Read in తెలుగు / ಕನ್ನಡ / தமிழ் / देवनागरी / English (IAST)
ನಮೋಽಸ್ತು ಬುದ್ಧಾಯ ವಿಶುದ್ಧಬೋಧಯೇ
ವಿಶುದ್ಧಧರ್ಮಪ್ರತಿಭಾಸಬುದ್ಧಯೇ |
ಸದ್ಧರ್ಮಪುಣ್ಯೋಪಗತಾನುಬುದ್ಧಯೇ
ಭವಾಗ್ರಶೂನ್ಯಾಯ ವಿಶುದ್ಧಬುದ್ಧಯೇ || ೧ ||
ಅಹೋ ಅಹೋ ಬುದ್ಧಮನಂತತೇಜಸಂ
ಅಹೋ ಅಹೋ ಸಾಗರಮೇರುಗುಲ್ಮಮ್ |
ಅಹೋ ಅಹೋ ಬುದ್ಧಮನಂತಗೋಚರಮ್
ಔದುಂಬರಂ ಪುಷ್ಪಮಿವಾತಿದುರ್ಲಭಮ್ || ೨ ||
ಅಹೋ ಮಹಾಕಾರುಣಿಕಸ್ತಥಾಗತಃ
ಅಹೋ ಅಹೋ ಶಾಕ್ಯಕುಲಸ್ಯ ಕೇತುಃ |
ಅಹೋ ಪ್ರಣಮ್ಯಃ ಸ ನರೇಂದ್ರಸೂರ್ಯೋ
ಯೇನೇದೃಶಂ ಭಾಷಿತಸೂತ್ರಮುತ್ತಮಮ್ || ೩ ||
ಅನುಗ್ರಹಾರ್ಥಂ ಸ ಹಿ ಸರ್ವಸತ್ತ್ವಾನ್
ಸದ್ಧರ್ಮಚರ್ಯಾಮುಪದಿಶ್ಯ ನೂನಮ್ |
ಶಾಂತೇಶ್ವರಃ ಶಾಕ್ಯಮುನಿಸ್ತಥಾಗತಃ
ಸತ್ತ್ವೋತ್ತಮಃ ಶಾಂತಪುರಂ ಪ್ರವಿಷ್ಟಃ || ೪ ||
ಗಂಭೀರಶಾಂತಂ ವಿರಜಾಸಮಾಧಿ-
-ಪದಂ ಪ್ರವಿಷ್ಟೇ ಜಿನಬುದ್ಧಗೋಚರೇ |
ಶೂನ್ಯಾಶ್ಚ ಕಾಯಾಸ್ತ್ವಥ ಶ್ರಾವಕಾಣಾಂ
ಶೂನ್ಯಾ ವಿಹಾರಾ ದ್ವಿಪದೋತ್ತಮಾನಾಮ್ || ೫ ||
ತೇ ಸರ್ವಧರ್ಮಾ ಪ್ರಕೃತಿಶ್ಚ ಶೂನ್ಯಾ
ಸತ್ತ್ವಾ ಹಿ ಶೂನ್ಯಾ ನಹಿ ಜಾತು ವಿದ್ಯತೇ || ೬ ||
ನಿತ್ಯಂ ಚ ನಿತ್ಯಂ ಚ ಜಿನಂ ಸ್ಮರಾಮಿ
ನಿತ್ಯಂ ಚ ಶೋಚಾಮಿ ಜಿನಸ್ಯ ದರ್ಶನಮ್ |
ನಿತ್ಯಂ ಚ ನಿತ್ಯಂ ಪ್ರಣಿಧಿಂ ಕರೋಮಿ
ಸಂಬುದ್ಧಪೂಜ್ಯಸ್ಯ ಚ ದರ್ಶನಾರ್ಥಮ್ || ೭ ||
ಸ್ಥಾಪ್ಯೇಹ ನಿತ್ಯಂ ಧರಣೀಷು ಜಾನು
ಶೋಕಾಭಿತಪ್ತೋ ಜಿನದರ್ಶನಾಯ |
ಓದಂತಕಾರುಣ್ಯವಿನಾಯಕಸ್ತ್ವ-
-ಮತೀವ ತೃಷ್ಣಾ ಸುಗತಸ್ಯ ದರ್ಶನೇ || ೮ ||
ಸತಾಂ ವರೋ ಯದ್ವಿಜಹಾರ ನಿತ್ಯಂ
ದದಾಹಿ ಮೇ ದರ್ಶನತೋಯಶೀತಲಮ್ |
ಸತ್ತ್ವಾಃ ಸತೃಷ್ಣಾಸ್ತವ ರೂಪದರ್ಶನೇ
ಪ್ರಹ್ಲಾದಯೈನಾನ್ ಕರುಣಾಜಲೇನ || ೯ ||
ಕಾರುಣ್ಯಭಾವಂ ಕುರು ನಾಥ ನಾಯಕ
ದದಾಹಿ ಮೇ ದರ್ಶನಂ ಸೌಮ್ಯರೂಪಮ್ |
ತ್ವಂ ಪಾಹಿ ತ್ರಾತರ್ಜಗದೇಕದೇಶಿತಾ
ಶೂನ್ಯಾಶ್ಚ ಕಾಯಾಸ್ತ್ವಥ ಶ್ರಾವಕಾಣಾಮ್ || ೧೦ ||
ಆಕಾಶತುಲ್ಯಾ ಗಗನಸ್ವಭಾವಾ
ಮಾಯಾಮರೀಚ್ಯೋದಕಚಂದ್ರಕಾಯಾಃ |
ಸರ್ವೇ ಚ ಸತ್ತ್ವಾಃ ಸುಖಿತಸ್ವಭಾವಾ
ಭವಂತು ಭೋ ನಾಯಕ ತ್ವತ್ಪ್ರಸಾದಾತ್ || ೧೧ ||
ಇತಿ ಬೋಧಿಸತ್ತ್ವಸಮುಚ್ಚಯಾನಾಮ ಕುಲದೇವತಾ ವಿರಚಿತಂ ಶ್ರೀ ಬುದ್ಧ ಸ್ತೋತ್ರಮ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
