Read in తెలుగు / ಕನ್ನಡ / தமிழ் / देवनागरी / English (IAST)
ವಾ॒ಮ॒ದೇವಾ॒ಯ ನ॑ಮಃ – ಸ್ನಾನಮ್ ।
॥ ಪಞ್ಚಾಮೃತಸ್ನಾನಮ್ ॥
ಅಥ (ಪಞ್ಚಾಮೃತ ಸ್ನಾನಂ) ಪಞ್ಚಾಮೃತದೇವತಾಭ್ಯೋ ನಮಃ ।
ಧ್ಯಾನಾವಾಹನಾದಿ ಷೋಡಶೋಪಚಾರಪೂಜಾಸ್ಸಮರ್ಪಯಾಮಿ ।
ಶ್ರೀ ರುದ್ರ ಪ್ರೀತ್ಯರ್ಥಂ ಪಞ್ಚಾಮೃತಸ್ನಾನಂ ಕರಿಷ್ಯಾಮಃ ।
ಕ್ಷೀರಮ್ –
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑: ಸೋಮ॒ ವೃಷ್ಣಿ॑ಯಮ್ ।
ಭವಾ॒ ವಾಜ॑ಸ್ಯ ಸಙ್ಗ॒ಥೇ ॥
ಶ್ರೀ ರುದ್ರಾಯ ನಮಃ ಕ್ಷೀರೇಣ ಸ್ನಪಯಾಮಿ ।
// (ತೈ.ಸಂ.೩-೨-೫-೧೮) ಆ, ಪ್ಯಾಯಸ್ವ, ಸಂ, ಏತು, ತೇ, ವಿಶ್ವತಃ, ಸೋಮ, ವೃಷ್ಣಿಯಂ, ಭವ, ವಾಜಸ್ಯ, ಸಂ-ಗಥೇ //
ದಧಿ –
ದ॒ಧಿ॒ಕ್ರಾವ್ಣ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನ॑: ।
ಸು॒ರ॒ಭಿ ನೋ॒ ಮುಖಾ॑ ಕರ॒ತ್ಪ್ರಣ॒ ಆಯೂಗ್ಂ॑ಷಿ ತಾರಿಷತ್ ॥
ಶ್ರೀ ರುದ್ರಾಯ ನಮಃ । ದಧ್ನಾ ಸ್ನಪಯಾಮಿ ।
// (ತೈ.ಸಂ. ೭-೪-೧೯-೫೦) ದಧಿ, ಕ್ರಾವ್-ಣ್ಣಃ, ಅಕಾರಿಷಂ, ಜಿಷ್ಣೋಃ, ಅಶ್ವಸ್ಯ, ವಾಜಿನಃ, ಸುರಭಿ, ನಃ, ಮುಖಾ, ಕರತ್, ಪ್ರ-ನಃ, ಆಯೂಂಷಿ, ತಾರಿಷತ್ //
ಆಜ್ಯಮ್ –
ಶು॒ಕ್ರಮ॑ಸಿ॒ ಜ್ಯೋತಿ॑ರಸಿ॒ ತೇಜೋ॑ಸಿ ದೇ॒ವೋವ॑: ಸವಿ॒ತೋತ್ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒: ಸೂರ್ಯ॑ಸ್ಯ ರ॒ಶ್ಮಿಭಿ॑: ॥
ಶ್ರೀ ರುದ್ರಾಯ ನಮಃ । ಆಜ್ಯೇನ ಸ್ನಪಯಾಮಿ ।
// (ತೈ.ಸಂ. ೧-೧-೧೦-೧೮), ಶುಕ್ರಂ, ಅಸಿ, ಜ್ಯೋತಿಃ, ಅಸಿ, ತೇಜಃ, ಅಸಿ, ದೇವಃ, ವಃ, ಸವಿತಾ, ಉತ್, ಪುನಾತು, ಅಚ್ಛಿದ್ರೇಣ, ಪವಿತ್ರೇಣ, ವಸೋಃ, ಸೂರ್ಯಸ್ಯ, ರಶ್ಮಿ-ಭಿಃ //
ಮಧು –
ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರನ್ತಿ॒ ಸಿನ್ಧ॑ವಃ ।
ಮಾಧ್ವೀ᳚ರ್ನಃ ಸ॒ನ್ತ್ವೋಷ॑ಧೀಃ ॥
ಮಧು॒ ನಕ್ತ॑ಮು॒ತೋಷ॑ಸಿ॒ ಮಧು॑ಮ॒ತ್ಪಾರ್ಥಿ॑ವ॒ಗ್ಂ॒ ರಜ॑: ।
ಮಧು॒ ದ್ಯೌರ॑ಸ್ತು ನಃ ಪಿ॒ತಾ ॥
ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಗ್ಂ ಅಸ್ತು॒ ಸೂರ್ಯ॑: ।
ಮಾಧ್ವೀ॒ರ್ಗಾವೋ॑ ಭವನ್ತು ನಃ ॥
ಶ್ರೀ ರುದ್ರಾಯ ನಮಃ । ಮಧುನಾ ಸ್ನಪಯಾಮಿ ।
// (ತೈ.ಸಂ. ೪-೨-೯-೩೮) ಮಧು, ವಾತಾಃ, ಋತ-ಯತೇ, ಮಧು, ಕ್ಷರನ್ತಿ, ಸಿನ್ಧವಃ, ಮಾಧ್ವೀಃ, ನಃ, ಸನ್ತು, ಓಷಧೀಃ, ಮಧು, ನಕ್ತಂ, ಉತ, ಉಷಸಿ, ಮಧು-ಮತ್, ಪಾರ್ಥಿವಂ, ರಜಃ, ಮಧು, ದ್ಯೌಃ, ಅಸ್ತು, ನಃ, ಪಿತಾ, ಮಧು-ಮಾನ್, ನಃ, ವನಸ್ಪತಿಃ, ಮಧು-ಮಾನ್, ಅಸ್ತು, ಸೂರ್ಯಃ, ಮಾಧ್ವೀಃ, ಗಾವಃ, ಭವನ್ತು, ನಃ //
ಶರ್ಕರ –
ಸ್ವಾ॒ದುಃ ಪ॑ವಸ್ವ ದಿ॒ವ್ಯಾಯ॒ ಜನ್ಮ॑ನೇ ।
ಸ್ವಾ॒ದುರಿನ್ದ್ರಾ॑ಯ ಸು॒ಹವೀ॑ತು॒ ನಾಮ್ನೇ᳚ ।
ಸ್ವಾ॒ದುರ್ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ॒ ।
ಬೃಹ॒ಸ್ಪತ॑ಯೇ॒ ಮಧು॑ಮಾ॒ಗ್ಂ ಅದಾ᳚ಭ್ಯಃ ॥
ಶ್ರೀ ರುದ್ರಾಯ ನಮಃ । ಶರ್ಕರಯಾ ಸ್ನಪಯಾಮಿ ।
// (ಋ.ವೇ.೯-೮೫-೬) ಸ್ವಾದುಃ, ಪವಸ್ವ, ದಿವ್ಯಾಯ, ಜನ್ಮನೇ, ಸ್ವಾದುಃ, ಇನ್ದ್ರಾಯ, ಸುಹವೀತು ನಾಮ್ನೇ, ಸ್ವಾದುಃ, ಮಿತ್ರಾಯ, ವರುಣಾಯ, ವಾಯವೇ, ಬೃಹಸ್ಪತಯೇ, ಮಧು-ಮಾನ್, ಅದಾಭ್ಯಃ //
ಶ್ರೀ ರುದ್ರಾಯ ನಮಃ । ಪಞ್ಚಾಮೃತ ಸ್ನಾನಂ ಸಮರ್ಪಯಾಮಿ ।
॥ ವಿವಿಧ ದ್ರವ್ಯಾಭಿಷೇಕಮ್ ॥
ಶಙ್ಖೋದಕಮ್ –
ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ ।
ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥
ಯೋ ವ॑: ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ಹ ನ॑: ।
ಉ॒ಶ॒ತೀರಿ॑ವ ಮಾ॒ತ॑ರಃ ॥
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ ।
ಆಪೋ॑ ಜ॒ನಯ॑ಥಾ ಚ ನಃ ॥
ಶ್ರೀ ರುದ್ರಾಯ ನಮಃ । ಶಙ್ಖೋದಕೇನ ಸ್ನಪಯಾಮಿ ॥
// (ತೈ.ಸಂ. ೭-೪-೧೯-೫೦) ಆಪಃ, ಹಿ, ಸ್ಥ, ಮಯಃ-ಭುವಃ, ತಾಃ, ನಃ, ಊರ್ಜೇ, ದಧಾತನ, ಮಹೇ, ರಣಾಯ, ಚಕ್ಷಸೇ, ಯಃ, ವಃ, ಶಿವ-ತಮಃ, ರಸಃ, ತಸ್ಯ, ಭಾಜಯತ, ಇಹ, ನಃ, ಉಶತೀಃ, ಇವ, ಮಾತರಃ, ತಸ್ಮೈ, ಅರಂ, ಗಮಾಮ, ವಃ, ಯಸ್ಯ, ಕ್ಷಯಾಯ, ಜಿನ್ವಥ, ಆಪಃ, ಜನಯಥ, ಚ, ನಃ //
ಫಲೋದಕಮ್ –
ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾಯಾಶ್ಚ॑ ಪು॒ಷ್ಪಿಣೀ᳚: ।
ಬೃಹ॒ಸ್ಪತಿ॑ ಪ್ರಸೂತಾ॒ಸ್ತಾ ನೋ॑ ಮುಞ್ಚ॒ನ್ತ್ವಗ್ಂಹ॑ಸಃ ॥
ಶ್ರೀ ರುದ್ರಾಯ ನಮಃ । ಫಲೋದಕೇನ ಸ್ನಪಯಾಮಿ ।
// (ತೈ.ಸಂ.೪-೨-೬-೨೭) ಯಾಃ, ಫಲಿನೀಃ, ಯಾಃ, ಅಫಲಾಃ, ಅಪುಷ್ಪಾಃ, ಯಾಃ, ಚ, ಪುಷ್ಪಿಣೀಃ, ಬೃಹಸ್ಪತಿ-ಪ್ರಸೂತಾಃ, ತಾಃ, ನಃ, ಮುಞ್ಚನ್ತು, ಅಂ-ಹಸಃ //
ಗನ್ಧೋದಕಮ್ –
ಗ॒ನ್ಧ॒ದ್ವಾ॒ರಾಂ ದು॑ರಾಧ॒ರ್ಷಾಂ॒ ನಿ॒ತ್ಯಪು॑ಷ್ಟಾಂ ಕರೀ॒ಷಿಣೀ᳚ಮ್ ।
ಈ॒ಶ್ವರೀ॑ಗ್ಂ ಸರ್ವ॑ಭೂತಾ॒ನಾಂ॒ ತಾಮಿ॒ಹೋಪ॑ಹ್ವಯೇ॒ ಶ್ರಿಯಮ್ ॥
ಶ್ರೀ ರುದ್ರಾಯ ನಮಃ । ಗನ್ಧೋದಕೇನ ಸ್ನಪಯಾಮಿ ।
// (ತೈ.ಆ.೧೦-೧-೧೦) ಗನ್ಧ-ದ್ವಾರಾಂ, ದುರಾಧರ್ಷಾಂ, ನಿತ್ಯ-ಪುಷ್ಟಾಂ, ಕರೀಷಿಣೀಂ, ಈಶ್ವರೀಂ, ಸರ್ವಭೂತಾನಾಂ, ತಾಂ, ಇಹ, ಉಪಹ್ವಯೇ, ಶ್ರಿಯಂ //
ಪುಷ್ಪೋದಕಮ್ –
ಯೋ॑ಽಪಾಂ ಪುಷ್ಪಂ॒ ವೇದ॑ ।
ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ ।
ಚ॒ನ್ದ್ರಮಾ॒ ವಾ ಅ॒ಪಾಂ ಪುಷ್ಪ᳚ಮ್ ।
ಪುಷ್ಪ॑ವಾನ್ ಪ್ರ॒ಜಾವಾ᳚ನ್ ಪಶು॒ಮಾನ್ ಭ॑ವತಿ ॥
ಶ್ರೀ ರುದ್ರಾಯ ನಮಃ । ಪುಷ್ಪೋದಕೇನ ಸ್ನಪಯಾಮಿ ।
// (ತೈ.ಆ.೧-೨೨-೭೮) ಯಃ, ಅಪಾಂ, ಪುಷ್ಪಂ, ವೇದ, ಪುಷ್ಪ-ವಾನ್, ಪ್ರಜಾ-ವಾನ್, ಪಶು-ಮಾನ್, ಭವತಿ, ಚನ್ದ್ರಮ, ವಾ, ಅಪಾಂ, ಪುಷ್ಪಂ, ಪುಷ್ಪ-ವಾನ್, ಪ್ರಜಾ-ವಾನ್, ಪಶು-ಮಾನ್, ಭವತಿ //
ಅಕ್ಷತೋದಕಮ್ –
ಆಯ॑ನೇ ತೇ ಪ॒ರಾಯ॑ಣೇ॒ ದೂರ್ವಾ॑ ರೋಹನ್ತು ಪು॒ಷ್ಪಿಣೀ॑: ।
ಹ್ರ॒ದಾಶ್ಚ॑ ಪು॒ಣ್ಡರೀ॑ಕಾಣಿ ಸಮು॒ದ್ರಸ್ಯ॑ ಗೃ॒ಹಾ ಇ॒ಮೇ ॥
ಶ್ರೀ ರುದ್ರಾಯ ನಮಃ । ಅಕ್ಷತೋದಕೇನ ಸ್ನಪಯಾಮಿ ।
// (ಋ.ವೇ.೧೦-೧೪೨-೮) ಆ-ಅಯನೇ, ತೇ, ಪರಾ-ಅಯನೇ, ದೂರ್ವಾಃ, ರೋಹನ್ತು, ಪುಷ್ಪಿಣೀಃ, ಹ್ರದಾಃ, ಚ, ಪುಣ್ಡರೀಕಾಣಿ, ಸಮುದ್ರಸ್ಯ, ಗೃಹಾಃ, ಇಮೇ //
ಸುವರ್ಣೋದಕಮ್ –
ತಥ್ಸು॒ವರ್ಣ॒ಗ್ಂ॒ ಹಿರ॑ಣ್ಯಮಭವತ್ ।
ತಥ್ಸು॒ವರ್ಣ॑ಸ್ಯ॒ ಹಿರ॑ಣ್ಯಸ್ಯ॒ ಜನ್ಮ॑ ।
ಯ ಏ॒ವಗ್ಂ ಸು॒ವರ್ಣ॑ಸ್ಯ॒ ಹಿರ॑ಣ್ಯಸ್ಯ॒ ಜನ್ಮ॒ ವೇ॑ದ ।
ಸು॒ವರ್ಣ॑ ಆ॒ತ್ಮನಾ॑ ಭವತಿ ॥
ಶ್ರೀ ರುದ್ರಾಯ ನಮಃ । ಸುವರ್ಣೋದಕೇನ ಸ್ನಪಯಾಮಿ ।
// (ತೈ.ಬ್ರಾ.೨-೨-೪-೫-೨೫) ತತ್, ಸುವರ್ಣಂ, ಹಿರಣ್ಯಂ, ಅಭವತ್, ತತ್, ಸುವರ್ಣಸ್ಯ, ಹಿರಣ್ಯಸ್ಯ, ಜನ್ಮ, ಯ, ಏವಂ, ಸುವರ್ಣಸ್ಯ, ಹಿರಣ್ಯಸ್ಯ, ಜನ್ಮ, ವೇದ, ಸುವರ್ಣ, ಆತ್ಮನ, ಭವತಿ //
ರುದ್ರಾಕ್ಷೋದಕಮ್ –
ತ್ರ್ಯ॑ಮ್ಬಕಂ ಯಜಾಮಹೇ ಸುಗ॒ನ್ಧಿಂ ಪು॑ಷ್ಟಿ॒ ವರ್ಧ॑ನಂ ।
ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್ ॥
ಶ್ರೀ ರುದ್ರಾಯ ನಮಃ । ರುದ್ರಾಕ್ಷೋದಕೇನ ಸ್ನಪಯಾಮಿ ।
// (ತೈ.ಸಂ.೧-೭-೬-೧೧), ತ್ರಿ, ಅಮ್ಬಕಂ, ಯಜಾಮಹೇ, ಸುಗನ್ಧಿಂ, ಪುಷ್ಟಿ-ವರ್ಧನಂ, ಉರ್ವಾರುಕಂ, ಇವ, ಬನ್ಧನಾತ್, ಮೃತ್ಯೋಃ, ಮುಕ್ಷೀಯ, ಮಾ, ಅಮೃತಾತ್ //
ಭಸ್ಮೋದಕಮ್ –
ಮಾ ನೋ॑ ಮ॒ಹಾನ್ತ॑ಮು॒ತ ಮಾ ನೋ॑ ಅರ್ಭ॒ಕಂ
ಮಾ ನ॒ ಉಕ್ಷ॑ನ್ತಮು॒ತ ಮಾ ನ॑ ಉಕ್ಷಿ॒ತಮ್ ।
ಮಾ ನೋ॑ಽವಧೀಃ ಪಿ॒ತರಂ॒ ಮೋತ ಮಾ॒ತರಂ॑
ಪ್ರಿ॒ಯಾ ಮಾ ನ॑ಸ್ತ॒ನುವೋ॑ ರುದ್ರ ರೀರಿಷಃ ॥
ಶ್ರೀ ರುದ್ರಾಯ ನಮಃ । ಭಸ್ಮೋದಕೇನ ಸ್ನಪಯಾಮಿ ।
// (ತೈ.ಸಂ.೪-೫-೧೦-೨೨) ಮಾ, ನಃ, ಮಹಾನ್ತಂ, ಉತ, ಮಾ, ನಃ, ಅರ್ಭಕಂ, ಮಾ, ನಃ, ಉಕ್ಷನ್ತಂ, ಉತ, ಮಾ, ನಃ, ಉಕ್ಷಿತಂ, ಮಾ, ನಃ, ವಧೀಃ, ಪಿತರಂ, ಮಾ, ಉತ, ಮಾತರಂ, ಪ್ರಿಯಾಃ, ಮಾ, ನಃ, ತನುವಃ, ರುದ್ರ, ರೀರಿಷಃ //
ಬಿಲ್ವೋದಕಮ್ –
ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒
ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ ।
ವೀ॒ರಾನ್ಮಾ ನೋ॑ ರುದ್ರ ಭಾಮಿ॒ತೋಽವ॑ಧೀರ್ಹ॒ವಿಷ್ಮ॑ನ್ತೋ॒
ನಮ॑ಸಾ ವಿಧೇಮ ತೇ ॥
ಶ್ರೀ ರುದ್ರಾಯ ನಮಃ । ಬಿಲ್ವೋದಕೇನ ಸ್ನಪಯಾಮಿ ।
// (ತೈ.ಸಂ.೪-೫-೧೦-೨೨) ಮಾ, ನಃ, ತೋಕೇ, ತನಯೇ, ಮಾ, ನಃ, ಆಯುಷಿ, ಮಾ, ನಃ, ಗೋಷು, ಮಾ, ನಃ, ಅಶ್ವೇಷು, ರೀರಿಷಃ, ವೀರಾನ್, ಮಾ, ನಃ, ರುದ್ರ, ಭಾಮಿತಃ, ವಧೀಃ, ಹವಿಷ್ಮನ್ತಃ, ನಮಸಾ, ವಿಧೇಮ, ತೇ //
ದೂರ್ವೋದಕಮ್ –
ಕಾಣ್ಡಾ᳚ತ್ಕಾಣ್ಡಾತ್ ಪ್ರ॒ರೋಹ॑ನ್ತಿ ಪರು॑ಷಃಪರುಷ॒: ಪರಿ॑ ।
ಏ॒ವಾ ನೋ॑ ದೂರ್ವೇ॒ ಪ್ರ ತ॑ನು ಸ॒ಹಸ್ರೇ॑ಣ ಶ॒ತೇನ॑ ಚ ॥
ಶ್ರೀ ರುದ್ರಾಯ ನಮಃ । ದೂರ್ವೋದಕೇನ ಸ್ನಪಯಾಮಿ ।
// (ತೈ.ಸಂ.೪-೨-೯-೩೭) ಕಾಣ್ಡಾತ್-ಕಾಣ್ಡಾತ್, ಪ್ರ-ರೋಹನ್ತೀ, ಪರುಷಃ-ಪರುಷಃ, ಪರಿ, ಏವಾ, ನಃ, ದೂರ್ವೇ, ಪ್ರ, ತನು, ಸಹಸ್ರೇಣ, ಶತೇನ, ಚ //
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
