Read in తెలుగు / ಕನ್ನಡ / தமிழ் / देवनागरी / English (IAST)
ಓಮಿತಿ ಜ್ಞಾನವಸ್ತ್ರೇಣ ರಾಗನಿರ್ಣೇಜನೀಕೃತಃ |
ಕರ್ಮನಿದ್ರಾಂ ಪ್ರಪನ್ನೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೧ ||
ನ ಗತಿರ್ವಿದ್ಯತೇ ಚಾನ್ಯಾ ತ್ವಮೇವ ಶರಣಂ ಮಮ |
ಮಾಯಾಪಂಕೇನಲಿಪ್ತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೨ ||
ಮೋಹಿತೋ ಮೋಹಜಾಲೇನ ಪುತ್ರದಾರಗೃಹಾದಿಷು |
ತೃಷ್ಣಯಾ ಪೀಡ್ಯಮಾನೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೩ ||
ಭಕ್ತಿಹೀನಂ ತು ದೀನಂ ಚ ದುಃಖಶೋಕಸಮನ್ವಿತೌ |
ಅನಾಶ್ರಯಮನಾಥಂ ಚ ತ್ರಾಹಿ ಮಾಂ ಮಧುಸೂದನ || ೪ ||
ಗತಾಗತಪರಿಶ್ರಾಂತೋ ದೂರಮಧ್ವನಿ ಕರ್ಮಣಾಮ್ |
ಸಂಸಾರಭಯಭೀತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೫ ||
ವಸಿತೋ ಮಾತೃಗರ್ಭೇಷು ಪೀಡಿತೋಽಹಂ ಜನಾರ್ದನ |
ಗರ್ಭವಾಸಕ್ಷಯಕರ ತ್ರಾಹಿ ಮಾಂ ಮಧುಸೂದನ || ೬ ||
ತೇನ ದೇವ ಪ್ರಪನ್ನೋಽಸ್ಮಿ ಸತ್ವಾಶ್ರಯಪರಾಯಣ |
ಜರಾಮರಣಭೀತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೭ ||
ವಾಚಾ ತೂಪಕೃತಂ ಪಾಪಂ ಕರ್ಮಣಾ ಯದುಪಾರ್ಜಿತಮ್ |
ಮಯಾ ದೇವ ದುರಾಚಾರಂ ತ್ರಾಹಿ ಮಾಂ ಮಧುಸೂದನ || ೮ ||
ಸುಕೃತಂ ನ ಕೃತಂ ಕಿಂಚಿತ್ ದುಷ್ಕೃತಂ ತು ಸದಾ ಕೃತಮ್ |
ತೇನಾಹಂ ಪರಿತಪ್ತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೯ ||
ದೇಹಾಂತರಸಹಸ್ರೇಷು ಕುಯೋನಿಃ ಸೇವಿತಾ ಮಯಾ |
ತಿರ್ಯಕ್ತ್ವಂ ಮಾನುಷತ್ವಂ ಚ ತ್ರಾಹಿ ಮಾಂ ಮಧುಸೂದನ || ೧೦ ||
ವಾಸುದೇವ ಹೃಷೀಕೇಶ ವೈಕುಂಠ ಪುರುಷೋತಮ |
ಸೃಷ್ಟಿಸಂಹಾರಕರಣ ತ್ರಾಹಿ ಮಾಂ ಮಧುಸೂದನ || ೧೧ ||
ಯತ್ರಾಹಮಾಗಮಿಷ್ಯಾಮಿ ನಾರೀ ವಾ ಪುರುಷೋಽಪಿ ವಾ |
ತತ್ರ ತತ್ರ ಚ ತೇ ಭಕ್ತಿಃ ತ್ರಾಹಿ ಮಾಂ ಮಧುಸೂದನ || ೧೨ ||
ದ್ವಾದಶಾರ್ಣವಸ್ತುತಿಮಿಮಾಂ ಯಃ ಪಠೇಚ್ಛೃಣುಯಾದಪಿ |
ಸ ಯಾತಿ ಪರಮಂ ಸ್ಥಾನಂ ಯತ್ರ ಯೋಗೇಶ್ವರೋ ಹರಿಃ || ೧೩ ||
ಇತಿ ಶ್ರೀವೇದವ್ಯಾಸ ಕೃತ ದ್ವಾದಶಾರ್ಣವ ಸ್ತುತಿಃ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
