Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರಿತಾನಂದಚಿಂತಾಮಣಿ ಶ್ರೀನಿವಾಸಂ
ಸದಾ ಸಚ್ಚಿದಾನಂದ ಪೂರ್ಣಪ್ರಕಾಶಮ್ |
ಉದಾರಂ ಸುದಾರಂ ಸುರಾಧಾರಮೀಶಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೧ ||
ವಿಭುಂ ವೇದವೇದಾಂತವೇದ್ಯಂ ವರಿಷ್ಠಂ
ವಿಭೂತಿಪ್ರದಂ ವಿಶ್ರುತಂ ಬ್ರಹ್ಮನಿಷ್ಠಮ್ |
ವಿಭಾಸ್ವತ್ಪ್ರಭಾವಪ್ರಭಂ ಪುಷ್ಕಲೇಷ್ಟಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೨ ||
ಪರಿತ್ರಾಣದಕ್ಷಂ ಪರಬ್ರಹ್ಮಸೂತ್ರಂ
ಸ್ಫುರಚ್ಚಾರುಗಾತ್ರಂ ಭವಧ್ವಾಂತಮಿತ್ರಮ್ |
ಪರಂ ಪ್ರೇಮಪಾತ್ರಂ ಪವಿತ್ರಂ ವಿಚಿತ್ರಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೩ ||
ಪರೇಶಂ ಪ್ರಭುಂ ಪೂರ್ಣಕಾರುಣ್ಯರೂಪಂ
ಗಿರೀಶಾದಿಪೀಠೋಜ್ಜ್ವಲಚ್ಚಾರುದೀಪಮ್ |
ಸುರೇಶಾದಿಸಂಸೇವಿತಂ ಸುಪ್ರತಾಪಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೪ ||
ಹರೀಶಾನಸಂಯುಕ್ತಶಕ್ತ್ಯೈಕವೀರಂ
ಕಿರಾತಾವತಾರಂ ಕೃಪಾಪಾಂಗಪೂರಮ್ |
ಕಿರೀಟಾವತಂಸೋಜ್ಜ್ವಲತ್ ಪಿಂಛಭಾರಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೫ ||
ಗುರುಂ ಪೂರ್ಣಲಾವಣ್ಯಪಾದಾದಿಕೇಶಂ
ಗರೀಯಂ ಮಹಾಕೋಟಿಸೂರ್ಯಪ್ರಕಾಶಮ್ |
ಕರಾಂಭೋರುಹನ್ಯಸ್ತವೇತ್ರಂ ಸುರೇಶಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೬ ||
ಮಹಾಯೋಗಪೀಠೇ ಜ್ವಲಂತಂ ಮಹಾಂತಂ
ಮಹಾವಾಕ್ಯಸಾರೋಪದೇಶಂ ಸುಶಾಂತಮ್ |
ಮಹರ್ಷಿಪ್ರಹರ್ಷಪ್ರದಂ ಜ್ಞಾನಕಂದಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೭ ||
ಮಹಾರಣ್ಯಮನ್ಮಾನಸಾಂತರ್ನಿವಾಸಾನ್
ಅಹಂಕಾರದುರ್ವಾರಹಿಂ‍ಸ್ರಾ ಮೃಗಾದೀನ್ |
ನಿಹಂತಂ ಕಿರಾತಾವತಾರಂ ಚರಂತಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೮ ||
ಪೃಥಿವ್ಯಾದಿಭೂತಪ್ರಪಂಚಾಂತರಸ್ಥಂ
ಪೃಥಗ್ಭೂತಚೈತನ್ಯಜನ್ಯಂ ಪ್ರಶಸ್ತಮ್ |
ಪ್ರಧಾನಂ ಪ್ರಮಾಣಂ ಪುರಾಣಪ್ರಸಿದ್ಧಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೯ ||
ಜಗಜ್ಜೀವನಂ ಪಾವನಂ ಪಾವನೀಯಂ
ಜಗದ್ವ್ಯಾಪಕಂ ದೀಪಕಂ ಮೋಹನೀಯಮ್ |
ಸುಖಾಧಾರಮಾಧಾರಭೂತಂ ತುರೀಯಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೧೦ ||
ಇಹಾಮುತ್ರ ಸತ್ಸೌಖ್ಯಸಂಪನ್ನಿಧಾನಂ
ಮಹದ್ಯೋನಿಮವ್ಯಾಹತಾತ್ಮಾಭಿಧಾನಮ್ |
ಅಹಃ ಪುಂಡರೀಕಾನನಂ ದೀಪ್ಯಮಾನಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೧೧ ||
ತ್ರಿಕಾಲಸ್ಥಿತಂ ಸುಸ್ಥಿರಂ ಜ್ಞಾನಸಂಸ್ಥಂ
ತ್ರಿಧಾಮ ತ್ರಿಮೂರ್ತ್ಯಾತ್ಮಕಂ ಬ್ರಹ್ಮಸಂಸ್ಥಮ್ |
ತ್ರಯೀಮೂರ್ತಿಮಾರ್ತಿಚ್ಛಿದಂ ಶಕ್ತಿಯುಕ್ತಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೧೨ ||
ಇಡಾಂ ಪಿಂಗಳಾಂ ಸತ್ಸುಷುಮ್ಣಾಂ ವಿಶಂತಂ
ಸ್ಫುಟಂ ಬ್ರಹ್ಮರಂಧ್ರ ಸ್ವತಂತ್ರಂ ಸುಶಾಂತಮ್ |
ದೃಢಂ ನಿತ್ಯ ನಿರ್ವಾಣಮುದ್ಭಾಸಯಂತಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೧೩ ||
ಅಣುಬ್ರಹ್ಮಪರ್ಯಂತ ಜೀವೈಕ್ಯಬಿಂಬಂ
ಗುಣಾಕಾರಮತ್ಯಂತಭಕ್ತಾನುಕಂಪಮ್ |
ಅನರ್ಘಂ ಶುಭೋದರ್ಕಮಾತ್ಮಾವಲಂಬಂ
ಪರಂ ಜ್ಯೋತಿರೂಪಂ ಭಜೇ ಭೂತನಾಥಮ್ || ೧೪ ||
ಇತಿ ಶ್ರೀ ಭೂತನಾಥ ಭುಜಂಗ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
