Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಮ್ |
ಚಾರುಚಂಪಕವರ್ಣಾಭಾಂ ಸರ್ವಾಂಗಸುಮನೋಹರಾಮ್ |
ಈಷದ್ಧಾಸ್ಯಪ್ರಸನ್ನಾಸ್ಯಾಂ ಶೋಭಿತಾಂ ಸೂಕ್ಷ್ಮವಾಸಸಾ || ೧ ||
ಸುಚಾರುಕಬರೀಶೋಭಾಂ ರತ್ನಾಭರಣಭೂಷಿತಾಮ್ |
ಸರ್ವಾಭಯಪ್ರದಾಂ ದೇವೀಂ ಭಕ್ತಾನುಗ್ರಹಕಾರಕಾಮ್ || ೨ ||
ಸರ್ವವಿದ್ಯಾಪ್ರದಾಂ ಶಾಂತಾಂ ಸರ್ವವಿದ್ಯಾವಿಶಾರದಾಮ್ |
ನಾಗೇಂದ್ರವಾಹಿನೀಂ ದೇವೀಂ ಭಜೇ ನಾಗೇಶ್ವರೀಂ ಪರಾಮ್ || ೩ ||
ಧನ್ವಂತರಿರುವಾಚ |
ನಮಃ ಸಿದ್ಧಿಸ್ವರೂಪಾಯೈ ಸಿದ್ಧಿದಾಯೈ ನಮೋ ನಮಃ |
ನಮಃ ಕಶ್ಯಪಕನ್ಯಾಯೈ ವರದಾಯೈ ನಮೋ ನಮಃ || ೪ ||
ನಮಃ ಶಂಕರಕನ್ಯಾಯೈ ಶಂಕರಾಯೈ ನಮೋ ನಮಃ |
ನಮಸ್ತೇ ನಾಗವಾಹಿನ್ಯೈ ನಾಗೇಶ್ವರ್ಯೈ ನಮೋ ನಮಃ || ೫ ||
ನಮ ಆಸ್ತೀಕಜನನ್ಯೈ ಜನನ್ಯೈ ಜಗತಾಂ ಮಮ |
ನಮೋ ಜಗತ್ಕಾರಣಾಯೈ ಜರತ್ಕಾರುಸ್ತ್ರಿಯೈ ನಮಃ || ೬ ||
ನಮೋ ನಾಗಭಗಿನ್ಯೈ ಚ ಯೋಗಿನ್ಯೈ ಚ ನಮೋ ನಮಃ |
ನಮಶ್ಚಿರಂ ತಪಸ್ವಿನ್ಯೈ ಸುಖದಾಯೈ ನಮೋ ನಮಃ || ೭ ||
ನಮಸ್ತಪಸ್ಯಾರೂಪಾಯೈ ಫಲದಾಯೈ ನಮೋ ನಮಃ |
ಸುಶೀಲಾಯೈ ಚ ಸಾಧ್ವ್ಯೈ ಚ ಶಾಂತಾಯೈ ಚ ನಮೋ ನಮಃ || ೮ ||
ಇದಂ ಸ್ತೋತ್ರಂ ಮಹಾಪುಣ್ಯಂ ಭಕ್ತಿಯುಕ್ತಶ್ಚ ಯಃ ಪಠೇತ್ |
ವಂಶಜಾನಾಂ ನಾಗಭಯಂ ನಾಸ್ತಿ ತಸ್ಯ ನ ಸಂಶಯಃ || ೯ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ಏಕಪಂಚಾಶತ್ತಮೋಽಧ್ಯಾಯಃ ಧನ್ವಂತರಿಕೃತ ಶ್ರೀ ಮನಸಾದೇವಿ ಸ್ತೋತ್ರಮ್ ||
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ. ಇನ್ನಷ್ಟು ನಾಗದೇವತ ಸ್ತೋತ್ರಗಳು ನೋಡಿ.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
