Read in తెలుగు / ಕನ್ನಡ / தமிழ் / देवनागरी / English (IAST)
ತತೋಽಹಂ ತುಲಸೀದಾಸಃ ಸ್ಮರಾಮಿ ರಘುಂದನಮ್ |
ಹನೂಮಂತಂ ತತ್ಪುರಸ್ತಾದ್ರಕ್ಷಾರ್ಥೇ ಭಕ್ತರಕ್ಷಕಮ್ || ೧ ||
ಹನೂಮನ್ನಂಜನಾಸೂನೋ ವಾಯುಪುತ್ರ ಮಹಾಬಲ |
ಮಹಾಲಾಂಗೂಲನಿಕ್ಷೇಪನಿಹತಾಖಿಲರಾಕ್ಷಸ || ೨ ||
ಅಕ್ಷವಕ್ಷೋವಿನಿಕ್ಷೇಪಕುಲಿಶಾಗ್ರನಖಾಂಚಿತ |
ಶ್ರೀರಾಮಹೃದಯಾನಂದ ವಿಪತ್ತೌ ಶರಣಂ ಭವ || ೩ ||
ಉಲ್ಲಂಘ್ಯ ಸಾಗರಂ ಯೇನ ಛಾಯಾಗ್ರಾಹೀ ನಿಪಾತಿತಾ |
ಸಿಂಹನಾದಹತಾಮಿತ್ರ ವಿಪತ್ತೌ ಶರಣಂ ಭವ || ೪ ||
ಲಕ್ಷ್ಮಣೇ ನಿಹತೇ ಭೂಮಾವಾನೀಯ ಹ್ಯಚಲಂ ತತಃ |
ಯಯಾ ಜೀವಿತವಾನದ್ಯ ತಾಂ ಶಕ್ತಿಂ ಪ್ರಕಟೀ ಕುರು || ೫ ||
ಯೇನ ಲಂಕೇಶ್ವರೋ ವೀರೋ ನಿಃಶಂಕಂ ವಿಜಿತಃ ಸ್ವಯಮ್ |
ದುರ್ನಿರೀಕ್ಷ್ಯೋಽಪಿ ದೇವಾನಾಂ ತದ್ಬಲಂ ದರ್ಶಯಾಧುನಾ || ೬ ||
ಯಯಾ ಲಂಕಾಂ ಪ್ರವಿಶ್ಯ ತ್ವಂ ಜ್ಞಾತವಾನ್ ಜಾನಕೀಂ ಸ್ವಯಮ್ |
ರಾವಣಾಂತಃಪುರೇಽತ್ಯುಗ್ರೇ ತಾಂ ಬುದ್ಧಿಂ ಪ್ರಕಟೀ ಕುರು || ೭ ||
ರುದ್ರಾವತಾರ ಭಕ್ತಾರ್ತಿವಿಮೋಚನ ಮಹಾಭುಜ |
ಕಪಿರಾಜ ಪ್ರಪನ್ನಸ್ತ್ವಾಂ ಶರಣಂ ಭವ ರಕ್ಷ ಮಾಮ್ || ೮ ||
ಇತ್ಯಷ್ಟಕಂ ಹನುಮತೋ ಯಃ ಪಠೇಚ್ಛ್ರದ್ಧಯಾನ್ವಿತಃ |
ಸರ್ವಕಷ್ಟವಿನಿರ್ಮುಕ್ತೋ ಲಭತೇ ವಾಂಛಿತಂ ಫಲಮ್ || ೯ ||
ಇತಿ ಶ್ರೀಗೋಸ್ವಾಮಿತುಲಸೀದಾಸ ಕೃತ ಸಂಕಟಮೋಚನಂ ನಾಮ ಶ್ರೀಹನುಮದಷ್ಟಕಮ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
