Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಶಂಭೋ ಮಯಿ ಕರುಣಾಶಿಶಿರಾಂ ದೃಷ್ಟಿಂ ದಿಶನ್ ಸುಧಾವೃಷ್ಟಿಮ್ |
ಸಂತಾಪಮಪಾಕುರು ಮೇ ಮಂತಾ ಪರಮೇಶ ತವ ದಯಾಯಾಃ ಸ್ಯಾಮ್ || ೧ ||
ಅವಸೀದಾಮಿ ಯದಾರ್ತಿಭಿರನುಗುಣಮಿದಮೋಕಸೋಽಂಹಸಾಂ ಖಲು ಮೇ |
ತವ ಸನ್ನವಸೀದಾಮಿ ಯದಂತಕಶಾಸನ ನ ತತ್ತವಾನುಗುಣಮ್ || ೨ ||
ದೇವ ಸ್ಮರಂತಿ ತವ ಯೇ ತೇಷಾಂ ಸ್ಮರತೋಽಪಿ ನಾರ್ತಿರಿತಿ ಕೀರ್ತಿಮ್ |
ಕಲಯಸಿ ಶಿವ ಪಾಹೀತಿ ಕ್ರಂದನ್ ಸೀದಾಮ್ಯಹಂ ಕಿಮುಚಿತಮಿದಮ್ || ೩ ||
ಆದಿಶ್ಯಾಘಕೃತೌ ಮಾಮಂತರ್ಯಾಮಿನ್ನಸಾವಘಾತ್ಮೇತಿ |
ಆರ್ತಿಷು ಮಜ್ಜಯಸೇ ಮಾಂ ಕಿಂ ಬ್ರೂಯಾಂ ತವ ಕೃಪೈಕಪಾತ್ರಮಹಮ್ || ೪ ||
ಮಂದಾಗ್ರಣೀರಹಂ ತವ ಮಯಿ ಕರುಣಾಂ ಘಟಯಿತುಂ ವಿಭೋ ನಾಲಮ್ |
ಆಕ್ರಷ್ಟುಂ ತಾಂತು ಬಲಾದಲಮಿಹ ಮದ್ದೈನ್ಯಮಿತಿ ಸಮಾಶ್ವಸಿಮಿ || ೫ ||
ತ್ವಂ ಸರ್ವಜ್ಞೋಽಹಂ ಪುನರಜ್ಞೋಽನೀಶೋಽಹಮೀಶ್ವರಸ್ತ್ವಮಸಿ |
ತ್ವಂ ಮಯಿ ದೋಷಾನ್ ಗಣಯಸಿ ಕಿಂ ಕಥಯೇ ತುದತಿ ಕಿಂ ದಯಾ ನ ತ್ವಾಮ್ || ೬ ||
ಆಶ್ರಿತಮಾರ್ತತರಂ ಮಾಮುಪೇಕ್ಷಸೇ ಕಿಮಿತಿ ಶಿವ ನ ಕಿಂ ದಯಸೇ |
ಶ್ರಿತಗೋಪ್ತಾ ದೀನಾರ್ತಿಹೃದಿತಿ ಖಲು ಶಂಸಂತಿ ಜಗತಿ ಸಂತಸ್ತ್ವಾಮ್ || ೭ ||
ಪ್ರಹರಾಹರೇತಿ ವಾದೀ ಫಣಿತಮದಾಖ್ಯ ಇತಿ ಪಾಲಿತೋ ಭವತಾ |
ಶಿವ ಪಾಹೀತಿ ವದೋಽಹಂ ಶ್ರಿತೋ ನ ಕಿಂ ತ್ವಾಂ ಕಥಂ ನ ಪಾಲ್ಯಸ್ತೇ || ೮ ||
ಶರಣಂ ವ್ರಜ ಶಿವಮಾರ್ತೀಃ ಸ ತವ ಹರೇದಿತಿ ಸತಾಂ ಗಿರಾಽಹಂ ತ್ವಾಮ್ |
ಶರಣಂ ಗತೋಽಸ್ಮಿ ಪಾಲಯ ಖಲಮಪಿ ತೇಷ್ವೀಶ ಪಕ್ಷಪಾತಾನ್ಮಾಮ್ || ೯ ||
ಇತಿ ಶ್ರೀಶ್ರೀಧರವೇಂಕಟೇಶಾರ್ಯಕೃತಂ ಆರ್ತಿಹರಸ್ತೋತ್ರಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
