Read in తెలుగు / ಕನ್ನಡ / தமிழ் / देवनागरी / English (IAST)
ಮಗ್ನೇ ಮೇರೌ ಪತತಿ ತಪನೇ ತೋಯಬಿಂದಾವಿವೇಂದೌ
ಅಂತರ್ಲೀನೇ ಜಲಧಿಸಲಿಲೇ ವ್ಯಾಕುಲೇ ದೇವಲೋಕೇ |
ಮಾತ್ಸ್ಯಂ ರೂಪಂ ಮುಖಪುಟತಟಾಕೃಷ್ಟನಿರ್ಮುಕ್ತವಾರ್ಧಿ
ಶ್ರೀಕಾಂತಸ್ಯ ಸ್ಥಲಜಲಗತಂ ವೇತ್ಯಲಕ್ಷ್ಯಂ ಪುನಾತು || ೧ ||
ವಿಯತ್ಪುಚ್ಛಾತುಚ್ಛೋಚ್ಛಲಿತಜಲಗರ್ಭಂ ನಿಧಿರಪಾಂ
ಅಪಾಂ ನಾಥಃ ಪಾಥಃ ಪೃಥುಲಲವದುಸ್ಥೋ ವಿಯದಭೂತ್ |
ನಿಧಿರ್ಭಾಸಾಮೌರ್ವೋ ದಿನಪತಿರಭೂದೌರ್ವದಹನಃ
ಚಲತ್ಕಾಯೇ ಯಸ್ಮಿನ್ ಸ ಜಯತಿ ಹರಿರ್ಮೀನವಪುಷಾ || ೨ ||
ಜೀಯಾಸುಃ ಶಕುಲಾಕೃತೇರ್ಭಗವತಃ ಪುಚ್ಛಚ್ಛಟಾಚ್ಛೋಟನಾತ್
ಉದ್ಯಂತಃ ಶತಚಂದ್ರಿತಾಂಬರತಲಂ ತೇ ಬಿಂದವಃ ಸೈಂಧವಾಃ |
ಯೈರ್ವ್ಯಾವೃತ್ಯ ಪತದ್ಭಿರೌರ್ವಶಿಖಿನಸ್ತೇಜೋಜಟಾಲಂ ವಪುಃ
ಪಾನಾಧ್ಮಾನವಶಾದರೋಚಕರುಜಾಂ ಚಕ್ರೇ ಚಿರಾಯಾಸ್ಪದಮ್ || ೩ ||
ದಿಶ್ಯಾದ್ವಃ ಶಕುಲಾಕೃತಿಃ ಸ ಭಗವಾನ್ನೈಃಶ್ರೇಯಸೀಂ ಸಂಪದಂ
ಯಸ್ಯ ಸ್ಫೂರ್ಜದತುಚ್ಛಪುಚ್ಛಶಿಖರಪ್ರೇಂಖೋಲನಕ್ರೀಡನೈಃ |
ವಿಷ್ವಗ್ವಾರ್ಧಿಸಮುಚ್ಛಲಜ್ಜಲಭರೈರ್ಮಂದಾಕಿನೀಸಂಗತೈಃ
ಗಂಗಾಸಾಗರಸಂಗಮಪ್ರಣಯಿನೀ ಜಾತಾ ವಿಹಾಯಃಸ್ಥಲೀ || ೪ ||
ಮಾಯಾಮೀನತನೋಸ್ತನೋತು ಭವತಾಂ ಪುಣ್ಯಾನಿ ಪಂಕಸ್ಥಿತಿಃ
ಪುಚ್ಛಾಚ್ಛೋಟಸಮುಚ್ಛಲಜ್ಜಲಗುರುಪ್ರಾಗ್ಭಾರರಿಕ್ತೋದಧೇಃ |
ಪಾತಾಲಾವಟಮಧ್ಯಸಂಕಟತಯಾ ಪರ್ಯಾಪ್ತಕಷ್ಟಸ್ಥಿತೇಃ
ವೇದೋದ್ಧಾರಪರಾಯಣಸ್ಯ ಸತತಂ ನಾರಾಯಣಸ್ಯ ಪ್ರಭೋಃ || ೫ ||
ಜೃಂಭಾವಿಸ್ತೃತವಕ್ತ್ರಪಂಕಜವಿಧೇರ್ಹೃತ್ವಾ ಶ್ರುತೀಃ ಸಾಗರೇ
ಲೀನಂ ತ್ರಸ್ತಸಮಸ್ತನಕ್ರನಿಕರಂ ಶಂಖಂ ಜಘಾನಾಜಿರೇ |
ಪುಚ್ಛೋತ್ಕ್ಷಿಪ್ತಜಲೋತ್ಕರೈಃ ಪ್ರತಿದಿಶಂ ಸಂತರ್ಪ್ಯ ಯೋ ವೈ ಧರಾಂ
ಪಾಯಾದ್ವಃ ಸ ಮೃಣಾಲಕೋಮಲತನುರ್ಮೀನಾಭಿಧಾನೋ ಹರಿಃ || ೬ ||
ಹಂಹೋ ಮೀನತನೋ ಹರೇ ಕಿಮುದಧೇ ಕಿಂ ವೇಪಸೇ ಶೈತ್ಯತಃ
ಸ್ವಿನ್ನಃ ಕಿಂ ವಡವಾನಲಾತ್ಪುಲಕಿತಃ ಕಸ್ಮಾತ್ ಸ್ವಭಾವಾದಹಮ್ |
ಇತ್ಥಂ ಸಾಗರಕನ್ಯಕಾಮುಖಶಶಿವ್ಯಾಲೋಕನೇನಾಧಿಕ-
-ಪ್ರೋದ್ಯತ್ಕಾಮಜಚಿಹ್ನನಿಹ್ನುತಿಪರಃ ಶೌರಿಃ ಶಿವಾಯಾಸ್ತು ವಃ || ೭ ||
ಪುಚ್ಛಂ ಚೇದಹಮುನ್ನಯಾಮ್ಯನವಧಿಸ್ತುಚ್ಛೋ ಭವೇದಂಬುಧಿಃ
ಕ್ರೀಡಾಂ ಚೇತ್ಕಲಯೇ ಮನಾಗಪಿ ಜಲೇ ಪೀಡಾ ಪರಂ ಯಾದಸಾಮ್ |
ನಿಸ್ಪಂದೋ ಭೃಶಮಾಮೃಶನ್ನಿತಿ ಭರಬ್ರಹ್ಮಾಂಡಭಾಂಡಕ್ಷಯ-
-ಕ್ಷೋಭಾಕುಂಚಿತವೇಷ ಏಷ ಭಗವಾನ್ ಪ್ರೀಣಾತು ಮೀನಾಕೃತಿಃ || ೮ ||
ಚಂದ್ರಾದಿತ್ಯೋರುನೇತ್ರಃ ಕಮಲಭವಭವಸ್ಫಾರಪೃಷ್ಠಪ್ರತಿಷ್ಠೋ
ಭಾಸ್ವತ್ಕಾಲಾಗ್ನಿಜಿಹ್ನಃ ಪೃಥುಲಗಲಗುಹಾದೃಷ್ಟನಿಃಶೇಷವಿಶ್ವಃ |
ಅದ್ಭಿಃ ಪುಚ್ಛೋತ್ಥಿತಾಭಿಶ್ಚಕಿತಸುರವಧೂನೇತ್ರಸಂಸೂಚಿತಾಭಿಃ
ಮತ್ಸ್ಯಶ್ಛಿನ್ನಾಬ್ಧಿವೇಲಂ ಗಗನತಲಮಲಂ ಕ್ಷಾಲಯನ್ವಃ ಪುನಾತು || ೯ ||
ಯಂ ದೃಷ್ಟ್ವಾ ಮೀನರೂಪಂ ಸ್ಫುರದನಲಶಿಖಾಯುಕ್ತಸಂರಕ್ತನೇತ್ರಂ
ಲೋಲದ್ವಿಸ್ತೀರ್ಣಕರ್ಣಕ್ಷುಭಿತಜಲನಿಧಿಂ ನೀಲಜೀಮೂತವರ್ಣಮ್ |
ಶ್ವಾಸೋಚ್ಛ್ವಾಸಾನಿಲೌಘೈಃ ಪ್ರಚಲಿತಗಗನಂ ಪೀತವಾರಿಂ ಮುರಾರಿಂ
ದಿಙ್ಮೂಢೋಽಭೂತ್ಸ ಶಂಖಃ ಸ ಭವತು ಭವತಾಂ ಭೂತಯೇ ಮೀನರೂಪಃ || ೧೦ ||
ದಿಙ್ಮೂಢಂ ತಂ ಸುರಾರಿಂ ಕಿಲ ಶಿತದಶನೈಃ ಪೀಡ್ಯಮಾನಂ ರಟಂತಂ
ಹೃತ್ವಾ ತೀರೇ ಪಯೋಧೇಃ ಕರತಲಕಲಿತಂ ಪೂರಯಾಮಾಸ ಶಂಖಮ್ |
ನಾದೇನಾಕ್ಷೋಭ್ಯ ವಿಶ್ವಂ ಪ್ರಮುದಿತವಿಬುಧಂ ತ್ರಸ್ತದೈತ್ಯಂ ಸ ದೇವೈಃ
ದತ್ತಾರ್ಘಃ ಪದ್ಮಯೋನೇಃ ಪ್ರಹಸಿತವದನಃ ಪಾತು ವೋ ದತ್ತವೇದಃ || ೧೧ ||
ಇತಿ ಶ್ರೀ ಮತ್ಸ್ಯ ಸ್ತುತಿಃ |
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
