Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಹನುಮತ್ಪಂಜರಸ್ಯ ಋಷಿಃ ಶ್ರೀರಾಮಚಂದ್ರ ಭಗವಾನಿತಿ ಚ, ಛಂದೋಽನುಷ್ಟುಪ್ ಶ್ರೀಪಂಚವಕ್ತ್ರಹನುಮಾನ ದೇವತೇತಿ ಚ ಹ್ರಾಂ ಬೀಜಂ ಸ್ವಾಹಾ ಶಕ್ತಿಃ ಪ್ರಣವೋ ಕೀಲಕಂ ಸ್ಮೃತಃ ಮಂತ್ರೋಕ್ತ
ದೇವತಾಪ್ರಸಾದಸಿದ್ಧ್ಯರ್ಥೇ ವಿನಿಯೋಗಃ ||
ಕರನ್ಯಾಸಃ –
ಓಂ ಹ್ರಾಂ ರಾಮದೂತಾಯ ಅಂಗುಷ್ಠಾಭ್ಯಾಂ ನಮಃ |
ಓಂ ಹ್ರೀಂ ವಾನರಮುಖಾಯ ತರ್ಜನೀಭ್ಯಾಂ ನಮಃ |
ಓಂ ಹ್ರೂಂ ವಾಯುನಂದನಾಯ ಮಧ್ಯಮಾಭ್ಯಾಂ ನಮಃ |
ಓಂ ಹ್ರೈಂ ನೃಸಿಂಹಮುಖಾಯ ಅನಾಮಿಕಾಭ್ಯಾಂ ನಮಃ |
ಓಂ ಹ್ರೌಂ ಅಂಜನಾಸೂನವೇ ಕನಿಷ್ಠಿಕಾಭ್ಯಾಂ ನಮಃ |
ಓಂ ಹ್ರಃ ಪರಾಯ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ –
ಓಂ ಹ್ರಾಂ ಗರುಡಮುಖಾಯ ಹೃದಯಾಯ ನಮಃ |
ಓಂ ಹ್ರೀಂ ಹರಿಮರ್ಕಟಾಯ ಶಿರಸೇ ಸ್ವಾಹಾ |
ಓಂ ಹ್ರೂಂ ಕ್ರೋಡಮುಖಾಯ ಶಿಖಾಯೈ ವಷಟ್ |
ಓಂ ಹ್ರೈಂ ರಾಮಕಾರ್ಯಧುರಂಧರಾಯ ಕವಚಾಯ ಹುಮ್ |
ಓಂ ಹ್ರೌಂ ಅಶ್ವಮುಖಾಯ ನೇತ್ರತ್ರಯಾಯ ವೌಷಟ್ |
ಓಂ ಹ್ರಃ ಸರ್ವರಾಕ್ಷಸನಾಶನಾಯ ಅಸ್ತ್ರಾಯ ಫಟ್ |
ಧ್ಯಾನಮ್ –
ಧ್ಯಾಯೇದ್ಬಾಲದಿವಾಕರದ್ಯುತಿನಿಭಂ ದೇವಾರಿದರ್ಪಾಪಹಂ
ದೇವೇಂದ್ರಪ್ರಮುಖೈಃ ಪ್ರಶಸ್ತಯಶಸಂ ದೇದೀಪ್ಯಮಾನಂ ಋಚಾ |
ಸುಗ್ರೀವಾದಿಸಮಸ್ತವಾನರಯುತಂ ಸುವ್ಯಕ್ತತತ್ತ್ವಪ್ರಿಯಂ
ಸಂರಕ್ತಾರುಣಲೋಚನಂ ಪವನಜಂ ಪೀತಾಂಬರಾಲಂಕೃತಮ್ ||
ಪಂಜರಮ್ –
ಆದೌ ಪ್ರಣವಮುಚ್ಚಾರ್ಯಂ ವಂದೇ ಹರಿಪದಂ ತತಃ |
ಉಚ್ಚಾರ್ಯ ಮರ್ಕಟಪದಂ ಮರ್ಕಟಾಯೇತಿ ಚೋಚ್ಚರೇತ್ |
ಅಗ್ನಿಜಾಯಾಂ ಸಮುಚ್ಚಾರ್ಯ ದ್ವಾದಶಾರ್ಣೋ ಮಹಾಮನುಃ |
(ಓಂ ಹರಿಮರ್ಕಟ ಮರ್ಕಟಾಯ ಸ್ವಾಹಾ)
ಶಿರಃ ಪಾತು ಮಮ ಸದಾ ಸರ್ವಸೌಖ್ಯಪ್ರದಾಯಕಃ || ೧ ||
ಆದೌ ಪ್ರಣವಮುಚ್ಚಾರ್ಯ ಕಪಿಬೀಜಂ ತತೋಚ್ಚರೇತ್ |
ನೃಸಿಂಹಬೀಜಮುಚ್ಚಾರ್ಯ ಗಾರುಡಂ ಚ ಸಮುಚ್ಚರೇತ್ |
ವರಾಹಬೀಜಮುಚ್ಚಾರ್ಯ ಹಯಗ್ರೀವಂ ತತೋಚ್ಚರೇತ್ |
ನಮಃ ಪದಂ ತತೋಚ್ಚಾರ್ಯ ಸ ಪಂಚಾಸ್ಯ ಮಹಾಕಪೇಃ |
ಚತುರ್ದಶಾರ್ಣಮಂತ್ರೋಽಯಂ ಮುಖಂ ಪಾಯಾತ್ ಸದಾ ಮಮ || ೨ ||
ಆದೌ ಪ್ರಣವಮುಚ್ಚಾರ್ಯ ನಮೋ ಭಗವತೇ ಪದಮ್ |
ಪಂಚವದನಾಯ ಚೋಚ್ಚಾರ್ಯ ಪೂರ್ವಮುಖೇತಿ ಚೋಚ್ಚರೇತ್ |
ವಾನರಂ ಬೀಜಮುಚ್ಚಾರ್ಯ ಕಪಿಮುಖಾಯ ಚೋಚ್ಚರೇತ್ |
ಸರ್ವಶತ್ರುಹರಾಯೇತಿ ಮಹಾಬಲಾಯ ಚೋಚ್ಚರೇತ್ |
ಅಗ್ನಿಜಾಯಾಂ ತತೋಚ್ಚಾರ್ಯ ಸಪ್ತತ್ರಿಂಶಾಕ್ಷರಾಭಿಧಃ |
ಕಂಠಂ ಮಮ ಸದಾ ಪಾತು ಸರ್ವಶತ್ರುವಿನಾಶಕಃ || ೩ ||
ಉಚ್ಚಾರ್ಯಂ ಪ್ರಣವಂ ಚಾದೌ ನಮೋ ಭಗವತೇತಿ ಚ |
ನಾರಸಿಂಹ ಮಹಾಬೀಜ ಕರಾಳಪದಮುಚ್ಚರೇತ್ |
ನೃಸಿಂಹಾಯ ಪದಂ ಚೋಕ್ತ್ವಾ ಸಕಲಭೂತಪ್ರೇತ ಚ |
ಪಿಶಾಚಬ್ರಹ್ಮರಾಕ್ಷಸಪ್ರಮಥನಾಯ ಪದಂ ವದೇತ್ |
ಅಗ್ನಿಜಾಯಾಂ ತತೋಚ್ಚಾರ್ಯ ವಸು ವೇದಾರ್ಣಕೋ ಮನುಃ |
ಹೃದಯಂ ಮೇ ಸದಾ ಪಾತು ಸರ್ವಶತ್ರುವಿನಾಶಕಃ || ೪ ||
ಓಂ ನಮೋ ಭಗವತೇತಿ ಪಂಚವದನಾಯ ತತಃ |
ಪಶ್ಚಿಮಮುಖೇತಿ ಚೋಚ್ಚಾರ್ಯ ಗಾರುಡಂ ಬೀಜಮುಚ್ಚರೇತ್ |
ವೀರಗರುಡಾಯ ಮಹಾಬಲಾಯೇತಿ ಪದಂ ತತಃ |
ಸರ್ವನಾಗಪ್ರಮಥನಾಯಾಂತೇ ಸಕಲವಿಷೇತಿ |
ಹರಾಯ ಸ್ವಾಹಾ ತ್ವಂ ತತಃ ವೇದಾಭ್ಯಕ್ಷರಸಂಯುತಃ |
ಹನುಮನ್ಮಮೋದರಂ ಪಾತು ಸರ್ವರೋಗನಿಬರ್ಹಣಃ || ೫ ||
ಓಂ ನಮೋ ಭಗವತೇತಿ ಪಂಚವದನಾಯ ತತಃ |
ಉತ್ತರಮುಖೇ ಚೋಚ್ಚಾರ್ಯ ಕ್ರೋಡವಾಗ್ಬೀಜಮುಚ್ಚರೇತ್ |
ಆದಿವಾರಾಹ ಸರ್ವಸಂಪತ್ಪ್ರದಾಯ ನಿಧಿ ಭೂಮಿ ಚ |
ಪ್ರದಾಯ ಪಶ್ಚಾಜ್ಜ್ವರೇತಿ ರೋಗನಿಕೃಂತನ ಸ್ವಾಹಾ |
ನಾಭಿಂ ಪಾತು ಮಮ ಸದಾ ಸುಖಸೌಭಾಗ್ಯ ಹೇತುಕಃ |
ನೇತ್ರ ಬಾಣಾರ್ಣಕೋ ಮನೋಃ ಪಶ್ಚಾತ್ಪ್ರಣವಮುಚ್ಚರೇತ್ || ೬ ||
ಓಂ ನಮೋ ಭಗವತೇ ಪಂಚವದನಾಯ ಪದಂ ತತಃ |
ಊರ್ಧ್ವಮುಖೇತ್ಯಂತೇ ಹಯಬೀಜಂ ತತಃ ಪರಮ್ |
ಹಯಗ್ರೀವಾಯ ಸಕಲಪ್ರದಾಯ ಸಕಲೇತಿ ಚ |
ಜನವಶೀಕರಣಾಯ ಸಕಲ ದಾನವಾಂತಕಾಯ |
ಪಶ್ಚಾತ್ ಪ್ರಾಜ್ಞಾಯ ಸ್ವಾಹೇತಿ ಷಟ್ಪಂಚಾಶದ್ವರ್ಣಕೋ ಮನುಃ |
ಮಮ ಜಾನುದ್ವಯಂ ಪಾತು ಸರ್ವ ರಾಕ್ಷಸನಾಶಕಃ || ೭ ||
ಓಂ ಚ ಹ್ರೀಮಿತ್ಯಯಂ ಚೋಕ್ತ್ವಾ ನಮೋ ಭಗವತೇ ತತಃ |
ಬ್ರಹ್ಮಾಸ್ತ್ರಸಂಹಾರಕಾಯ ರಾಕ್ಷಸಕುಲನಾಶಯೇತಿ |
ಪತಾಕ ಹನುಮತೇತಿ ಮಾಯಾಬೀಜತ್ರಯಂ ತತಃ |
ಕ್ರೋಡಾಸ್ತ್ರ ವಹ್ನಿಜಾಯಾಂ ತಂ ಮನುಃ ಪಾದದ್ವಯಂ ಮಮ || ೮ ||
ಹ್ರಾಂ ನಮಃ ಪಂಚವಕ್ತ್ರಾಯ ನಾಭಿದೇಶಂ ಸದಾ ಮಮ |
ಹ್ರೀಂ ನಮಃ ಪಂಚವಕ್ತ್ರಾಯ ಪಾತು ಜಂಘದ್ವಯಂ ಮಮ |
ಹ್ರೂಂ ನಮಃ ಪಂಚವಕ್ತ್ರಾಯ ಪಾತು ಜಾನುದ್ವಯಂ ಮಮ |
ಹ್ರೈಂ ನಮಃ ಪಂಚವಕ್ತ್ರಾಯ ಪಾದದ್ವಂದ್ವಂ ಸದಾಽವತು |
ಹ್ರೌಂ ನಮಃ ಪಂಚವಕ್ತ್ರಾಯ ಕಟಿದೇಶಂ ಸದಾಽವತು |
ಹ್ರಃ ನಮಃ ಪಂಚವಕ್ತ್ರಾಯ ಚೋದರಂ ಪಾತು ಸರ್ವದಾ || ೯ ||
ಐಂ ನಮಃ ಪಂಚವಕ್ತ್ರಾಯ ಹೃದಯಂ ಪಾತು ಸರ್ವದಾ |
ಕ್ಲಾಂ ನಮಃ ಪಂಚವಕ್ತ್ರಾಯ ಬಾಹುಯುಗ್ಮಂ ಸದಾವತು |
ಕ್ಲೀಂ ನಮಃ ಪಂಚವಕ್ತ್ರಾಯ ಕರಯುಗ್ಮಂ ಸದಾ ಮಮ |
ಕ್ಲೂಂ ನಮಃ ಪಂಚವಕ್ತ್ರಾಯ ಕಂಠದೇಶಂ ಸದಾಽವತು |
ಕ್ಲೈಂ ನಮಃ ಪಂಚವಕ್ತ್ರಾಯ ಚುಬುಕಂ ಮೇ ಸದಾಽವತು |
ಕ್ಲೌಂ ನಮಃ ಪಂಚವಕ್ತ್ರಾಯ ಪಾತು ಚೋಷ್ಠದ್ವಯಂ ಮಮ |
ಕ್ಲಃ ನಮಃ ಪಂಚವಕ್ತ್ರಾಯ ನೇತ್ರಯುಗ್ಮಂ ಸದಾವತು || ೧೦ ||
ರಾಂ ನಮಃ ಪಂಚವಕ್ತ್ರಾಯ ಶೋತ್ರಯುಗ್ಮಂ ಸದಾವತು |
ರೀಂ ನಮಃ ಪಂಚವಕ್ತ್ರಾಯ ಫಾಲಂ ಪಾತು ಮಹಾಬಲಃ |
ರೂಂ ನಮಃ ಪಂಚವಕ್ತ್ರಾಯ ಶಿರಃ ಪಾಯಾತ್ ಸದಾ ಮಮ |
ರೈಂ ನಮಃ ಪಂಚವಕ್ತ್ರಾಯ ಶಿಖಾಂ ಮಮ ಸದಾಽವತು |
ರೌಂ ನಮಃ ಪಂಚವಕ್ತ್ರಾಯ ಮೂರ್ಧಾನಂ ಪಾತು ಸರ್ವದಾ |
ರಃ ನಮಃ ಪಂಚವಕ್ತ್ರಾಯ ಮುಖಂ ಪಾತು ಸದಾ ಮಮ || ೧೧ ||
ಕ್ಷ್ರಾಂ ನಮಃ ಪಂಚವಕ್ತ್ರಾಯ ಶ್ರೋತ್ರಯುಗ್ಮಂ ಸದಾಽವತು |
ಕ್ಷ್ರೀಂ ನಮಃ ಪಂಚವಕ್ತ್ರಾಯ ನೇತ್ರಯುಗ್ಮಂ ಸದಾ ಮಮ |
ಕ್ಷ್ರೂಂ ನಮಃ ಪಂಚವಕ್ತ್ರಾಯ ಪಾತು ಚೋಷ್ಠದ್ವಯಂ ಮಮ |
ಕ್ಷ್ರೈಂ ನಮಃ ಪಂಚವಕ್ತ್ರಾಯ ಭ್ರೂಯುಗ್ಮಂ ಪಾತು ಸರ್ವದಾ |
ಕ್ಷ್ರೌಂ ನಮಃ ಪಂಚವಕ್ತ್ರಾಯ ನಾಸಿಕಾಂ ಪಾತು ಸರ್ವದಾ |
ಕ್ಷಃ ನಮಃ ಪಂಚವಕ್ತ್ರಾಯ ಕಂಠಂ ಪಾತು ಕಪೀಶ್ವರಃ || ೧೨ ||
ಗ್ಲಾಂ ನಮಃ ಪಂಚವಕ್ತ್ರಾಯ ಪಾತು ವಕ್ಷಸ್ಥಲಂ ಮಮ |
ಗ್ಲೀಂ ನಮಃ ಪಂಚವಕ್ತ್ರಾಯ ಬಾಹುಯುಗ್ಮಂ ಸದಾ ಮಮ |
ಗ್ಲೂಂ ನಮಃ ಪಂಚವಕ್ತ್ರಾಯ ಕರಯುಗ್ಮಂ ಸದಾಽವತು |
ಗ್ಲೈಂ ನಮಃ ಪಂಚವಕ್ತ್ರಾಯ ಮಮ ಪಾತು ವಲಿತ್ರಯಮ್ |
ಗ್ಲೌಂ ನಮಃ ಪಂಚವಕ್ತ್ರಾಯ ಚೋರದಂ ಪಾತು ಸರ್ವದಾ |
ಗ್ಲಃ ನಮಃ ಪಂಚವಕ್ತ್ರಾಯ ನಾಭಿಂ ಪಾತು ಸದಾ ಮಮ || ೧೩ ||
ಆಂ ನಮಃ ಪಂಚವಕ್ತ್ರಾಯ ವಾನರಾಯ ಕಟಿಂ ಮಮ |
ಈಂ ನಮಃ ಪಂಚವಕ್ತ್ರಾಯ ಊರುಯುಗ್ಮಂ ಸದಾಽವತು |
ಊಂ ನಮಃ ಪಂಚವಕ್ತ್ರಾಯ ಜಾನುದ್ವಂದ್ವಂ ಸದಾ ಮಮ |
ಐಂ ನಮಃ ಪಂಚವಕ್ತ್ರಾಯ ಗುಲ್ಫದ್ವಂದ್ವಂ ಸದಾಽವತು |
ಔಂ ನಮಃ ಪಂಚವಕ್ತ್ರಾಯ ಪಾದದ್ವಂದ್ವಂ ಸದಾಽವತು |
ಅಃ ನಮಃ ಪಂಚವಕ್ತ್ರಾಯ ಸರ್ವಾಂಗಾನಿ ಸದಾಽವತು || ೧೪ ||
ವಾನರಃ ಪೂರ್ವತಃ ಪಾತು ದಕ್ಷಿಣೇ ನರಕೇಸರಿಃ |
ಪ್ರತೀಚ್ಯಾಂ ಪಾತು ಗರುಡ ಉತ್ತರೇ ಪಾತು ಸೂಕರಃ |
ಊರ್ಧ್ವಂ ಹಯಾನನಃ ಪಾತು ಸರ್ವತಃ ಪಾತು ಮೃತ್ಯುಹಾ || ೧೫ ||
ವಾನರಃ ಪೂರ್ವತಃ ಪಾತು ಆಗ್ನೇಯ್ಯಾಂ ವಾಯುನಂದನಃ |
ದಕ್ಷಿಣೇ ಪಾತು ಹನುಮಾನ್ ನಿರೃತೇ ಕೇಸರೀಪ್ರಿಯಃ || ೧೬ ||
ಪ್ರತೀಚ್ಯಾಂ ಪಾತು ದೈತ್ಯಾರಿಃ ವಾಯವ್ಯಾಂ ಪಾತು ಮಂಗಳಃ |
ಉತ್ತರೇ ರಾಮದಾಸಸ್ತು ನಿಮ್ನಂ ಯುದ್ಧವಿಶಾರದಃ || ೧೭ ||
ಊರ್ಧ್ವೇ ರಾಮಸಖಃ ಪಾತು ಪಾತಾಳೇ ಚ ಕಪೀಶ್ವರಃ |
ಸರ್ವತಃ ಪಾತು ಪಂಚಾಸ್ಯಃ ಸರ್ವರೋಗನಿಕೃಂತನಃ || ೧೮ ||
ಹನುಮಾನ್ ಪೂರ್ವತಃ ಪಾತು ದಕ್ಷಿಣೇ ಪವನಾತ್ಮಜಃ |
ಪಾತು ಪ್ರತೀಚಿಮಕ್ಷಘ್ನೋ ಉದೀಚ್ಯಾಂ ಸಾಗರತಾರಕಃ || ೧೯ ||
ಊರ್ಧ್ವಂ ಕೇಸರೀನಂದನಃ ಪಾತ್ವಧಸ್ತಾದ್ವಿಷ್ಣುಭಕ್ತಃ |
ಪಾತು ಮಧ್ಯಪ್ರದೇಶೇ ತು ಸರ್ವಲಂಕಾವಿದಾಹಕಃ |
ಏವಂ ಸರ್ವತೋ ಮಾಂ ಪಾತು ಪಂಚವಕ್ತ್ರಃ ಸದಾ ಕಪಿಃ || ೨೦ ||
ಸುಗ್ರೀವಸಚಿವಃ ಪಾತು ಮಸ್ತಕಂ ಮಮ ಸರ್ವದಾ |
ವಾಯುನಂದನಃ ಫಾಲಂ ಮೇ ಮಹಾವೀರಃ ಭ್ರೂಮಧ್ಯಮಮ್ || ೨೧ ||
ನೇತ್ರೇ ಛಾಯಾಪಹಾರೀ ಚ ಪಾತು ಶ್ರೋತ್ರೇ ಪ್ಲವಂಗಮಃ |
ಕಪೋಲೌ ಕರ್ಣಮೂಲೇ ಚ ಪಾತು ಶ್ರೀರಾಮಕಿಂಕರಃ || ೨೨ ||
ನಾಸಾಗ್ರಮಂಜನಾಸೂನುಃ ಪಾತು ವಕ್ತ್ರಃ ಹರೀಶ್ವರಃ |
ಪಾತು ಕಂಠಂ ಚ ದೈತ್ಯಾರಿಃ ಸ್ಕಂಧೌ ಪಾತು ಸುರಾರ್ಚಿತಃ || ೨೩ ||
ಜಾನೌ ಪಾತು ಮಹಾತೇಜಃ ಕೂರ್ಪರೌ ಚರಣಾಯುಧಃ |
ನಖಾನ್ ನಖಾಯುಧಃ ಪಾತು ಕಕ್ಷಂ ಪಾತು ಕಪೀಶ್ವರಃ || ೨೪ ||
ಸೀತಾಶೋಕಾಪಹಾರೀ ತು ಸ್ತನೌ ಪಾತು ನಿರಂತರಮ್ |
ಲಕ್ಷ್ಮಣಪ್ರಾಣದಾತಾಽಸೌ ಕುಕ್ಷಿ ಪಾತ್ವನಿಶಂ ಮಮ || ೨೫ ||
ವಕ್ಷೌ ಮುದ್ರಾಪಹಾರೀ ಚ ಪಾತು ಪಾರ್ಶ್ವೇ ಭುಜಾಯುಧಃ |
ಲಂಖಿಣೀಭಂಜನಃ ಪಾತು ಪೃಷ್ಠದೇಶೇ ನಿರಂತರಮ್ || ೨೬ ||
ನಾಭಿಂ ಚ ರಾಮದಾಸಸ್ತು ಕಟಿಂ ಪಾತ್ವನಿಲಾತ್ಮಜಃ |
ಗುಹ್ಯಂ ಪಾತು ಮಹಾಪ್ರಾಜ್ಞಃ ಸಂಧೌ ಪಾತು ಶಿವಪ್ರಿಯಃ || ೨೭ ||
ಊರೂ ಚ ಜಾನುನೀ ಪಾತು ಲಂಕಾಪ್ರಾಸಾದಭಂಜನಃ |
ಜಂಘೌ ಪಾತು ಕಪಿಶ್ರೇಷ್ಠಃ ಗುಲ್ಫೌ ಪಾತು ಮಹಾಬಲಃ || ೨೮ ||
ಅಚಲೋದ್ಧಾರಕಃ ಪಾತು ಪಾದೌ ಭಾಸ್ಕರಸನ್ನಿಭಃ |
ಅಂಗಾನ್ಯಮಿತಸತ್ವಾಢ್ಯಃ ಪಾತು ಪಾದಾಂಗುಳಿಃ ಸದಾ || ೨೯ ||
ಸರ್ವಾಂಗಾನಿ ಮಹಾಶೂರಃ ಪಾತು ಮಾಂ ರೋಮವಾನ್ ಸದಾ |
ಭಾರ್ಯಾಂ ಪಾತು ಮಹಾತೇಜಃ ಪುತ್ರಾನ್ ಪಾತು ನಖಾಯುಧಃ || ೩೦ ||
ಪಶೂನ್ ಪಂಚಾನನಃ ಪಾತು ಕ್ಷೇತ್ರಂ ಪಾತು ಕಪೀಶ್ವರಃ |
ಬಂಧೂನ್ ಪಾತು ರಘುಶ್ರೇಷ್ಠಃ ದಾಸಃ ಪವನಸಂಭವಃ |
ಸೀತಾ ಶೋಕಾಪಹಾರೀ ಸಃ ಗೃಹಾನ್ ಮಮ ಸದಾಽವತು || ೩೧ ||
ಹನೂಮತ್ ಪಂಜರಂ ಯಸ್ತು ಪಠೇದ್ವಿದ್ವಾನ್ ವಿಚಕ್ಷಣಃ |
ಸ ಏಷ ಪುರುಷಶ್ರೇಷ್ಠೋ ಭಕ್ತಿ ಮುಕ್ತಿಂ ಚ ವಿಂದತಿ || ೩೨ ||
ಕಾಲತ್ರಯೇಽಪ್ಯೇಕಕಾಲೇ ಪಠೇನ್ಮಾಸತ್ರಯಂ ನರಃ |
ಸರ್ವಶತ್ರೂನ್ ಕ್ಷಣೇ ಜಿತ್ವಾ ಸ್ವಯಂ ಚ ವಿಜಯೀ ಭವೇತ್ || ೩೩ ||
ಅರ್ಧರಾತ್ರೌ ಜಲೇ ಸ್ಥಿತ್ವಾ ಸಪ್ತವಾರಂ ಪಠೇದ್ಯದಿ |
ಕ್ಷಯಾಪಸ್ಮಾರ ಕುಷ್ಠಾದಿ ತಾಪಜ್ವರನಿವಾರಣಮ್ || ೩೪ ||
ಅರ್ಕವಾರೇಽಶ್ವತ್ಥಮೂಲೇ ಸ್ಥಿತ್ವಾ ಪಠತಿ ಯಃ ಪುಮಾನ್ |
ಸ ಪುಮಾನ್ ಶ್ರಿಯಮಾಪ್ನೋತಿ ಸಂಗ್ರಾಮೇ ವಿಜಯೀ ಭವೇತ್ || ೩೫ ||
ಅನೇನ ಮಂತ್ರಿತಂ ಚಾಪಿ ಯಃ ಪಿಬೇತ್ ರೋಗಪೀಡಿತಃ |
ಸ ನರೋ ರೋಗನಿರ್ಮುಕ್ತಃ ಸುಖೀ ಭವತಿ ನಿಶ್ಚಯಃ || ೩೬ ||
ಯೋ ನಿತ್ಯಂ ಧ್ಯಾಯೇದ್ಯಸ್ತು ಸರ್ವಮಂತ್ರವಿನಿರ್ಮಿತಮ್ |
ತಂ ದೃಷ್ಟ್ವಾ ದೇವತಾಃ ಸರ್ವೇ ನಮಸ್ಯಂತಿ ಕಪೀಶ್ವರಮ್ || ೩೭ ||
ರಾಕ್ಷಸಾಸ್ತು ಪಲಾಯಂತೇ ಭೂತಾ ಧಾವಂತಿ ಸರ್ವತಃ |
ಇದಂ ಪಂಜರಮಜ್ಞಾತ್ವಾ ಯೋ ಜಪನ್ಮಂತ್ರನಾಯಕಮ್ || ೩೮ ||
ನ ಶೀಘ್ರಂ ಫಲಮಾಪ್ನೋತಿ ಸತ್ಯಂ ಸತ್ಯಂ ಮಯೋದಿತಮ್ |
ತ್ರಿಕಾಲಮೇಕಕಾಲಂ ವಾ ಪಂಜರಂ ಧಾರಯೇಚ್ಛುಭಮ್ || ೩೯ ||
ಪಂಜರಂ ವಿಧಿವಜ್ಜಪ್ತ್ವಾ ಸ್ತೋತ್ರೈಃ ವೇದಾಂತಸಮ್ಮಿತೈಃ |
ತೋಷಯೇದಂಜನಾಸೂನುಂ ಸರ್ವರಾಕ್ಷಸಮರ್ದನಮ್ || ೪೦ ||
ಇತೀದಂ ಪಂಜರಂ ಯಸ್ತು ಪಂಚವಕ್ತ್ರಹನೂಮತಃ |
ಧಾರಯೇತ್ ಶ್ರಾವಯೇದ್ವಾಪಿ ಕೃತಕೃತ್ಯೋ ಭವೇನ್ನರಃ || ೪೧ ||
ಇತಿ ಶ್ರೀಪರಾಶರಸಂಹಿತಾಯಾಂ ಶ್ರೀಪರಾಶರಮೈತ್ರೇಯಸಂವಾದೇ ಶ್ರೀ ಪಂಚಮುಖ ಹನುಮತ್ ಪಂಜರಂ ನಾಮ ಚತುಃ ಸಪ್ತತಿತಮಃ ಪಟಲಃ |
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
