Read in తెలుగు / ಕನ್ನಡ / தமிழ் / देवनागरी / English (IAST)
ಅಂಗಿರಸ ಉವಾಚ |
ಅನಂತಾ ಅವತಾರಾಶ್ಚ ಗಣೇಶಸ್ಯ ಮಹಾತ್ಮನಃ |
ನ ಶಕ್ಯತೇ ಕಥಾಂ ವಕ್ತುಂ ಮಯಾ ವರ್ಷಶತೈರಪಿ || ೧ ||
ಸಂಕ್ಷೇಪೇಣ ಪ್ರವಕ್ಷ್ಯಾಮಿ ಮುಖ್ಯಾನಾಂ ಮುಖ್ಯತಾಂ ಗತಾನ್ |
ಅವತಾರಾಂಶ್ಚ ತಸ್ಯಾಷ್ಟೌ ವಿಖ್ಯಾತಾನ್ ಬ್ರಹ್ಮಧಾರಕಾನ್ || ೨ ||
ವಕ್ರತುಂಡಾವತಾರಶ್ಚ ದೇಹಿನಾಂ ಬ್ರಹ್ಮಧಾರಕಃ |
ಮತ್ಸುರಾಸುರಹಂತಾ ಸ ಸಿಂಹವಾಹನಗಃ ಸ್ಮೃತಃ || ೩ ||
ಏಕದಂತಾವತಾರೋ ವೈ ದೇಹಿನಾಂ ಬ್ರಹ್ಮಧಾರಕಃ |
ಮದಾಸುರಸ್ಯ ಹಂತಾ ಸ ಆಖುವಾಹನಗಃ ಸ್ಮೃತಃ || ೪ ||
ಮಹೋದರ ಇತಿ ಖ್ಯಾತೋ ಜ್ಞಾನಬ್ರಹ್ಮಪ್ರಕಾಶಕಃ |
ಮೋಹಾಸುರಸ್ಯ ಶತ್ರುರ್ವೈ ಆಖುವಾಹನಗಃ ಸ್ಮೃತಃ || ೫ ||
ಗಜಾನನಃ ಸ ವಿಜ್ಞೇಯಃ ಸಾಂಖ್ಯೇಭ್ಯಃ ಸಿದ್ಧಿದಾಯಕಃ |
ಲೋಭಾಸುರಪ್ರಹರ್ತಾ ಚ ಮೂಷಕಗಃ ಪ್ರಕೀರ್ತಿತಃ || ೬ ||
ಲಂಬೋದರಾವತಾರೋ ವೈ ಕ್ರೋಧಾಸುರನಿಬರ್ಹಣಃ |
ಆಖುಗಃ ಶಕ್ತಿಬ್ರಹ್ಮಾ ಸನ್ ತಸ್ಯ ಧಾರಕ ಉಚ್ಯತೇ || ೭ ||
ವಿಕಟೋ ನಾಮ ವಿಖ್ಯಾತಃ ಕಾಮಾಸುರಪ್ರದಾಹಕಃ |
ಮಯೂರವಾಹನಶ್ಚಾಯಂ ಸೌರಮಾತ್ಮಧರಃ ಸ್ಮೃತಃ || ೮ ||
ವಿಘ್ನರಾಜಾವತಾರಶ್ಚ ಶೇಷವಾಹನ ಉಚ್ಯತೇ |
ಮಮಾಸುರಪ್ರಹಂತಾ ಸ ವಿಷ್ಣುಬ್ರಹ್ಮೇತಿ ವಾಚಕಃ || ೯ ||
ಧೂಮ್ರವರ್ಣಾವತಾರಶ್ಚಾಭಿಮಾನಾಸುರನಾಶಕಃ |
ಆಖುವಾಹನತಾಂ ಪ್ರಾಪ್ತಃ ಶಿವಾತ್ಮಕಃ ಸ ಉಚ್ಯತೇ || ೧೦ ||
ಏತೇಽಷ್ಟೌ ತೇ ಮಯಾ ಪ್ರೋಕ್ತಾ ಗಣೇಶಾಂಶಾ ವಿನಾಯಕಾಃ |
ಏಷಾಂ ಭಜನಮಾತ್ರೇಣ ಸ್ವಸ್ವಬ್ರಹ್ಮಪ್ರಧಾರಕಾಃ || ೧೧ ||
ಸ್ವಾನಂದವಾಸಕಾರೀ ಸ ಗಣೇಶಾನಃ ಪ್ರಕಥ್ಯತೇ |
ಸ್ವಾನಂದೇ ಯೋಗಿಭಿರ್ದೃಷ್ಟೋ ಬ್ರಹ್ಮಣಿ ನಾತ್ರ ಸಂಶಯಃ || ೧೨ ||
ತಸ್ಯಾವತಾರರೂಪಾಶ್ಚಾಷ್ಟೌ ವಿಘ್ನಹರಣಾಃ ಸ್ಮೃತಾಃ |
ಸ್ವಾನಂದಭಜನೇನೈವ ಲೀಲಾಸ್ತತ್ರ ಭವಂತಿ ಹಿ || ೧೩ ||
ಮಾಯಾ ತತ್ರ ಸ್ವಯಂ ಲೀನಾ ಭವಿಷ್ಯತಿ ಸುಪುತ್ರಕ |
ಸಂಯೋಗೇ ಮೌನಭಾವಶ್ಚ ಸಮಾಧಿಃ ಪ್ರಾಪ್ಯತೇ ಜನೈಃ || ೧೪ ||
ಅಯೋಗೇ ಗಣರಾಜಸ್ಯ ಭಜನೇ ನೈವ ಸಿದ್ಧ್ಯತಿ |
ಮಾಯಾಭೇದಮಯಂ ಬ್ರಹ್ಮ ನಿರ್ವೃತ್ತಿಃ ಪ್ರಾಪ್ಯತೇ ಪರಾ || ೧೫ ||
ಯೋಗಾತ್ಮಕಗಣೇಶಾನೋ ಬ್ರಹ್ಮಣಸ್ಪತಿವಾಚಕಃ |
ತತ್ರ ಶಾಂತಿಃ ಸಮಾಖ್ಯಾತಾ ಯೋಗರೂಪಾ ಜನೈಃ ಕೃತಾ || ೧೬ ||
ನಾನಾಶಾಂತಿಪ್ರಮೋದಶ್ಚ ಸ್ಥಾನೇ ಸ್ಥಾನೇ ಪ್ರಕಥ್ಯತೇ |
ಶಾಂತೀನಾಂ ಶಾಂತಿರೂಪಾ ಸಾ ಯೋಗಶಾಂತಿಃ ಪ್ರಕೀರ್ತಿತಾ || ೧೭ ||
ಯೋಗಸ್ಯ ಯೋಗತಾದೃಷ್ಟಾ ಸರ್ವಬ್ರಹ್ಮ ಸುಪುತ್ರಕ |
ನ ಯೋಗಾತ್ಪರಮಂ ಬ್ರಹ್ಮ ಬ್ರಹ್ಮಭೂತೇನ ಲಭ್ಯತೇ || ೧೮ ||
ಏತದೇವ ಪರಂ ಗುಹ್ಯಂ ಕಥಿತಂ ವತ್ಸ ತೇಽಲಿಖಮ್ |
ಭಜ ತ್ವಂ ಸರ್ವಭಾವೇನ ಗಣೇಶಂ ಬ್ರಹ್ಮನಾಯಕಮ್ || ೧೯ ||
ಪುತ್ರಪೌತ್ರಾದಿಪ್ರದಂ ಸ್ತೋತ್ರಮಿದಂ ಶೋಕವಿನಾಶನಮ್ |
ಧನಧಾನ್ಯಸಮೃದ್ಧ್ಯಾದಿಪ್ರದಂ ಭಾವಿ ನ ಸಂಶಯಃ || ೨೦ ||
ಧರ್ಮಾರ್ಥಕಾಮಮೋಕ್ಷಾಣಾಂ ಸಾಧನಂ ಬ್ರಹ್ಮದಾಯಕಮ್ |
ಭಕ್ತಿದೃಢಕರಂ ಚೈವ ಭವಿಷ್ಯತಿ ನ ಸಂಶಯಃ || ೨೧ ||
ಇತಿ ಶ್ರೀಮುದ್ಗಲಪುರಾಣೇ ಗಣೇಶಾವತಾರಸ್ತೋತ್ರಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
