Read in తెలుగు / ಕನ್ನಡ / தமிழ் / English (IAST)
<< ನಾರಾಯಣೀಯಂ ಸಪ್ತಚತ್ವಾರಿಂಶದಶಕಮ್
ಅಷ್ಟಚತ್ವಾರಿಂಶದಶಕಮ್ (೪೮) – ನಳಕೂಬರ-ಮಣಿಗ್ರೀವಯೋಃ ಶಾಪಮೋಕ್ಷಮ್ |
ಮುದಾ ಸುರೌಘೈಸ್ತ್ವಮುದಾರಸಮ್ಮದೈ-
ರುದೀರ್ಯ ದಾಮೋದರ ಇತ್ಯಭಿಷ್ಟುತಃ |
ಮೃದೂದರಃ ಸ್ವೈರಮುಲೂಖಲೇ ಲಗ-
ನ್ನದೂರತೋ ದ್ವೌ ಕಕುಭಾವುದೈಕ್ಷಥಾಃ || ೪೮-೧ ||
ಕುಬೇರಸೂನುರ್ನಲಕೂಬರಾಭಿಧಃ
ಪರೋ ಮಣಿಗ್ರೀವ ಇತಿ ಪ್ರಥಾಂ ಗತಃ |
ಮಹೇಶಸೇವಾಧಿಗತಶ್ರಿಯೋನ್ಮದೌ
ಚಿರಂ ಕಿಲ ತ್ವದ್ವಿಮುಖಾವಖೇಲತಾಮ್ || ೪೮-೨ ||
ಸುರಾಪಗಾಯಾಂ ಕಿಲ ತೌ ಮದೋತ್ಕಟೌ
ಸುರಾಪಗಾಯದ್ಬಹುಯೌವತಾವೃತೌ |
ವಿವಾಸಸೌ ಕೇಲಿಪರೌ ಸ ನಾರದೋ
ಭವತ್ಪದೈಕಪ್ರವಣೋ ನಿರೈಕ್ಷತ || ೪೮-೩ ||
ಭಿಯಾ ಪ್ರಿಯಾಲೋಕಮುಪಾತ್ತವಾಸಸಂ
ಪುರೋ ನಿರೀಕ್ಷ್ಯಾಪಿ ಮದಾನ್ಧಚೇತಸೌ |
ಇಮೌ ಭವದ್ಭಕ್ತ್ಯುಪಶಾನ್ತಿಸಿದ್ಧಯೇ
ಮುನಿರ್ಜಗೌ ಶಾನ್ತಿಮೃತೇ ಕುತಃ ಸುಖಮ್ || ೪೮-೪ ||
ಯುವಾಮವಾಪ್ತೌ ಕಕುಭಾತ್ಮತಾಂ ಚಿರಂ
ಹರಿಂ ನಿರೀಕ್ಷ್ಯಾಥ ಪದಂ ಸ್ವಮಾಪ್ನುತಮ್ |
ಇತೀರಿತೌ ತೌ ಭವದೀಕ್ಷಣಸ್ಪೃಹಾಂ
ಗತೌ ವ್ರಜಾನ್ತೇ ಕಕುಭೌ ಬಭೂವತುಃ || ೪೮-೫ ||
ಅತನ್ದ್ರಮಿನ್ದ್ರದ್ರುಯುಗಂ ತಥಾವಿಧಂ
ಸಮೇಯುಷಾ ಮನ್ಥರಗಾಮಿನಾ ತ್ವಯಾ |
ತಿರಾಯಿತೋಲೂಖಲರೋಧನಿರ್ಧುತೌ
ಚಿರಾಯ ಜೀರ್ಣೌ ಪರಿಪಾತಿತೌ ತರೂ || ೪೮-೬ ||
ಅಭಾಜಿ ಶಾಖಿದ್ವಿತಯಂ ಯದಾ ತ್ವಯಾ
ತದೈವ ತದ್ಗರ್ಭತಲಾನ್ನಿರೇಯುಷಾ |
ಮಹಾತ್ವಿಷಾ ಯಕ್ಷಯುಗೇನ ತತ್ಕ್ಷಣಾ-
ದಭಾಜಿ ಗೋವಿನ್ದ ಭವಾನಪಿ ಸ್ತವೈಃ || ೪೮-೭ ||
ಇಹಾನ್ಯಭಕ್ತೋಽಪಿ ಸಮೇಷ್ಯತಿ ಕ್ರಮಾತ್
ಭವನ್ತಮೇತೌ ಖಲು ರುದ್ರಸೇವಕೌ |
ಮುನಿಪ್ರಸಾದಾದ್ಭವದಙ್ಘ್ರಿಮಾಗತೌ
ಗತೌ ವೃಣಾನೌ ಖಲು ಭಕ್ತಿಮುತ್ತಮಾಮ್ || ೪೮-೮ ||
ತತಸ್ತರೂದ್ದಾರಣದಾರುಣಾರವ-
ಪ್ರಕಮ್ಪಿಸಮ್ಪಾತಿನಿ ಗೋಪಮಣ್ಡಲೇ |
ವಿಲಜ್ಜಿತತ್ವಜ್ಜನನೀಮುಖೇಕ್ಷಿಣಾ
ವ್ಯಮೋಕ್ಷಿ ನನ್ದೇನ ಭವಾನ್ವಿಮೋಕ್ಷದಃ || ೪೮-೯ ||
ಮಹೀರುಹೋರ್ಮಧ್ಯಗತೋ ಬತಾರ್ಭಕೋ
ಹರೇಃ ಪ್ರಭಾವಾದಪರಿಕ್ಷತೋಽಧುನಾ |
ಇತಿ ಬ್ರುವಾಣೈರ್ಗಮಿತೋ ಗೃಹಂ ಭವಾನ್
ಮರುತ್ಪುರಾಧೀಶ್ವರ ಪಾಹಿ ಮಾಂ ಗದಾತ್ || ೪೮-೧೦ ||
ಇತಿ ಅಷ್ಟಚತ್ವಾರಿಂಶದಶಕಂ ಸಮಾಪ್ತಮ್ |
ನಾರಾಯಣೀಯಂ ಏಕೋನಪಞ್ಚಾಶತ್ತಮದಶಕಮ್ >>
ಸಂಪೂರ್ಣ ನಾರಾಯಣೀಯಂ ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
