Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ దక్షిణామూర్తి స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీదేవ్యువాచ |
భగవన్ దేవదేవేశ మంత్రార్ణస్తవముత్తమమ్ |
దక్షిణామూర్తిదేవస్య కృపయా వద మే ప్రభో || ౧ ||
శ్రీమహాదేవ ఉవాచ |
సాధు పృష్టం మహాదేవి సర్వలోకహితాయ తే |
వక్ష్యామి పరమం గుహ్యం మంత్రార్ణస్తవముత్తమమ్ || ౨ ||
ఋషిశ్ఛందో దేవతాంగన్యాసాదికమనుత్తమమ్ |
మూలమంత్రపదస్యాపి ద్రష్టవ్యం సకలం హి తత్ || ౩ ||
ధ్యానమ్ –
భస్మవ్యాపాండురాంగః శశిశకలధరో జ్ఞానముద్రాక్షమాలా-
-వీణాపుస్తైర్విరాజత్కరకమలధరో యోగపట్టాభిరామః |
వ్యాఖ్యాపీఠే నిషణ్ణే మునివరనికరైః సేవ్యమానః ప్రసన్నః
సవ్యాలః కృత్తివాసాః సతతమవతు నో దక్షిణామూర్తిరీశః || ౪ ||
ఇతి ధ్యాత్వా మహాదేవం మంత్రార్ణస్తవముత్తమమ్ |
జపేత్ త్రిసంధ్యం నియతో భస్మరుద్రాక్షభూషితః || ౫ ||
స్తోత్రమ్ –
ఓం | ఓంకారాచలసింహేంద్రః ఓంకారోద్యానకోకిలః |
ఓంకారనీడశుకరాడోంకారారణ్యకుంజరః || ౬ ||
నగరాజసుతాజానిర్నగరాజనిజాలయః |
నవమాణిక్యమాలాఢ్యో నవచంద్రశిఖామణిః || ౭ ||
నందితాశేషమౌనీంద్రో నందీశాదిమదేశికః |
మోహానలసుధాధారో మోహాంబుజసుధాకరః || ౮ ||
మోహాంధకారతరణిర్మోహోత్పలనభోమణిః |
భక్తజ్ఞానాబ్ధిశీతాంశుః భక్తాజ్ఞానతృణానలః || ౯ ||
భక్తాంభోజసహస్రాంశుః భక్తకేకిఘనాఘనః |
భక్తకైరవరాకేందుః భక్తకోకదివాకరః || ౧౦ ||
గజాననాదిసంపూజ్యో గజచర్మోజ్జ్వలాకృతిః |
గంగాధవళదివ్యాంగో గంగాభంగలసజ్జటః || ౧౧ ||
గగనాంబరసంవీతో గగనాముక్తమూర్ధజః |
వదనాబ్జజితశ్రీశ్చ వదనేందుస్ఫురద్దిశః || ౧౨ ||
వరదానైకనిపుణో వరవీణోజ్జ్వలత్కరః |
వనవాససముల్లాసీ వనలీలైకలోలుపః || ౧౩ ||
తేజఃపుంజఘనాకారో తేజసామవిభాసకః |
తేజఃప్రదో విధేయానాం తేజోమయనిజాశ్రమః || ౧౪ ||
దమితానంగసంగ్రామో దరహాసోజ్జ్వలన్ముఖః |
దయారససుధాసింధుః దరిద్రధనశేవధిః || ౧౫ ||
క్షీరేందుస్ఫటికాకారః క్షితీంద్రమకుటోజ్జ్వలః |
క్షీరోపహారరసికః క్షిప్రైశ్వర్యఫలప్రదః || ౧౬ ||
నానాభరణముక్తాంగో నారీసమ్మోహనాకృతిః |
నాదబ్రహ్మరసాస్వాదీ నాగభూషణభూషితః || ౧౭ ||
మూర్తినిందితకందర్పో మూర్తామూర్తజగద్వపుః |
మూకాజ్ఞానతమోభానుః మూర్తిమత్కల్పపాదపః || ౧౮ ||
తరుణాదిత్యసంకాశః తంత్రీవాదనతత్పరః |
తరుమూలైకనిలయః తప్తజాంబూనదప్రభః || ౧౯ ||
తత్త్వపుస్తోల్లసత్పాణిః తపనోడుపలోచనః |
యమసన్నుతసత్కీర్తిః యమసంయమసంయుతః || ౨౦ ||
యతిరూపధరో మౌనమునీంద్రోపాస్యవిగ్రహః |
మందారహారరుచిరో మదనాయుతసుందరః || ౨౧ ||
మందస్మితలసద్వక్త్రో మధురాధరపల్లవః |
మంజీరమంజుపాదాబ్జో మణిపట్టోలసత్కటిః || ౨౨ ||
హస్తాంకురితచిన్ముద్రో హంసయోగపటూత్తమః |
హంసజప్యాక్షమాలాఢ్యో హంసేంద్రారాధ్యపాదుకః || ౨౩ ||
మేరుశృంగసముల్లాసీ మేఘశ్యామమనోహరః |
మేఘాంకురాలవాలాగ్ర్యో మేధాపక్వఫలద్రుమః || ౨౪ ||
ధార్మికాంతకృతావాసో ధర్మమార్గప్రవర్తకః |
ధామత్రయనిజారామో ధరోత్తమమహారథః || ౨౫ ||
ప్రబోధోదారదీపశ్రీః ప్రకాశితజగత్త్రయః |
ప్రజ్ఞాచంద్రశిలాచంద్రః ప్రజ్ఞామణిలసత్కరః || ౨౬ ||
జ్ఞానిహృద్భాసమానాత్మా జ్ఞాతౄణామవిదూరగః |
జ్ఞానాయాదృతదివ్యాంగో జ్ఞాతిజాతికులాతిగః || ౨౭ ||
ప్రపన్నపారిజాతాగ్ర్యః ప్రణతార్త్యబ్ధిబాడబః |
ప్రమాణభూతో భూతానాం ప్రపంచహితకారకః || ౨౮ ||
యమిసత్తమసంసేవ్యో యక్షగేయాత్మవైభవః |
యజ్ఞాధిదేవతామూర్తిః యజమానవపుర్ధరః || ౨౯ ||
ఛత్రాధిపదిగీశశ్చ ఛత్రచామరసేవితః |
ఛందః శాస్త్రాదినిపుణశ్ఛలజాత్యాదిదూరగః || ౩౦ ||
స్వాభావికసుఖైకాత్మా స్వానుభూతిరసోదధిః |
స్వారాజ్యసంపదధ్యక్షః స్వాత్మారామమహామతిః || ౩౧ ||
హాటకాభజటాజూటో హాసోదస్తారిమండలః |
హాలాహలోజ్జ్వలగళో హారాయితభుజంగమః || ౩౨ ||
ఇతి శ్రీ దక్షిణామూర్తి మంత్రార్ణాష్టోత్తరశతనామ స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ దక్షిణామూర్తి స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ శివ స్తోత్రాలు చూడండి. మరిన్ని శ్రీ దక్షిణామూర్తి స్తోత్రాలు చూడండి.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
