Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಮ್-
ವ್ಯಾಸಾಯ ವಿಷ್ಣುರೂಪಾಯ ವ್ಯಾಸರೂಪಾಯ ವಿಷ್ಣವೇ |
ನಮೋ ವೈ ಬ್ರಹ್ಮನಿಧಯೇ ವಾಸಿಷ್ಠಾಯ ನಮೋ ನಮಃ || ೧ ||
ವ್ಯಾಸಂ ವಸಿಷ್ಠನಪ್ತಾರಂ ಶಾಕ್ತೇಃ ಪೌತ್ರಮಕಲ್ಮಷಮ್ |
ಪರಾಶರಾತ್ಮಜಂ ವಂದೇ ಶುಕತಾತಂ ತಪೋನಿಧಿಮ್ || ೨ ||
ಅಭ್ರಶ್ಯಾಮಃ ಪಿಂಗಜಟಾಬದ್ಧಕಲಾಪಃ
ಪ್ರಾಂಶುರ್ದಂಡೀ ಕೃಷ್ಣಮೃಗತ್ವಕ್ಪರಿಧಾನಃ |
ಸರ್ವಾನ್ ಲೋಕಾನ್ ಪಾವಯಮಾನಃ ಕವಿಮುಖ್ಯಃ
ಪಾರಾಶರ್ಯಃ ಪರ್ವಸು ರೂಪಂ ವಿವೃಣೋತು || ೩ ||
ಅಚತುರ್ವದನೋ ಬ್ರಹ್ಮಾ ದ್ವಿಬಾಹುರಪರೋ ಹರಿಃ |
ಅಭಾಲಲೋಚನಃ ಶಂಭುರ್ಭಗವಾನ್ ಬಾದರಾಯಣಃ || ೪ ||
ಅಥ ಸ್ತೋತ್ರಮ್ –
ನಾರಾಯಣಕುಲೋದ್ಭೂತೋ ನಾರಾಯಣಪರೋ ವರಃ |
ನಾರಾಯಣಾವತಾರಶ್ಚ ನಾರಾಯಣವಶಂವದಃ || ೧ ||
ಸ್ವಯಂಭೂವಂಶಸಂಭೂತೋ ವಸಿಷ್ಠಕುಲದೀಪಕಃ |
ಶಕ್ತಿಪೌತ್ರಃ ಪಾಪಹಂತಾ ಪರಾಶರಸುತೋಽಮಲಃ || ೨ ||
ದ್ವೈಪಾಯನೋ ಮಾತೃಭಕ್ತಃ ಶಿಷ್ಟಃ ಸತ್ಯವತೀಸುತಃ |
ಸ್ವಯಮುದ್ಭೂತವೇದಶ್ಚ ಚತುರ್ವೇದವಿಭಾಗಕೃತ್ || ೩ ||
ಮಹಾಭಾರತಕರ್ತಾ ಚ ಬ್ರಹ್ಮಸೂತ್ರಪ್ರಜಾಪತಿಃ |
ಅಷ್ಟಾದಶಪುರಾಣಾನಾಂ ಕರ್ತಾ ಶ್ಯಾಮಃ ಪ್ರಶಿಷ್ಯಕಃ || ೪ ||
ಶುಕತಾತಃ ಪಿಂಗಜಟಃ ಪ್ರಾಂಶುರ್ದಂಡೀ ಮೃಗಾಜಿನಃ |
ವಶ್ಯವಾಗ್ಜ್ಞಾನದಾತಾ ಚ ಶಂಕರಾಯುಃ ಪ್ರದಃ ಶುಚಿಃ || ೫ ||
ಮಾತೃವಾಕ್ಯಕರೋ ಧರ್ಮೀ ಕರ್ಮೀ ತತ್ವಾರ್ಥದರ್ಶಕಃ |
ಸಂಜಯಜ್ಞಾನದಾತಾ ಚ ಪ್ರತಿಸ್ಮೃತ್ಯುಪದೇಶಕಃ || ೬ ||
ತಥಾ ಧರ್ಮೋಪದೇಷ್ಟಾ ಚ ಮೃತದರ್ಶನಪಂಡಿತಃ |
ವಿಚಕ್ಷಣಃ ಪ್ರಹೃಷ್ಟಾತ್ಮಾ ಪೂರ್ವಪೂಜ್ಯಃ ಪ್ರಭುರ್ಮುನಿಃ || ೭ ||
ವೀರೋ ವಿಶ್ರುತವಿಜ್ಞಾನಃ ಪ್ರಾಜ್ಞಶ್ಚಾಜ್ಞಾನನಾಶನಃ |
ಬ್ರಾಹ್ಮಕೃತ್ಪಾದ್ಮಕೃದ್ಧೀರೋ ವಿಷ್ಣುಕೃಚ್ಛಿವಕೃತ್ತಥಾ || ೮ ||
ಶ್ರೀಭಾಗವತಕರ್ತಾ ಚ ಭವಿಷ್ಯರಚನಾದರಃ |
ನಾರದಾಖ್ಯಸ್ಯಕರ್ತಾ ಚ ಮಾರ್ಕಂಡೇಯಕರೋಽಗ್ನಿಕೃತ್ || ೯ ||
ಬ್ರಹ್ಮವೈವರ್ತಕರ್ತಾ ಚ ಲಿಂಗಕೃಚ್ಚ ವರಾಹಕೃತ್ |
ಸ್ಕಾಂದಕರ್ತಾ ವಾಮನಕೃತ್ಕೂರ್ಮಕರ್ತಾ ಚ ಮತ್ಸ್ಯಕೃತ್ || ೧೦ ||
ಗರುಡಾಖ್ಯಸ್ಯಕರ್ತಾ ಚ ಬ್ರಹ್ಮಾಂಡಾಖ್ಯಪುರಾಣಕೃತ್ |
ಕರ್ತಾ ಚೋಪಪುರಾಣಾನಾಂ ಪುರಾಣಃ ಪುರುಷೋತ್ತಮಃ || ೧೧ ||
ಕಾಶಿವಾಸೀ ಬ್ರಹ್ಮನಿಧಿರ್ಗೀತಾದಾತಾ ಮಹಾಮತಿಃ |
ಸರ್ವಜ್ಞಃ ಸರ್ವಸಿದ್ಧಿಶ್ಚ ಸರ್ವಾಶಾಸ್ತ್ರಪ್ರವರ್ತಕಃ || ೧೨ ||
ಸರ್ವಾಶ್ರಯಃ ಸರ್ವಹಿತಃ ಸರ್ವಃ ಸರ್ವಗುಣಾಶ್ರಯಃ |
ವಿಶುದ್ಧಃ ಶುದ್ಧಿಕೃದ್ದಕ್ಷೋ ವಿಷ್ಣುಭಕ್ತಃ ಶಿವಾರ್ಚಕಃ || ೧೩ ||
ದೇವೀಭಕ್ತಃ ಸ್ಕಂದರುಚಿರ್ಗಾಣೇಶಕೃಚ್ಚ ಯೋಗವಿತ್ |
ಪೌಲಾಚಾರ್ಯ ಋಚಃ ಕರ್ತಾ ಶಾಕಲ್ಯಾರ್ಯಾಸ್ತಥೈವ ಚ || ೧೪ ||
ಯಜುಃ ಕರ್ತಾ ಚ ಜೈಮಿನ್ಯಾಚಾರ್ಯಾಶ್ಚ ಸಾಮಕಾರಕಃ |
ಸುಮಂತ್ವಾಚಾರ್ಯವರ್ಯಶ್ಚ ತಥೈವಾಥರ್ವಕಾರಕಃ || ೧೫ ||
ರೋಮಹರ್ಷಣಸೂತಾರ್ಯೋ ಲೋಕಾಚಾರ್ಯೋ ಮಹಾಮುನಿಃ |
ವ್ಯಾಸಕಾಶೀರತೋ ವಿಶ್ವಪೂಜ್ಯೋ ವಿಶ್ವೇಶಪೂಜಕಃ ||
ಶಾಂತಾಃ ಶಾಂತಾಕೃತಿಃ ಶಾಂತಚಿತ್ತಃ ಶಾಂತಿಪ್ರದಸ್ತಥಾ || ೧೬ ||
ಇತಿ ಶ್ರೀ ವೇದವ್ಯಾಸ ಅಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
