Read in తెలుగు / ಕನ್ನಡ / தமிழ் / देवनागरी / English (IAST)
ಗಂಗಾಧರಂ ಶಶಿಧರಂ ಉಮಾಕಾಂತಂ ಜಗತ್ಪ್ರಭುಮ್ |
ದಧತಂ ಜ್ಞಾನಮುದ್ರಾಂ ಚ ದಕ್ಷಿಣಾಮೂರ್ತಿಮಾಶ್ರಯೇ || ೧ ||
ಆಗತಂ ಮುನಿಶಾರ್ದೂಲಂ ನಾರದಂ ಜ್ಞಾನದಂ ಸದಾ |
ದೃಷ್ಟ್ವಾ ರಾಜಾ ಮಹಾಬಾಹುಃ ಸೂರ್ಯವಂಶಸಮುದ್ಭವಃ |
ಹರಿಶ್ಚಂದ್ರಾಭಿಧೋ ನತ್ವಾ ಪ್ರೋವಾಚೇದಂ ಶುಚಿಸ್ಮಿತಃ || ೨ ||
ಹರಿಶ್ಚಂದ್ರ ಉವಾಚ |
ದೇವರ್ಷೇ ಶ್ರೋತುಮಿಚ್ಛಾಮಿ ಕವಚಂ ಮಂತ್ರವಿಗ್ರಹಮ್ |
ದಕ್ಷಿಣಾಮೂರ್ತಿದೇವಸ್ಯ ವದ ಮೇ ನಾರದ ಪ್ರಭೋ || ೩ ||
ನಾರದ ಉವಾಚ |
ಶೃಣು ರಾಜನ್ ಪ್ರವಕ್ಷ್ಯಾಮಿ ಸರ್ವಸಂಪತ್ಪ್ರದಾಯಕಮ್ |
ದಕ್ಷಿಣಾಮೂರ್ತಿದೇವಸ್ಯ ಕವಚಂ ಮಂಗಳಾಲಯಮ್ || ೪ ||
ಯಸ್ಯ ಶ್ರವಣಮಾತ್ರೇಣ ಚಾಷ್ಟಸಿದ್ಧಿರ್ಭವಿಷ್ಯತಿ |
ರಾಜ್ಯಸಿದ್ಧಿರ್ಮಂತ್ರಸಿದ್ಧಿರ್ವಿದ್ಯಾಸಿದ್ಧಿರ್ಮಹೇಶ್ವರ || ೫ ||
ಭವತ್ಯಚಿರಕಾಲೇನ ದಕ್ಷಿಣಾಮೂರ್ತಿವರ್ಮತಃ |
ಪುರಾ ವೈಕುಂಠನಿಲಯಂ ಭಗವಂತಂ ಮುರಾಂತಕಮ್ || ೬ ||
ಚತುರ್ಬಾಹುಮನಾದ್ಯಂತಂ ಅಚ್ಯುತಂ ಪೀತವಾಸಸಮ್ |
ಶಂಖಚಕ್ರಗದಾಪದ್ಮಧಾರಿಣಂ ವನಮಾಲಿನಮ್ || ೭ ||
ಸೃಷ್ಟಿಸ್ಥಿತ್ಯುಪಸಂಹಾರಹೇತುಭೂತಂ ಸನಾತನಮ್ |
ಸರ್ವಮಂತ್ರಮಯಂ ದೇವಂ ಶೈವಾಗಮಪರಾಯಣಮ್ || ೮ ||
ಶೈವದೀಕ್ಷಾಪರಂ ನಿತ್ಯಂ ಶೈವತತ್ತ್ವಪರಾಯಣಮ್ |
ದಕ್ಷಿಣಾಮೂರ್ತಿ ದೇವಸ್ಯ ಮಂತ್ರೋಪಾಸನತತ್ಪರಮ್ |
ಕಮಲಾ ಪ್ರಣತಾ ಭೂತ್ವಾ ಪಪ್ರಚ್ಛ ವಿನಯಾನ್ವಿತಮ್ || ೯ ||
ಶ್ರೀಮಹಾಲಕ್ಷ್ಮೀರುವಾಚ |
ನಾರಾಯಣ ಜಗನ್ನಾಥ ಸರ್ವಮಂಗಳದಾಯಕ |
ದಕ್ಷಿಣಾಮೂರ್ತಿ ದೇವಸ್ಯ ಕವಚಂ ವದ ಮೇ ಪ್ರಭೋ || ೧೦ ||
ಶ್ರೀನಾರಾಯಣ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ಕವಚಂ ಪರಮಾದ್ಭುತಮ್ |
ಅತ್ಯಂತಗೋಪಿತಂ ದೇವಿ ಸರ್ವತಂತ್ರೇಷುಸಿದ್ಧಿದಮ್ || ೧೧ ||
ದಕ್ಷಿಣಾಮೂರ್ತಿದೇವಸ್ಯ ಸರ್ವಜ್ಞಾನೋದಯಸ್ಯ ಚ |
ತ್ರೈಲೋಕ್ಯಸಂಮೋಹನಾಖ್ಯಂ ಬ್ರಹ್ಮಮಂತ್ರೌಘವಿಗ್ರಹಮ್ || ೧೨ ||
ಸರ್ವಪಾಪಪ್ರಶಮನಂ ಭೂತೋಚ್ಚಾಟನಕಾರಕಮ್ |
ಜಯಪ್ರದಂ ಭೂಪತೀನಾಂ ಸರ್ವಸಿದ್ಧಿಪ್ರದಾಯಕಮ್ || ೧೩ ||
ಲಕ್ಷ್ಮೀವಿದ್ಯಾಪ್ರದಂ ಭದ್ರೇ ಸುಖಸಾಧನಮುತ್ತಮಮ್ |
ಕವಚಸ್ಯಾಸ್ಯ ದೇವೇಶಿ ಋಷಿರ್ಬ್ರಹ್ಮಾ ಪ್ರಕೀರ್ತಿತಃ || ೧೪ ||
ಗಾಯತ್ರೀಚ್ಛಂದ ಆದಿಷ್ಟ ದೇವತಾ ದಕ್ಷಿಣಾಭಿದಃ |
ವಿಷ್ಟಪತ್ರಯಸಂಮೋಹಜನನಾಯಾಷ್ಟಸಿದ್ಧಿಷು |
ನ್ಯಾಸೋ ಮೂಲೇನ ವೈ ಕಾರ್ಯಸ್ತತೋ ಮಂತ್ರಾರ್ಣಕಂ ಚರೇತ್ || ೧೫ ||
ಅಸ್ಯ ಶ್ರೀದಕ್ಷಿಣಾಮೂರ್ತಿ ತ್ರೈಲೋಕ್ಯಸಂಮೋಹನ ಕವಚ ಮಹಾಮಂತ್ರಸ್ಯ ಬ್ರಹ್ಮಾ ಋಷಿಃ ಗಾಯತ್ರೀ ಛಂದಃ ತ್ರೈಲೋಕ್ಯಸಂಮೋಹನನಾಮಕ ಶ್ರೀದಕ್ಷಿಣಾಮೂರ್ತಿರ್ದೇವತಾ ಹ್ರೀಂ ಬೀಜಂ ನಮಃ ಶಕ್ತಿಃ ಓಂ ಕೀಲಕಂ ಮಮ ತ್ರೈಲೋಕ್ಯಸಂಮೋಹನ ಸಕಲಸಾಮ್ರಾಜ್ಯದಾಯಕ ಶ್ರೀದಕ್ಷಿಣಾಮೂರ್ತಿ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ನ್ಯಾಸಃ –
ಓಂ ನಮೋ ಭಗವತೇ ದಕ್ಷಿಣಾಮೂರ್ತಯೇ – ಅಂಗುಷ್ಠಾಭ್ಯಾಂ ನಮಃ |
ತುಭ್ಯಂ – ತರ್ಜನೀಭ್ಯಾಂ ನಮಃ |
ಜಗದ್ವಶ್ಯಕರಾಯ ಚ – ಮಧ್ಯಮಾಭ್ಯಾಂ ನಮಃ |
ತ್ರೈಲೋಕ್ಯಸಂಮೋಹನಾಯ – ಅನಾಮಿಕಾಭ್ಯಾಂ ನಮಃ |
ನಮಃ – ಕನಿಷ್ಠಿಕಾಭ್ಯಾಂ ನಮಃ |
ಸದ್ಗತಿದಾಯಿನೇ – ಕರತಲಕರಪೃಷ್ಠಾಭ್ಯಾಂ ನಮಃ |
ಏವಂ ಹೃದಯಾದಿನ್ಯಾಸಃ ||
ಅಕ್ಷರನ್ಯಾಸಃ –
ಓಂ ದಂ – ಶಿರಸಿ | ಓಂ ಕ್ಷಿಂ – ದಕ್ಷಿಣನೇತ್ರೇ | ಓಂ ಣಾಂ – ವಾಮನೇತ್ರೇ | ಓಂ ಮೂಂ – ದಕ್ಷಿಣಕರ್ಣೇ | ಓಂ ರ್ತಂ – ವಾಮಕರ್ಣೇ | ಓಂ ಯೇಂ – ದಕ್ಷಿಣನಾಸಿಕಾಯಾಮ್ | ಓಂ ತುಂ – ವಾಮನಾಸಿಕಾಯಾಮ್ | ಓಂ ಭ್ಯಂ – ದಕ್ಷಿಣಗಂಡೇ | ಓಂ ಜಂ – ವಾಮಗಂಡೇ | ಓಂ ಗಂ – ಊರ್ಧ್ವದಂತಪಂಕ್ತೌ | ಓಂ ದ್ವಂ – ಅಧೋದಂತಪಕ್ತೌ | ಓಂ ಶ್ಯಂ – ಊರ್ಧ್ವೋಷ್ಠೇ | ಓಂ ಕಂ – ಅಧರೋಷ್ಠೇ | ಓಂ ರಾಂ – ಕಂಠೇ | ಓಂ ಯಂ – ಹೃದಿ | ಓಂ ಚಂ – ದಕ್ಷಬಾಹೌ | ಓಂ ತ್ರೈಂ – ವಾಮಬಾಹೌ | ಓಂ ಲೋಂ – ಕುಕ್ಷೌ | ಓಂ ಕ್ಯಂ – ಪೃಷ್ಠೇ | ಓಂ ಸಂ – ನಾಭೌ | ಓಂ ಮೋಂ – ಜಠರೇ | ಓಂ ಹಂ – ಲಿಂಗೇ | ಓಂ ನಾಂ – ಮೂಲಾಧಾರೇ | ಓಂ ಯಂ – ದಕ್ಷಜಾನೌ | ಓಂ ನಂ – ವಾಮಜಾನೌ | ಓಂ ಮೋಂ – ದಕ್ಷೋರೌ | ಓಂ ಸಂ – ವಾಮೋರೌ | ಓಂ ದ್ಗಂ – ಜಂಘಯೋಃ | ಓಂ ತಿಂ – ದಕ್ಷಿಣಪಾರ್ಷ್ಣೌ | ಓಂ ದಾಂ – ವಾಮಪಾರ್ಷ್ಣೌ | ಓಂ ಯಿಂ – ದಕ್ಷಪಾದೇ | ಓಂ ನೇಂ – ವಾಮಪಾದೇ |
ಧ್ಯಾನಮ್ –
ಧ್ಯಾಯೇನ್ನಿತ್ಯಂ ನಿರೀಹಂ ನಿರುಪಮಮಕಳಂ ಜ್ಯೋತಿರಾನಂದಕಂದಂ
ಸಚ್ಚಿದ್ಬ್ರಹ್ಮಾಮೃತಾಖ್ಯಂ ನಿರತಿಶಯಸುಖಂ ನಿರ್ಗುಣಂ ನಿರ್ವಿಕಾರಮ್ |
ವಿಶ್ವಾತ್ಮಾಕಾರಮೇಕಂ ವಿದಳಿತಕಲುಷಂ ದುಸ್ತರಾಜ್ಞಾನಧರ್ಮಾ-
-ನಿರ್ಮುಕ್ತಾತ್ಮಸ್ವರೂಪಂ ಶಿವಮನಿಶಮಹಂ ಪೂರ್ಣಬೋಧೈಕರೂಪಮ್ ||
ಏವಂ ಧ್ಯಾತ್ವಾ ರಮಾದೇವಿ ಪಂಚಪೂಜಾಂ ಸಮಾಚರೇತ್ ||
ಮನುಃ –
ಓಂ | ದಕ್ಷಿಣಾಮೂರ್ತಯೇ ತುಭ್ಯಂ ಜಗದ್ವಶ್ಯಕರಾಯ ಚ |
ತ್ರೈಲೋಕ್ಯಸಂಮೋಹನಾಯ ನಮಃ ಸದ್ಗತಿದಾಯಿನೇ || ೧ ||
ಏವಂ ದ್ವಾತ್ರಿಂಶದ್ವರ್ಣಾಖ್ಯಂ ಮಂತ್ರಂ ಸಮ್ಯಗ್ಜಪೇತ್ ಪ್ರಿಯೇ |
ತತಸ್ತು ಪ್ರಪಠೇದ್ದೇವಿ ಕವಚಂ ಮಂತ್ರವಿಗ್ರಹಮ್ || ೨ ||
ಕವಚಂ –
ಓಂ | ಪ್ರಣವೋ ಮೇ ಶಿರಃ ಪಾತು ತಾರಕೋ ಬ್ರಹ್ಮಸಂಜ್ಞಿಕಃ |
ಓಂ ದಕ್ಷಿಣಾಮೂರ್ತಯೇ ತು ತಥಾ ತುಭ್ಯಂ ತತಃ ಪರಮ್ || ೩ ||
ಜಗದ್ವಶ್ಯಕರಾಯ ತ್ರೈಲೋಕ್ಯಸಂಮೋಹನಾಯ ಚ |
ನಮಸ್ತಥಾ ಸದ್ಗತೀತಿ ದಾಯಿನೇ ಚ ಪದಂ ತತಃ || ೪ ||
ದ್ವಾತ್ರಿಂಶದ್ವರ್ಣಕಂ ಮಂತ್ರಂ ಮುಖಂ ವೃತ್ತಂ ಸದಾಽವತು |
ಓಂ ನಮೋ ಭಗವತೇತಿ ದಕ್ಷಿಣಾಮೂರ್ತಯೇತಿ ಚ || ೫ ||
ಮಹ್ಯಂ ಮೇಧಾಂ ತಥಾ ಪ್ರಜ್ಞಾಂ ಪ್ರಯಚ್ಛೇತಿ ಪದಂ ತತಃ |
ಸ್ವಾಹಾಪದಾನ್ವಿತಂ ಮಂತ್ರಂ ಚತುರ್ವಿಂಶಾರ್ಣಕಂ ಸದಾ || ೬ ||
ದಕ್ಷಿಣಂ ನೇತ್ರಕಂ ಪಾತು ಸರ್ವಸಂಪತ್ಪ್ರದಾಯಕಮ್ |
ಓಂ ಐಂ ನಮಃ ಕ್ಲೀಂ ಶಿವಾಯ ಸೌಃ ಪದೇನ ಸಮನ್ವಿತಮ್ || ೭ ||
ನವಾರ್ಣಂ ಪಾತು ಸತತಂ ವಾಮನೇತ್ರಂ ಸುಖಪ್ರದಮ್ |
ಪ್ರಣವೇನ ಸಮಾಯುಕ್ತಂ ಮಾಯಯಾ ಚ ಸಮನ್ವಿತಮ್ || ೮ ||
ದಕ್ಷಿಣಾಮೂರ್ತಯೇ ತುಭ್ಯಂ ವಟಮೂಲನಿವಾಸಿನೇ |
ಧ್ಯಾನೈಕನಿರತಾಂಗಾಯ ನಮೋ ರುದ್ರಾಯ ಶಂಭವೇ || ೯ ||
ಮಾಯಾತಾರಾನ್ವಿತಂ ಮಂತ್ರಂ ಷಟ್ತ್ರಿಂಶದ್ವರ್ಣಸಂಯುತಮ್ |
ಮಮ ನೇತ್ರದ್ವಯಂ ಪಾತು ಸರ್ವಸೌಭಾಗ್ಯದಾಯಕಮ್ || ೧೦ ||
ಓಂ ನಮೋ ಭಗವತೇ ಚೈವ ದಕ್ಷಿಣಾಮೂರ್ತಯೇತಿ ಚ |
ಹಂಸಃ ಸೋಽಹಂ ತಥಾ ಮಹ್ಯಂ ಮೇಧಾಂ ಪ್ರಜ್ಞಾಂ ತತಃ ಪರಮ್ || ೧೧ ||
ಪ್ರಯಚ್ಛ ಸ್ವಾಹಾ ಚ ತಥಾ ಚಾಷ್ಟಾವಿಂಶಾರ್ಣಕೋ ಮನುಃ |
ಮಮ ಕರ್ಣದ್ವಯಂ ಪಾತು ಸದಾ ರಾಜ್ಯಫಲಪ್ರದಃ || ೧೨ ||
ಪ್ರಣವೇನ ಸಮಾಯುಕ್ತೋ ಮಾಯಯಾ ಚ ಸಮನ್ವಿತಃ |
ವಾಗ್ಭವೇನ ಸಮಾಯುಕ್ತೋ ಐಂ ಹ್ರೀಮಿತಿ ಸಮನ್ವಿತಃ || ೧೩ ||
ವಿದ್ಯಾರಾಶಿಸ್ರವನ್ಮೇಷು ಸ್ಫುರದೂರ್ಮಿಗಣೋಲ್ಬಣಃ |
ಉಮಾಸಾರ್ಧಶರೀರಾಯ ನಮಸ್ತೇ ಪರಮಾತ್ಮನೇ || ೧೪ ||
ಸಪ್ತತ್ರಿಂಶಾರ್ಣಕಃ ಪಾತು ಮನುರ್ನಾಸಾದ್ವಯಂ ಮಮ |
ಪ್ರಣವೇನ ಸಮಾಯುಕ್ತಃ ಮಾಯಾಬೀಜಸಮನ್ವಿತಃ || ೧೫ ||
ಅಜ್ಞಾನೇಂಧನದೀಪ್ತಾಯ ಜ್ಞಾನಾಗ್ನಿಜ್ವಲದೀಪ್ತಯೇ |
ಆನಂದಾಜ್ಯಹವಿಃಪ್ರೀತ ಸದ್ಜ್ಞಾನಂ ಚ ಪ್ರಯಚ್ಛ ಮೇ || ೧೬ ||
ದ್ವಾತ್ರಿಂಶದ್ವರ್ಣಸಂಯುಕ್ತೋ ಲಕುಟಾಖ್ಯಮಹೇಶಿತುಃ |
ಮನುಃ ಫಾಲನೇತ್ರಯುಗ್ಮಂ ಪಾಯಾನ್ಮಮ ಸುಖಪ್ರದಃ || ೧೭ ||
ಓಂ ಹ್ರೀಂ ಹ್ರಾಂ ಬೀಜಯುತಂ ಚ ಸರ್ವಮಂಗಳದಾಯಕಮ್ |
ದಕ್ಷಿಣಾಮೂರ್ತಯೇ ತುಭ್ಯಂ ವಟಮೂಲನಿವಾಸಿನೇ || ೧೮ ||
ಧ್ಯಾನೈಕನಿರತಾಂಗಾಯ ನಮೋ ರುದ್ರಾಯ ಶಂಭವೇ |
ಓಂ ಹ್ರಾಂ ಹ್ರೀಂ ಓಮಿತಿ ಚ ತಥಾ ವಟಮೂಲಾಖ್ಯಕಂ ಶುಭಮ್ || ೧೯ ||
ಕಂಠಂ ಪಾಯಾನ್ಮಮ ಸದಾ ಅಷ್ಟತ್ರಿಂಶಾಕ್ಷರಾಭಿಧಃ |
ಪ್ರಣವೇನ ಸಮಾಯುಕ್ತೋ ವಾಗ್ಭವೇನ ಸಮನ್ವಿತಃ || ೨೦ ||
ಮಾಯಾಬೀಜಸಮಾಯುಕ್ತಃ ಸೌಃ ಕಾರೇಣ ಸಮನ್ವಿತಃ |
ಮನುರ್ಮಮೋದರಂ ಪಾತು ಸದಾ ವಾಗೀಶ್ವರಾಭಿದಃ || ೨೧ ||
ಪಾರ್ಶ್ವಯೋರುಭಯೋಸ್ತಾರಂ ಮಾಯಾಬೀಜಾನ್ವಿತಂ ಸದಾ |
ಪಾಯಾದೇಕಾರ್ಣಕಂ ಮಂತ್ರಂ ನಾಭಿಂ ಮಮ ಮಹೇಶಿತುಃ || ೨೨ ||
ವಾಗೀಶ್ವರಾಯೇತಿ ಪದಂ ವಿದ್ಮಹೇತಿ ಪದಂ ತತಃ |
ವಿದ್ಯಾವಾಸಾಯೇತಿ ಪದಂ ಧೀಮಹೀತಿ ಪದಂ ತತಃ || ೨೩ ||
ತನ್ನೋ ದಕ್ಷಿಣಾಮೂರ್ತಿಶ್ಚ ಪ್ರಚೋದಯಾತ್ತತಃ ಪರಮ್ |
ಗಾಯತ್ರೀ ದಕ್ಷಿಣಾಮೂರ್ತೇಃ ಪಾತು ಪಾದದ್ವಯಂ ಮಮ || ೨೪ ||
ಓಂ ನಮೋ ಭಗವತೇತಿ ಶಿರಃ ಪಾಯಾತ್ಸದಾ ಮಮ |
ಹ್ರಾಂ ದಕ್ಷಿಣಾಮೂರ್ತಯೇತಿ ನಮೋ ಮುಖಂ ಸದಾಽವತು || ೨೫ ||
ಹ್ರೀಂ ದಕ್ಷಿಣಾಮೂರ್ತಯೇತಿ ನಮೋಽವ್ಯಾದ್ದಕ್ಷಿಣಾದಿಕಮ್ |
ಹ್ರೂಂ ದಕ್ಷಿಣಾಮೂರ್ತಯೇತಿ ನಮೋ ನೇತ್ರಂ ತು ವಾಮಕಮ್ || ೨೬ ||
ಹ್ರೈಂ ದಕ್ಷಿಣಾಮೂರ್ತಯೇತಿ ನಮೋಽವ್ಯಾನ್ನೇತ್ರಯುಗ್ಮಕಮ್ |
ಹ್ರೌಂ ದಕ್ಷಿಣಾಮೂರ್ತಯೇತಿ ನಮೋ ದಕ್ಷಿಣಕರ್ಣಕಮ್ || ೨೭ ||
ಹ್ರಃ ದಕ್ಷಿಣಾಮೂರ್ತಯೇತಿ ನಮೋಽವ್ಯಾದ್ವಾಮಕರ್ಣಕಮ್ |
ದ್ರಾಂ ದಕ್ಷಿಣಾಮೂರ್ತಯೇತಿ ನಮೋಽವ್ಯಾದ್ಗಂಡಯುಗ್ಮಕಮ್ || ೨೮ ||
ದ್ರೀಂ ದಕ್ಷಿಣಾಮೂರ್ತಯೇತಿ ನಮೋಽವ್ಯಾದ್ದಕ್ಷನಾಸಿಕಾಮ್ |
ದ್ರೂಂ ದಕ್ಷಿಣಾಮೂರ್ತಯೇತಿ ನಮೋಽವ್ಯಾದ್ವಾಮನಾಸಿಕಾಮ್ || ೨೯ ||
ದ್ರೈಂ ದಕ್ಷಿಣಾಮೂರ್ತಯೇತಿ ನಮಃ ಫಾಲಂ ಸದಾ ಮಮ |
ದ್ರೌಂ ದಕ್ಷಿಣಾಮೂರ್ತಯೇತಿ ನಮಃ ಶ್ರೋತ್ರದ್ವಯೇಽವತು || ೩೦ ||
ದ್ರಃ ದಕ್ಷಿಣಾಮೂರ್ತಯೇತಿ ನಮಸ್ತ್ವಂಸದ್ವಯಂ ಮಮ |
ಕ್ಲಾಂ ದಕ್ಷಿಣಾಮೂರ್ತಯೇತಿ ನಮೋ ಬಾಹುದ್ವಯೇಽವತು || ೩೧ ||
ಕ್ಲೀಂ ದಕ್ಷಿಣಾಮೂರ್ತಯೇತಿ ನಮಃ ಶ್ರೋತದ್ವಯೇಽವತು |
ಕ್ಲೂಂ ದಕ್ಷಿಣಾಮೂರ್ತಯೇತಿ ನಮೋ ನಾಭಿಂ ಸದಾಽವತು || ೩೨ ||
ಕ್ಲೈಂ ದಕ್ಷಿಣಾಮೂರ್ತಯೇತಿ ಜಾನುಯುಗ್ಮಂ ಸದಾಽವತು |
ಕ್ಲೌಂ ದಕ್ಷಿಣಾಮೂರ್ತಯೇತಿ ನಮಃ ಪಾದದ್ವಯಂ ಮಮ || ೩೩ ||
ಪಾದದ್ವಯಂ ದಕ್ಷಿಣಾಸ್ಯಃ ಪಾತು ಮೇ ಜಗತಾಂ ಪ್ರಭುಃ |
ಗುಲ್ಫದ್ವಯಂ ಜಗನ್ನಾಥಂ ಪಾತು ಮೇ ಪಾರ್ವತೀಪತಿಃ || ೩೪ ||
ಊರುದ್ವಯಂ ಮಹಾದೇವೋ ಜಾನುಯುಗ್ಮಂ ಜಗತ್ಪ್ರಭುಃ |
ಗುಹ್ಯದೇಶಂ ಮಧುಧ್ವಂಸೀ ನಾಭಿಂ ಪಾತು ಪುರಾಂತಕಃ || ೩೫ ||
ಕುಕ್ಷಿಂ ಪಾತು ಜಗದ್ರೂಪೀ ಸ್ತನಯುಗ್ಮಂ ತ್ರಿಲೋಚನಃ |
ಕರದ್ವಯಂ ಶೂಲಪಾಣಿಃ ಸ್ಕಂಧೌ ಪಾತು ಶಿವಾಪ್ರಿಯಃ || ೩೬ ||
ಶ್ರೀಕಂಠಃ ಪಾತು ಮೇ ಕಂಠಂ ಮುಖಂ ಪದ್ಮಾಸನೋಽವತು |
ನೇತ್ರಯುಗ್ಮಂ ತ್ರಿನೇತ್ರೋಽವ್ಯಾನ್ನಾಸಾಂ ಪಾತು ಸದಾಶಿವಃ || ೩೭ ||
ವೇದಸ್ತುತೋ ಮೇ ಶ್ರವಣೇ ಫಾಲಂ ಪಾತು ಮಹಾಬಲಃ |
ಶಿರೋ ಮೇ ಭಗವಾನ್ ಪಾತು ಕೇಶಾನ್ ಸರ್ವೇಶ್ವೇರೋಽವತು || ೩೮ ||
ಪ್ರಾಚ್ಯಾಂ ರಕ್ಷತು ಲೋಕೇಶಸ್ತ್ವಾಗ್ನೇಯ್ಯಾಂ ಪಾತು ಶಂಕರಃ |
ದಕ್ಷಿಣಸ್ಯಾಂ ಜಗನ್ನಾಥೋ ನೈರೃತ್ಯಾಂ ಪಾರ್ವತೀಪತಿಃ || ೩೯ ||
ಪ್ರತೀಚ್ಯಾಂ ತ್ರಿಪುರಧ್ವಂಸೀ ವಾಯವ್ಯಾಂ ಪಾತು ಸರ್ವಗಃ |
ಉತ್ತರಸ್ಯಾಂ ದಿಶಿ ಸದಾ ಕುಬೇರಸ್ಯ ಸಖಾ ಮಮ || ೪೦ ||
ಐಶಾನ್ಯಾಮೀಶ್ವರಃ ಪಾತು ಸರ್ವತಃ ಪಾತು ಸರ್ವಗಃ |
ಶಿಖಾಂ ಜಟಾಧರಃ ಪಾತು ಶಿರೋ ಗಂಗಾಧರೋಽವತು || ೪೧ ||
ಫಾಲಂ ಪಾಯಾತ್ ತ್ರಿನೇತ್ರೋ ಮೇ ಭೃವೌ ಪಾಯಾಜ್ಜಗನ್ಮಯಃ |
ತ್ರ್ಯಕ್ಷೋ ನೇತ್ರದ್ವಯಂ ಪಾತು ಶ್ರುತೀ ಶ್ರುತಿಶಿಖಾಮಯಃ || ೪೨ ||
ಸುರಶ್ರೇಷ್ಠೋ ಮುಖಂ ಪಾತು ನಾಸಾಂ ಪಾತು ಶಿವಾಪತಿಃ |
ಜಿಹ್ವಾಂ ಮೇ ದಕ್ಷಿಣಾಮೂರ್ತಿಃ ಹನೂ ಪಾತು ಮಹಾಬಲಃ || ೪೩ ||
ಪಾತು ಕಂಠಂ ಜಗದ್ಗರ್ಭಃ ಸ್ಕಂಧೌ ಪರಮರೂಪಧೃತ್ |
ಕರೌ ಪಾತು ಮಹಾಪ್ರಾಜ್ಞೋ ಭಕ್ತಸಂರಕ್ಷಣೇ ರತಃ || ೪೪ ||
ಈಶಾನೋ ಹೃದಯಂ ಪಾತು ಮಧ್ಯಂ ಸೂಕ್ಷ್ಮಸ್ವರೂಪಧೃತ್ |
ಮಹಾತ್ಮಾ ಪಾತು ಮೇ ನಾಭಿಂ ಕಟಿಂ ಪಾತು ಹರಿಪ್ರಿಯಃ || ೪೫ ||
ಪಾತು ಗುಹ್ಯಂ ಮಹಾದೇವೋ ಮೇಢ್ರಂ ಪಾತು ಸುರೇಶ್ವರಃ |
ಊರುದ್ವಯಂ ದಕ್ಷಿಣಾಸ್ಯೋ ಜಾನುಯುಗ್ಮಂ ಸುಜಾನುಭೃತ್ || ೪೬ ||
ಪಾತು ಜಂಘೇ ಮಮ ಹರಃ ಪಾದೌ ಪಾತು ಸದಾಶಿವಃ |
ಮಮ ಪಾತ್ವಖಿಲಂ ದೇಹಂ ಸರ್ವದೈವತಪೂಜಿತಃ || ೪೭ ||
ವಸ್ತಿಂ ರಕ್ಷತು ಗೌರೀಶಃ ಪಾಯು ರಕ್ಷತು ಮಂಗಳಃ |
ಕೈಲಾಸನಿಲಯಃ ಪಾತು ಗೃಹಂ ಮೇ ಭೂತಭಾವನಃ || ೪೮ ||
ಅಷ್ಟಮೂರ್ತಿಃ ಸದಾ ಪಾತು ಭಕ್ತಾನ್ ಭೃತ್ಯಾನ್ ಸದಾಶಿವಃ |
ಲಕ್ಷ್ಮೀಪ್ರದಃ ಶ್ರಿಯಂ ಪಾತು ಆಸೀನಂ ಪಾತು ಸರ್ವಗಃ || ೪೯ ||
ಪಾಯಾತ್ಪುರಾರಿರ್ಘೋರೇಭ್ಯಃ ಭಯೇಭ್ಯಃ ಪಾತು ಮಾಂ ಹರಃ |
ಉದಯೇ ಪಾತು ಭಗವಾನ್ ಪ್ರಥಮೇ ಪ್ರಹರೇ ಹರಃ || ೫೦ ||
ಯಾಮೇ ದ್ವಿತೀಯೇ ಗಿರಿಶಃ ಆವರ್ತೇ ದಕ್ಷಿಣಾಮುಖಃ |
ಯಾಮೇ ತೃತೀಯೇ ಭೂತೇಶಶ್ಚಂದ್ರಮೌಳಿಶ್ಚತುರ್ಥಕೇ || ೫೧ ||
ನಿಶಾದೌ ಜಗತಾಂ ನಾಥಸ್ತ್ವರ್ಧರಾತ್ರೇ ಶಿವೋಽವತು |
ನಿಶಾ ತೃತೀಯಯಾಮೇ ಮಾಂ ಪಾತು ಗಂಗಾಧರೋ ಹರಃ || ೫೨ ||
ಪ್ರಭಾತಾಯಾಂ ದಯಾಸಿಂಧುಃ ಪಾಯಾನ್ಮಾಂ ಪಾರ್ವತೀಪತಿಃ |
ಸುಪ್ತಂ ಮಾಂ ಪಾತು ಜಟಿಲಃ ವಿಸುಪ್ತಂ ಫಣಿಭೂಷಣಃ || ೫೩ ||
ಶ್ರೀಕಂಠಃ ಪಾತು ಮಾಂ ಮಾರ್ಗೇ ಗ್ರಾಮೇತ್ವನ್ಯತ್ರ ಶೂಲಭೃತ್ |
ಕಿರಾತಃ ಪಾತು ಗಹನೇ ಶೈಲೇ ಶೈಲಸುತಾಪತಿಃ || ೫೪ ||
ವೀಧ್ಯಾಂ ಪಾತು ಮಹಾಬಾಹುಃ ಪಿನಾಕೀ ಪಾತು ಮಾಂ ರಣೇ |
ಜಲೇ ಪಶುಪತಿಃ ಪಾತು ಸ್ಥಲೇ ಪಾತು ಸ್ಥಲಾಧಿಪಃ || ೫೫ ||
ಪುರ್ಯಾಂ ಪುರಾಧಿಪಃ ಪಾತು ದುರ್ಗೇ ದುರ್ಗಾಮನೋಹರಃ |
ಪಾಯಾದ್ವೃಕ್ಷಸಮೀಪೇ ಮಾಂ ನಕ್ಷತ್ರಾಧಿಪಭೂಷಣಃ || ೫೬ ||
ಪ್ರಾಸಾದೇ ಭಿತ್ತಿದೇಶೇ ವಾ ನಿರ್ಘಾತೇ ವಾ ಶನೌ ತಥಾ |
ಸರ್ವಕಾಲೇ ಸರ್ವದೇಶೇ ಪಾತು ಮಾಂ ದಕ್ಷಿಣಾಮುಖಃ || ೫೭ ||
ಪೂರ್ವದೇಶೋಪದ್ರವೇಭ್ಯಃ ಪಾತು ಮಾಂ ಪಾರ್ವತೀಪ್ರಿಯಃ |
ಆಗ್ನೇಯೀಭ್ಯಃ ತಥಾ ರುದ್ರೋ ಯಾಮ್ಯೇಭ್ಯಃ ಪಾತು ಮೃತ್ಯುಹಾ || ೫೮ ||
ನೈರೃತೇಭ್ಯಃ ಪಾತು ಹರಃ ಪಶ್ಚಿಮೇಭ್ಯೋ ರಮಾರ್ಚಿತಃ |
ವಾಯವ್ಯೇಭ್ಯೋ ದೇವದೇವಃ ಕೌಬೇರೇಭ್ಯೋ ನಿಧಿಪ್ರಿಯಃ || ೫೯ ||
ಐಶಾನೇಭ್ಯೋ ರುದ್ರಮೂರ್ತಿಃ ಪಾತು ಮಾಮೂರ್ಧ್ವತಃ ಪ್ರಭುಃ |
ಅಧಸ್ತೇಭ್ಯೋ ಭೂತನಾಥಃ ಪಾತು ಮಾಮಾದಿಪೂರುಷಃ || ೬೦ ||
ಇತಿ ಕವಚಂ ಬಾಲೇ ಸರ್ವಮಂತ್ರೌಘವಿಗ್ರಹಮ್ |
ತ್ರೈಲೋಕ್ಯಸಂಮೋಹನಾಖ್ಯಾಂ ದಕ್ಷಿಣಾಮೂರ್ತಿಶರ್ಮಣಃ || ೬೧ ||
ಪ್ರಾತಃಕಾಲೇ ಪಠೇದ್ಯಸ್ತು ಸೋಽಭೀಷ್ಟಫಲಮಾಪ್ನುಯಾತ್ |
ಪೂಜಾಕಾಲೇ ಪಠೇದ್ಯಸ್ತು ಕವಚಂ ಸಾಧಕೋತ್ತಮಃ || ೬೨ ||
ಕೀರ್ತಿಂ ಶ್ರಿಯಂ ಚ ಮೇಧಾಂ ಚ ಪ್ರಜ್ಞಾಂ ಪ್ರಾಪ್ನೋತಿ ಮಾನವಃ |
ಶ್ರೀದಕ್ಷಿಣಾಮೂರ್ತಿಮಂತ್ರಮಯಂ ದೇವಿ ಮಯೋದಿತಮ್ || ೬೩ ||
ಗುರುಮಭ್ಯರ್ಚ್ಯ ವಿಧಿವತ್ಕವಚಂ ಪ್ರಪಠೇತ್ತತಃ |
ದ್ವಿಃ ಸಕೃದ್ವಾ ಯಥಾ ನ್ಯಾಯಂ ಸೋಽಪಿ ಪುಣ್ಯವತಾಂ ನರಃ || ೬೪ ||
ದೇವಮಭ್ಯರ್ಚ್ಯ ವಿಧಿವತ್ಪುರಶ್ಚರ್ಯಾಂ ಸಮಾಚರೇತ್ |
ಅಷ್ಟೋತ್ತರಶತಂ ಜಪ್ತ್ವಾ ದಶಾಂಶಂ ಹೋಮಮಾಚರೇತ್ || ೬೫ ||
ತತಸ್ತು ಸಿದ್ಧಕವಚೀ ಸರ್ವಕಾರ್ಯಾಣಿ ಸಾಧಯೇತ್ |
ಮಂತ್ರಸಿದ್ಧಿರ್ಭವೇತ್ತಸ್ಯ ಪುರಶ್ಚರ್ಯಾಂ ವಿನಾ ತತಃ || ೬೬ ||
ಗದ್ಯಪದ್ಯಮಯೀ ವಾಣೀ ತಸ್ಯ ವಕ್ತ್ರೇ ಪ್ರವರ್ತತೇ |
ವಕ್ತ್ರೇ ತಸ್ಯ ವಸೇದ್ವಾಣೀ ಕಮಲಾ ನಿಶ್ಚಲಾ ಗೃಹೇ || ೬೭ ||
ಪುಷ್ಪಾಂಜಲ್ಯಷ್ಟಕಂ ದತ್ವಾ ಮೂಲೇನೈವ ಪಠೇತ್ತತಃ |
ಅಪಿ ವರ್ಷಸಹಸ್ರಾಣಿ ಪೂಜಾಯಾಃ ಫಲಮಾಪ್ನುಯಾತ್ || ೬೮ ||
ವಿಲಿಖ್ಯ ಭೂರ್ಜಪತ್ರೇ ವಾ ಸ್ವರ್ಣೇ ವಾ ಧಾರಯೇದ್ಯದಿ |
ಕಂಠೇ ವಾ ದಕ್ಷಿಣೇ ಬಾಹೌ ಸ ಕುರ್ಯಾತ್ ಸ್ವವಶಂ ಜಗತ್ || ೬೯ ||
ತ್ರೈಲೋಕ್ಯಂ ಕ್ಷೋಭಯತ್ಯೇವ ತ್ರೈಲೋಕ್ಯವಿಜಯೀ ಭವೇತ್ |
ತದ್ಗಾತ್ರಂ ಪ್ರಾಪ್ಯ ಶಸ್ತ್ರಾಣಿ ಬ್ರಹ್ಮಾಸ್ತ್ರಾದೀನಿ ಯಾನಿ ಚ || ೭೦ ||
ಕೌಸುಮಾನೀವ ಮಾಲ್ಯಾನಿ ಸುಗಂಧಾನಿ ಭವಂತಿ ಹಿ |
ಸ್ವಧಾಮ್ನೋತ್ಸೃಜ್ಯ ಭವನೇ ಲಕ್ಷ್ಮೀರ್ವಾಣೀ ಮುಖೇ ವಸೇತ್ || ೭೧ ||
ಇದಂ ಕವಚಮಜ್ಞಾತ್ವಾ ಯೋ ಜಪೇನ್ಮಂತ್ರನಾಯಕಮ್ |
ಶತಲಕ್ಷಂ ಪ್ರಜಪ್ತೋಽಪಿ ನ ಮಂತ್ರಃ ಸಿದ್ಧಿದಾಯಕಃ || ೭೨ ||
ಸ ಶಸ್ತ್ರಘಾತಮಾಪ್ನೋತಿ ಸೋಽಚಿರಾನ್ಮೃತ್ಯುಮಾಪ್ನುಯಾತ್ |
ತಸ್ಮಾತ್ ಸರ್ವಪ್ರಯತ್ನೇನ ಕವಚಂ ಪ್ರಪಠೇತ್ ಸುಧೀಃ || ೭೩ ||
ನಾರದ ಉವಾಚ |
ಏವಮುಕ್ತ್ವಾ ರಮಾನಾಥೋ ಮಂತ್ರಂ ಲಕ್ಷ್ಮ್ಯೈ ದದೌ ಹರಿಃ |
ತತೋ ದದೌ ಜಗನ್ನಾಥಃ ಕವಚಂ ಮಂತ್ರವಿಗ್ರಹಮ್ || ೭೪ ||
ತತೋ ಜಜಾಪ ಕಮಲಾ ಸರ್ವಸಂಪತ್ ಸಮೃದ್ಧಯೇ |
ತಸ್ಮಾದ್ರಾಜೇಂದ್ರ ಕವಚಂ ಗೃಹಾಣ ಪ್ರದದಾಮಿ ತೇ || ೭೫ ||
ತಸ್ಯ ಸ್ಮರಣಮಾತ್ರೇಣ ಜಗದ್ವಶ್ಯಂ ಭವಿಷ್ಯತಿ |
ಇತ್ಯುಕ್ತ್ವಾ ನಾರದಋಷಿಃ ಹರಿಶ್ಚಂದ್ರಂ ನರೇಶ್ವರಮ್ |
ತತೋ ಯಯೌ ಸ್ವೈರಗತಿಃ ಕೈಲಾಸಂ ಪ್ರತಿ ನಾರದಃ || ೭೬ ||
ಇತಿ ಶ್ರೀದಕ್ಷಿಣಾಮೂರ್ತಿಸಂಹಿತಾಯಾಮುತ್ತರಭಾಗೇ ಸ್ತೋತ್ರಖಂಡೇ ಲಕ್ಷ್ಮೀನಾರಾಯಣ ಸಂವಾದೇ ಶ್ರೀ ದಕ್ಷಿಣಾಮೂರ್ತಿ ತ್ರೈಲೋಕ್ಯಸಂಮೋಹನ ಕವಚಂ ನಾಮ ಚತುಶ್ಚತ್ವಾರಿಂಶೋಽಧ್ಯಾಯಃ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
