Read in తెలుగు / ಕನ್ನಡ / தமிழ் / देवनागरी / English (IAST)
ಕೋಟ್ಯರ್ಕಭಂ ಕೋಟಿಸುಚಂದ್ರಶಾಂತಂ
ವಿಶ್ವಾಶ್ರಯಂ ದೇವಗಣಾರ್ಚಿತಾಂಘ್ರಿಮ್ |
ಭಕ್ತಪ್ರಿಯಂ ತ್ವಾತ್ರಿಸುತಂ ವರೇಣ್ಯಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೧ ||
ಮಾಯಾತಮೋಽರ್ಕಂ ವಿಗುಣಂ ಗುಣಾಢ್ಯಂ
ಶ್ರೀವಲ್ಲಭಂ ಸ್ವೀಕೃತಭಿಕ್ಷುವೇಷಮ್ |
ಸದ್ಭಕ್ತಸೇವ್ಯಂ ವರದಂ ವರಿಷ್ಠಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೨ ||
ಕಾಮಾದಿಷಣ್ಮತ್ತಗಜಾಂಕುಶಂ ತ್ವಾ-
-ಮಾನಂದಕಂದಂ ಪರತತ್ತ್ವರೂಪಮ್ |
ಸದ್ಧರ್ಮಗುಪ್ತ್ಯೈ ವಿಧೃತಾವತಾರಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೩ ||
ಸೂರ್ಯೇಂದುಗುಂ ಸಜ್ಜನಕಾಮಧೇನುಂ
ಮೃಷೋದ್ಯಪಂಚಾತ್ಮಕವಿಶ್ವಮಸ್ಮಾತ್ |
ಉದೇತಿ ಯಸ್ಮಿನ್ರಮತೇಽಸ್ತಮೇತಿ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೪ ||
ರಕ್ತಾಬ್ಜಪತ್ರಾಯತಕಾಂತನೇತ್ರಂ
ಸದ್ದಂಡಕುಂಡೀಪರಿಹಾಪಿತಾಘಮ್ |
ಶ್ರಿತಸ್ಮಿತಜ್ಯೋತ್ಸ್ನಮುಖೇಂದುಶೋಭಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೫ ||
ನಿತ್ಯಂ ತ್ರಯೀಮೃಗ್ಯಪದಾಬ್ಜಧೂಳಿಂ
ನಿನಾದಸದ್ಬಿಂದುಕಳಾಸ್ವರೂಪಮ್ |
ತ್ರಿತಾಪತಪ್ತಾಶ್ರಿತಕಲ್ಪವೃಕ್ಷಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೬ ||
ದೈನ್ಯಾದಿಭೀಕಷ್ಟದವಾಗ್ನಿಮೀಡ್ಯಂ
ಯೋಗಾಷ್ಟಕಜ್ಞಾನಸಮರ್ಪಣೋತ್ಕಮ್ |
ಕೃಷ್ಣಾನದೀಪಂಚಸರಿದ್ಯುತಿಸ್ಥಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೭ ||
ಅನಾದಿಮಧ್ಯಾಂತಮನಂತಶಕ್ತಿ-
-ಮತರ್ಕ್ಯಭಾವಂ ಪರಮಾತ್ಮಸಂಜ್ಞಮ್ |
ವ್ಯತೀತವಾಗ್ದೃಕ್ಪಥಮದ್ವಿತೀಯಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೮ ||
ಸ್ತೋತ್ರೇ ಕ್ವ ತೇ ಮೇಽಸ್ತ್ಯುರುಗಾಯ ಶಕ್ತಿ-
-ಶ್ಚತುರ್ಮುಖೋ ವೈ ವಿಮುಖೋಽತ್ರ ಜಾತಃ |
ಸ್ತುವನ್ ದ್ವಿಜಿಹ್ವೋಭವದೀರಯನ್ ತ್ವಾಂ
ವಂದೇ ನೃಸಿಂಹೇಶ್ವರ ಪಾಹಿ ಮಾಂ ತ್ವಮ್ || ೯ ||
ಇತಿ ಶ್ರೀವಾಸುದೇವಾನಂದಸರಸ್ವತೀವಿರಚಿತಂ ಶ್ರೀ ನೃಸಿಂಹಸರಸ್ವತೀ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
