Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಮಾನ್ ಯಸ್ಯಾಃ ಪ್ರಿಯಸ್ಸನ್ ಸಕಲಮಪಿ ಜಗಜ್ಜಂಗಮಸ್ಥಾವರಾದ್ಯಂ
ಸ್ವರ್ಭೂಪಾತಾಲಭೇದಂ ವಿವಿಧವಿಧಮಹಾಶಿಲ್ಪಸಾಮರ್ಥ್ಯಸಿದ್ಧಮ್ |
ರಂಜನ್ ಬ್ರಹ್ಮಾಮರೇಂದ್ರೈಸ್ತ್ರಿಭುವನಜನಕಃ ಸ್ತೂಯತೇ ಭೂರಿಶೋ ಯಃ
ಸಾ ವಿಷ್ಣೋರೇಕಪತ್ನೀ ತ್ರಿಭುವನಜನನೀ ಪಾತು ಪದ್ಮಾವತೀ ನಃ || ೧ ||
ಶ್ರೀಶೃಂಗಾರೈಕದೇವೀಂ ವಿಧಿಮುಖಸುಮನಃಕೋಟಿಕೋಟೀರಜಾಗ್ರ-
-ದ್ರತ್ನಜ್ಯೋತ್ಸ್ನಾಪ್ರಸಾರಪ್ರಕಟಿತಚರಣಾಂಭೋಜನೀರಾಜಿತಾರ್ಚಾಮ್ |
ಗೀರ್ವಾಣಸ್ತ್ರೈಣವಾಣೀಪರಿಫಣಿತಮಹಾಕೀರ್ತಿಸೌಭಾಗ್ಯಭಾಗ್ಯಾಂ
ಹೇಲಾನಿರ್ದಗ್ಧದೈನ್ಯಶ್ರಮವಿಷಮಮಹಾರಣ್ಯಗಣ್ಯಾಂ ನಮಾಮಿ || ೨ ||
ವಿದ್ಯುತ್ಕೋಟಿಪ್ರಕಾಶಾಂ ವಿವಿಧಮಣಿಗಣೋನ್ನಿದ್ರಸುಸ್ನಿಗ್ಧಶೋಭಾ-
ಸಂಪತ್ಸಂಪೂರ್ಣಹಾರಾದ್ಯಭಿನವವಿಭವಾಲಂಕ್ರಿಯೋಲ್ಲಾಸಿಕಂಠಾಮ್ |
ಆದ್ಯಾಂ ವಿದ್ಯೋತಮಾನಸ್ಮಿತರುಚಿರಚಿತಾನಲ್ಪಚಂದ್ರಪ್ರಕಾಶಾಂ
ಪದ್ಮಾಂ ಪದ್ಮಾಯತಾಕ್ಷೀಂ ಪದನಲಿನನಮತ್ಪದ್ಮಸದ್ಮಾಂ ನಮಾಮಿ || ೩ ||
ಶಶ್ವತ್ತಸ್ಯಾಃ ಶ್ರಯೇಽಹಂ ಚರಣಸರಸಿಜಂ ಶಾರ್ಙ್ಗಪಾಣೇಃ ಪುರಂಧ್ರ್ಯಾಃ
ಸ್ತೋಕಂ ಯಸ್ಯಾಃ ಪ್ರಸಾದಃ ಪ್ರಸರತಿ ಮನುಜೇ ಕ್ರೂರದಾರಿದ್ರ್ಯದಗ್ಧೇ |
ಸೋಽಯಂ ಸದ್ಯೋಽನವದ್ಯಸ್ಥಿರತರರುಚಿರಶ್ರೇಷ್ಠಭೂಯಿಷ್ಠನವ್ಯ-
-ಸ್ತವ್ಯಪ್ರಾಸಾದಪಂಕ್ತಿಪ್ರಸಿತಬಹುವಿಧಪ್ರಾಭವೋ ಬೋಭವೀತಿ || ೪ ||
ಸೌಂದರ್ಯೋದ್ವೇಲಹೇಮಾಂಬುಜಮಹಿತಮಹಾಸಿಂಹಪೀಠಾಶ್ರಯಾಢ್ಯಾಂ
ಪುಷ್ಯನ್ನೀಲಾರವಿಂದಪ್ರತಿಮವರಕೃಪಾಪೂರಸಂಪೂರ್ಣನೇತ್ರಾಮ್ |
ಜ್ಯೋತ್ಸ್ನಾಪೀಯೂಷಧಾರಾವಹನವಸುಷಮಕ್ಷೌಮಧಾಮೋಜ್ಜ್ವಲಾಂಗೀಂ
ವಂದೇ ಸಿದ್ಧೇಶಚೇತಸ್ಸರಸಿಜನಿಲಯಾಂ ಚಕ್ರಿಸೌಭಾಗ್ಯಋದ್ಧಿಮ್ || ೫ ||
ಸಂಸಾರಕ್ಲೇಶಹಂತ್ರೀಂ ಸ್ಮಿತರುಚಿರಮುಖೀಂ ಸಾರಶೃಂಗಾರಶೋಭಾಂ
ಸರ್ವೈಶ್ವರ್ಯಪ್ರದಾತ್ರೀಂ ಸರಸಿಜನಯನಾಂ ಸಂಸ್ತುತಾಂ ಸಾಧುಬೃಂದೈಃ |
ಸಂಸಿದ್ಧಸ್ನಿಗ್ಧಭಾವಾಂ ಸುರಹಿತಚರಿತಾಂ ಸಿಂಧುರಾಜಾತ್ಮಭೂತಾಂ
ಸೇವೇ ಸಂಭಾವನೀಯಾನುಪಮಿತಮಹಿಮಾಂ ಸಚ್ಚಿದಾನಂದರೂಪಾಮ್ || ೬ ||
ಸಿದ್ಧಸ್ವರ್ಣೋಪಮಾನದ್ಯುತಿಲಸಿತತನುಂ ಸ್ನಿಗ್ಧಸಂಪೂರ್ಣಚಂದ್ರ-
-ವ್ರೀಡಾಸಂಪಾದಿವಕ್ತ್ರಾಂ ತಿಲಸುಮವಿಜಯೋದ್ಯೋಗನಿರ್ನಿದ್ರನಾಸಾಮ್ |
ತಾದಾತ್ವೋತ್ಫುಲ್ಲನೀಲಾಂಬುಜಹಸನಚಣಾತ್ಮೀಯಚಕ್ಷುಃ ಪ್ರಕಾಶಾಂ
ಬಾಲಶ್ರೀಲಪ್ರವಾಲಪ್ರಿಯಸಖಚರಣದ್ವಂದ್ವರಮ್ಯಾಂ ಭಜೇಽಹಮ್ || ೭ ||
ಯಾಂ ದೇವೀಂ ಮೌನಿವರ್ಯಾಃ ಶ್ರಯದಮರವಧೂಮೌಲಿಮಾಲ್ಯಾರ್ಚಿಂತಾಂಘ್ರಿಂ
ಸಂಸಾರಾಸಾರವಾರಾನ್ನಿಧಿತರತರಣೇ ಸರ್ವದಾ ಭಾವಯಂತೇ |
ಶ್ರೀಕಾರೋತ್ತುಂಗರತ್ನಪ್ರಚುರಿತಕನಕಸ್ನಿಗ್ಧಶುದ್ಧಾಂತಲೀಲಾಂ
ತಾಂ ಶಶ್ವತ್ಪಾದಪದ್ಮಶ್ರಯದಖಿಲಹೃದಾಹ್ಲಾದಿನೀಂ ಹ್ಲಾದಯೇಽಹಮ್ || ೮ ||
ಆಕಾಶಾಧೀಶಪುತ್ರೀಂ ಶ್ರಿತಜನನಿವಹಾಧೀನಚೇತಃಪ್ರವೃತ್ತಿಂ
ವಂದೇ ಶ್ರೀವೇಂಕಟೇಶಪ್ರಭುವರಮಹಿಷೀಂ ದೀನಚಿತ್ತಪ್ರತೋಷಾಮ್ |
ಪುಷ್ಯತ್ಪಾದಾರವಿಂದಪ್ರಸೃಮರಸುಮಹಶ್ಶಾಮಿತಸ್ವಾಶ್ರಿತಾಂತ-
-ಸ್ತಾಮಿಸ್ರಾಂ ತತ್ತ್ವರೂಪಾಂ ಶುಕಪುರನಿಲಯಾಂ ಸರ್ವಸೌಭಾಗ್ಯದಾತ್ರೀಮ್ || ೯ ||
ಶ್ರೀಶೇಷಶರ್ಮಾಭಿನವೋಪಕ್ಲುಪ್ತಾ
ಪ್ರಿಯೇಣ ಭಕ್ತ್ಯಾ ಚ ಸಮರ್ಪಿತೇಯಮ್ |
ಪದ್ಮಾವತೀಮಂಗಳಕಂಠಭೂಷಾ
ವಿರಾಜತಾಂ ಶ್ರೀನವರತ್ನಮಾಲಾ || ೧೦ ||
ಇತಿ ಶ್ರೀ ಪದ್ಮಾವತೀ ನವರತ್ನಮಾಲಿಕಾ ಸ್ತುತಿಃ |
ಇನ್ನಷ್ಟು ಶ್ರೀ ವೇಂಕಟೇಶ್ವರ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ಲಕ್ಷ್ಮೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
