Read in తెలుగు / ಕನ್ನಡ / தமிழ் / देवनागरी / English (IAST)
ಮಾತಂಗಿ ಮಾತರೀಶೇ ಮಧುಮದಮಥನಾರಾಧಿತೇ ಮಹಾಮಾಯೇ |
ಮೋಹಿನಿ ಮೋಹಪ್ರಮಥಿನಿ ಮನ್ಮಥಮಥನಪ್ರಿಯೇ ನಮಸ್ತೇಽಸ್ತು || ೧ ||
ಸ್ತುತಿಷು ತವ ದೇವಿ ವಿಧಿರಪಿ ಪಿಹಿತಮತಿರ್ಭವತಿ ವಿಹಿತಮತಿಃ |
ತದಪಿ ತು ಭಕ್ತಿರ್ಮಾಮಪಿ ಭವತೀಂ ಸ್ತೋತುಂ ವಿಲೋಭಯತಿ || ೨ ||
ಯತಿಜನಹೃದಯನಿವಾಸೇ ವಾಸವವರದೇ ವರಾಂಗಿ ಮಾತಂಗಿ |
ವೀಣಾವಾದವಿನೋದಿನಿ ನಾರದಗೀತೇ ನಮೋ ದೇವಿ || ೩ ||
ದೇವಿ ಪ್ರಸೀದ ಸುಂದರಿ ಪೀನಸ್ತನಿ ಕಂಬುಕಂಠಿ ಘನಕೇಶಿ |
ಮಾತಂಗಿ ವಿದ್ರುಮೌಷ್ಠಿ ಸ್ಮಿತಮುಗ್ಧಾಕ್ಷ್ಯಂಬ ಮೌಕ್ತಿಕಾಭರಣೇ || ೪ ||
ಭರಣೇ ತ್ರಿವಿಷ್ಟಪಸ್ಯ ಪ್ರಭವಸಿ ತತ ಏವ ಭೈರವೀ ತ್ವಮಸಿ |
ತ್ವದ್ಭಕ್ತಿಲಬ್ಧವಿಭವೋ ಭವತಿ ಕ್ಷುದ್ರೋಽಪಿ ಭುವನಪತಿಃ || ೫ ||
ಪತಿತಃ ಕೃಪಣೋ ಮೂಕೋಽಪ್ಯಂಬ ಭವತ್ಯಾಃ ಪ್ರಸಾದಲೇಶೇನ |
ಪೂಜ್ಯಃ ಸುಭಗೋ ವಾಗ್ಮೀ ಭವತಿ ಜಡಶ್ಚಾಪಿ ಸರ್ವಜ್ಞಃ || ೬ ||
ಜ್ಞಾನಾತ್ಮಿಕೇ ಜಗನ್ಮಯಿ ನಿರಂಜನೇ ನಿತ್ಯಶುದ್ಧಪದೇ |
ನಿರ್ವಾಣರೂಪಿಣಿ ಶಿವೇ ತ್ರಿಪುರೇ ಶರಣಂ ಪ್ರಪನ್ನಸ್ತ್ವಾಮ್ || ೭ ||
ತ್ವಾಂ ಮನಸಿ ಕ್ಷಣಮಪಿ ಯೋ ಧ್ಯಾಯತಿ ಮುಕ್ತಾಮಣೀವೃತಾಂ ಶ್ಯಾಮಾಮ್ |
ತಸ್ಯ ಜಗತ್ತ್ರಿತಯೇಽಸ್ಮಿನ್ ಕಾಸ್ತಾಃ ನನು ಯಾಃ ಸ್ತ್ರಿಯೋಽಸಾಧ್ಯಾಃ || ೮ ||
ಸಾಧ್ಯಾಕ್ಷರೇಣ ಗರ್ಭಿತಪಂಚನವತ್ಯಕ್ಷರಾಂಚಿತೇ ಮಾತಃ |
ಭಗವತಿ ಮಾತಂಗೀಶ್ವರಿ ನಮೋಽಸ್ತು ತುಭ್ಯಂ ಮಹಾದೇವಿ || ೯ ||
ವಿದ್ಯಾಧರಸುರಕಿನ್ನರಗುಹ್ಯಕಗಂಧರ್ವಯಕ್ಷಸಿದ್ಧವರೈಃ |
ಆರಾಧಿತೇ ನಮಸ್ತೇ ಪ್ರಸೀದ ಕೃಪಯೈವ ಮಾತಂಗಿ || ೧೦ ||
ವೀಣಾವಾದನವೇಲಾನರ್ತದಲಾಬುಸ್ಥಗಿತ ವಾಮಕುಚಾಮ್ |
ಶ್ಯಾಮಲಕೋಮಲಗಾತ್ರೀಂ ಪಾಟಲನಯನಾಂ ಸ್ಮರಾಮಿ ತ್ವಾಮ್ || ೧೧ ||
ಅವಟುತಟಘಟಿತಚೂಲೀತಾಡಿತತಾಲೀಪಲಾಶತಾಟಂಕಾಮ್ |
ವೀಣಾವಾದನವೇಲಾಕಂಪಿತಶಿರಸಂ ನಮಾಮಿ ಮಾತಂಗೀಮ್ || ೧೨ ||
ಮಾತಾ ಮರಕತಶ್ಯಾಮಾ ಮಾತಂಗೀ ಮದಶಾಲಿನೀ |
ಕಟಾಕ್ಷಯತು ಕಲ್ಯಾಣೀ ಕದಂಬವನವಾಸಿನೀ || ೧೩ ||
ವಾಮೇ ವಿಸ್ತೃತಿಶಾಲಿನಿ ಸ್ತನತಟೇ ವಿನ್ಯಸ್ತವೀಣಾಮುಖಂ
ತಂತ್ರೀಂ ತಾರವಿರಾವಿಣೀಮಸಕಲೈರಾಸ್ಫಾಲಯಂತೀ ನಖೈಃ |
ಅರ್ಧೋನ್ಮೀಲದಪಾಂಗಮಂಸವಲಿತಗ್ರೀವಂ ಮುಖಂ ಬಿಭ್ರತೀ
ಮಾಯಾ ಕಾಚನ ಮೋಹಿನೀ ವಿಜಯತೇ ಮಾತಂಗಕನ್ಯಾಮಯೀ || ೧೪ ||
ವೀಣಾವಾದ್ಯವಿನೋದನೈಕನಿರತಾಂ ಲೀಲಾಶುಕೋಲ್ಲಾಸಿನೀಂ
ಬಿಂಬೋಷ್ಠೀಂ ನವಯಾವಕಾರ್ದ್ರಚರಣಾಮಾಕೀರ್ಣಕೇಶಾವಳಿಮ್ |
ಹೃದ್ಯಾಂಗೀಂ ಸಿತಶಂಖಕುಂಡಲಧರಾಂ ಶೃಂಗಾರವೇಷೋಜ್ಜ್ವಲಾಂ
ಮಾತಂಗೀಂ ಪ್ರಣತೋಽಸ್ಮಿ ಸುಸ್ಮಿತಮುಖೀಂ ದೇವೀಂ ಶುಕಶ್ಯಾಮಲಾಮ್ || ೧೫ ||
ಸ್ರಸ್ತಂ ಕೇಸರದಾಮಭಿಃ ವಲಯಿತಂ ಧಮ್ಮಿಲ್ಲಮಾಬಿಭ್ರತೀ
ತಾಲೀಪತ್ರಪುಟಾಂತರೇಷು ಘಟಿತೈಸ್ತಾಟಂಕಿನೀ ಮೌಕ್ತಿಕೈಃ |
ಮೂಲೇ ಕಲ್ಪತರೋರ್ಮಹಾಮಣಿಮಯೇ ಸಿಂಹಾಸನೇ ಮೋಹಿನೀ
ಕಾಚಿದ್ಗಾಯನದೇವತಾ ವಿಜಯತೇ ವೀಣಾವತೀ ವಾಸನಾ || ೧೬ ||
ವೇಣೀಮೂಲವಿರಾಜಿತೇಂದುಶಕಲಾಂ ವೀಣಾನಿನಾದಪ್ರಿಯಾಂ
ಕ್ಷೋಣೀಪಾಲಸುರೇಂದ್ರಪನ್ನಗವರೈರಾರಾಧಿತಾಂಘ್ರಿದ್ವಯಾಮ್ |
ಏಣೀಚಂಚಲಲೋಚನಾಂ ಸುವಸನಾಂ ವಾಣೀಂ ಪುರಾಣೋಜ್ಜ್ವಲಾಂ
ಶ್ರೋಣೀಭಾರಭರಾಲಸಾಮನಿಮಿಷಃ ಪಶ್ಯಾಮಿ ವಿಶ್ವೇಶ್ವರೀಮ್ || ೧೭ ||
ಮಾತಂಗೀಸ್ತುತಿರಿಯಮನ್ವಹಂ ಪ್ರಜಪ್ತಾ
ಜಂತೂನಾಂ ವಿತರತಿ ಕೌಶಲಂ ಕ್ರಿಯಾಸು |
ವಾಗ್ಮಿತ್ವಂ ಶ್ರಿಯಮಧಿಕಾಂ ಚ ಗಾನಶಕ್ತಿಂ
ಸೌಭಾಗ್ಯಂ ನೃಪತಿಭಿರರ್ಚನೀಯತಾಂ ಚ || ೧೮ ||
ಇತಿ ಮಂತ್ರಕೋಶೇ ಶ್ರೀ ಮಾತಂಗೀ ಸ್ತುತಿಃ |
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
