Read in తెలుగు / ಕನ್ನಡ / தமிழ் / देवनागरी / English (IAST)
ಸುವರ್ಣವರ್ಣಸುಂದರಂ ಸಿತೈಕದಂತಬಂಧುರಂ
ಗೃಹೀತಪಾಶಕಾಂಕುಶಂ ವರಪ್ರದಾಽಭಯಪ್ರದಮ್ |
ಚತುರ್ಭುಜಂ ತ್ರಿಲೋಚನಂ ಭುಜಂಗಮೋಪವೀತಿನಂ
ಪ್ರಫುಲ್ಲವಾರಿಜಾಸನಂ ಭಜಾಮಿ ಸಿಂಧುರಾನನಮ್ || ೧ ||
ಕಿರೀಟಹಾರಕುಂಡಲಂ ಪ್ರದೀಪ್ತಬಾಹುಭೂಷಣಂ
ಪ್ರಚಂಡರತ್ನಕಂಕಣಂ ಪ್ರಶೋಭಿತಾಂಘ್ರಿಯಷ್ಟಿಕಮ್ |
ಪ್ರಭಾತಸೂರ್ಯಸುಂದರಾಂಬರದ್ವಯಪ್ರಧಾರಿಣಂ
ಸರಲಹೇಮನೂಪುರಂ ಪ್ರಶೋಭಿತಾಂಘ್ರಿಪಂಕಜಮ್ || ೨ ||
ಸುವರ್ಣದಂಡಮಂಡಿತಪ್ರಚಂಡಚಾರುಚಾಮರಂ
ಗೃಹಪ್ರತೀರ್ಣಸುಂದರಂ ಯುಗಕ್ಷಣಂ ಪ್ರಮೋದಿತಮ್ |
ಕವೀಂದ್ರಚಿತ್ತರಂಜಕಂ ಮಹಾವಿಪತ್ತಿಭಂಜಕಂ
ಷಡಕ್ಷರಸ್ವರೂಪಿಣಂ ಭಜೇದ್ಗಜೇಂದ್ರರೂಪಿಣಮ್ || ೩ ||
ವಿರಿಂಚಿವಿಷ್ಣುವಂದಿತಂ ವಿರೂಪಲೋಚನಸ್ತುತಿಂ
ಗಿರೀಶದರ್ಶನೇಚ್ಛಯಾ ಸಮರ್ಪಿತಂ ಪರಾಶಯಾ |
ನಿರಂತರಂ ಸುರಾಸುರೈಃ ಸಪುತ್ರವಾಮಲೋಚನೈಃ
ಮಹಾಮಖೇಷ್ಟಮಿಷ್ಟಕರ್ಮಸು ಭಜಾಮಿ ತುಂದಿಲಮ್ || ೪ ||
ಮದೌಘಲುಬ್ಧಚಂಚಲಾರ್ಕಮಂಜುಗುಂಜಿತಾರವಂ
ಪ್ರಬುದ್ಧಚಿತ್ತರಂಜಕಂ ಪ್ರಮೋದಕರ್ಣಚಾಲಕಮ್ |
ಅನನ್ಯಭಕ್ತಿಮಾನವಂ ಪ್ರಚಂಡಮುಕ್ತಿದಾಯಕಂ
ನಮಾಮಿ ನಿತ್ಯಮಾದರೇಣ ವಕ್ರತುಂಡನಾಯಕಮ್ || ೫ ||
ದಾರಿದ್ರ್ಯವಿದ್ರಾವಣಮಾಶು ಕಾಮದಂ
ಸ್ತೋತ್ರಂ ಪಠೇದೇತದಜಸ್ರಮಾದರಾತ್ |
ಪುತ್ರೀಕಲತ್ರಸ್ವಜನೇಷು ಮೈತ್ರೀ
ಪುಮಾನ್ಮವೇದೇಕವರಪ್ರಸಾದಾತ್ || ೬ ||
ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ಶ್ರೀ ಗಣಪತಿ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
