Read in తెలుగు / ಕನ್ನಡ / தமிழ் / देवनागरी / English (IAST)
ಮಂದಸ್ಮಿತ ಸ್ಫುರಿತ ಮುಗ್ಧಮುಖಾರವಿಂದಂ
ಕಂದರ್ಪಕೋಟಿಶತಸುಂದರದಿವ್ಯಮೂರ್ತಿಮ್ |
ಆತಾಮ್ರಕೋಮಲ ಜಟಾಘಟಿತೇಂದುಲೇಖ-
-ಮಾಲೋಕಯೇ ವಟತಟೀನಿಲಯಂ ದಯಳುಮ್ || ೧ ||
ಕಂದಳಿತ ಬೋಧಮುದ್ರಂ ಕೈವಲ್ಯಾನಂದ ಸಂವಿದುನ್ನಿದ್ರಮ್ |
ಕಲಯೇ ಕಂಚನರುದ್ರಂ ಕರುಣಾರಸಪೂರಪೂರಿತಸಮುದ್ರಮ್ || ೨ ||
ಜಯ ದೇವ ಮಹಾದೇವ ಜಯ ಕಾರುಣ್ಯವಿಗ್ರಹ |
ಜಯ ಭೂಮಿರುಹಾವಾಸ ಜಯ ವೀರಾಸನಸ್ಥಿತ || ೩ ||
ಜಯ ಕುಂದೇಂದುಪಾಟೀರಪಾಂಡುರಾಂಗಾಂಗಜಾಪತೇ |
ಜಯ ವಿಜ್ಞಾನಮುದ್ರಾಽಕ್ಷಮಾಲಾವೀಣಾಲಸತ್ಕರ || ೪ ||
ಜಯೇತರಕರನ್ಯಸ್ತ ಪುಸ್ತಕಾಸ್ತರಜಸ್ತಮಃ |
ಜಯಾಪಸ್ಮಾರ ನಿಕ್ಷಿಪ್ತ ದಕ್ಷಪಾದ ಸರೋರುಹ || ೫ ||
ಜಯ ಶಾರ್ದೂಲ ಚರ್ಮೈಕ ಪರಿಧಾನ ಲಸತ್ಕಟೇ |
ಜಯ ಮಂದಸ್ಮಿತೋದಾರ ಮುಖೇಂದು ಸ್ಫುರಿತಾಕೃತೇ || ೬ ||
ಜಯಾಂತೇವಾಸಿನಿಕರೈರಾವೃತಾನಂದಮಂಧರ |
ಜಯ ಲೀಲಾಜಿತಾನಂಗ ಜಯ ಮಂಗಳವೈಭವ || ೭ ||
ಜಯ ತುಂಗಪೃಥೂರಸ್ಕ ಜಯ ಸಂಗೀತಲೋಲುಪ |
ಜಯ ಗಂಗಾಧರಾಸಂಗ ಜಯ ಶೃಂಗಾರಶೇಖರ || ೮ ||
ಜಯೋತ್ಸಂಗಾನುಷಂಗಾರ್ಯ ಜಯೋತ್ತುಂಗ ನಗಾಲಯ |
ಜಯಾಪಾಂಗೈಕ ನಿರ್ದಗ್ಧ ತ್ರಿಪುರಾಮರವಲ್ಲಭ || ೯ ||
ಜಯ ಪಿಂಗಜಟಾಜೂಟ ಘಟಿತೇಂದುಕರಾಮರ |
ಜಯ ಜಾತು ಪ್ರಪನ್ನಾರ್ತಿ ಪ್ರಪಾಟನ ಪಟೂತ್ತಮ || ೧೦ ||
ಜಯ ವಿದ್ಯೋತ್ಪಲೋಲ್ಲಾಸಿ ನಿಶಾಕರ ಪರಾವರ |
ಜಯಾಽವಿದ್ಯಾಂಧತಮಸಧ್ವಂಸನೋದ್ಭಾಸಿಭಾಸ್ಕರ || ೧೧ ||
ಜಯ ಸಂಸೃತಿಕಾಂತಾರಕುಠಾರಾಸುರಸೂದನ |
ಜಯ ಸಂಸಾರಸಾವಿತ್ರ ತಾಪತಾಪಿತ ಪಾದಪ || ೧೨ ||
ಜಯ ದೋಷವಿಷಾಲೀಢ ಮೃತಸಂಜೀವನೌಷಧ |
ಜಯ ಕರ್ತವ್ಯದಾವಾಗ್ನಿ ದಗ್ಧಾಂತರ ಸುಧಾಂಬುಧೇ || ೧೩ ||
ಜಯಾಽಸೂಯಾರ್ಣವಾಮಗ್ನಜನತಾರಣನಾವಿಕ |
ಜಯಾಹತಾಕ್ಷಿ ರೋಗಾಣಾಮತಿಲೋಕ ಸುಖಾಂಜನ || ೧೪ ||
ಜಯಾಶಾವಿಷವಲ್ಲೀನಾಂ ಮೂಲಮಾಲಾನಿಕೃಂತನ |
ಜಯಾಘತೃಣಕೂಟಾನಾಮಮಂದ ಜ್ವಲಿತಾನಲ || ೧೫ ||
ಜಯ ಮಾಯಾಮದೇಭಶ್ರೀ ವಿದಾರಣ ಮೃಗೋತ್ತಮ |
ಜಯ ಭಕ್ತಜನಸ್ವಾಂತ ಚಂದ್ರಕಾಂತೈಕಚಂದ್ರಮಾಃ || ೧೬ ||
ಜಯ ಸಂತ್ಯಕ್ತಸರ್ವಾಶ ಮುನಿಕೋಕ ದಿವಾಕರ |
ಜಯಾಽಚಲಸುತಾಚಾರು ಮುಖಚಂದ್ರ ಚಕೋರಕ || ೧೭ ||
ಜಯಾಽದ್ರಿಕನ್ಯಕೋತ್ತುಂಗ ಕುಚಾಚಲ ವಿಹಂಗಮ |
ಜಯ ಹೈಮವತೀ ಮಂಜು ಮುಖಪಂಕಜ ಬಂಭರ || ೧೮ ||
ಜಯ ಕಾತ್ಯಾಯನೀ ಸ್ನಿಗ್ಧ ಚಿತ್ತೋತ್ಪಲ ಸುಧಾಕರ |
ಜಯಾಽಖಿಲಹೃದಾಕಾಶಲಸದ್ದ್ಯುಮಣಿಮಂಡಲ || ೧೯ ||
ಜಯಾಽಸಂಗ ಸುಖೋತ್ತುಂಗ ಸೌಧಕ್ರೀಡನ ಭೂಮಿಪ |
ಜಯ ಸಂವಿತ್ಸಭಾಸೀಮ ನಟನೋತ್ಸುಕ ನರ್ತಕ || ೨೦ ||
ಜಯಾಽನವಧಿ ಬೋಧಾಬ್ಧಿಕೇಳಿಕೌತುಕ ಭೂಪತೇ |
ಜಯ ನಿರ್ಮಲಚಿದ್ವ್ಯೋಮ್ನಿ ಚಾರುದ್ಯೋತಿತ ನೀರದ || ೨೧ ||
ಜಯಾಽನಂದ ಸದುದ್ಯಾನ ಲೀಲಾಲೋಲುಪ ಕೋಕಿಲ |
ಜಯಾಽಗಮಶಿರೋರಣ್ಯವಿಹಾರ ವರಕುಂಜರ || ೨೨ ||
ಜಯ ಪ್ರಣವ ಮಾಣಿಕ್ಯ ಪಂಜರಾಂತಃಶುಕಾಗ್ರಣೀಃ |
ಜಯ ಸರ್ವಕಲಾವಾರ್ಧಿ ತುಷಾರ ಕರಮಂಡಲ || ೨೩ ||
ಜಯಾಽಣಿಮಾದಿಭೂತೀನಾಂ ಶರಣ್ಯಾಖಿಲ ಪುಣ್ಯಭೂಃ |
ಜಯ ಸ್ವಭಾವಭಾಸೈವ ವಿಭಾಸಿತ ಜಗತ್ತ್ರಯ || ೨೪ ||
ಜಯ ಖಾದಿಧರಿತ್ರ್ಯಂತ ಜಗಜ್ಜನ್ಮಾದಿಕಾರಣ |
ಜಯಾಽಶೇಷ ಜಗಜ್ಜಾಲ ಕಲಾಕಲನವರ್ಜಿತ || ೨೫ ||
ಜಯ ಮುಕ್ತಜನಪ್ರಾಪ್ಯ ಸತ್ಯಜ್ಞಾನಸುಖಾಕೃತೇ |
ಜಯ ದಕ್ಷಾಧ್ವರಧ್ವಂಸಿನ್ ಜಯ ಮೋಕ್ಷಫಲಪ್ರದ || ೨೬ ||
ಜಯ ಸೂಕ್ಷ್ಮ ಜಗದ್ವ್ಯಾಪಿನ್ ಜಯ ಸಾಕ್ಷಿನ್ ಚಿದಾತ್ಮಕ |
ಜಯ ಸರ್ವಕುಲಾಕಲ್ಪ ಜಯಾನಲ್ಪ ಗುಣಾರ್ಣವ || ೨೭ ||
ಜಯ ಕಂದರ್ಪಲಾವಣ್ಯ ದರ್ಪನಿರ್ಭೇದನ ಪ್ರಭೋ |
ಜಯ ಕರ್ಪೂರಗೌರಾಂಗ ಜಯ ಕರ್ಮಫಲಾಶ್ರಯ || ೨೮ ||
ಜಯ ಕಂಜದಳೋತ್ಸೇಕಭಂಜನೋದ್ಯತಲೋಚನ |
ಜಯ ಪೂರ್ಣೇಂದುಸೌಂದರ್ಯ ಗರ್ವನಿರ್ವಾಪಣಾನನ || ೨೯ ||
ಜಯ ಹಾಸಶ್ರಿಯೋದಸ್ತ ಶರಚ್ಚಂದ್ರಮಹಾಪ್ರಭ |
ಜಯಾಧರ ವಿನಿರ್ಭಿನ್ನ ಬಿಂಬಾರುಣಿಮ ವಿಭ್ರಮ || ೩೦ ||
ಜಯ ಕಂಬುವಿಲಾಸಶ್ರೀ ಧಿಕ್ಕಾರಿ ವರಕಂಧರ |
ಜಯ ಮಂಜುಲಮಂಜೀರರಂಜಿತ ಶ್ರೀಪದಾಂಬುಜ || ೩೧ ||
ಜಯ ವೈಕುಂಠಸಂಪೂಜ್ಯ ಜಯಾಕುಂಠಮತೇ ಹರ |
ಜಯ ಶ್ರೀಕಂಠ ಸರ್ವಜ್ಞ ಜಯ ಸರ್ವಕಳಾನಿಧೇ || ೩೨ ||
ಜಯ ಕೋಶಾತಿದೂರಸ್ಥ ಜಯಾಕಾಶ ಶಿರೋರುಹ |
ಜಯ ಪಾಶುಪತಧ್ಯೇಯ ಜಯ ಪಾಶವಿಮೋಚಕ || ೩೩ ||
ಜಯ ದೇಶಿಕ ದೇವೇಶ ಜಯ ಶಂಭೋ ಜಗನ್ಮಯ |
ಜಯ ಶರ್ವ ಶಿವೇಶಾನ ಜಯ ಶಂಕರ ಶಾಶ್ವತ || ೩೪ ||
ಜಯೋಂಕಾರೈಕಸಂಸಿದ್ಧ ಜಯ ಕಿಂಕರವತ್ಸಲ |
ಜಯ ಪಂಕಜಜನ್ಮಾದಿ ಭಾವಿತಾಂಘ್ರಿಯುಗಾಂಬುಜ || ೩೫ ||
ಜಯ ಭರ್ಗ ಭವ ಸ್ಥಾಣೋ ಜಯ ಭಸ್ಮಾವಕುಂಠನ |
ಜಯ ಸ್ಥಿಮಿತ ಗಂಭೀರ ಜಯ ನಿಸ್ತುಲವಿಕ್ರಮ || ೩೬ ||
ಜಯಾಸ್ತಮಿತಸರ್ವಾಶ ಜಯೋದಸ್ತಾರಿಮಂಡಲ |
ಜಯ ಮಾರ್ತಾಂಡಸೋಮಾಗ್ನಿ ಲೋಚನತ್ರಯಮಂಡಿತ || ೩೭ ||
ಜಯ ಗಂಡಸ್ಥಲಾದರ್ಶಬಿಂಬಿತೋದ್ಭಾಸಿಕುಂಡಲ |
ಜಯ ಪಾಷಂಡಜನತಾದಂಡನೈಕಪರಾಯಣ || ೩೮ ||
ಜಯಾಽಖಂಡಿತಸೌಭಾಗ್ಯ ಜಯ ಚಂಡೀಶಭಾವಿತ |
ಜಯಾಽನಂತಾಂತ ಕಾಂತೈಕ ಜಯ ಶಾಂತಜನೇಡಿತ || ೩೯ ||
ಜಯ ತ್ರಯ್ಯಂತಸಂವೇದ್ಯ ಜಯಾಂಗ ತ್ರಿತಯಾತಿಗ |
ಜಯ ನಿರ್ಭೇದಬೋಧಾತ್ಮನ್ ಜಯ ನಿರ್ಭಾವಭಾವಿತ || ೪೦ ||
ಜಯ ನಿರ್ದ್ವಂದ್ವ ನಿರ್ದೋಷ ಜಯಾದ್ವೈತಸುಖಾಂಬುಧೇ |
ಜಯ ನಿತ್ಯ ನಿರಾಧಾರ ಜಯ ನಿಷ್ಕಳ ನಿರ್ಗುಣ || ೪೧ ||
ಜಯ ನಿಷ್ಕ್ರಿಯ ನಿರ್ಮಾಯ ಜಯ ನಿರ್ಮಲ ನಿರ್ಭಯ |
ಜಯ ನಿಃಶಬ್ದ ನಿಃಸ್ಪರ್ಶ ಜಯ ನೀರೂಪ ನಿರ್ಮಲ || ೪೨ ||
ಜಯ ನೀರಸ ನಿರ್ಗಂಧ ಜಯ ನಿಸ್ಪೃಹ ನಿಶ್ಚಲ |
ಜಯ ನಿಃಸೀಮ ಭೂಮಾತ್ಮನ್ ಜಯ ನಿಷ್ಪಂದ ನೀರಧೇ || ೪೩ ||
ಜಯಾಽಚ್ಯುತ ಜಯಾಽತರ್ಕ್ಯ ಜಯಾಽನನ್ಯ ಜಯಾಽವ್ಯಯ |
ಜಯಾಽಮೂರ್ತ ಜಯಾಽಚಿಂತ್ಯ ಜಯಾಽಗ್ರಾಹ್ಯ ಜಯಾಽದ್ಭುತ || ೪೪ ||
ಇತಿ ಶ್ರೀದೇಶಿಕೇಂದ್ರಸ್ಯ ಸ್ತೋತ್ರಂ ಪರಮಪಾವನಮ್ |
ಪುತ್ರಪೌತ್ರಾಯುರಾರೋಗ್ಯ ಸರ್ವಸೌಭಾಗ್ಯವರ್ಧನಮ್ || ೪೫ ||
ಸರ್ವವಿದ್ಯಾಪ್ರದಂ ಸಮ್ಯಗಪವರ್ಗವಿಧಾಯಕಮ್ |
ಯಃ ಪಠೇತ್ ಪ್ರಯತೋ ಭೂತ್ವಾ ಸಸರ್ವಫಲಮಶ್ನುತೇ || ೪೬ ||
ದಾಕ್ಷಾಯಣೀಪತಿ ದಯಾರ್ದ್ರ ನಿರೀಕ್ಷಣೇನ
ಸಾಕ್ಷಾದವೈತಿ ಪರತತ್ವಮಿಹೈವ ಧೀರಃ |
ನ ಸ್ನಾನ ದಾನ ಜಪ ಹೋಮ ಸುರಾರ್ಚನಾದಿ-
-ಧರ್ಮೈರಶೇಷ ನಿಗಮಾಂತ ನಿರೂಪಣೈರ್ವಾ || ೪೭ ||
ಅವಚನಚಿನ್ಮುದ್ರಾಭ್ಯಾಮದ್ವೈತಂ ಬೋಧಮಾತ್ರಮಾತ್ಮಾನಮ್ |
ಬ್ರೂತೇ ತತ್ರ ಚ ಮಾನಂ ಪುಸ್ತಕ ಭುಜಗಾಗ್ನಿಭಿರ್ಮಹಾದೇವಃ || ೪೮ ||
ಕಟಿಘಟಿತ ಕರಟಿಕೃತ್ತಿಃ ಕಾಮಪಿ ಮುದ್ರಾಂ ಪ್ರದರ್ಶಯನ್ ಜಟಿಲಃ |
ಸ್ವಾಲೋಕಿನಃ ಕಪಾಲೀ ಹಂತ ಮನೋವಿಲಯಮಾತನೋತ್ಯೇಕಃ || ೪೯ ||
ಶ್ರುತಿಮುಖಚಂದ್ರಚಕೋರಂ ನತಜನದೌರಾತ್ಮ್ಯದುರ್ಗಮಕುಠಾರಮ್ |
ಮುನಿಮಾನಸಸಂಚಾರಂ ಮನಸಾ ಪ್ರಣತೋಽಸ್ಮಿ ದೇಶಿಕಮುದಾರಮ್ || ೫೦ ||
ಇತಿ ಶ್ರೀಪರಮಹಂಸ ಪರಿವ್ರಾಜಕಾಚಾರ್ಯವರ್ಯ ಶ್ರೀಸದಾಶಿವ ಬ್ರಹ್ಮೇಂದ್ರವಿರಚಿತಂ ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಮ್ |
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
