Read in తెలుగు / ಕನ್ನಡ / தமிழ் / देवनागरी / English (IAST)
ಪಾಯಯ ಜನಮಿಮಮಮೃತಂ
ದುರ್ಲಭಮಿತರಸ್ಯ ಲೋಕಸ್ಯ |
ನತಜನಪಾಲನದೀಕ್ಷಿತ
ಮೇಧಾಧೀದಕ್ಷಿಣಾಮೂರ್ತೇ || ೧ ||
ಸ್ತೋತುಂ ವಾ ನಂತುಂ ವಾ
ಜಡವಿಷಯಾಸಕ್ತಹೃನ್ನ ಶಕ್ನೋಮಿ |
ನೈಸರ್ಗಿಕೀಂ ಕುರು ಕೃಪಾಂ
ಮಯಿ ವಟತಟವಾಸ ದಕ್ಷಿಣಾಮೂರ್ತೇ || ೨ ||
ಸ್ಫುರತು ಮಮ ಹೃದಿ ತನುಸ್ತೇ
ಪುಸ್ತಕಮುದ್ರಾಕ್ಷಮಾಲಿಕಾಕುಂಭಾನ್ |
ದಧತೀ ಚಂದ್ರಾರ್ಧಲಸ-
-ಚ್ಛೀರ್ಷಾ ಶ್ರೀದಕ್ಷಿಣಾಮೂರ್ತೇ || ೩ ||
ಸಹಮಾನ ದಕ್ಷಿಣಾನನ
ಸಹಮಾನವಿಹೀನಮತ್ಕಮಂತುತತೀಃ |
ಸಹಮಾನತ್ವಂ ತ್ಯಜ ವಾ
ಯುಕ್ತಂ ಕುರ್ವತ್ರ ಯದ್ವಿಭಾತಿ ತವ || ೪ ||
ಮೇಧಾಪ್ರಜ್ಞೇ ಜನ್ಮಮೂಕೋಽಪಿ ಲೋಕಃ
ಪ್ರಾಪ್ನೋತ್ಯಂಘ್ರಿಂ ಪೂಜಯನ್ಯಸ್ಯ ಲೋಕೇ |
ತಂ ಪಾದಾಂಭೋಜಾತನಮ್ರಾಮರಾಳಿಂ
ಮೇಧಾಪ್ರಜ್ಞಾದಕ್ಷಿಣಾಮೂರ್ತಿಮೀಡೇ || ೫ ||
ಗಂಗಾನಿರ್ಝರಿಣೀ ಹಿಮಾದ್ರಿಕುಹರಾದ್ಯದ್ವತ್ಸುಧಾಂಶೋಃ ಪ್ರಭಾ
ನಿರ್ಗಚ್ಛತ್ಯತಿವೇಗತಃ ಕಮಪಿ ಚ ತ್ಯಕ್ತ್ವಾ ಪ್ರಯತ್ನಂ ಮುಹುಃ |
ತದ್ವದ್ಯತ್ಪದಭಕ್ತವಕ್ತ್ರಕುಹರಾದ್ವಾಣೀ ಜವಾನ್ನಿಃಸರೇತ್
ತಂ ವಂದೇ ಮುನಿಬೃಂದವಂದ್ಯಚರಣಂ ಶ್ರೀದಕ್ಷಿಣಾಸ್ಯಂ ಮುದಾ || ೬ ||
ಅಪ್ಪಿತ್ತಾರ್ಕಶಶಾಂಕನೇತ್ರಮಗಜಾಸಂಲಿಂಗಿತಾಂಗಂ ಕೃಪಾ-
-ವಾರಾಶಿಂ ವಿಧಿವಿಷ್ಣುಮುಖ್ಯದಿವಿಜೈಃ ಸಂಸೇವಿತಾಂಘ್ರಿಂ ಮುದಾ |
ನಂದೀಶಪ್ರಮುಖೈರ್ಗಣೈಃ ಪರಿವೃತಂ ನಾಗಾಸ್ಯಷಡ್ವಕ್ತ್ರಯು-
-ಕ್ಪಾರ್ಶ್ವಂ ನೀಲಗಳಂ ನಮಾಮಿ ವಟಭೂರುಣ್ಮೂಲವಾಸಂ ಶಿವಮ್ || ೭ ||
ಶೀತಾಂಶುಪ್ರತಿಮಾನಕಾಂತಿವಪುಷಂ ಪೀತಾಂಬುರಾಶ್ಯಾದಿಭಿ-
-ರ್ಮೌನೀಂದ್ರೈಃ ಪರಿಚಿಂತ್ಯಮಾನಮನಿಶಂ ಮೋದಾದ್ಧೃದಂಭೋರುಹೇ |
ಶಾಂತಾನಂಗಕಟಾಕ್ಷಿಭಾಸಿನಿಟಿಲಂ ಕಾಂತಾರ್ಧಕಾಯಂ ವಿಭುಂ
ವಂದೇ ಚಿತ್ರಚರಿತ್ರಮಿಂದುಮುಕುಟಂ ನ್ಯಗ್ರೋಧಮೂಲಾಶ್ರಯಮ್ || ೮ ||
ಇತಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದ ಶಿವಾಭಿನವ ನೃಸಿಂಹ ಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ದಕ್ಷಿಣಾಮೂರ್ತ್ಯಷ್ಟಕಮ್ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
