Read in తెలుగు / ಕನ್ನಡ / தமிழ் / देवनागरी / English (IAST)
ವಿಜಯ ತೇಽಜ ಯತೇ ಜಯತೇ ಯತೇರಿಹ ತಮೋ ಹತಮೋಹತಮೋ ನಮಃ |
ಹೃದಿಕದಾಯ ಪದಾಯ ಸದಾ ಯದಾ ತದುದಯೋ ನ ದಯೋ ನ ವಿಯೋನಯಃ || ೧ ||
ಉದಯತೇ ನಯತೇ ಯತೇರ್ಯದಾ ಮನಸಿ ಕಾಮನಿಕಾಮಗತಿಸ್ತದಾ |
ಪದುದಯೋ ಹೃದಯೋಕಸಿ ತೇ ಸಿತೇ ಭವತಿ ಯೋಽವತಿ ಯೋಗಿವರಾವರಾನ್ || ೨ ||
ಭವತಿ ಭಾವಭವೋಽವಭವೋ ಯದಾ ಭವತಿ ಕಾಮಾನಿಕಾಮಹತಿಸ್ತದಾ |
ಭವತಿ ಮಾನವ ಮಾನವದುತ್ತಮೇ ಭವತಿರೋಧಿರತೋ ವಿರತೋತ್ತಮೇ || ೩ ||
ತವ ಸತಾಂ ವಸತಾಂ ಮನಸಾಽನಸಾ ಪ್ರಪದಯೋಃ ಪದಯೋರಜಸಾಂಜಸಾ |
ಸುಸಹಿತಃ ಸಹಿತಸ್ತವ ತಾವತಾ ಯದವತಾರವತಾ ಜನತಾವಿತಾ || ೪ ||
ಕೃತಫಲಂ ತು ವಿಹಾಯ ವಿಹಾಯಸಾ ಸಮಮಜಂ ಭಜತಾಮಜ ತಾಮಸಾತ್ |
ಮಿಲತಿ ತಾರಕಮತ್ರ ಕಮತ್ರಸತ್ಪದರಜೋ ಭ್ರಮಹಾರಿಮಹಾರಿಸತ್ || ೫ ||
ತದಜರಾಮರಕೋಶವಿಲಕ್ಷಣಂ ಸದಜಧೀಗುಣವೇತ್ತೃಕಲಕ್ಷಣಮ್ |
ಭುವನಹೇತ್ವಘಹತ್ರಿಪುರಾದಿಕಂ ತವ ನ ಜಾತು ಪದಂ ಕುಪುರಾಧಿಕಮ್ || ೬ ||
ವಿವಿಧ ಭೇದ ಪರಂ ಸಮ ದೃಶ್ಯತೇ ತ್ರಿವಿಧವೇದಪರಂ ಕಮದೃಶ್ಯ ತೇ |
ಪದಮಿದಂ ಸದು ಚಿದ್ಘನಮುದ್ಧಿಯಾ ಸದನಿದಂ ಪ್ರಜಹಾತ್ಯಘನುದ್ಧಿಯಾ || ೭ ||
ಅಜ ನಮೋ ಜನಮೋಹನಮೋಹನಃ ಪ್ರಿಯ ನಿಯೋಜಯ ತೇನಯತೇನ ತೇ |
ಯ ಇಹ ವೇದ ನಿವೇಶ ನಿವೇದವೇತ್ಯಜಪದಂ ಜಪದಂ ತಪದಂ ಪದಮ್ || ೮ ||
ಇತಿ ಶ್ರೀವಾಸುದೇವಾನಂದಸರಸ್ವತೀವಿರಚಿತಂ ಶ್ರೀ ನೃಸಿಂಹಸರಸ್ವತೀ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
