Sri Ganesha Avatara Stotram – ஶ்ரீ க³ணேஶாவதார ஸ்தோத்ரம்


அங்கி³ரஸ உவாச ।
அநந்தா அவதாராஶ்ச க³ணேஶஸ்ய மஹாத்மந꞉ ।
ந ஶக்யதே கதா²ம் வக்தும் மயா வர்ஷஶதைரபி ॥ 1 ॥

ஸங்க்ஷேபேண ப்ரவக்ஷ்யாமி முக்²யாநாம் முக்²யதாம் க³தாந் ।
அவதாராம்ஶ்ச தஸ்யாஷ்டௌ விக்²யாதாந் ப்³ரஹ்மதா⁴ரகாந் ॥ 2 ॥

வக்ரதுண்டா³வதாரஶ்ச தே³ஹிநாம் ப்³ரஹ்மதா⁴ரக꞉ ।
மத்ஸுராஸுரஹந்தா ஸ ஸிம்ஹவாஹநக³꞉ ஸ்ம்ருத꞉ ॥ 3 ॥

ஏகத³ந்தாவதாரோ வை தே³ஹிநாம் ப்³ரஹ்மதா⁴ரக꞉ ।
மதா³ஸுரஸ்ய ஹந்தா ஸ ஆகு²வாஹநக³꞉ ஸ்ம்ருத꞉ ॥ 4 ॥

மஹோத³ர இதி க்²யாதோ ஜ்ஞாநப்³ரஹ்மப்ரகாஶக꞉ ।
மோஹாஸுரஸ்ய ஶத்ருர்வை ஆகு²வாஹநக³꞉ ஸ்ம்ருத꞉ ॥ 5 ॥

க³ஜாநந꞉ ஸ விஜ்ஞேய꞉ ஸாங்க்²யேப்⁴ய꞉ ஸித்³தி⁴தா³யக꞉ ।
லோபா⁴ஸுரப்ரஹர்தா ச மூஷகக³꞉ ப்ரகீர்தித꞉ ॥ 6 ॥

லம்போ³த³ராவதாரோ வை க்ரோதா⁴ஸுரநிப³ர்ஹண꞉ ।
ஆகு²க³꞉ ஶக்திப்³ரஹ்மா ஸந் தஸ்ய தா⁴ரக உச்யதே ॥ 7 ॥

விகடோ நாம விக்²யாத꞉ காமாஸுரப்ரதா³ஹக꞉ ।
மயூரவாஹநஶ்சாயம் ஸௌரமாத்மத⁴ர꞉ ஸ்ம்ருத꞉ ॥ 8 ॥

விக்⁴நராஜாவதாரஶ்ச ஶேஷவாஹந உச்யதே ।
மமாஸுரப்ரஹந்தா ஸ விஷ்ணுப்³ரஹ்மேதி வாசக꞉ ॥ 9 ॥

தூ⁴ம்ரவர்ணாவதாரஶ்சாபி⁴மாநாஸுரநாஶக꞉ ।
ஆகு²வாஹநதாம் ப்ராப்த꞉ ஶிவாத்மக꞉ ஸ உச்யதே ॥ 10 ॥

ஏதே(அ)ஷ்டௌ தே மயா ப்ரோக்தா க³ணேஶாம்ஶா விநாயகா꞉ ।
ஏஷாம் ப⁴ஜநமாத்ரேண ஸ்வஸ்வப்³ரஹ்மப்ரதா⁴ரகா꞉ ॥ 11 ॥

ஸ்வாநந்த³வாஸகாரீ ஸ க³ணேஶாந꞉ ப்ரகத்²யதே ।
ஸ்வாநந்தே³ யோகி³பி⁴ர்த்³ருஷ்டோ ப்³ரஹ்மணி நாத்ர ஸம்ஶய꞉ ॥ 12 ॥

தஸ்யாவதாரரூபாஶ்சாஷ்டௌ விக்⁴நஹரணா꞉ ஸ்ம்ருதா꞉ ।
ஸ்வாநந்த³ப⁴ஜநேநைவ லீலாஸ்தத்ர ப⁴வந்தி ஹி ॥ 13 ॥

மாயா தத்ர ஸ்வயம் லீநா ப⁴விஷ்யதி ஸுபுத்ரக ।
ஸம்யோகே³ மௌநபா⁴வஶ்ச ஸமாதி⁴꞉ ப்ராப்யதே ஜநை꞉ ॥ 14 ॥

அயோகே³ க³ணராஜஸ்ய ப⁴ஜநே நைவ ஸித்³த்⁴யதி ।
மாயாபே⁴த³மயம் ப்³ரஹ்ம நிர்வ்ருத்தி꞉ ப்ராப்யதே பரா ॥ 15 ॥

யோகா³த்மகக³ணேஶாநோ ப்³ரஹ்மணஸ்பதிவாசக꞉ ।
தத்ர ஶாந்தி꞉ ஸமாக்²யாதா யோக³ரூபா ஜநை꞉ க்ருதா ॥ 16 ॥

நாநாஶாந்திப்ரமோத³ஶ்ச ஸ்தா²நே ஸ்தா²நே ப்ரகத்²யதே ।
ஶாந்தீநாம் ஶாந்திரூபா ஸா யோக³ஶாந்தி꞉ ப்ரகீர்திதா ॥ 17 ॥

யோக³ஸ்ய யோக³தாத்³ருஷ்டா ஸர்வப்³ரஹ்ம ஸுபுத்ரக ।
ந யோகா³த்பரமம் ப்³ரஹ்ம ப்³ரஹ்மபூ⁴தேந லப்⁴யதே ॥ 18 ॥

ஏததே³வ பரம் கு³ஹ்யம் கதி²தம் வத்ஸ தே(அ)லிக²ம் ।
ப⁴ஜ த்வம் ஸர்வபா⁴வேந க³ணேஶம் ப்³ரஹ்மநாயகம் ॥ 19 ॥

புத்ரபௌத்ராதி³ப்ரத³ம் ஸ்தோத்ரமித³ம் ஶோகவிநாஶநம் ।
த⁴நதா⁴ந்யஸம்ருத்³த்⁴யாதி³ப்ரத³ம் பா⁴வி ந ஸம்ஶய꞉ ॥ 20 ॥

த⁴ர்மார்த²காமமோக்ஷாணாம் ஸாத⁴நம் ப்³ரஹ்மதா³யகம் ।
ப⁴க்தித்³ருட⁴கரம் சைவ ப⁴விஷ்யதி ந ஸம்ஶய꞉ ॥ 21 ॥

இதி ஶ்ரீமுத்³க³ளபுராணே க³ணேஶாவதாரஸ்தோத்ரம் ஸம்பூர்ணம் ।


గమనిక: "శ్రీ సుబ్రహ్మణ్య స్తోత్రనిధి" పుస్తకం విడుదల అయింది..

Facebook Comments
error: Not allowed
%d bloggers like this: