Read in తెలుగు / ಕನ್ನಡ / தமிழ் / देवनागरी / English (IAST)
ಮಹಾದೇವ ಉವಾಚ |
ತ್ರೈಲೋಕ್ಯವಿಜಯಸ್ಯಾಸ್ಯ ಕವಚಸ್ಯ ಪ್ರಜಾಪತಿಃ |
ಋಷಿಶ್ಛಂದಶ್ಚ ಗಾಯತ್ರೀ ದೇವೋ ರಾಸೇಶ್ವರಃ ಸ್ವಯಮ್ || ೧ ||
ತ್ರೈಲೋಕ್ಯವಿಜಯಪ್ರಾಪ್ತೌ ವಿನಿಯೋಗಃ ಪ್ರಕೀರ್ತಿತಃ |
ಪರಾತ್ಪರಂ ಚ ಕವಚಂ ತ್ರಿಷು ಲೋಕೇಷು ದುರ್ಲಭಮ್ || ೨ ||
ಓಂ | ಪ್ರಣವೋ ಮೇ ಶಿರಃ ಪಾತು ಶ್ರೀಕೃಷ್ಣಾಯ ನಮಃ ಸದಾ |
ಪಾಯಾತ್ಕಪಾಲಂ ಕೃಷ್ಣಾಯ ಸ್ವಾಹಾ ಪಂಚಾಕ್ಷರಃ ಸ್ಮೃತಃ || ೩ ||
ಕೃಷ್ಣೇತಿ ಪಾತು ನೇತ್ರೇ ಚ ಕೃಷ್ಣ ಸ್ವಾಹೇತಿ ತಾರಕಮ್ |
ಹರಯೇ ನಮ ಇತ್ಯೇವಂ ಭ್ರೂಲತಾಂ ಪಾತು ಮೇ ಸದಾ || ೪ ||
ಓಂ ಗೋವಿಂದಾಯ ಸ್ವಾಹೇತಿ ನಾಸಿಕಾಂ ಪಾತು ಸಂತತಮ್ |
ಗೋಪಾಲಾಯ ನಮೋ ಗಂಡೌ ಪಾತು ಮೇ ಸರ್ವತಃ ಸದಾ || ೫ ||
ಓಂ ನಮೋ ಗೋಪಾಂಗನೇಶಾಯ ಕರ್ಣೌ ಪಾತು ಸದಾ ಮಮ |
ಓಂ ಕೃಷ್ಣಾಯ ನಮಃ ಶಶ್ವತ್ ಪಾತು ಮೇಽಧರಯುಗ್ಮಕಮ್ || ೬ ||
ಓಂ ಗೋವಿಂದಾಯ ಸ್ವಾಹೇತಿ ದಂತೌಘಂ ಮೇ ಸದಾಽವತು |
ಪಾತು ಕೃಷ್ಣಾಯ ದಂತಾಧೋ ದಂತೋರ್ಧ್ವಂ ಕ್ಲೀಂ ಸದಾಽವತು || ೭ ||
ಓಂ ಶ್ರೀಕೃಷ್ಣಾಯ ಸ್ವಾಹೇತಿ ಜಿಹ್ವಿಕಾಂ ಪಾತು ಮೇ ಸದಾ |
ರಾಸೇಶ್ವರಾಯ ಸ್ವಾಹೇತಿ ತಾಲುಕಂ ಪಾತು ಮೇ ಸದಾ || ೮ ||
ರಾಧಿಕೇಶಾಯ ಸ್ವಾಹೇತಿ ಕಂಠಂ ಪಾತು ಸದಾ ಮಮ |
ನಮೋ ಗೋಪಾಂಗನೇಶಾಯ ವಕ್ಷಃ ಪಾತು ಸದಾ ಮಮ || ೯ ||
ಓಂ ಗೋಪೇಶಾಯ ಸ್ವಾಹೇತಿ ಸ್ಕಂಧಂ ಪಾತು ಸದಾ ಮಮ |
ನಮಃ ಕಿಶೋರವೇಷಾಯ ಸ್ವಾಹಾ ಪೃಷ್ಠಂ ಸದಾಽವತು || ೧೦ ||
ಉದರಂ ಪಾತು ಮೇ ನಿತ್ಯಂ ಮುಕುಂದಾಯ ನಮಃ ಸದಾ |
ಓಂ ಹ್ರೀಂ ಕ್ಲೀಂ ಕೃಷ್ಣಾಯ ಸ್ವಾಹೇತಿ ಕರೌ ಪಾತು ಸದಾ ಮಮ || ೧೧ ||
ಓಂ ವಿಷ್ಣವೇ ನಮೋ ಬಾಹುಯುಗ್ಮಂ ಪಾತು ಸದಾ ಮಮ |
ಓಂ ಹ್ರೀಂ ಭಗವತೇ ಸ್ವಾಹಾ ನಖರಂ ಪಾತು ಮೇ ಸದಾ || ೧೨ ||
ಓಂ ನಮೋ ನಾರಾಯಣಾಯೇತಿ ನಖರಂಧ್ರಂ ಸದಾಽವತು |
ಓಂ ಹ್ರೀಂ ಹ್ರೀಂ ಪದ್ಮನಾಭಾಯ ನಾಭಿಂ ಪಾತು ಸದಾ ಮಮ || ೧೩ ||
ಓಂ ಸರ್ವೇಶಾಯ ಸ್ವಾಹೇತಿ ಕಂಕಾಲಂ ಪಾತು ಮೇ ಸದಾ |
ಓಂ ಗೋಪೀರಮಣಾಯ ಸ್ವಾಹಾ ನಿತಂಬಂ ಪಾತು ಮೇ ಸದಾ || ೧೪ ||
ಓಂ ಗೋಪೀರಮಣನಾಥಾಯ ಪಾದೌ ಪಾತು ಸದಾ ಮಮ |
ಓಂ ಹ್ರೀಂ ಶ್ರೀಂ ರಸಿಕೇಶಾಯ ಸ್ವಾಹಾ ಸರ್ವಂ ಸದಾಽವತು || ೧೫ ||
ಓಂ ಕೇಶವಾಯ ಸ್ವಾಹೇತಿ ಮಮ ಕೇಶಾನ್ ಸದಾಽವತು |
ನಮಃ ಕೃಷ್ಣಾಯ ಸ್ವಾಹೇತಿ ಬ್ರಹ್ಮರಂಧ್ರಂ ಸದಾಽವತು || ೧೬ ||
ಓಂ ಮಾಧವಾಯ ಸ್ವಾಹೇತಿ ಮೇ ಲೋಮಾನಿ ಸದಾಽವತು |
ಓಂ ಹ್ರೀಂ ಶ್ರೀಂ ರಸಿಕೇಶಾಯ ಸ್ವಾಹಾ ಸರ್ವಂ ಸದಾಽವತು || ೧೭ ||
ಪರಿಪೂರ್ಣತಮಃ ಕೃಷ್ಣಃ ಪ್ರಾಚ್ಯಾಂ ಮಾಂ ಸರ್ವದಾಽವತು |
ಸ್ವಯಂ ಗೋಲೋಕನಾಥೋ ಮಾಮಾಗ್ನೇಯಾಂ ದಿಶಿ ರಕ್ಷತು || ೧೮ ||
ಪೂರ್ಣಬ್ರಹ್ಮಸ್ವರೂಪಶ್ಚ ದಕ್ಷಿಣೇ ಮಾಂ ಸದಾಽವತು |
ನೈರೃತ್ಯಾಂ ಪಾತು ಮಾಂ ಕೃಷ್ಣಃ ಪಶ್ಚಿಮೇ ಪಾತು ಮಾಂ ಹರಿಃ || ೧೯ ||
ಗೋವಿಂದಃ ಪಾತು ಮಾಂ ಶಶ್ವದ್ವಾಯವ್ಯಾಂ ದಿಶಿ ನಿತ್ಯಶಃ |
ಉತ್ತರೇ ಮಾಂ ಸದಾ ಪಾತು ರಸಿಕಾನಾಂ ಶಿರೋಮಣಿಃ || ೨೦ ||
ಐಶಾನ್ಯಾಂ ಮಾಂ ಸದಾ ಪಾತು ವೃಂದಾವನವಿಹಾರಕೃತ್ |
ವೃಂದಾವನೀಪ್ರಾಣನಾಥಃ ಪಾತು ಮಾಮೂರ್ಧ್ವದೇಶತಃ || ೨೧ ||
ಸದೈವ ಮಾಧವಃ ಪಾತು ಬಲಿಹಾರೀ ಮಹಾಬಲಃ |
ಜಲೇ ಸ್ಥಲೇ ಚಾಂತರಿಕ್ಷೇ ನೃಸಿಂಹಃ ಪಾತು ಮಾಂ ಸದಾ || ೨೨ ||
ಸ್ವಪ್ನೇ ಜಾಗರಣೇ ಶಶ್ವತ್ ಪಾತು ಮಾಂ ಮಾಧವಃ ಸದಾ |
ಸರ್ವಾಂತರಾತ್ಮಾ ನಿರ್ಲಿಪ್ತಃ ಪಾತು ಮಾಂ ಸರ್ವತೋ ವಿಭುಃ || ೨೩ ||
ಇತಿ ತೇ ಕಥಿತಂ ವತ್ಸ ಸರ್ವಮಂತ್ರೌಘವಿಗ್ರಹಮ್ |
ತ್ರೈಲೋಕ್ಯವಿಜಯಂ ನಾಮ ಕವಚಂ ಪರಮಾದ್ಭುತಮ್ || ೨೪ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಗಣಪತಿಖಂಡೇ ಏಕತ್ರಿಂಶತ್ತಮೋಽಧ್ಯಯೇ ಶ್ರೀ ಕೃಷ್ಣ ಕವಚಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
