Read in తెలుగు / ಕನ್ನಡ / தமிழ் / देवनागरी / English (IAST)
|| ಐಂ ಖ್ಫ್ರೇಮ್ ||
ನಮೋಽಸ್ತು ತೇ ಮಹಾಮಾಯೇ ದೇಹಾತೀತೇ ನಿರಂಜನೇ |
ಪ್ರತ್ಯಂಗಿರಾ ಜಗದ್ಧಾತ್ರಿ ರಾಜಲಕ್ಷ್ಮಿ ನಮೋಽಸ್ತು ತೇ || ೧ ||
ವರ್ಣದೇಹಾ ಮಹಾಗೌರೀ ಸಾಧಕೇಚ್ಛಾಪ್ರವರ್ತಿತಾ |
ಪದದೇಹಾ ಮಹಾಸ್ಫಾಲ ಮಹಾಸಿದ್ಧಿಸಮುತ್ಥಿತಾ || ೨ ||
ತತ್ತ್ವದೇಹಸ್ಥಿತಾ ದೇವಿ ಸಾಧಕಾನುಗ್ರಹಾ ಸ್ಮೃತಾ |
ಮಹಾಕುಂಡಲಿನೀ ಭಿತ್ತ್ವಾ ಸಹಸ್ರದಳಭೇದಿನೀ || ೩ ||
ಇಡಾಪಿಂಗಳಮಧ್ಯಸ್ಥಾ ವಾಯುಭೂತಾ ಖಗಾಮಿನೀ |
ಮೃಣಾಲತಂತುರೂಪಿಣ್ಯಾ ಸುಷುಮ್ಣಾಮಧ್ಯಚಾರಿಣೀ || ೪ ||
ನಾದಾಂತೇನಾದಸಂಸ್ಥಾನಾ ನಾದಾತೀತಾ ನಿರಂಜನಾ |
ಸೂಕ್ಷ್ಮೇಸ್ಥೂಲೇತಿ ಸಂಪೂಜ್ಯೇ ಅಚಿಂತ್ಯಾಚಿಂತ್ಯವಿಗ್ರಹೇ || ೫ ||
ಪರಾಪರಪರೇ ಶಾಂತೇ ಬ್ರಹ್ಮಲೀನೇ ಪರೇ ಶಿವೇ |
ಅಚಿಂತ್ಯರೂಪಚರಿತೇ ಅಚಿಂತ್ಯಾರ್ಥಫಲಪ್ರದೇ || ೬ ||
ಏಕಾಕಿನೀ ವಿಶ್ವಮಾತಾ ಕರವೀರನಿವಾಸಿನೀ |
ಮಹಾಸ್ಫಾಲಪ್ರದಾ ನಿತ್ಯಾ ಮಹಾಮೇಲಾಪಕಾರಿಣೀ || ೭ ||
ಬಿಂದುಮಧ್ಯೇ ಸ್ಥಿತಾ ದೇವೀ ಕುಟಿಲೇ ಚಾರ್ಧಚಂದ್ರಿಕೇ |
ದ್ವಾದಶಾಂತಾಲಯಾ ದೇವೀ ಷೋಡಶಾಧಾರವಾಸಿನೀ || ೮ ||
ಕಾರ್ಯಕಾರಣಸಂಭಿನ್ನಾ ಚೈತನ್ಯಾನಾಡಿಮಧ್ಯಗಾ |
ಶಕ್ತಿಮೂಲೇ ಮಹಾಚಕ್ರೇ ನವಧಾ ಸಂವ್ಯವಸ್ಥಿತಾ || ೯ ||
ಅಶರೀರಾ ಪರಾದೇವೀ ಶರೀರೇ ಪ್ರಾಣರೂಪಿಣೀ |
ಸುಧಾದ್ರವಸಮಾಕಾರಾ ಓಂಕಾರಪರವಿಗ್ರಹಾ || ೧೦ ||
ವಿದ್ಯುಲ್ಲತನಿಭಾ ದೇವೀ ಭಾವಾಭಾವವಿವರ್ಜಿತಾ |
ಸ್ವಾಂತಪದ್ಮಸ್ಥಿತಾ ನಿತ್ಯಾ ಪರೇಶೀ ಶಾಂತವಿಗ್ರಹಾ || ೧೧ ||
ಸತ್ತ್ವರೂಪಾ ರಜೋರೂಪಾ ತಮೋರೂಪಾ ತ್ರಯಾತ್ಮಿಕಾ |
ತ್ವಮೇವ ದೇವೀ ಸರ್ವೇಷಾಂ ಭೂತಾನಾಂ ಪ್ರಾಣದಾಯಿನೀ || ೧೨ ||
ತ್ವಯೈವ ಸೃಜ್ಯತೇ ವಿಶ್ವಂ ಲೀಲಯಾ ಬಹುಧಾ ಸ್ಥಿತಾ |
ಮಾಲಿನೀ ಪರಮಾ ದೇವೀ ಶ್ಮಶಾನಪರಬಂಧನೀ || ೧೩ ||
ಹೃತ್ತಾಲುಭೇದಿನೀ ಚಕ್ರೇ ವಿಚಕ್ರೇ ಚಕ್ರಸುಂದರೀ |
ಬಿಂದುದ್ವಾರನಿರೋಧೇನ ದಿವ್ಯವ್ಯಾಪ್ತಾ ನಮೋಽಸ್ತು ತೇ || ೧೪ ||
ಸೂರ್ಯಕೋಟಿಪ್ರತೀಕಾಶೇ ಚಂದ್ರಕೋಟ್ಯತಿನಿರ್ಮಲೇ |
ಕಂದರ್ಪಕೋಟಿಲಾವಣ್ಯಕೋಟಿಬ್ರಹ್ಮಾಂಡವಿಗ್ರಹೇ || ೧೫ ||
ನಿರಾಕಾರೇ ನಿರಾಭಾಸೇ ನಿರ್ಲೇಪೇ ನಿರ್ವಿನಿಗ್ರಹೇ |
ಸಕಲಾಖ್ಯೇ ಮಹಾಮಾಯೇ ವರದೇ ಸುರಪೂಜಿತೇ || ೧೬ ||
ಖಕಾರಫಕಾರವಹ್ನಿಸ್ಥೈಕಾರಾಂತರ ಸುಂದರಿ |
ಮಕಾರಾಂತರ ವರ್ಗೇಷು ಪಂಚಪಿಂಡಾತ್ಮಕೇ ಶಿವೇ || ೧೭ ||
ಸರ್ಪವತ್ಕುಟಿಲಾಕಾರ ನಾದಶಕ್ತಿಪರೇ ಮತೇ |
ಬಿಂದುಚಕ್ರಸ್ಥಿತಾ ದೇವೀ ಜಾಲಂಧರಸ್ವರೂಪಿಣೀ || ೧೮ ||
ಭೂರ್ಯವೈಡೂರ್ಯಪೀಠಸ್ಥೇ ಪೂರ್ಣಪೀಠವ್ಯವಸ್ಥಿತೇ |
ಕಾಮಸ್ಥಿತೇ ಕಳಾತೀತೇ ಕಾಮಾಖ್ಯೇ ಚ ಭಗೋದ್ಭವೇ || ೧೯ ||
ಬ್ರಹ್ಮಗ್ರಂಥಿಕಲಾಟೋಪಮಧ್ಯೇಸ್ರೋತಪ್ರವಾಹಿನೀ |
ಶಿವೇ ಸರ್ವಗತೇ ಸೂಕ್ಷ್ಮೇ ನಿತ್ಯಾನಂದಮಹೋತ್ಸವೇ || ೨೦ ||
ಮಂತ್ರನಾಯಿಕಿ ಮಂತ್ರಜ್ಞೇ ವಿದ್ಯೇಕೋಶಾಂತವಾಸಿನೀ |
ಪಂಚಪೀಠಿಕಮಧ್ಯಸ್ಥೇ ಮೇರುನಾಯಕಿ ಶರ್ವರೀ || ೨೧ ||
ಖೇಚರೀ ಭೂಚರೀ ಚೈವ ಶಕ್ತಿತ್ರಯಪ್ರವಾಹಿನೀ |
ಕಾಲಾಂತಾಗ್ನಿಸಮುದ್ಭೂತಾ ಕಾಲಕಾಲಾಂತಕಾಲಿನೀ || ೨೨ ||
ಕಾಳಿಕಾಕ್ರಮಸಂಬಂಧಿ ಕಾಳಿದ್ವಾದಶಮಂಡಲೇ |
ತ್ರೈಲೋಕ್ಯದಹನೀ ದೇವೀ ಸಾ ಚ ಮೂರ್ತಿಸ್ತ್ರಯೋದಶೀ || ೨೩ ||
ಸೃಷ್ಟಿ ಸ್ಥಿತಿ ಚ ಸಂಹಾರೇ ಅನಾಖ್ಯಾಖ್ಯೇ ಮಹಾಕ್ರಮೇ |
ಭಾಸಾಖ್ಯಾ ಗುಹ್ಯಕಾಳೀ ಚ ನಿರ್ವಾಣೇಶೀ ಪರೇಶ್ವರೀ || ೨೪ ||
ಝಂಕಾರಿಣೀ ಭೈರವೀ ಚ ಸ್ವರ್ಣಕೋಟೇಶ್ವರೀ ಶಿವಾ |
ರಾಜರಾಜೇಶ್ವರೀ ಚಂಡಾ ಅಘೋರೇಶೀ ನಿಶೇಶ್ವರೀ || ೨೫ ||
ಸುಂದರೀ ತ್ರಿಪುರಾ ಪದ್ಮಾ ತಾರಾ ಪೂರ್ಣೇಶ್ವರೀ ಜಯಾ |
ಕ್ರಮಮಂಡಲಮಧ್ಯಸ್ಥಾ ಕ್ರಮೇಶೀ ಕುಬ್ಜಿಕಾಂಬಿಕಾ || ೨೬ ||
ಜ್ಯೇಷ್ಠಬಾಲವಿಭೇದೇನ ಕುಬ್ಜಾಖ್ಯಾ ಉಗ್ರಚಂಡಿಕಾ |
ಬ್ರಾಹ್ಮಾಣೀ ರೌದ್ರೀ ಕೌಮಾರೀ ವೈಷ್ಣವೀ ದೀರ್ಘನಾಸಿಕಾ || ೨೭ ||
ವಜ್ರಿಣೀ ಚರ್ಚಿಕಾಲಕ್ಷ್ಮೀ ಪೂಜಯೇದ್ದಿವ್ಯಮಾತರಃ |
ಅಸಿತಾಂಗೋರುರುಶ್ಚಂಡಃ ಕ್ರೋಧೀಶೋನ್ಮತ್ತ ಸಂಜ್ಞಕಮ್ || ೨೮ ||
ಕಪಾಲೀ ಭೀಷಣಾಖ್ಯಾಶ್ಚ ಸಂಹಾರಶ್ಚಾಷ್ಟಮಸ್ತಥಾ |
ಭಕ್ತಾನಾಂ ಸಾಧಕಾನಾಂ ಚ ಲಕ್ಷ್ಮೀಂ ಸಿದ್ಧಿಂ ಪ್ರಯಚ್ಛ ಮೇ || ೨೯ ||
ಸಿದ್ಧಿಲಕ್ಷ್ಮೀರ್ಮಹಾದೇವೀಂ ಭೈರವೇನಾನುಕೀರ್ತಿತಾ |
ಸಾಧಕದ್ವೇಷ್ಟಕಾನಾಂ ಚ ಸರ್ವಕರ್ಮವಿಭಂಜಿನೀ || ೩೦ ||
ವಿಪರೀತಕರೀ ದೇವೀ ಪ್ರತ್ಯಂಗಿರಾ ನಮೋಽಸ್ತು ತೇ |
ಕಾಲಾದಿ ಗ್ರಸಿತೇ ಸರ್ವಂ ಗ್ರಹಭೂತಾದಿ ಡಾಕಿನೀ || ೩೧ ||
ಸಾಧಕಂ ರಕ್ಷತೇ ದೇವೀ ಕಾಲಸಂಕರ್ಷಣೀಂ ನುಮಃ |
ಶಿವಂ ಪ್ರಯಚ್ಛತೇ ದೇವೀ ರಕ್ಷತೇ ಲೀಲಯಾ ಜಗತ್ || ೩೨ ||
ರಾಜ್ಯಲಾಭಪ್ರದಾಂ ದೇವೀ ರಕ್ಷಣೀ ಭಕ್ತವತ್ಸಲಾಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಅಚಿಂತಿತಾರ್ಥಸಿದ್ಧಯೇ || ೩೩ ||
ಸರ್ವಶತ್ರೂನ್ ಪ್ರಮರ್ದಂತೀ ದುರಿತಕ್ಲೇಶನಾಶಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಅಚಿಂತಿತಾರ್ಥಸಿದ್ಧಯೇ || ೩೪ ||
ಆಪದಾಂಭೋಧಿತರಣಿಂ ಪರಂ ನಿರ್ವಾಣದಾಯಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೩೫ ||
ರಾಜ್ಯದಾಂ ಧನದಾಂ ಲಕ್ಷ್ಮೀಂ ಮೋಕ್ಷದಾಂ ದುಃಖನಾಶಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೩೬ ||
ದುಷ್ಟಶತ್ರುಪ್ರಶಮನೀಂ ಮಹಾವ್ಯಾಧಿವಿನಾಶಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೩೭ ||
ಕಲಿದುಃಖಪ್ರಶಮನೀಂ ಮಹಾಪಾತಕನಾಶಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೩೮ ||
ಅಚಿಂತ್ಯಸಿದ್ಧಿದಾಂ ದೇವೀ ಚಿಂತಿತಾರ್ಥಫಲಪ್ರದಾಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೩೯ ||
ರಾಜೋಪಸರ್ಗಶಮನೀಂ ಮೃತ್ಯುಪದ್ರವನಾಶಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೪೦ ||
ರಾಜಮಾತಾಂ ರಾಜಲಕ್ಷ್ಮೀಂ ರಾಜ್ಯೇಷ್ಟಫಲದಾಯಿನೀಮ್ |
ಪ್ರತ್ಯಂಗಿರಾಂ ನಮಸ್ಯಾಮಿ ಸಿದ್ಧಿಲಕ್ಷ್ಮೀಂ ಜಯಪ್ರದಾಮ್ || ೪೧ ||
ಫಲಶ್ರುತಿಃ –
ಸಿದ್ಧಿಲಕ್ಷ್ಮೀರ್ಮಹಾವಿದ್ಯಾ ಮಹಾಸಿದ್ಧಿಪ್ರದಾಯಿಕಾ |
ಪಠೇದ್ವಾ ಪಾಠಯೇದ್ವಾಪಿ ಸ್ತೋತ್ರಂ ಪ್ರತ್ಯಂಗಿರಾಭಿಧಮ್ || ೪೨ ||
ಪಠನಾಚ್ಛತ್ರುಸೈನ್ಯಾನಿ ಸ್ತಂಭಯೇಜ್ಜಂಭಯೇತ್ ಕ್ಷಣಾತ್ |
ಅಚಿಂತಿತಾನಿ ಸಿದ್ಧ್ಯಂತಿ ಪಠನಾತ್ ಸಿದ್ಧಿಮಾಪ್ನುಯಾತ್ || ೪೩ ||
ಮಹಾದೋಷಪ್ರಶಮನಂ ಮಹಾವ್ಯಾಧಿವಿನಾಶನಮ್ |
ಸಿಂಹವ್ಯಾಘ್ರಗ್ರಹಭಯೇ ರಾಜೋಪದ್ರವನಾಶನಮ್ || ೪೪ ||
ಗ್ರಹಪೀಡಾ ಜಲಾಗ್ನೀನಾಂ ನಾಶನಂ ದೇವಿ ಶಾಂತಿದಮ್ |
ಪೂಜಾಕಾಲೇ ಮಹಾಸ್ತೋತ್ರಂ ಯೇ ಪಠಿಷ್ಯಂತಿ ಸಾಧಕಾಃ || ೪೫ ||
ತೇಷಾಂ ಸಿದ್ಧಿರ್ನದೂರೇಽಸ್ತಿ ದೇವ್ಯಾಃ ಸಂತುಷ್ಟಿದಾಯಕಮ್ |
ತೇ ನಾಸ್ತಿ ಯನ್ನಸಿದ್ಧ್ಯೇತ ಕೌಲಿಕೇ ಕುಲಶಾಸನೇ || ೪೬ ||
ಯಂ ಯಂ ಚಿಂತಯತೇ ಕಾಮಂ ಸ ಸ ಸಿದ್ಧ್ಯತಿ ಲೀಲಯಾ |
ಸತ್ಯಂ ಸತ್ಯಂ ಮಹಾದೇವೀ ಕೌಲಿಕೇ ತತ್ಸಮೋ ನ ಹಿ || ೪೭ ||
ಅರ್ಧರಾತ್ರೇ ಸಮುತ್ಥಾಯ ದೀಪಃ ಪ್ರಜ್ವಲ್ಯತೇ ನಿಶಿ |
ಪಠ್ಯತೇ ಸ್ತೋತ್ರಮೇತತ್ತು ಸರ್ವಂ ಸಿದ್ಧ್ಯತಿ ಚಿಂತಿತಮ್ || ೪೮ ||
ಪುರಶ್ಚರ್ಯಾಂ ವಿನಾನೇನ ಸ್ತೋತ್ರಪಾಠೇನ ಸಿದ್ಧ್ಯತಿ |
ಮಂಡಲೇ ಪ್ರತಿಮಾಗ್ರೇ ವಾ ಮಂಡಲಾಗ್ರೇ ಪಠೇದ್ಯದಿ || ೪೯ ||
ಇದಂ ಪ್ರೋಕ್ತಂ ಮಹಾಸ್ತೋತ್ರಂ ಅಚಿಂತಿತಾರ್ಥಸಿದ್ಧಿದಮ್ |
ಅನ್ಯದೇವರತಾನಾಂ ತು ನ ದೇಯಂ ತು ಕದಾಚನ || ೫೦ ||
ದಾತವ್ಯಂ ಭಕ್ತಿಯುಕ್ತಾಯ ಕುಲದೀಕ್ಷಾರತಾಯ ಚ |
ಅನ್ಯಥಾ ಪತನಂ ಯಾಂತಿ ಇತ್ಯಾಜ್ಞಾ ಪಾರಮೇಶ್ವರೀ || ೫೧ ||
ಇತಿ ತ್ರಿದಶಡಾಮರೇ ಕಾನವೀರೇ ಶ್ರೀಸಿದ್ಧಿನಾಥಾವತಾರಿತಃ ಶ್ರೀಸಿದ್ಧಿಲಕ್ಷ್ಮೀ ಮಹಾಮಾಯಾ ಸ್ತವಂ ನಾಮ ಶ್ರೀ ಪ್ರತ್ಯಂಗಿರಾ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಪ್ರತ್ಯಂಗಿರಾ ಸ್ತೋತ್ರಗಳು ನೋಡಿ.
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
