Read in తెలుగు / ಕನ್ನಡ / தமிழ் / देवनागरी / English (IAST)
ಕೃಷ್ಣಾವೇಣೀಪಂಚಗಂಗಾಯುತಿಸ್ಥಂ
ಶ್ರೀಪಾದಂ ಶ್ರೀವಲ್ಲಭಂ ಭಕ್ತಹೃತ್ಸ್ಥಮ್ |
ದತ್ತಾತ್ರೇಯಂ ಪಾದುಕಾರೂಪಿಣಂ ತಂ
ವಂದೇ ವಿದ್ಯಾಂ ಶಾಲಿನೀಂ ಸಂಗೃಣಂತಮ್ || ೧ ||
ಉಪೇಂದ್ರವಜ್ರಾಯುಧಪೂರ್ವದೇವೈಃ
ಸಪೂರ್ವದೇವೈರ್ಮುನಿಭಿಶ್ಚ ಗೀತಮ್ |
ನೃಸಿಂಹಸಂಜ್ಞಂ ನಿಗಮಾಗಮಾದ್ಯಂ
ಗಮಾಗಮಾದ್ಯಂತಕರಂ ಪ್ರಪದ್ಯೇ || ೨ ||
ಪರಿಹೃತನತಜೂರ್ತಿಃ ಸ್ವೀಯಕಾಮಪ್ರಪೂರ್ತಿ-
-ರ್ಹೃತನಿಜಭಜಕಾರ್ತಿಃ ಸಚ್ಚಿದಾನಂದಮೂರ್ತಿಃ |
ಸದಯಹೃದಯವರ್ತೀ ಯೋಗವಿಚ್ಚಕ್ರವರ್ತೀ
ಸ ಜಯತಿ ಯತಿರಾಟ್ ದಿಙ್ಮಾಲಿನೀ ಯಸ್ಯ ಕೀರ್ತಿಃ || ೩ ||
ದ್ರುತವಿಲಂಬಿತಕರ್ಮವಿಚಾರಣಾ
ಫಲಸುಸಿದ್ಧಿರತೋಽಮರಭಾಗ್ಜನಃ |
ಅನುಭವತ್ಯಕಮೇವ ತದುದ್ಧೃತೌ
ಹರಿರಿಹಾವಿರಭೂತ್ಪದರೂಪ್ಯಸೌ || ೪ ||
ವಿದ್ಯುನ್ಮಾಲಾತುಲ್ಯಾ ಸಂಪತ್ಪ್ರಾಙ್ಮಧ್ಯಾಂತೇಽಪ್ಯಸ್ಯಾ ಆಪತ್ |
ತತ್ತೇ ಧಾರ್ಯಂ ಜ್ಯೋತಿರ್ನಿತ್ಯಂ ಧ್ಯಾನೇ ಮೇಽಸ್ತು ಬ್ರಹ್ಮನ್ ಸತ್ಯಮ್ || ೫ ||
ತ್ರಿದ್ವಾರಂ ತವ ಭವನಂ ಬಹುಪ್ರದೀಪಂ
ವಿಘ್ನೇಶಾಮರಪತಿಯೋಗಿನೀಮರುಜ್ಜೈಃ |
ಜಾಹ್ನವ್ಯಾವೃತಮಭಿತೋಽನ್ನಪೂರ್ಣಯಾ ಚ
ಸ್ಮೃತ್ವಾ ಮೇ ಭವತಿ ಮತಿಃ ಪ್ರಹರ್ಷಿಣೀಯಮ್ || ೬ ||
ತತಿಂ ದ್ವಿಜಾನಾಂ ಶಿವಸೋಪಜಾತಿಂ
ಪುಷ್ಣಾತಿ ಕೃಷ್ಣಾಽತ್ರ ವಿನಷ್ಟತೃಷ್ಣಾ |
ಅವಾಕ್ಪ್ರವಾಹಾಽನುಮತಾಶಿವಾಹಾ
ಯಾ ಸಾಽಷ್ಟತೀರ್ಥಾ ಸ್ಮೃತಿಮೇತು ಸಾರ್ಥಾ || ೭ ||
ಕಲೌ ಮಲೌಘಾಂತಕರಂ ಕರಂಜ-
-ಪುರೇ ವರೇ ಜಾತಮಕಾಮಕಾಮಮ್ |
ಚರಾಚರಾದ್ಯಂ ಭುವನಾವನಾರ್ಥಂ
ಕ್ಷಣೇ ಕ್ಷಣೇ ಸಜ್ಜನತಾನತಾಂಘ್ರಿಮ್ || ೮ ||
ಭುಜಂಗಪ್ರಯಾತಾದ್ಗುಣೋತ್ಥಾದಿವಾಸ್ಮಾ-
-ದ್ಭವಾದ್ಭೀತ ಆಗತ್ಯ ನ ತ್ಯಕ್ತುಮಿಚ್ಛೇತ್ |
ನೃಸಿಂಹಸ್ಯ ವಾಟ್ಯಾಂ ಪ್ರಭೋ ರಾಜಧಾನ್ಯಾಂ
ಸ ಯಾಯಾತ್ಸುಧನ್ಯಾಂ ಗತಿಂ ಲೋಕಮಾನ್ಯಾಮ್ || ೯ ||
ಇತಿ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ದತ್ತ ಪಾದುಕಾಷ್ಟಕಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
