Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀದೇವ್ಯುವಾಚ |
ಭಗವನ್ ದೇವದೇವೇಶ ಮಂತ್ರಾರ್ಣಸ್ತವಮುತ್ತಮಮ್ |
ದಕ್ಷಿಣಾಮೂರ್ತಿದೇವಸ್ಯ ಕೃಪಯಾ ವದ ಮೇ ಪ್ರಭೋ || ೧ ||
ಶ್ರೀಮಹಾದೇವ ಉವಾಚ |
ಸಾಧು ಪೃಷ್ಟಂ ಮಹಾದೇವಿ ಸರ್ವಲೋಕಹಿತಾಯ ತೇ |
ವಕ್ಷ್ಯಾಮಿ ಪರಮಂ ಗುಹ್ಯಂ ಮಂತ್ರಾರ್ಣಸ್ತವಮುತ್ತಮಮ್ || ೨ ||
ಋಷಿಶ್ಛಂದೋ ದೇವತಾಂಗನ್ಯಾಸಾದಿಕಮನುತ್ತಮಮ್ |
ಮೂಲಮಂತ್ರಪದಸ್ಯಾಪಿ ದ್ರಷ್ಟವ್ಯಂ ಸಕಲಂ ಹಿ ತತ್ || ೩ ||
ಧ್ಯಾನಮ್ –
ಭಸ್ಮವ್ಯಾಪಾಂಡುರಾಂಗಃ ಶಶಿಶಕಲಧರೋ ಜ್ಞಾನಮುದ್ರಾಕ್ಷಮಾಲಾ-
-ವೀಣಾಪುಸ್ತೈರ್ವಿರಾಜತ್ಕರಕಮಲಧರೋ ಯೋಗಪಟ್ಟಾಭಿರಾಮಃ |
ವ್ಯಾಖ್ಯಾಪೀಠೇ ನಿಷಣ್ಣೇ ಮುನಿವರನಿಕರೈಃ ಸೇವ್ಯಮಾನಃ ಪ್ರಸನ್ನಃ
ಸವ್ಯಾಲಃ ಕೃತ್ತಿವಾಸಾಃ ಸತತಮವತು ನೋ ದಕ್ಷಿಣಾಮೂರ್ತಿರೀಶಃ || ೪ ||
ಇತಿ ಧ್ಯಾತ್ವಾ ಮಹಾದೇವಂ ಮಂತ್ರಾರ್ಣಸ್ತವಮುತ್ತಮಮ್ |
ಜಪೇತ್ ತ್ರಿಸಂಧ್ಯಂ ನಿಯತೋ ಭಸ್ಮರುದ್ರಾಕ್ಷಭೂಷಿತಃ || ೫ ||
ಸ್ತೋತ್ರಮ್ –
ಓಂ | ಓಂಕಾರಾಚಲಸಿಂಹೇಂದ್ರಃ ಓಂಕಾರೋದ್ಯಾನಕೋಕಿಲಃ |
ಓಂಕಾರನೀಡಶುಕರಾಡೋಂಕಾರಾರಣ್ಯಕುಂಜರಃ || ೬ ||
ನಗರಾಜಸುತಾಜಾನಿರ್ನಗರಾಜನಿಜಾಲಯಃ |
ನವಮಾಣಿಕ್ಯಮಾಲಾಢ್ಯೋ ನವಚಂದ್ರಶಿಖಾಮಣಿಃ || ೭ ||
ನಂದಿತಾಶೇಷಮೌನೀಂದ್ರೋ ನಂದೀಶಾದಿಮದೇಶಿಕಃ |
ಮೋಹಾನಲಸುಧಾಧಾರೋ ಮೋಹಾಂಬುಜಸುಧಾಕರಃ || ೮ ||
ಮೋಹಾಂಧಕಾರತರಣಿರ್ಮೋಹೋತ್ಪಲನಭೋಮಣಿಃ |
ಭಕ್ತಜ್ಞಾನಾಬ್ಧಿಶೀತಾಂಶುಃ ಭಕ್ತಾಜ್ಞಾನತೃಣಾನಲಃ || ೯ ||
ಭಕ್ತಾಂಭೋಜಸಹಸ್ರಾಂಶುಃ ಭಕ್ತಕೇಕಿಘನಾಘನಃ |
ಭಕ್ತಕೈರವರಾಕೇಂದುಃ ಭಕ್ತಕೋಕದಿವಾಕರಃ || ೧೦ ||
ಗಜಾನನಾದಿಸಂಪೂಜ್ಯೋ ಗಜಚರ್ಮೋಜ್ಜ್ವಲಾಕೃತಿಃ |
ಗಂಗಾಧವಳದಿವ್ಯಾಂಗೋ ಗಂಗಾಭಂಗಲಸಜ್ಜಟಃ || ೧೧ ||
ಗಗನಾಂಬರಸಂವೀತೋ ಗಗನಾಮುಕ್ತಮೂರ್ಧಜಃ |
ವದನಾಬ್ಜಜಿತಶ್ರೀಶ್ಚ ವದನೇಂದುಸ್ಫುರದ್ದಿಶಃ || ೧೨ ||
ವರದಾನೈಕನಿಪುಣೋ ವರವೀಣೋಜ್ಜ್ವಲತ್ಕರಃ |
ವನವಾಸಸಮುಲ್ಲಾಸೀ ವನಲೀಲೈಕಲೋಲುಪಃ || ೧೩ ||
ತೇಜಃಪುಂಜಘನಾಕಾರೋ ತೇಜಸಾಮವಿಭಾಸಕಃ |
ತೇಜಃಪ್ರದೋ ವಿಧೇಯಾನಾಂ ತೇಜೋಮಯನಿಜಾಶ್ರಮಃ || ೧೪ ||
ದಮಿತಾನಂಗಸಂಗ್ರಾಮೋ ದರಹಾಸೋಜ್ಜ್ವಲನ್ಮುಖಃ |
ದಯಾರಸಸುಧಾಸಿಂಧುಃ ದರಿದ್ರಧನಶೇವಧಿಃ || ೧೫ ||
ಕ್ಷೀರೇಂದುಸ್ಫಟಿಕಾಕಾರಃ ಕ್ಷಿತೀಂದ್ರಮಕುಟೋಜ್ಜ್ವಲಃ |
ಕ್ಷೀರೋಪಹಾರರಸಿಕಃ ಕ್ಷಿಪ್ರೈಶ್ವರ್ಯಫಲಪ್ರದಃ || ೧೬ ||
ನಾನಾಭರಣಮುಕ್ತಾಂಗೋ ನಾರೀಸಮ್ಮೋಹನಾಕೃತಿಃ |
ನಾದಬ್ರಹ್ಮರಸಾಸ್ವಾದೀ ನಾಗಭೂಷಣಭೂಷಿತಃ || ೧೭ ||
ಮೂರ್ತಿನಿಂದಿತಕಂದರ್ಪೋ ಮೂರ್ತಾಮೂರ್ತಜಗದ್ವಪುಃ |
ಮೂಕಾಜ್ಞಾನತಮೋಭಾನುಃ ಮೂರ್ತಿಮತ್ಕಲ್ಪಪಾದಪಃ || ೧೮ ||
ತರುಣಾದಿತ್ಯಸಂಕಾಶಃ ತಂತ್ರೀವಾದನತತ್ಪರಃ |
ತರುಮೂಲೈಕನಿಲಯಃ ತಪ್ತಜಾಂಬೂನದಪ್ರಭಃ || ೧೯ ||
ತತ್ತ್ವಪುಸ್ತೋಲ್ಲಸತ್ಪಾಣಿಃ ತಪನೋಡುಪಲೋಚನಃ |
ಯಮಸನ್ನುತಸತ್ಕೀರ್ತಿಃ ಯಮಸಂಯಮಸಂಯುತಃ || ೨೦ ||
ಯತಿರೂಪಧರೋ ಮೌನಮುನೀಂದ್ರೋಪಾಸ್ಯವಿಗ್ರಹಃ |
ಮಂದಾರಹಾರರುಚಿರೋ ಮದನಾಯುತಸುಂದರಃ || ೨೧ ||
ಮಂದಸ್ಮಿತಲಸದ್ವಕ್ತ್ರೋ ಮಧುರಾಧರಪಲ್ಲವಃ |
ಮಂಜೀರಮಂಜುಪಾದಾಬ್ಜೋ ಮಣಿಪಟ್ಟೋಲಸತ್ಕಟಿಃ || ೨೨ ||
ಹಸ್ತಾಂಕುರಿತಚಿನ್ಮುದ್ರೋ ಹಂಸಯೋಗಪಟೂತ್ತಮಃ |
ಹಂಸಜಪ್ಯಾಕ್ಷಮಾಲಾಢ್ಯೋ ಹಂಸೇಂದ್ರಾರಾಧ್ಯಪಾದುಕಃ || ೨೩ ||
ಮೇರುಶೃಂಗಸಮುಲ್ಲಾಸೀ ಮೇಘಶ್ಯಾಮಮನೋಹರಃ |
ಮೇಘಾಂಕುರಾಲವಾಲಾಗ್ರ್ಯೋ ಮೇಧಾಪಕ್ವಫಲದ್ರುಮಃ || ೨೪ ||
ಧಾರ್ಮಿಕಾಂತಕೃತಾವಾಸೋ ಧರ್ಮಮಾರ್ಗಪ್ರವರ್ತಕಃ |
ಧಾಮತ್ರಯನಿಜಾರಾಮೋ ಧರೋತ್ತಮಮಹಾರಥಃ || ೨೫ ||
ಪ್ರಬೋಧೋದಾರದೀಪಶ್ರೀಃ ಪ್ರಕಾಶಿತಜಗತ್ತ್ರಯಃ |
ಪ್ರಜ್ಞಾಚಂದ್ರಶಿಲಾಚಂದ್ರಃ ಪ್ರಜ್ಞಾಮಣಿಲಸತ್ಕರಃ || ೨೬ ||
ಜ್ಞಾನಿಹೃದ್ಭಾಸಮಾನಾತ್ಮಾ ಜ್ಞಾತೄಣಾಮವಿದೂರಗಃ |
ಜ್ಞಾನಾಯಾದೃತದಿವ್ಯಾಂಗೋ ಜ್ಞಾತಿಜಾತಿಕುಲಾತಿಗಃ || ೨೭ ||
ಪ್ರಪನ್ನಪಾರಿಜಾತಾಗ್ರ್ಯಃ ಪ್ರಣತಾರ್ತ್ಯಬ್ಧಿಬಾಡಬಃ |
ಪ್ರಮಾಣಭೂತೋ ಭೂತಾನಾಂ ಪ್ರಪಂಚಹಿತಕಾರಕಃ || ೨೮ ||
ಯಮಿಸತ್ತಮಸಂಸೇವ್ಯೋ ಯಕ್ಷಗೇಯಾತ್ಮವೈಭವಃ |
ಯಜ್ಞಾಧಿದೇವತಾಮೂರ್ತಿಃ ಯಜಮಾನವಪುರ್ಧರಃ || ೨೯ ||
ಛತ್ರಾಧಿಪದಿಗೀಶಶ್ಚ ಛತ್ರಚಾಮರಸೇವಿತಃ |
ಛಂದಃ ಶಾಸ್ತ್ರಾದಿನಿಪುಣಶ್ಛಲಜಾತ್ಯಾದಿದೂರಗಃ || ೩೦ ||
ಸ್ವಾಭಾವಿಕಸುಖೈಕಾತ್ಮಾ ಸ್ವಾನುಭೂತಿರಸೋದಧಿಃ |
ಸ್ವಾರಾಜ್ಯಸಂಪದಧ್ಯಕ್ಷಃ ಸ್ವಾತ್ಮಾರಾಮಮಹಾಮತಿಃ || ೩೧ ||
ಹಾಟಕಾಭಜಟಾಜೂಟೋ ಹಾಸೋದಸ್ತಾರಿಮಂಡಲಃ |
ಹಾಲಾಹಲೋಜ್ಜ್ವಲಗಳೋ ಹಾರಾಯಿತಭುಜಂಗಮಃ || ೩೨ ||
ಇತಿ ಶ್ರೀ ದಕ್ಷಿಣಾಮೂರ್ತಿ ಮಂತ್ರಾರ್ಣಾಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
