Read in తెలుగు / ಕನ್ನಡ / தமிழ் / देवनागरी / English (IAST)
ಪ್ರಣಮ್ಯ ಸಾಂಬಮೀಶಾನಾಂ ಶಿರಸಾ ವೈಣಿಕೋ ಮುನಿಃ |
ವಿನಯಾಽವನತೋ ಭೂತ್ವಾ ಪಪ್ರಚ್ಛ ಸ್ಕಂದಮಾದರಾತ್ || ೧ ||
ನಾರದ ಉವಾಚ |
ಭಗವನ್ ಪರಮೇಶಾನ ಸಂಪ್ರಾಪ್ತಾಖಿಲಶಾಸ್ತ್ರಕ |
ಸ್ಕಂದಸೇನಾಪತೇ ಸ್ವಾಮಿನ್ ಪಾರ್ವತೀಪ್ರಿಯನಂದನ || ೨ ||
ಯಜ್ಜಪಾತ್ ಕವಿತಾ ವಿದ್ಯಾ ಶಿವೇ ಭಕ್ತಿಶ್ಚ ಶಾಶ್ವತೀ |
ಅವಾಪ್ತಿರಣಿಮಾದೀನಾಂ ಸಂಪದಾಂ ಪ್ರಾಪ್ತಿರೇವ ಚ || ೩ ||
ಭೂತಪ್ರೇತಪಿಶಾಚಾನಾಮಗಮ್ಯತ್ವಮರೋಗತಾ |
ಮಹಾವಿಜ್ಞಾನಸಂಪ್ರಾಪ್ತಿರ್ಮಹಾರಾಜವಿಪೂಜನಮ್ || ೪ ||
ವರಪ್ರಸಾದೋ ದೇವಾನಾಂ ಮಹಾಭೋಗಾರ್ಥಸಂಭವಃ |
ನಷ್ಟರಾಜ್ಯಶ್ಚ ಸಿದ್ಧಿಶ್ಚ ತಥಾ ನಿಗಳಮೋಚನಮ್ || ೫ ||
ಋಣದಾರಿದ್ರ್ಯನಾಶಶ್ಚ ತನಯಪ್ರಾಪ್ತಿರೇವ ಚ |
ಅಶ್ರುತಸ್ಯ ಪ್ರಬಂಧಸ್ಯ ಸಮ್ಯಗ್ವ್ಯಾಖ್ಯಾನಪಾಟವಮ್ || ೬ ||
ಪ್ರತಿಭೋನ್ಮೇಷಣಂ ಚೈವ ಪ್ರಬಂಧರಚನಾ ತಥಾ |
ಭವಂತ್ಯಚಿರಕಾಲೇನ ತದ್ರ್ಬೂಹಿ ಹರ ಸುಪ್ರಜಃ || ೭ ||
ಸ್ಕಂದ ಉವಾಚ |
ಸಾಧು ಪೃಷ್ಟಂ ಮಹಾಭಾಗ ಕಮಲಾಸನಸತ್ಸುತ |
ತ್ವಯೈನ ಪೃಷ್ಟಮೇತದ್ಧಿ ಜಗತಾಮುಪಕಾರಕಮ್ || ೮ ||
ಬಾಲ ಏವ ಪುರಾ ಸೋಽಹಂ ಸ್ವಪನಂ ಪ್ರಾಪ್ತವಾನ್ ಯದಾ |
ತದಾ ಮೇ ನಿಕಟಂ ಪ್ರಾಪ್ಯ ದಕ್ಷಿಣಾಮೂರ್ತಿರೂಪಧೃತ್ || ೯ ||
ಪಿತಾ ಮೇ ಪಂಜರಂ ಸ್ವಸ್ಯ ಸರ್ವವಿಜ್ಞಾನದಾಯಕಮ್ |
ಉಪಾದಿಶದಹಂ ತೇನ ವಿಜ್ಞಾನಮಗಮಂ ಧೃವಮ್ || ೧೦ ||
ದೇವಸೇನಾಪತಿ ತ್ವಂ ಚ ತಾರಕಸ್ಯ ಜಯಂ ತಥಾ |
ವಿದ್ಯಾಮಯೋಽಹಂ ಭಗವನ್ ತಜ್ಜಪಾನ್ಮುನಿಸತ್ತಮ || ೧೧ ||
ಸದಾ ತಸ್ಯ ಜಪಂ ಕುರ್ಯಾದಾತ್ಮನಃ ಕ್ಷೇಮಕೃದ್ಯದಿ |
ಇತಃ ಪೂರ್ವಂ ನ ಕಸ್ಯಾಪಿ ಮಯಾ ನೋಕ್ತಂ ಯತವ್ರತ || ೧೨ ||
ಉಪದೇಶಂ ತವೈವಾದ್ಯ ಕರವಾಣಿ ಶುಭಾಪ್ತಯೇ |
ತ್ವನ್ಮುಖಾದೇವ ಲೋಕೇಷು ಪ್ರಸಿದ್ಧಂ ಚ ಗಮಿಷ್ಯತಿ || ೧೩ ||
ಋಷಿಸ್ತಸ್ಯ ಶುಕಃ ಪ್ರೋಕ್ತಶ್ಛಂಧೋಽನುಷ್ಟುಬುದಾಹೃತಮ್ |
ದೇವತಾ ದಕ್ಷಿಣಾಮೂರ್ತಿಃ ಪ್ರಣವೋ ಬೀಜಮಿಷ್ಯತೇ || ೧೪ ||
ಸ್ವಾಹಾ ಶಕ್ತಿಃ ಸಮುಚ್ಚಾರ್ಯ ನಮಃ ಕೀಲಕಮುಚ್ಯತೇ |
ವರ್ಣಃ ಶುಕ್ಲಃ ಸಮಾಖ್ಯಾತೋ ವಾಂಛಿತಾರ್ಥೇ ನಿಯುಜ್ಯತೇ || ೧೫ ||
ತತಃ ಸಾಂಬಂ ಶಿವಂ ಧ್ಯಾಯೇದ್ದಕ್ಷಿಣಾಮೂರ್ತಿಮವ್ಯಯಮ್ |
ಛಾಯಾಪಿಹಿತವಿಶ್ವಸ್ಯ ಮೂಲೇ ನ್ಯಗ್ರೋಧಶಾಖಿನಃ || ೧೬ ||
ಮಣಿಸಿಂಹಾಸನಾಸೀನಂ ಮುನಿಬೃಂದನಿಷೇವಿತಮ್ |
ವರಭೂಷಣದೀಪ್ತಾಂಗಂ ಮಾಣಿಕ್ಯಮಕುಟೋಜ್ಜ್ವಲಮ್ || ೧೭ ||
ಮಂದಾಕಿನೀಜಲಸ್ಪರ್ಧಿ ಪ್ರಭಾಭಾಸಿತವಿಗ್ರಹಮ್ |
ಶುಕ್ಲವಸ್ತ್ರಪರೀಧಾನಂ ಶುಕ್ಲಮಾಲ್ಯಾನುಲೇಪನಮ್ || ೧೮ ||
ಸ್ಫಾಟಿಕೀಮಕ್ಷಮಾಲಾಂ ಚ ವಹ್ನಿಂ ಚ ಭುಜಗಾಧಿಪಮ್ |
ಪುಸ್ತಕಂ ಚ ಕರೈರ್ದಿವ್ಯೈರ್ದಧಾನಂ ಚಂದ್ರಶೇಖರಮ್ || ೧೯ ||
ಮಂಜುಮಂಜೀರನಿನದೈರಾಕೃಷ್ಟಾಖಿಲಸಾರಸಮ್ |
ಕೇಯೂರಕೋಟಿವಿಲಸದ್ವರಮಾಣಿಕ್ಯದೀಪ್ತಿಭಿಃ || ೨೦ ||
ತೇಜಿತಾಶೇಷಭುವನಂ ತೇಜಸಾಮೇಕಸಂಶ್ರಯಮ್ |
ಜಾಹ್ನವೀಸಲಿಲೋನ್ಮಗ್ನ ಜಟಾಮಂಡಲಮಂಡಿತಮ್ || ೨೧ ||
ಉತ್ಫುಲ್ಲಕಮಲೋದಾರಚಕ್ಷುಷಂ ಕರುಣಾನಿಧಿಮ್ |
ಭುಜಂಗಶಿಶು ವಿತ್ರಸ್ತ ಕುರಂಗಶಿಶುಮಂಡಿತಮ್ || ೨೨ ||
ಅಗ್ರೇಂದ್ರತನಯಾಸಕ್ತವರಾಂಗಮತುಲಪ್ರಭಮ್ |
ಪಾದಶುಶ್ರೂಷಣಾಸಕ್ತ ನಾಕನಾರೀಸಮಾವೃತಮ್ || ೨೩ ||
ಕೈಲಾಸಶೃಂಗಸಂಕಾಶ ಮಹೋಕ್ಷವರವಾಹನಮ್ |
ಬ್ರಹ್ಮಾದಿಭಿರಭಿಧ್ಯೇಯಂ ಬ್ರಹ್ಮಣ್ಯಂ ಬ್ರಹ್ಮನಿಷ್ಠಿತಮ್ || ೨೪ ||
ಪ್ರಾಚೀನಾನಾಮಪಿ ಗಿರಾಮಗೋಚರಮನಾಮಯಮ್ |
ಧ್ಯಾಯನ್ನೇವಂ ಮಹಾದೇವಂ ಪ್ರಜಪೇತ್ಪಂಜರಂ ಶುಭಮ್ || ೨೫ ||
ಅಸ್ಯ ಶ್ರೀದಕ್ಷಿಣಾಮೂರ್ತಿ ಪಂಜರ ಮಹಾಮಂತ್ರಸ್ಯ ಶ್ರೀ ಶುಕ ಋಷಿಃ ಅನುಷ್ಟುಪ್ ಛಂದಃ ಶ್ರೀದಕ್ಷಿಣಾಮೂರ್ತಿರ್ದೇವತಾ ಓಂ ಬೀಜಂ ಸ್ವಾಹಾ ಶಕ್ತಿಃ ನಮಃ ಕೀಲಕಂ ಶ್ರೀ ದಕ್ಷಿಣಾಮೂರ್ತಿ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಆಂ ಈಂ ಊಂ ಐಂ ಔಂ ಅಃ ಇತಿ ನ್ಯಾಸಃ ||
ಧ್ಯಾನಮ್ –
ವಟಮೂಲನಿವಾಸಬದ್ಧತೃಷ್ಣಂ
ಮುನಿನಿಕರಾಯ ವಿವೇಕಮಾದಿಶಂತಂ |
ಪಶುಪತಿಮಗರಾಜಕನ್ಯಕಾಯೈ
ಸ್ಮರಹೃದಯಾಶು ವಿಕೀರ್ಣ ವಾಮಭಾಗಮ್ ||
ವೀರಾಸನೈಕನಿಲಯಾಯ ಹಿರಣ್ಮಯಾಯ
ನ್ಯಗ್ರೋಧಮೂಲಗೃಹಿಣೇ ನಿಟಲೇಕ್ಷಣಾಯ |
ಗಂಗಾಧರಾಯ ಗಜಚರ್ಮವಿಭೂಷಣಾಯ
ಪ್ರಾಚೀನಪುಣ್ಯಪುರುಷಾಯ ನಮಃ ಶಿವಾಯ ||
ಮುದ್ರಾ ಪುಸ್ತಕ ವಹ್ನಿ ನಾಗವಿಲಸದ್ಬಾಹುಂ ಪ್ರಸನ್ನಾಸನಂ
ಮುಕ್ತಾಹಾರವಿಭೂಷಿತಂ ಶಶಿಕಳಾಭಾಸ್ವತ್ಕಿರೀಟೋಜ್ಜ್ವಲಮ್ |
ಅಜ್ಞಾನಾಪಹಮಾದಿಮಾದಿಮಗಿರಾಮರ್ಥಂ ಭವಾನೀಪತಿಂ
ನ್ಯಗ್ರೋಧಾತ್ತನಿವಾಸಿನಂ ಪರಗುರುಂ ಧ್ಯಾಯೇದಭೀಷ್ಟಾಪ್ತಯೇ ||
ಶಿರೋ ಮೇ ದಕ್ಷಿಣಾಮೂರ್ತಿಃ ಪಾತು ಪಾಶವಿಮೋಚಕಃ |
ಫಾಲಂ ಪಾತು ಮಹಾದೇವಃ ಪಾತು ಮೇ ವಿಶ್ವದೃಗ್ದೃಶೌ || ೧ ||
ಶ್ರವಣೇ ಪಾತು ವಿಶ್ವಾತ್ಮಾ ಪಾತು ಗಂಡಸ್ಥಲಂ ಹರಃ |
ಶಿವೋ ಮೇ ನಾಸಿಕಾಂ ಪಾತು ತಾಲ್ವೋಷ್ಠೌ ಪಾರ್ವತೀಪತಿಃ || ೨ ||
ಜಿಹ್ವಾಂ ಮೇ ಪಾತು ವಿದ್ಯಾತ್ಮಾ ದಂತಾನ್ ಪಾತು ವೃಷಧ್ವಜಃ |
ಚುಬುಕಂ ಪಾತು ಸರ್ವಾತ್ಮಾ ಶ್ರೀಕಂಠಃ ಕಂಠಮೇವತು || ೩ ||
ಸ್ಕಂಧೌ ಪಾತು ವೃಷಸ್ಕಂಧಃ ಶೂಲಪಾಣಿಃ ಕರೌ ಮಮ |
ಸರ್ವಜ್ಞೋ ಹೃದಯಂ ಪಾತು ಸ್ತನೌ ಪಾತು ಗಜಾಂತಕಃ || ೪ ||
ವಕ್ಷೋ ಮೃತ್ಯುಂಜಯಃ ಪಾತು ಕುಕ್ಷಿಂ ಕುಕ್ಷಿಸ್ಥವಿಷ್ಟಪಃ |
ಶರ್ವೋ ವಳಿತ್ರಯಂ ಪಾತು ಪಾತು ನಾಭಿಂ ಗಿರೀಶ್ವರಃ || ೫ ||
ವ್ಯೋಮಕೇಶಃ ಕಟಿಂ ಪಾತು ಗುಹ್ಯಂ ಪಾತು ಪುರಾಂತಕಃ |
ಊರೂ ಪಾತು ಮಘಧ್ವಂಸೀ ಜಾನುನೀ ಪಾತು ಶಂಕರಃ || ೬ ||
ಜಂಘೇ ಪಾತು ಜಗತ್ ಸ್ರಷ್ಟಾ ಗುಲ್ಫೌ ಪಾತು ಜಗದ್ಗುರುಃ |
ಅಪಸ್ಮಾರೌಪಮರ್ದೀ ಮೇ ಪಾದೌ ಪಾತು ಮಹೇಶ್ವರಃ || ೭ ||
ರೋಮಾಣಿ ವ್ಯೋಮಕೇಶೋ ಮೇ ಪಾತು ಮಾಂಸಂ ಪಿನಾಕಧೃತ್ |
ದಾರಾನ್ ಪಾತು ವಿರೂಪಾಕ್ಷಃ ಪುತ್ರಾನ್ ಪಾತು ಜಟಾಧರಃ || ೮ ||
ಪಶೂನ್ ಪಶುಪತಿಃ ಪಾತು ಭ್ರಾತೄನ್ ಭೂತೇಶ್ವರೋ ಮಮ |
ರಕ್ಷಾಹೀನಂ ತು ಯತ್ ಸ್ಥಾನಂ ಸರ್ವತಃ ಪಾತು ಶಂಕರಃ || ೯ ||
ಇತೀದಂ ಪಂಜರಂ ಯಸ್ತು ಪಠೇನ್ನಿತ್ಯಂ ಸಮಾಹಿತಃ |
ಗದ್ಯಪದ್ಯಾತ್ಮಿಕಾ ವಾಣೀ ಮುಖಾನ್ನಿಸ್ಸರತಿ ಧ್ರುವಮ್ || ೧೦ ||
ವ್ಯಾಚಷ್ಟೇ ಹ್ಯಶ್ರುತಂ ಶಾಸ್ತ್ರಂ ತನುತೇ ಕಾವ್ಯನಾಟಕಮ್ |
ಶಾಸ್ತ್ರಷಟ್ಕಂ ಚತುರ್ವೇದಾಃ ಸಮಯಾಃ ಷಟ್ತಥೈವ ಚ || ೧೧ ||
ಸ್ವಯಮೇವ ಪ್ರಕಾಶಂ ತೇ ನಾತ್ರ ಕಾರ್ಯಾ ವಿಚಾರಣಾ |
ತಸ್ಯ ಗೇಹೇ ಮಹಾಲಕ್ಷ್ಮೀಃ ಸನ್ನಿಧತ್ತೇ ಸದಾಽನಘ || ೧೨ ||
ತಸ್ಯ ಕಾತ್ಯಾಯನೀ ದೇವೀ ಪ್ರಸನ್ನಾ ವರದಾ ಭವೇತ್ |
ಆಧಯೋ ವ್ಯಾಧಯಶ್ಚಾಪಿ ನ ಭವಂತಿ ಕದಾಚನ || ೧೩ ||
ಸ ಚ ನಾಶಯತೇ ನಿತ್ಯಂ ಕಾಲಮೃತ್ಯುಮಪಿ ಧ್ರುವಮ್ |
ಜಪೇದವಶ್ಯಂ ವಿದ್ಯಾರ್ಥೀ ಗ್ರಹಣೇ ಚಂದ್ರಸೂರ್ಯಯೋಃ || ೧೪ ||
ದಕ್ಷಿಣಾಮೂರ್ತಿದೇವಸ್ಯ ಪ್ರಾಸಾದಾತ್ ಪಂಡಿತೋ ಭವೇತ್ |
ಭಕ್ತಿಶ್ರದ್ಧೇ ಪುರಸ್ಕೃತ್ಯ ದಕ್ಷಿಣಾಮೂರ್ತಿಪಂಜರಮ್ || ೧೫ ||
ಜಪಿತ್ವಾ ಕವಿತಾಂ ವಿದ್ಯಾಂ ಪ್ರಾಪ್ನುಯಾತ್ ಸರ್ವಮಾಪ್ನುಯಾತ್ |
ಜಲಮಧ್ಯೇ ಸ್ಥಿರೋ ಭೂತ್ವಾ ಜಪಿತ್ವಾ ಪಂಜರೋತ್ತಮಮ್ || ೧೬ ||
ಭೂತಪ್ರೇತಪಿಶಾಚಾದೀನ್ನಾಶಯೇನ್ನಾತ್ರ ಸಂಶಯಃ |
ಮಹಾಪಾತಕಯುಕ್ತೋ ವಾ ಯುಕ್ತೋ ವಾ ಸರ್ವಪಾತಕೈಃ || ೧೭ ||
ಮುಚ್ಯತೇ ಬ್ರಹ್ಮಹತ್ಯಾಯಾ ಅಪಿ ನಾರದಸತ್ತಮ |
ತ್ರಿಸಂಧ್ಯಂ ಪಂಜರಮಿದಮಾವರ್ತಯತಿ ಯಃ ಪುಮಾನ್ || ೧೮ ||
ಕಿಂ ನ ಸಿದ್ಧ್ಯತಿ ತಸ್ಯಾತ್ರ ಸುಕೃತಂ ಮುನಿಸತ್ತಮ |
ತೇನೇಷ್ಟಂ ರಾಜಸೂಯೇನ ಕೃತಂ ದಾನಾದಿಕೇನ ಚ || ೧೯ ||
ಪುಂಶಬ್ದವಾಚ್ಯಃ ಸ ಪುಮಾನ್ ಪುಣ್ಯಾನಾಂ ಭಾಜನಂ ಸ ಚ |
ರೋಗಮುಕ್ತಃ ಸ ಏವ ಸ್ಯಾದತುಲಾಂ ಕೀರ್ತಿಮಾಪ್ನುಯಾತ್ || ೨೦ ||
ಪುತ್ರಾಃ ಕುಲಕರಾಸ್ತಸ್ಯ ಸಂಪದ್ಯಂತೇ ನ ಸಂಶಯಃ |
ಆಪ್ನುಯಾದಖಿಲಂ ರಾಜ್ಯಂ ತಥಾ ಬಂಧವಿಮೋಚನಮ್ || ೨೧ ||
ಪೂಜ್ಯತೇ ಪಾರ್ಥಿವಸ್ಥಾನೇ ತಸ್ಯ ವಶ್ಯಾ ವರಾಂಗನಾಃ |
ಬಂಧೂನಾಂ ರಕ್ಷಣೇ ಭೂಯಾತ್ ಸಮಾನೇಷೂತ್ತಮೋ ಭವೇತ್ || ೨೨ ||
ಇಹ ಭುಕ್ತ್ವಾಽಖಿಲಾನ್ ಭೋಗಾನ್ ತಥೈವಾಮುಷ್ಮಿಕಾನಪಿ |
ಕೈಲಾಸೇ ಸುಚಿರಂ ಸ್ಥಿತ್ವಾ ದಕ್ಷಿಣಾಮೂರ್ತಿಸನ್ನಿಧೌ || ೨೩ ||
ತಸ್ಮಾದವಾಪ್ಯ ವಿಜ್ಞಾನಂ ಪ್ರಾಪ್ಯ ರುದ್ರತ್ವಮೇವ ಚ |
ವಿಲಯಂ ಯಾತಿ ತತ್ತ್ವಾರ್ಥೀ ನಾತ್ರ ಕಾರ್ಯಾ ವಿಚಾರಣಾ || ೨೪ ||
ತಸ್ಮಾತ್ ಸರ್ವಪ್ರಯತ್ನೇನ ಮೋಕ್ಷಾರ್ಥೀ ಸರ್ವದಾ ಪುಮಾನ್ |
ಇದಮಾವರ್ತಯೇನ್ನಿತ್ಯಂ ದಕ್ಷಿಣಾಮೂರ್ತಿ ಪಂಜರಮ್ |
ಸರ್ವಪಾಪವಿಶುದ್ಧಾತ್ಮಾ ಯಾತಿ ಬ್ರಹ್ಮ ಸನಾತನಮ್ || ೨೫ ||
ಇತಿ ಗುಹನಾರದಸಂವಾದೇ ಶ್ರೀ ದಕ್ಷಿಣಾಮೂರ್ತಿ ಪಂಜರಮ್ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
