Read in తెలుగు / ಕನ್ನಡ / தமிழ் / देवनागरी / English (IAST)
ನರನಾರಾಯಣಾವೂಚತುಃ |
ನಮಸ್ತೇ ಗಣನಾಥಾಯ ಭಕ್ತಸಂರಕ್ಷಕಾಯ ತೇ |
ಭಕ್ತೇಭ್ಯೋ ಭಕ್ತಿದಾತ್ರೇ ವೈ ಹೇರಂಬಾಯ ನಮೋ ನಮಃ || ೧ ||
ಅನಾಥಾನಾಂ ವಿಶೇಷೇಣ ನಾಥಾಯ ಗಜವಕ್ತ್ರಿಣೇ |
ಚತುರ್ಬಾಹುಧರಾಯೈವ ಲಂಬೋದರ ನಮೋಽಸ್ತು ತೇ || ೨ ||
ಢುಂಢಯೇ ಸರ್ವಸಾರಾಯ ನಾನಾಭೇದಪ್ರಚಾರಿಣೇ |
ಭೇದಹೀನಾಯ ದೇವಾಯ ನಮಶ್ಚಿಂತಾಮಣೇ ನಮಃ || ೩ ||
ಸಿದ್ಧಿಬುದ್ಧಿಪತೇ ತುಭ್ಯಂ ಸಿದ್ಧಿಬುದ್ಧಿಸ್ವರೂಪಿಣೇ |
ಯೋಗಾಯ ಯೋಗನಾಥಾಯ ಶೂರ್ಪಕರ್ಣಾಯ ತೇ ನಮಃ || ೪ ||
ಸಗುಣಾಯ ನಮಸ್ತುಭ್ಯಂ ನಿರ್ಗುಣಾಯ ಪರಾತ್ಮನೇ |
ಸರ್ವಪೂಜ್ಯಾಯ ಸರ್ವಾಯ ದೇವದೇವಾಯ ತೇ ನಮಃ || ೫ ||
ಬ್ರಹ್ಮಣಾಂ ಬ್ರಹ್ಮಣೇ ತುಭ್ಯಂ ಸದಾ ಶಾಂತಿಪ್ರದಾಯಕ |
ಸುಖಶಾಂತಿಧರಾಯೈವ ನಾಭಿಶೇಷಾಯ ತೇ ನಮಃ || ೬ ||
ಪೂರ್ಣಾಯ ಪೂರ್ಣನಾಥಾಯ ಪೂರ್ಣಾನಂದಾಯ ತೇ ನಮಃ |
ಯೋಗಮಾಯಾಪ್ರಚಾಲಾಯ ಖೇಲಕಾಯ ನಮೋ ನಮಃ || ೭ ||
ಅನಾದಯೇ ನಮಸ್ತುಭ್ಯಮಾದಿಮಧ್ಯಾಂತಮೂರ್ತಯೇ |
ಸ್ರಷ್ಟ್ರೇ ಪಾತ್ರೇ ಚ ಸಂಹರ್ತ್ರೇ ಸಿಂಹವಾಹಾಯ ತೇ ನಮಃ || ೮ ||
ಗತಾಭಿಮಾನಿನಾಂ ನಾಥಸ್ತ್ವಮೇವಾತ್ರ ನ ಸಂಶಯಃ |
ತೇನ ಹೇರಂಬನಾಮಾಽಸಿ ವಿನಾಯಕ ನಮೋಽಸ್ತು ತೇ || ೯ ||
ಕಿಂ ಸ್ತುವಸ್ತ್ವಾಂ ಗಣಾಧೀಶ ಯೋಗಾಭೇದಮಯಂ ಪರಮ್ |
ಅತಸ್ತ್ವಾಂ ಪ್ರಣಮಾವೋ ವೈ ತೇನ ತುಷ್ಟೋ ಭವ ಪ್ರಭೋ || ೧೦ ||
ಏವಮುಕ್ತ್ವಾ ನತೌ ತತ್ರ ನರನಾರಾಯಣಾವೃಷೀ |
ತಾವುತ್ಥಾಪ್ಯ ಗಣೇಶಾನ ಉವಾಚ ಘನನಿಸ್ವನಃ || ೧೧ ||
ಹೇರಂಬ ಉವಾಚ |
ವರಂ ಚಿತ್ತೇಪ್ಸಿತಂ ದಾಸ್ಯಾಮಿ ಬ್ರೂತಂ ಭಕ್ತಿಯಂತ್ರಿತಃ |
ಮಹಾಭಾಗಾವಾದಿಮುನೀ ಯೋಗಮಾರ್ಗಪ್ರಕಾಶಕೌ || ೧೨ ||
ಭವತ್ಕೃತಮಿದಂ ಸ್ತೋತ್ರಂ ಮಮ ಪ್ರೀತಿಕರಂ ಭವೇತ್ |
ಪಠತೇ ಶೃಣ್ವತೇ ಚೈವ ಭುಕ್ತಿಮುಕ್ತಿಪ್ರದಂ ತಥಾ || ೧೩ ||
ಯದ್ಯದಿಚ್ಛತಿ ತತ್ತದ್ವೈ ದಾಸ್ಯಾಮಿ ಸ್ತೋತ್ರಪಾಠತಃ |
ಮಮ ಭಕ್ತಿಪ್ರದಂ ಚೈವ ಭವಿಷ್ಯತಿ ಸುಸಿದ್ಧಿದಮ್ || ೧೪ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ತೃತೀಯೇಖಂಡೇ ನರನಾರಾಯಣಕೃತಾ ಶ್ರೀ ಹೇರಂಬ ಸ್ತುತಿಃ ||
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
