Read in తెలుగు / ಕನ್ನಡ / தமிழ் / English (IAST)
ತ್ರಯೋದಶದಶಕಮ್ (೧೩) – ಹಿರಣ್ಯಾಕ್ಷವಧಮ್
ಹಿರಣ್ಯಾಕ್ಷಂ ತಾವದ್ವರದ ಭವದನ್ವೇಷಣಪರಂ
ಚರನ್ತಂ ಸಾಂವರ್ತೇ ಪಯಸಿ ನಿಜಜಙ್ಘಾಪರಿಮಿತೇ |
ಭವದ್ಭಕ್ತೋ ಗತ್ವಾ ಕಪಟಪಟುಧೀರ್ನಾರದಮುನಿಃ
ಶನೈರೂಚೇ ನನ್ದನ್ ದನುಜಮಪಿ ನಿನ್ದಂಸ್ತವ ಬಲಮ್ || ೧೩-೧ ||
ಸ ಮಾಯಾವೀ ವಿಷ್ಣುರ್ಹರತಿ ಭವದೀಯಾಂ ವಸುಮತೀಂ
ಪ್ರಭೋ ಕಷ್ಟಂ ಕಷ್ಟಂ ಕಿಮಿದಮಿತಿ ತೇನಾಭಿಗದಿತಃ |
ನದನ್ ಕ್ವಾಸೌ ಕ್ವಾಸಾವಿತಿ ಸ ಮುನಿನಾ ದರ್ಶಿತಪಥೋ
ಭವನ್ತಂ ಸಮ್ಪ್ರಾಪದ್ಧರಣಿಧರಮುದ್ಯನ್ತಮುದಕಾತ್ || ೧೩-೨ ||
ಅಹೋ ಆರಣ್ಯೋಽಯಂ ಮೃಗ ಇತಿ ಹಸನ್ತಂ ಬಹುತರೈ-
ರ್ದುರುಕ್ತೈರ್ವಿಧ್ಯನ್ತಂ ದಿತಿಸುತಮವಜ್ಞಾಯ ಭಗವನ್ |
ಮಹೀಂ ದೃಷ್ಟ್ವಾ ದಂಷ್ಟ್ರಾಶಿರಸಿ ಚಕಿತಾಂ ಸ್ವೇನ ಮಹಸಾ
ಪಯೋಧಾವಾಧಾಯ ಪ್ರಸಭಮುದಯುಙ್ಕ್ಥಾ ಮೃಧವಿಧೌ || ೧೩-೩ ||
ಗದಾಪಾಣೌ ದೈತ್ಯೇ ತ್ವಮಪಿ ಹಿ ಗೃಹೀತೋನ್ನತಗದೋ
ನಿಯುದ್ಧೇನ ಕ್ರೀಡನ್ಘಟಘಟರವೋದ್ಘುಷ್ಟವಿಯತಾ |
ರಣಾಲೋಕೌತ್ಸುಕ್ಯಾನ್ಮಿಲತಿ ಸುರಸಙ್ಘೇ ದ್ರುತಮಮುಂ
ನಿರುನ್ಧ್ಯಾಃ ಸನ್ಧ್ಯಾತಃ ಪ್ರಥಮಮಿತಿ ಧಾತ್ರಾ ಜಗದಿಷೇ || ೧೩-೪ ||
ಗದೋನ್ಮರ್ದೇ ತಸ್ಮಿಂಸ್ತವ ಖಲು ಗದಾಯಾಂ ದಿತಿಭುವೋ
ಗದಾಘಾತಾದ್ಭೂಮೌ ಝಟಿತಿ ಪತಿತಾಯಾಮಹಹ ಭೋಃ |
ಮೃದುಸ್ಮೇರಾಸ್ಯಸ್ತ್ವಂ ದನುಜಕುಲನಿರ್ಮೂಲನಚಣಂ
ಮಹಾಚಕ್ರಂ ಸ್ಮೃತ್ವಾ ಕರಭುವಿ ದಧಾನೋ ರುರುಚಿಷೇ || ೧೩-೫ ||
ತತಃ ಶೂಲಂ ಕಾಲಪ್ರತಿಮರುಷಿ ದೈತ್ಯೇ ವಿಸೃಜತಿ
ತ್ವಯಿ ಛಿನ್ದತ್ಯೇನತ್ ಕರಕಲಿತಚಕ್ರಪ್ರಹರಣಾತ್ |
ಸಮಾರುಷ್ಟೋ ಮುಷ್ಟ್ಯಾ ಸ ಖಲು ವಿತುದಂಸ್ತ್ವಾಂ ಸಮತನೋತ್
ಗಲನ್ಮಾಯೇ ಮಾಯಾಸ್ತ್ವಯಿ ಕಿಲ ಜಗನ್ಮೋಹನಕರೀಃ || ೧೩-೬ ||
ಭವಚ್ಚಕ್ರಜ್ಯೋತಿಷ್ಕಣಲವನಿಪಾತೇನ ವಿಧುತೇ
ತತೋ ಮಾಯಾಚಕ್ರೇ ವಿತತಘನರೋಷಾನ್ಧಮನಸಮ್ |
ಗರಿಷ್ಠಾಭಿರ್ಮುಷ್ಟಿಪ್ರಹೃತಿಭಿರಭಿಘ್ನನ್ತಮಸುರಂ
ಸ್ವಪಾದಾಙ್ಗುಷ್ಠೇನ ಶ್ರವಣಪದಮೂಲೇ ನಿರವಧೀಃ || ೧೩-೭ ||
[** ಕರಾಗ್ರೇನ್ನಸ್ವೇನ **]
ಮಹಾಕಾಯಸ್ಸೋಽಯಂ ತವ ಕರಸರೋಜಪ್ರಮಥಿತೋ
ಗಲದ್ರಕ್ತೋ ವಕ್ತ್ರಾದಪತದೃಷಿಭಿಃ ಶ್ಲಾಘಿತಹತಿಃ |
ತದಾ ತ್ವಾಮುದ್ದಾಮಪ್ರಮದಭರವಿದ್ಯೋತಿಹೃದಯಾ
ಮುನೀನ್ದ್ರಾಸ್ಸಾನ್ದ್ರಾಭಿಃ ಸ್ತುತಿಭಿರನುವನ್ನಧ್ವರತನುಮ್ || ೧೩-೮ ||
[** ತ್ವಯಿಚ್ಛನ್ದೋ **]
ತ್ವಚಿ ಚ್ಛನ್ದೋ ರೋಮಸ್ವಪಿ ಕುಶಗಣಶ್ಚಕ್ಷುಷಿ ಘೃತಂ
ಚತುರ್ಹೋತಾರೋಽಙ್ಘ್ರೌ ಸ್ರುಗಪಿ ವದನೇ ಚೋದರ ಇಡಾ |
ಗ್ರಹಾ ಜಿಹ್ವಾಯಾಂ ತೇ ಪರಪುರುಷ ಕರ್ಣೇ ಚ ಚಮಸಾ
ವಿಭೋ ಸೋಮೋ ವೀರ್ಯಂ ವರದ ಗಲದೇಶೇಽಪ್ಯುಪಸದಃ || ೧೩-೯ ||
ಮುನೀನ್ದ್ರೈರಿತ್ಯಾದಿಸ್ತವನಮುಖರೈರ್ಮೋದಿತಮನಾ
ಮಹೀಯಸ್ಯಾ ಮೂರ್ತ್ಯಾ ವಿಮಲತರಕೀರ್ತ್ಯಾ ಚ ವಿಲಸನ್ |
ಸ್ವಧಿಷ್ಣ್ಯಂ ಸಮ್ಪ್ರಾಪ್ತಃ ಸುಖರಸವಿಹಾರೀ ಮಧುರಿಪೋ
ನಿರುನ್ಧ್ಯಾ ರೋಗಂ ಮೇ ಸಕಲಮಪಿ ವಾತಾಲಯಪತೇ || ೧೩-೧೦ ||
ಇತಿ ತ್ರಯೋದಶದಶಕಂ ಸಮಾಪ್ತಮ್ ||
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
