Read in తెలుగు / ಕನ್ನಡ / தமிழ் / देवनागरी / English (IAST)
ದತ್ತಾತ್ರೇಯಾಯಾಽನಘಾಯ ತ್ರಿವಿಧಾಘವಿದಾರಿಣೇ |
ಲಕ್ಷ್ಮೀರೂಪಾಽನಘೇಶಾಯ ಯೋಗಾಧೀಶಾಯ ತೇ ನಮಃ || ೧ ||
ದ್ರಾಂಬೀಜಧ್ಯಾನಗಮ್ಯಾಯ ವಿಜ್ಞೇಯಾಯ ನಮೋ ನಮಃ |
ಗರ್ಭಾದಿತಾರಣಾಯಾಽಸ್ತು ದತ್ತಾತ್ರೇಯಾಯ ತೇ ನಮಃ || ೨ ||
ಬೀಜಸ್ಥವಟತುಲ್ಯಾಯ ಚೈಕಾರ್ಣಮನುಗಾಮಿನೇ |
ಷಡರ್ಣಮನುಪಾಲಾಯ ಯೋಗಸಂಪತ್ಕರಾಯ ತೇ || ೩ ||
ಅಷ್ಟಾರ್ಣಮನುಗಮ್ಯಾಯ ಪೂರ್ಣಾಽಽನಂದವಪುಷ್ಮತೇ |
ದ್ವಾದಶಾಕ್ಷರಮಂತ್ರಸ್ಥಾಯಾಽಽತ್ಮಸಾಯುಜ್ಯದಾಯಿನೇ || ೪ ||
ಷೋಡಶಾರ್ಣಮನುಸ್ಥಾಯ ಸಚ್ಚಿದಾನಂದಶಾಲಿನೇ |
ದತ್ತಾತ್ರೇಯಾಯ ಹರಯೇ ಕೃಷ್ಣಾಯಾಽಸ್ತು ನಮೋ ನಮಃ || ೫ ||
ಉನ್ಮತ್ತಾಯಾಽಽನಂದದಾಯಕಾಯ ತೇಽಸ್ತು ನಮೋ ನಮಃ |
ದಿಗಂಬರಾಯ ಮುನಯೇ ಬಾಲಾಯಾಽಸ್ತು ನಮೋ ನಮಃ || ೬ ||
ಪಿಶಾಚಾಯ ಚ ತೇ ಜ್ಞಾನಸಾಗರಾಯ ಚ ತೇ ನಮಃ |
ಆಬ್ರಹ್ಮಜನ್ಮದೋಷೌಘಪ್ರಣಾಶಾಯ ನಮೋ ನಮಃ || ೭ ||
ಸರ್ವೋಪಕಾರಿಣೇ ಮೋಕ್ಷದಾಯಿನೇ ತೇ ನಮೋ ನಮಃ |
ಓಂರೂಪಿಣೇ ಭಗವತೇ ದತ್ತಾತ್ರೇಯಾಯ ತೇ ನಮಃ || ೮ ||
ಸ್ಮೃತಿಮಾತ್ರಸುತುಷ್ಟಾಯ ಮಹಾಭಯನಿವಾರಿಣೇ |
ಮಹಾಜ್ಞಾನಪ್ರದಾಯಾಽಸ್ತು ಚಿದಾನಂದಾಽಽತ್ಮನೇ ನಮಃ || ೯ ||
ಬಾಲೋನ್ಮತ್ತಪಿಶಾಚಾದಿವೇಷಾಯ ಚ ನಮೋ ನಮಃ |
ನಮೋ ಮಹಾಯೋಗಿನೇ ಚಾಪ್ಯವಧೂತಾಯ ತೇ ನಮಃ || ೧೦ ||
ಅನಸೂಯಾಽಽನಂದದಾಯ ಚಾಽತ್ರಿಪುತ್ರಾಯ ತೇ ನಮಃ |
ಸರ್ವಕಾಮಫಲಾನೀಕಪ್ರದಾತ್ರೇ ತೇ ನಮೋ ನಮಃ || ೧೧ ||
ಪ್ರಣವಾಕ್ಷರವೇದ್ಯಾಯ ಭವಬಂಧವಿಮೋಚಿನೇ |
ಹ್ರೀಂಬೀಜಾಕ್ಷರಪಾರಾಯ ಸರ್ವೈಶ್ವರ್ಯಪ್ರದಾಯಿನೇ || ೧೨ ||
ಕ್ರೋಂಬೀಜಜಪತುಷ್ಟಾಯ ಸಾಧ್ಯಾಕರ್ಷಣದಾಯಿನೇ |
ಸೌರ್ಬೀಜಪ್ರೀತಮನಸೇ ಮನಃಸಂಕ್ಷೋಭಹಾರಿಣೇ || ೧೩ ||
ಐಂಬೀಜಪರಿತುಷ್ಟಾಯ ವಾಕ್ಪ್ರದಾಯ ನಮೋ ನಮಃ |
ಕ್ಲೀಂಬೀಜಸಮುಪಾಸ್ಯಾಯ ತ್ರಿಜಗದ್ವಶ್ಯಕಾರಿಣೇ || ೧೪ ||
ಶ್ರೀಮುಪಾಸನತುಷ್ಟಾಯ ಮಹಾಸಂಪತ್ಪ್ರದಾಯ ಚ |
ಗ್ಲೌಮಕ್ಷರಸುವೇದ್ಯಾಯ ಭೂಸಾಮ್ರಾಜ್ಯಪ್ರದಾಯಿನೇ || ೧೫ ||
ದ್ರಾಂಬೀಜಾಕ್ಷರವಾಸಾಯ ಮಹತೇ ಚಿರಜೀವಿನೇ |
ನಾನಾಬೀಜಾಕ್ಷರೋಪಾಸ್ಯ ನಾನಾಶಕ್ತಿಯುಜೇ ನಮಃ || ೧೬ ||
ಸಮಸ್ತಗುಣಸಂಪನ್ನಾಯಾಽಂತಃಶತ್ರುವಿದಾಹಿನೇ |
ಭೂತಗ್ರಹೋಚ್ಚಾಟನಾಯ ಸರ್ವವ್ಯಾಧಿಹರಾಯ ಚ || ೧೭ ||
ಪರಾಭಿಚಾರಶಮನಾಯಾಽಽಧಿವ್ಯಾಧಿನಿವಾರಿಣೇ |
ದುಃಖತ್ರಯಹರಾಯಾಽಸ್ತು ದಾರಿದ್ರ್ಯದ್ರಾವಿಣೇ ನಮಃ || ೧೮ ||
ದೇಹದಾರ್ಢ್ಯಾಭಿಪೋಷಾಯ ಚಿತ್ತಸಂತೋಷಕಾರಿಣೇ |
ಸರ್ವಮಂತ್ರಸ್ವರೂಪಾಯ ಸರ್ವಯಂತ್ರಸ್ವರೂಪಿಣೇ || ೧೯ ||
ಸರ್ವತಂತ್ರಾಽಽತ್ಮಕಾಯಾಽಸ್ತು ಸರ್ವಪಲ್ಲವರೂಪಿಣೇ |
ಶಿವಾಯೋಪನಿಷದ್ವೇದ್ಯಾಯಾಽಸ್ತು ದತ್ತಾಯ ತೇ ನಮಃ || ೨೦ ||
ನಮೋ ಭಗವತೇ ತೇಽಸ್ತು ದತ್ತಾತ್ರೇಯಾಯ ತೇ ನಮಃ |
ಮಹಾಗಂಭೀರರೂಪಾಯ ವೈಕುಂಠವಾಸಿನೇ ನಮಃ || ೨೧ ||
ಶಂಖಚಕ್ರಗದಾಶೂಲಧಾರಿಣೇ ವೇಣುನಾದಿನೇ |
ದುಷ್ಟಸಂಹಾರಕಾಯಾಽಥ ಶಿಷ್ಟಸಂಪಾಲಕಾಯ ಚ || ೨೨ ||
ನಾರಾಯಣಾಯಾಽಸ್ತ್ರಧರಾಯಾಽಸ್ತು ಚಿದ್ರೂಪಿಣೇ ನಮಃ |
ಪ್ರಜ್ಞಾರೂಪಾಯ ಚಾಽಽನಂದರೂಪಿಣೇ ಬ್ರಹ್ಮರೂಪಿಣೇ || ೨೩ ||
ಮಹಾವಾಕ್ಯಪ್ರಬೋಧಾಯ ತತ್ತ್ವಾಯಾಽಸ್ತು ನಮೋ ನಮಃ |
ನಮಃ ಸಕಲಕರ್ಮೌಘನಿರ್ಮಿತಾಯ ನಮೋ ನಮಃ || ೨೪ ||
ನಮಸ್ತೇ ಸಚ್ಚಿದಾನಂದರೂಪಾಯ ಚ ನಮೋ ನಮಃ |
ನಮಃ ಸಕಲಲೋಕೌಘಸಂಚಾರಾಯ ನಮೋ ನಮಃ || ೨೫ ||
ನಮಃ ಸಕಲದೇವೌಘವಶೀಕೃತಿಕರಾಯ ಚ |
ಕುಟುಂಬವೃದ್ಧಿದಾಯಾಽಸ್ತು ಗುಡಪಾನಕತೋಷಿಣೇ || ೨೬ ||
ಪಂಚಕರ್ಜಾಯ ಸುಪ್ರೀತಾಯಾಽಸ್ತು ಕಂದಫಲಾದಿನೇ |
ನಮಃ ಸದ್ಗುರವೇ ಶ್ರೀಮದ್ದತ್ತಾತ್ರೇಯಾಯ ತೇ ನಮಃ || ೨೭ ||
ಇತ್ಯೇವಮನಘೇಶಸ್ಯ ದತ್ತಾತ್ರೇಯಸ್ಯ ಸದ್ಗುರೋಃ |
ವೇದಾಂತಪ್ರತಿಪಾದ್ಯಸ್ಯ ನಾಮ್ನಾಮಷ್ಟೋತ್ತರಂ ಶತಮ್ || ೨೮ ||
ಇತಿ ಶ್ರೀ ಅನಘದೇವ ಅಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
