ಘ್ನ್ಯಾಸ್ಯೇ᳚ವ॒ ಘೋರ॑ರೂಪೇ॒ ವಿಷು॑ರೂಪೇ॒ಽವಿನಾ᳚ಶಿನಿ ।
ಜೃಮ್ಭಿ॑ತಾ॒ ಪ್ರತಿ॑ಗೃಭ್ಣೀಷ್ವ ಸ್ವ॒ಯಮಾ᳚ದಾಯ॒ ಚಾದ್ಭು॑ತಮ್ ॥ ೨೬ ॥
ತ್ವಮಿ᳚ನ್ದ್ರೋ ಯ॒ಮೋ ವರು॑ಣ॒ಸ್ತ್ವಮಾಪೋ॒ಽಗ್ನಿರ॑ಥಾ॒ನಿಲ॑: ।
ತ್ವಂ ಬ್ರ॒ಹ್ಮಾ ಚೈವ॑ ರುದ್ರ॒ಶ್ಚ ತ್ವ॒ಷ್ಟಾ ಚೈ॑ವ ಪ್ರ॒ಜಾಪ॑ತಿಃ ॥ ೨೭ ॥
ಆವ॑ರ‍್ತ॒ಧ್ವಂ ನಿವ॑ರ‍್ತಧ್ವ॒ಮೃತ॑ವಃ ಪರಿವತ್ಸ॒ರಾಃ ।
ಅ॒ಹೋ॒ರಾ॒ತ್ರಾಶ್ಚಾ॒ಬ್ದಾಶ್ಚ॒ ತ್ವಂ ದಿಶ॑: ಪ್ರ॒ದಿಶ॑ಶ್ಚ॒ ಮೇ ॥ ೨೮ ॥
ತ್ವಂ ಯ॒ಮಂ ವರು॑ಣಂ॒ ಸೋಮಂ॒ ತ್ವಮಾಪೋ॒ಽಗ್ನಿಮ॑ಥಾ॒ನಿಲಮ್᳚ ।
ಅತ್ರಾ᳚ಹೃ॒ತ್ಯ ಪ॑ಶೂಂಶ್ಚೈ॒ವಮು॒ತ್ಪಾದ॑ಯಸಿ॒ ಚಾದ್ಭು॑ತಮ್ ॥ ೨೯ ॥
ಯೇ ಮೇ॒ ದಮೇ॒ ದಾರು॒ಗರ‍್ಭೇ॒ ಶಯಾ᳚ನಂ ಧಿ॒ಯಾ ಸಹಿ॑ತಂ॒ ಪುರು॑ಷಂ॒ ನಿಜ॑ಹ್ರುಃ ।
ಕು॒ಮ್ಭೀ॒ಪಾ॒ಕಂ ನರ॑ಕಂ ಗ್ರೀ॒ವಬ॑ದ್ಧಂ ಹ॒ತಾ ಏ॒ವಂ ಪು॑ರು॒ಷಾಸೋ॒ ಯಮ॑ಸ್ಯ ॥ ೩೦ ॥
ಅಭ್ಯ॑ಕ್ತಾ॒ಕ್ತಾ ಸ್ವ॑ಲಂಕೃ॒ತಾ ಸರ‍್ವಂ᳚ ನೋ ದುರಿ॒ತಂ ದ॑ಹ ।
ಜಾ॒ನೀ॒ಥಾಶ್ಚೈವ॑ ಕೃತ್ಯಾ॒ನಾಂ ಕರ‍್ತೄ॒ನ್ ನೄನ್ ಪಾ᳚ಪಚೇ॒ತಸ॑: ॥ ೩೧ ॥
ಯಥಾ॒ ಹನ್ತಿ॑ ಪು॒ರಾಸೀ᳚ನಂ॒ ತಥೈ॒ವೇಷ್ವಾ᳚ ಸು॒ಕೃನ್ನರ॑: ।
ತಥಾ॒ ತ್ವಯಾ᳚ ಯು॒ಜಾ ವ॒ಯಂ ನಿಕೃ॑ಣ್ಮ॒ ಸ್ಥಾಸ್ನು॑ ಜಙ್ಗ॒ಮಮ್ ॥ ೩೨ ॥
ಉತ್ತಿ॑ಷ್ಠೈ॒ವ ಪರೇ᳚ಹಿ॒ತೋಽಜ್ಞಾ᳚ತೇ॒ ಕಿಮಿ॒ಹೇಚ್ಛ॑ಸಿ ।
ಗ್ರೀ॒ವಾಸ್ತೇ᳚ ಕೃತ್ಯೇ॒ ಪಾದೌ॒ ಚಾಭಿ॒ ಕ॑ರ‍್ತ್ಸ್ಯಾಮಿ॒ ವಿದ್ರ॑ವ ॥ ೩೩ ॥
ಸ್ವಾ॒ಯ॒ಸಾ॒: ಸನ್ತಿ॑ ನೋ॒ಽಸಯೋ᳚ ವಿ॒ದ್ಮ ಚೈ᳚ವ ಪರೂಂ᳚ಷಿ ತೇ ।
ತೈಸ್ತೇ॒ ನಿಕೃ॑ಣ್ಮ॒ಸ್ತಾನ್ಯು॑ಗ್ರೇ॒ ಯದಿ॑ ನೋ ಜೀ॒ವಯ॒ಸ್ವರೀನ್॑ ॥ ೩೪ ॥
ಮಾಸ್ಯೋ॒ಚ್ಛಿಷೋ᳚ ದ್ವಿ॒ಪದಂ॒ ಮೋತ॒ ಕಿಂಚಿ॒ಚ್ಚ॒ತುಷ್ಪದ᳚ಮ್ ।
ಮಾ ಜ್ಞಾ॒ತೀನ॑ನುಜಾನ್ಪೂರ‍್ವಾನ್ಮಾ ವೇ᳚ಶಿ॒ ಪ್ರತಿ॑ವೇಶಿನೌ ॥ ೩೫ ॥
ಶ॒ತ್ರೂ॒ಯ॒ತಾ ಪ್ರಹಿ॑ತಾಸಿ ದೂ॒ಢ್ಯೇನಾಭಿ॒ ಯಥಾ॒ಯತ॑: ।
ತತ॑ಸ್ತಥಾ॒ ತ್ವಾ ನು॑ದತು ಯೋ॒ಽಯಮ॒ನ್ತರ‍್ಮಯಿ॑ ಶ್ರಿತಃ ॥ ೩೬ ॥
ಏ॒ವಂ ತ್ವಂ॒ ನಿಕೃ॑ತಾಸ್ಮಾ॒ಭಿರ‍್ಬ್ರಹ್ಮ॒ಣಾ ದೇ᳚ವಿ ಸರ‍್ವ॒ಶಃ ।
ಯಥೇ॒ತಮಾಶ್ರಿ॑ತಾ ಗ॒ತ್ವಾ ಪಾಪ॒ದೀನಿ॑ವ ನೋ ಜಹಿ ॥ ೩೭ ॥
ಯಥಾ᳚ ವಿ॒ದ್ಯುದ್ಧ॑ತೋ ವೃ॒ಕ್ಷ ಆಮೂ᳚ಲ॒ದಾನು॒ ಶುಷ್ಯ॑ತಿ ।
ಏ॒ವಂ ಸ ಪ್ರ॑ತಿಶುಷ್ಯತು॒ ಯೋ ಮೇ᳚ ಪಾ॒ಪಂ ಚಿಕೀ᳚ರ‍್ಷತಿ ॥ ೩೮ ॥
ಯಥಾ॒ ಪ್ರತಿ॑ಶುಕೋ ಭೂ॒ತ್ವಾ ತಮೇ॒ವ ಪ್ರ॑ತಿ॒ಧಾವ॑ತಿ ।
ಪಾ॒ಪಂ ತಮೇ॒ವಂ ಧಾ᳚ವತು॒ ಯೋ ಮೇ᳚ ಪಾ॒ಪಂ ಚಿಕೀ᳚ರ‍್ಷತಿ ॥ ೩೯ ॥
ಯೋ ನ॒: ಸ್ವೋ ಅರ॑ಣೋ॒ ಯಶ್ಚ॒ ನಿಷ್ಟ್ಯೋ॒ ಜಿಘಾಂ᳚ಸತಿ ।
ದೇ॒ವಾಸ್ತಂ ಸರ‍್ವೇ᳚ ಧೂರ‍್ವನ್ತು॒ ಬ್ರಹ್ಮ॒ ವರ‍್ಮ॒ ಮಮಾನ್ತ॑ರಮ್ ॥ ೪೦ ॥
ಉತ್ತ್ವಾ᳚ ಮನ್ದನ್ತು॒ ಸ್ತೋಮಾ᳚: ಕೃಣು॒ಷ್ವ ರಾಧೋ᳚ ಅದ್ರಿವಃ ।
ಅವ॑ ಬ್ರಹ್ಮ॒ದ್ವಿಷೋ᳚ ಜಹಿ ॥ ೪೧ ॥
ಕುಬೇ᳚ರ॒ ತೇ ಮು॑ಖಂ ರೌದ್ರಂ ನ॒ನ್ದಿನ್ನಾ᳚ನನ್ದ॒ಮಾವ॑ಹ ।
ಜ್ವರಮೃ॒ತ್ಯುಭ॑ಯಂ ಘೋ॒ರಂ ವಿ॒ಶ ನಾ᳚ಶಯ॒ ಮೇ ಜ್ವ॑ರಮ್ ॥ ೪೨ ॥
ಯೋ ಮೇ᳚ ಕ॒ರೋತಿ॑ ಪ್ರದ್ವಾ॒ರೇ ಯೋ ಗೃ॒ಹೇ ಯೋ ನಿ॒ವೇಶ॑ನೇ ।
ಯೋ ಮೇ᳚ ಕೇ॒ಶನ॑ಖೇ ಕು॒ರ‍್ಯಾದಞ್ಜ॒ನೇ᳚ ದನ್ತ॒ಧಾವ॑ನೇ ॥ ೪೩ ॥
ಪ್ರತಿ॑ಸರ॒ ಪ್ರತಿ॑ಧಾವ ಕುಮಾ॒ರೀವ॑ ಪಿ॒ತುರ‍್ಗೃ॑ಹಾನ್ ।
ಮೂ॒ರ‍್ಧಾನ॑ಮೇಷಾಂ ಸ್ಫೋಟಯ ಪ॒ದಮೇ᳚ಷಾಂ ಕು॒ಲೇ ಕೃ॑ಧಿ ॥ ೪೪ ॥
ಯೇ ನೋ᳚ ರ॒ಯಿಂ ದು॑ಶ್ಚರಿ॒ತಾಸೋ᳚ ಅಗ್ನೇ ಜ॒ಹ್ರುರ‍್ಮರ‍್ತಾ᳚ಸೋ॒ ಅನೃ॑ತಂ॒ ವದ᳚ನ್ತಃ ।
ತೇಷಾಂ॒ ವಪೂಂ᳚ಷ್ಯ॒ರ‍್ಚಿಷಾ᳚ ಜಾತವೇದಃ ಶು॒ಷ್ಕಂ ನ ವೃ॒ಕ್ಷಮ॒ಭಿ ಸಂ ದ॑ಹಸ್ವ ॥ ೪೫ ॥
ಕೃಷ್ಣ॑ವ॒ರ‍್ಣೇ ಮ॑ಹದ್ರೂ॒ಪೇ ಬೃ॒ಹತ್ಕ॑ರ‍್ಣೇ ಮ॒ಹದ್ಭ॑ಯೇ ।
ದೇವಿ॑ ದೇ॒ವಿ ಮ॑ಹಾದೇ॒ವಿ ಮ॒ಮ ಶ॑ತ್ರೂನ್ ವಿ॒ನಾಶ॑ಯ ॥ ೪೬ ॥
ಖಟ್ ಫ॑ಟ್ ಜ॒ಹಿ ಮ॑ಹಾಕೃ॒ತ್ಯೇ ವಿ॒ಧೂಮಾ᳚ಗ್ನಿಸ॒ಮಪ್ರ॑ಭೇ ।
ಜ॒ಹಿ ಶ॒ತ್ರೂಂಸ್ತ್ರಿ॑ಶೂಲೇ॒ನ ಕ್ರು॒ಧ್ಯಸ್ವ॑ ಪಿಬ॒ ಶೋಣಿ॑ತಮ್ ॥ ೪೭ ॥
ಯೇ ದ್ರು॒ಹ್ಯುರೃ॒ಜವೇ॒ ಮಹ್ಯ॑ಮಗ್ನೇ ಕ॒ದಾಧಿಯೋ᳚ ದುರ‍್ಮ॒ದಾ ಅಶ್ಮ॑ನಾಸಃ ।
ಆಬ॒ಧ್ಯೈತಾ᳚ನ್ ಶೋ॒ಚಿಷಾ᳚ ವಿಧ್ಯ॒ ತನ್ತೂನ್॑ ವೈವಸ್ವ॒ತಸ್ಯ॒ ಸದ॑ನಂ ನಯಸ್ವ ॥ ೪೮ ॥
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
