Sri Datta Ashtakam 1 – ಶ್ರೀ ದತ್ತಾಷ್ಟಕಂ 1


ಗುರುಮೂರ್ತಿಂ ಚಿದಾಕಾಶಂ ಸಚ್ಚಿದಾನಂದವಿಗ್ರಹಮ್ |
ನಿರ್ವಿಕಲ್ಪಂ ನಿರಾಬಾಧಂ ದತ್ತಮಾನಂದಮಾಶ್ರಯೇ || ೧ ||

ಯೋಗಾತೀತಂ ಗುಣಾತೀತಂ ಸರ್ವರಕ್ಷಾಕರಂ ವಿಭುಮ್ |
ಸರ್ವದುಃಖಹರಂ ದೇವಂ ದತ್ತಮಾನಂದಮಾಶ್ರಯೇ || ೨ ||

ಅವಧೂತಂ ಸದಾಧ್ಯಾನಂ ಔದುಂಬರಸುಶೋಭಿತಮ್ |
ಅನಘಾಪ್ರಿಯ ವಿಭುಂ ದೇವಂ ದತ್ತಮಾನಂದಮಾಶ್ರಯೇ || ೩ ||

ನಿರಾಕಾರಂ ನಿರಾಭಾಸಂ ಬ್ರಹ್ಮವಿಷ್ಣುಶಿವಾತ್ಮಕಮ್ |
ನಿರ್ಗುಣಂ ನಿಷ್ಕಳಂ ಶಾಂತಂ ದತ್ತಮಾನಂದಮಾಶ್ರಯೇ || ೪ ||

ಅನಸೂಯಾಸುತಂ ದೇವಂ ಅತ್ರಿವಂಶಕುಲೋದ್ಭವಮ್ |
ದಿಗಂಬರಂ ಮಹಾತೇಜಂ ದತ್ತಮಾನಂದಮಾಶ್ರಯೇ || ೫ ||

ಸಹ್ಯಾದ್ರಿವಾಸಿನಂ ದತ್ತಂ ಆತ್ಮಜ್ಞಾನಪ್ರದಾಯಕಮ್ |
ಅಖಂಡಮಂಡಲಾಕಾರಂ ದತ್ತಮಾನಂದಮಾಶ್ರಯೇ || ೬ ||

ಪಂಚಯಜ್ಞಪ್ರಿಯಂ ದೇವಂ ಪಂಚರೂಪಸುಶೋಭಿತಮ್ |
ಗುರುಪರಂಪರಂ ವಂದೇ ದತ್ತಮಾನಂದಮಾಶ್ರಯೇ || ೭ ||

ದತ್ತಮಾನಂದಾಷ್ಟಕಂ ಯಃ ಪಠೇತ್ ಸರ್ವವಿದ್ಯಾ ಜಯಂ ಲಭೇತ್ |
ದತ್ತಾನುಗ್ರಹಫಲಂ ಪ್ರಾಪ್ತಂ ದತ್ತಮಾನಂದಮಾಶ್ರಯೇ || ೮ ||

ಏಕಕಾಲಂ ದ್ವಿಕಾಲಂ ವಾ ತ್ರಿಕಾಲಂ ಯಃ ಪಠೇನ್ನರಃ |
ಸರ್ವಸಿದ್ಧಿಮವಾಪ್ನೋತಿ ಶ್ರೀದತ್ತಃ ಶರಣಂ ಮಮ ||

ಇತಿ ಶ್ರೀ ದತ್ತಾಷ್ಟಕಮ್ ||


ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.


గమనిక: రాబోయే ఆషాఢ నవరాత్రుల సందర్భంగా "శ్రీ వారాహీ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

error: Not allowed