Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಪಾರ್ವತ್ಯುವಾಚ |
ದೇವದೇವ ಮಹಾದೇವ ಸೃಷ್ಟಿಸಂಹಾರಕಾರಕ |
ಮಾತಂಗ್ಯಾಃ ಕವಚಂ ಬ್ರೂಹಿ ಯದಿ ಸ್ನೇಹೋಽಸ್ತಿ ತೇ ಮಯಿ || ೧ ||
ಶಿವ ಉವಾಚ |
ಅತ್ಯಂತಗೋಪನಂ ಗುಹ್ಯಂ ಕವಚಂ ಸರ್ವಕಾಮದಮ್ |
ತವ ಪ್ರೀತ್ಯಾ ಮಯಾಽಽಖ್ಯಾತಂ ನಾನ್ಯೇಷು ಕಥ್ಯತೇ ಶುಭೇ || ೨ ||
ಶಪಥಂ ಕುರು ಮೇ ದೇವಿ ಯದಿ ಕಿಂಚಿತ್ಪ್ರಕಾಶಸೇ |
ಅನಯಾ ಸದೃಶೀ ವಿದ್ಯಾ ನ ಭೂತಾ ನ ಭವಿಷ್ಯತಿ || ೩ ||
ಧ್ಯಾನಮ್ |
ಶವಾಸನಾಂ ರಕ್ತವಸ್ತ್ರಾಂ ಯುವತೀಂ ಸರ್ವಸಿದ್ಧಿದಾಮ್ |
ಏವಂ ಧ್ಯಾತ್ವಾ ಮಹಾದೇವೀಂ ಪಠೇತ್ಕವಚಮುತ್ತಮಮ್ || ೪ ||
ಕವಚಮ್ |
ಉಚ್ಛಿಷ್ಟಂ ರಕ್ಷತು ಶಿರಃ ಶಿಖಾಂ ಚಂಡಾಲಿನೀ ತತಃ |
ಸುಮುಖೀ ಕವಚಂ ರಕ್ಷೇದ್ದೇವೀ ರಕ್ಷತು ಚಕ್ಷುಷೀ || ೫ ||
ಮಹಾಪಿಶಾಚಿನೀ ಪಾಯಾನ್ನಾಸಿಕಾಂ ಹ್ರೀಂ ಸದಾಽವತು |
ಠಃ ಪಾತು ಕಂಠದೇಶಂ ಮೇ ಠಃ ಪಾತು ಹೃದಯಂ ತಥಾ || ೬ ||
ಠೋ ಭುಜೌ ಬಾಹುಮೂಲೇ ಚ ಸದಾ ರಕ್ಷತು ಚಂಡಿಕಾ |
ಐಂ ಚ ರಕ್ಷತು ಪಾದೌ ಮೇ ಸೌಃ ಕುಕ್ಷಿಂ ಸರ್ವತಃ ಶಿವಾ || ೭ ||
ಐಂ ಹ್ರೀಂ ಕಟಿದೇಶಂ ಚ ಆಂ ಹ್ರೀಂ ಸಂಧಿಷು ಸರ್ವದಾ |
ಜ್ಯೇಷ್ಠಮಾತಂಗ್ಯಂಗುಲೀರ್ಮೇ ಅಂಗುಲ್ಯಗ್ರೇ ನಮಾಮಿ ಚ || ೮ ||
ಉಚ್ಛಿಷ್ಟಚಾಂಡಾಲಿ ಮಾಂ ಪಾತು ತ್ರೈಲೋಕ್ಯಸ್ಯ ವಶಂಕರೀ |
ಶಿವೇ ಸ್ವಾಹಾ ಶರೀರಂ ಮೇ ಸರ್ವಸೌಭಾಗ್ಯದಾಯಿನೀ || ೯ ||
ಉಚ್ಛಿಷ್ಟಚಾಂಡಾಲಿ ಮಾತಂಗಿ ಸರ್ವವಶಂಕರಿ ನಮಃ |
ಸ್ವಾಹಾ ಸ್ತನದ್ವಯಂ ಪಾತು ಸರ್ವಶತ್ರುವಿನಾಶಿನೀ || ೧೦ ||
ಅತ್ಯಂತಗೋಪನಂ ದೇವಿ ದೇವೈರಪಿ ಸುದುರ್ಲಭಮ್ |
ಭ್ರಷ್ಟೇಭ್ಯಃ ಸಾಧಕೇಭ್ಯೋಽಪಿ ದ್ರಷ್ಟವ್ಯಂ ನ ಕದಾಚನ || ೧೧ ||
ದತ್ತೇನ ಸಿದ್ಧಿಹಾನಿಃ ಸ್ಯಾತ್ಸರ್ವಥಾ ನ ಪ್ರಕಾಶ್ಯತಾಮ್ |
ಉಚ್ಛಿಷ್ಟೇನ ಬಲಿಂ ದತ್ವಾ ಶನೌ ವಾ ಮಂಗಲೇ ನಿಶಿ || ೧೨ ||
ರಜಸ್ವಲಾಭಗಂ ಸ್ಪೃಷ್ಟ್ವಾ ಜಪೇನ್ಮಂತ್ರಂ ಚ ಸಾಧಕಃ |
ರಜಸ್ವಲಾಯಾ ವಸ್ತ್ರೇಣ ಹೋಮಂ ಕುರ್ಯಾತ್ಸದಾ ಸುಧೀಃ || ೧೩ ||
ಸಿದ್ಧವಿದ್ಯಾ ಇತೋ ನಾಸ್ತಿ ನಿಯಮೋ ನಾಸ್ತಿ ಕಶ್ಚನ |
ಅಷ್ಟಸಹಸ್ರಂ ಜಪೇನ್ಮಂತ್ರಂ ದಶಾಂಶಂ ಹವನಾದಿಕಮ್ || ೧೪ ||
ಭೂರ್ಜಪತ್ರೇ ಲಿಖಿತ್ವಾ ಚ ರಕ್ತಸೂತ್ರೇಣ ವೇಷ್ಟಯೇತ್ |
ಪ್ರಾಣಪ್ರತಿಷ್ಠಾಮಂತ್ರೇಣ ಜೀವನ್ಯಾಸಂ ಸಮಾಚರೇತ್ || ೧೫ ||
ಸ್ವರ್ಣಮಧ್ಯೇ ತು ಸಂಸ್ಥಾಪ್ಯ ಧಾರಯೇದ್ದಕ್ಷಿಣೇ ಕರೇ |
ಸರ್ವಸಿದ್ಧಿರ್ಭವೇತ್ತಸ್ಯ ಅಚಿರಾತ್ಪುತ್ರವಾನ್ಭವೇತ್ || ೧೬ ||
ಸ್ತ್ರೀಭಿರ್ವಾಮಕರೇ ಧಾರ್ಯಂ ಬಹುಪುತ್ರಾ ಭವೇತ್ತದಾ |
ವಂಧ್ಯಾ ವಾ ಕಾಕವಂಧ್ಯಾ ವಾ ಮೃತವತ್ಸಾ ಚ ಸಾಂಗನಾ || ೧೭ ||
ಜೀವದ್ವತ್ಸಾ ಭವೇತ್ಸಾಪಿ ಸಮೃದ್ಧಿರ್ಭವತಿ ಧ್ರುವಮ್ |
ಶಕ್ತಿಪೂಜಾಂ ಸದಾ ಕುರ್ಯಾಚ್ಛಿವಾಬಲಿಂ ಪ್ರದಾಪಯೇತ್ || ೧೮ ||
ಇದಂ ಕವಚಮಜ್ಞಾತ್ವಾ ಮಾತಂಗೀ ಯೋ ಜಪೇತ್ಸದಾ |
ತಸ್ಯ ಸಿದ್ಧಿರ್ನ ಭವತಿ ಪುರಶ್ಚರಣಲಕ್ಷತಃ || ೧೯ ||
ಇತಿ ಶ್ರೀರುದ್ರಯಾಮಲತಂತ್ರೇ ಮಾತಂಗೀ ಸುಮುಖೀ ಕವಚಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
