Read in తెలుగు / ಕನ್ನಡ / தமிழ் / देवनागरी / English (IAST)
ಧರಾಧರೇಂದ್ರನಂದಿನೀ ಶಶಾಂಕಮೌಳಿಸಂಗಿನೀ
ಸುರೇಶಶಕ್ತಿವರ್ಧಿನೀ ನಿತಾಂತಕಾಂತಕಾಮಿನೀ |
ನಿಶಾಚರೇಂದ್ರಮರ್ದಿನೀ ತ್ರಿಶೂಲಶೂಲಧಾರಿಣೀ
ಮನೋವ್ಯಥಾವಿದಾರಿಣೀ ಶಿವಂ ತನೋತು ಪಾರ್ವತೀ || ೧ ||
ಭುಜಂಗತಲ್ಪಶಾಯಿನೀ ಮಹೋಗ್ರಕಾಂತಭಾಮಿನೀ
ಪ್ರಕಾಶಪುಂಜದಾಮಿನೀ ವಿಚಿತ್ರಚಿತ್ರಕಾರಿಣೀ |
ಪ್ರಚಂಡಶತ್ರುಧರ್ಷಿಣೀ ದಯಾಪ್ರವಾಹವರ್ಷಿಣೀ
ಸದಾ ಸುಭಾಗ್ಯದಾಯಿನೀ ಶಿವಂ ತನೋತು ಪಾರ್ವತೀ || ೨ ||
ಪ್ರಕೃಷ್ಟಸೃಷ್ಟಿಕಾರಿಕಾ ಪ್ರಚಂಡನೃತ್ಯನರ್ತಿಕಾ
ಪಿನಾಕಪಾಣಿಧಾರಿಕಾ ಗಿರೀಶಶೃಂಗಮಾಲಿಕಾ |
ಸಮಸ್ತಭಕ್ತಪಾಲಿಕಾ ಪೀಯೂಷಪೂರ್ಣವರ್ಷಿಕಾ
ಕುಭಾಗ್ಯರೇಖಮಾರ್ಜಿಕಾ ಶಿವಂ ತನೋತು ಪಾರ್ವತೀ || ೩ ||
ತಪಶ್ಚರೀ ಕುಮಾರಿಕಾ ಜಗತ್ಪರಾ ಪ್ರಹೇಲಿಕಾ
ವಿಶುದ್ಧಭಾವಸಾಧಿಕಾ ಸುಧಾಸರಿತ್ಪ್ರವಾಹಿಕಾ
ಪ್ರಯತ್ನಪಕ್ಷಪೋಷಿಕಾ ಸದಾರ್ತಿಭಾವತೋಷಿಕಾ
ಶನಿಗ್ರಹಾದಿತರ್ಜಿಕಾ ಶಿವಂ ತನೋತು ಪಾರ್ವತೀ || ೪ ||
ಶುಭಂಕರೀ ಶಿವಂಕರೀ ವಿಭಾಕರೀ ನಿಶಾಚರೀ
ನಭಶ್ಚರೀ ಧರಾಚರೀ ಸಮಸ್ತಸೃಷ್ಟಿಸಂಚರೀ |
ತಮೋಹರೀ ಮನೋಹರೀ ಮೃಗಾಂಕಮೌಲಿಸುಂದರೀ
ಸದೋಗ್ರತಾಪಸಂಚರೀ ಶಿವಂ ತನೋತು ಪಾರ್ವತೀ || ೫ ||
ಪಾರ್ವತೀ ಪಂಚಕಂ ನಿತ್ಯಂ ಧೀಯತೇ ಯಾ ಕುಮಾರಿಕಾ
ದುಷ್ಕೃತಂ ನಿಖಿಲಂ ಹತ್ವಾ ವರಂ ಪ್ರಾಪ್ನೋತಿ ಸುಂದರಮ್ |
ಹೇ ಗೌರೀ ಶಂಕರಾರ್ಧಾಂಗೀ ಯಥಾ ತ್ವಂ ಶಂಕರಪ್ರಿಯಾ
ತಥಾ ಮಾಂ ಕುರು ಕಳ್ಯಾಣೀ ಕಾಂತ ಕಾಂತಾಂ ಸುದುರ್ಲಭಾಮ್ || ೬ ||
ಇತಿ ಶ್ರೀ ಪಾರ್ವತೀ ಪಂಚಕ ಸ್ತೋತ್ರಮ್ |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
